sweetylolla85;13803743:
بنات حماتي جايبالي سمك بوري متنضف عاوزه بقي طريقه بيتعمل ازاي؟
بصي يا جميل هو القشر متشال؟؟؟
لو متنضف من قشره يبقى هتستعملي ورق فويل في الشغل لو مش متنضف يبقى من غير ماشي
هتعملي بقى حشوة عبارة عن
بصلة كبيرة مقطعة نونووو + 2 طماطم كبيرة مقطعة نونو + قرنين فلفل اخضر مقطع حلقات على فلفل رومي + حزمة بقدونس + حزمة كرفس
ودقة السمك (نص راس ثوم تدقيهم مع قرن فلفل اخضر + ملح + كمون + شطة لو الفلفل في الشغل بارد) + عصير 3 لمونات او اربع لمونات
هتقلبي الدقة دي مع الخلطة كله كله وترشي زيت واضغطي باديكي كده في المكونات اعصري نص عصرة يعني بس متنزليش مية الطماطم كتير
وحطي ورق فويل في الصينية، ورصي حلقات بطاطس
واحشي السمكة ورصيهم جمب بعض كده وحطيها فوق البطاطس
ورشي عليهم كلهم زيت، وباقي الخلطة حطيهم بين السمك
وقطعي شرائح لمون رفيعة وحطيها على وش السمك وحطي ربع كباية مية بسسسس مش اكتر عشان هينزل مية بالهبل ، واديها غلوتين على البوتاجاز من فوق ودخليها فرن حاااامي تستوي فيه، واقفلي الفويل عليه وبعد نص ساعة افتحي الفويل وشوفي المية اتشربت والبطاطس استوت ولا لسه، ولما يستوى افتحي الفويل واديها وش تحمير هيطلع ان شاء الله رهيييييييييييييييب
Boody we zady;13803965:
هههههههههههههههههههههههه وحشتوني وحشتوني وحشتونييييييييييييييييييييييييي هههههههههههههههههه
امبارح كنت عند أخت جوزي و النهارده عند أخت جوزي التانيه ههههههههههههه
و قطعت في فروتكم حد شرق و الا حاجة؟ ههههههههههههههه
بت يا نووووووووووووووووور أنا عايزة حجازيه يا بت منك لله جريتني ريقي هههههههههههههههه
تسلم ايد كل اللي عمل حاجات و مواه مواه للكل عشان مش أنسي حد ماشي
امبارح موش عملت أكل بس النهارده روحت الصبح عند أخت جوزي و روحت عملت غدا لجوزي و رجعت تاني عند أخت جوزي هههههههههههههههه شطورة أنا صح
وانتي وحشتينا وحشتينا وحشتينااااااااااااااااااااااا
انتي غاوية ترهقي نفسك يا حبيبتي ربنا يقويكي ياااااااااااارب
والحجازية بقى ان شاء الله لما اشوفك اكون عاملة منها وادوقك زي القرص بالضبط ههههههههههههه :lol:
sally2007;13804876:
ازيكم ياقمرات ياحلوين يارب كلكم تكونوا بخير وبصحة جيدة
انا جبت حاجات عملتها يارب تعجبكم
دى فراخ سلقته وبعدين تبلتها ودخلتها الفرن بس الحمدا لله كان طعمها جميل قوى
وده طبق سلطة هو اللى خلنى احط صورتة هو انى فضل عندى شوية من تتبيلة الفراخ فقلت لما احطهم على طبق من السلطة ولو طلع حلو احط على باقى الاطباق بس بجد والله طلع طعمها جامد كنت ضربت التتبيلةمع بعضها فى الكبة وبعد محطيت منها على الفراخ والباقى حطيته على السلطة
ودول بيتزيتين ووحده بسوسيس ووحده بالفراخ طعمهم كان حلو الحمدا لله بس طلعوا حرقين بس الشطشة اللى كانت فيهم ادتلهم طعم احلى
ماشاء الله لا قوة الا بالله تسلم اديكي يا جميل
بس ممكن تقوليلي ايه خلطة الفراخ اللي عملتيها وحطيتي باقيتها على السلطة؟؟؟
sally2007;13804898:
بس انا ليا سؤال لام بودى انا عملت البيتفور اللى فى الموقع عندك وطلع الحمدا لله طعمه جميل بس كان فى حاجة انوا طلع طرى تفتكرى انا عملت ايه خله طلع طرى
ومحمر من القعر
ياريت تقوليلى عشان عاوزة اعملة ويطلع ناشف ومش محروق
هدي النار عليه شوية اقل من اللي كنتي شغالة بيها
هيستوي كويس من جوه ومش يتحرق بسرعة من تحت
cat lolo;13805044:
عايزة اعمل كرواسون لو حد يعرف الطريقه يقول لى عليها
بصي هي طريقة الكرواسون نفس طريقة عجينة البيف باستري بالضببببط ده انا سمعت شيف قال كده
http://forums.3roos.com/showthread.php?t=347402
وبدل ما تقطعيها هنا مربعات، قطعيها مثلثات وتلفيها كرواسون هتلاقيها برضه قايلة عليها
