19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

manyaa;13819172:
انا جربتها بالزبادي و من غير بس بتطلع معايا بالزبادي أحلى عشان بتطلع طرية أكتر..

انا مش عارفة مقادرها بالضبط .. بس هي عجينة كدا بتعمليها و تسيبيها تخمر و تقسميها كور و تحشي كل كورة جبنة اي نوع تحبيه و ترصي الكور جنب بعض في الينية و تدخليها الفرن .. انا فاكرة انه حد هنا في المنتدى كان عاملها بس مش فاكرة مين .. حدورلك على اللينك و أجيبهولك...
صاحبتي كانت دايما تعملها لما نكون عاملين ديش بارتي و كانت بتعجبني اوي بس معرفتش اعملها و دايما افشل فيها :)
أهي يا قمر :)
http://forums.3roos.com/showthread.php?t=561982
هي بتتعمل بعجينة البيتزا برده ..

جزاكى الله خيرا يا قمر بس هى بتتعمل حلو يعنى انا كنت فاكراها بتتعمل حادق بس حلوه هجربها بردو

انا متبله فراخ بانيه وسايباها فى التلاجه
هعملها مشوية ليا فى التيفال وأقطعها وأعملها سلطة فراخ
وهعمل لجوزى كنتاكى وبفكر أدوقها ليوسف
وهعمل ليوسف لسان عصفور

رورو قوليلي هي الي جوزك جابها لمامتو هاند بلندر و لا اية بالظبط و ياتري فيها مضرب بيض و سرعتها اد اية و كانت فين بالظبط و سعرها كام معلش تعباكي معايا بس نفسي اجيب حاجة فيها مضرب بيض وكبة مع بعض و تكون سعرها حنين

حد يعرف صوص السيزر بيتعمل أزاى؟؟

فى صوص جاهز من كنور

شكرا يا بنات

انا عملتها بالزباي وسيباها تخمر اهو وهعملها باللحمه المفرومه والمشروم بتكون جميله

انا بقي عملت كيكه من يومين وكانت تحفه هشه قوي
وبعدين قولت اغير فيها لانها كيكه عاديه فسبت الشويه اللي في الاخر وحطيت في صوص الفراوله وبعدين حطتها عليها وطلعت القطعه في حته بمبا وعند التقديم بحط شويه من الصوص عليها وبتكون شكلها تحفه اهو تغير هههههههههه

انا صورتها بس الكبل ضايع مش عارفه انزلها

sosomedo;13819695:
فى صوص جاهز من كنور

بجد ميرسى يا قمر

*Om Mo3az*;13810100:
بوسي ازيك يا قمر وحشاني اوي
فينك يابت مختفيه ليه كده واخبار يويو القمر ايييييييييييييه

قولي لي طريقة العجينه بتاعتك اللي مش فيها خميره بليييييييييز




اعمليه في الفرن وولعي فحمه وحطيها فيه
بيبقى تحفه

ازيك يا ايمى والله وحشانى جداااااااااااااااااااااااا

بصى دقيق وعليه بيكنج بودر وزره ملح وزيت واعجنيها بس بدل المايه اعجنى بالزبادى وسيبيها تريح 10 دقايق عشان متتعبكيش فى التشكيل وبس

meshmesh 2009;13810182:
شكرا بسبس ربنا يخليكى هجربه حالا ان شاء الله و اصورة تسلميلى ربنا يباركلك فى يويو

meshmesh 2009;13811647:
الحمد لله عملت الحمام بنجاح اول مرة اعملوا بس كنت قرفانه اوووووووووى وانا بحشيه ههههههههههههه شكرا بسبس عملته بطريقتك

http://www.3roos.com/files/ups/2010/325191/01290958496.jpg

المهم طعمه عجبكم؟؟

انا عايزه اكل تغيير للعشاااااا

زهقت من الروتين

ومطلعه لحمه وعايزه طريقه جديده بردو زهقققققققققققققققققققت

متجربي اللحمه بتاعت سوسي اللي بالتوم والديمي جلاس
انا ناويه اجربها ان شاء الله

العشا بقي معرفش احنا مش بناعشي علشان بنتغدا متأخر

أم ميزووو;13820062:
متجربي اللحمه بتاعت سوسي اللي بالتوم والديمي جلاس
انا ناويه اجربها ان شاء الله

العشا بقي معرفش احنا مش بناعشي علشان بنتغدا متأخر

معنديش ديميجلاس

انا هعمل بكره كشك ان شاء الله
اعمل معاه ايه بقي
هو ينفع يتاكل لوحده كده بيشبع ولو لازم اعمل حاجه تانيه

اصل انا عمري ماجربته ولا شفته ههههههههههه

مدام عمرك ما جربتية يبقى لازم تعملى جنبة حاجة قدر ما عجبكيش ماتكليش هههههه

أم ميزووو;13820313:
انا هعمل بكره كشك ان شاء الله
اعمل معاه ايه بقي
هو ينفع يتاكل لوحده كده بيشبع ولو لازم اعمل حاجه تانيه

اصل انا عمري ماجربته ولا شفته ههههههههههه

اعمليه على فراخ بيبقى روووووووووووعه

ماما علطول تعملنا كشك وملوخيه وفراخ محمره


دا منيو كدا

الللللله

بيبقى روعه فى الشتا :thumbs_up:

ههههههههه
عندك حق ياسوسو

انا معنديش ملوخيه وهعمله بالبانيه
ممكن اعمل متلا شويه شاورمه فراخ ورز معاه ينفع ولا بخرف

صح كدة زى ما قالت ام يا سين لكن لوحدة لا

ممكن يا قمر

ماحدش قالى اعمل ايه بالحمه المفرومه:(

؟؟؟؟؟؟؟؟؟؟؟؟؟؟

فراشه فى بيتها;13820515:
ماحدش قالى اعمل ايه بالحمه المفرومه:(

أعملى كفتة مشوية او حواوشى او لو عندك بطاطس صغننة قوريها و احشيها لحمة مفرومة و حطيها فى صينية فى الفرن و على وشها رشة جبنة بتبقى تحفة بردو