معلش يا جماعه كنت عامله كل الاقتباسات دي ونفسي مفتوحه انى ارد واتكلم بس وانا بقرا في عروس اتخانقت الخنناقه اللي هي مع احمد وخلاص جبت بعد اخري المره دي
هوا بارد اووووووووووووووووووووي
وبيسيني اولع ولا بيهمه
مع انى قلتله انا عامله ازاي وانى متعصبه بس ولا كان في حاجه
الحب والحنيه مش كلام
لازم يكوزنوا فعل
كان لازم اشوف حنيته معايا لحد مانا اهدى وابقى كويسه
بس هوا اختار يطنش ويكبر كالعاده
انا هبيت فيه على الاخر
ممكن يكون مكنش ليه زمب في الخناقه من الاول
بس بروده ده لوحده هيموتني
انا قلتله اختار يا تتكلم معايا عدل وتهديني يا تسكت خالص وتنساني
ليه كل مره انا اللي اجي على نفسي واصالحه
هوا مغلطش في حاجه انهارده انا كنت متعصبه وطلعت عصبيتي عليه
لكن ليه هوا ميتحملنيش زي مانا بستحمله
ليبه
انا قلتله اختار يا تريحني يا تسبيني وتسكت انا ورايا شغل ومش عارفه اركز ومحروق دمي
قالي مع نفسك المره دي قلتله بس انا مش جايه من الشارع وهكبر الموضوع المره دي ومش هعديه واصالحك زي كل مره
قالي براحتك
بجد تعبت منه
الحب مش كفايه
انا حاسه انى بحبه لدرجه خلتني اكرهه
حد فاهم حاجه
بحبه ومش عاوزه اشوف منه اي تصرف وحش
تعبانه اوووووووي وصدعت من العياط
معلش
شكرا لكل البنات اللي عملت اقتباسات ليهم
كنت ناويه ارد واكتب بس مفيش حاجه في دماغي مش حاسه بنفسي
ادعولي ارتاح
زهقت من عيشتي خلاص
بلا جواز بلا زفت
يعني الجواز هيعملي ايه
ممكن نخلى سوال المخالفه اجيب كام سكينه
عشان افش بيها غليى
nanono;13779441:
بنات ازيكوا وحشتوووني كلكوا
لاسبوزا ربنا يعينك يارب وان شاء الله كل حاجة في الشقة تخلص ومفيش اي خساير ان شاء الله يارب والحمدلله انها جت على اد كده الحمدلله
صحيح عايزة اقولك على حاجة مهمة مش كل الاماكن بتوافق انك تدخلي اكل من برة ده ان مكنش اكثرهم فانتي الاول لفي وشوفي الاماكن اللي بتوافق وعلى فكرة انا في الخطوبة عملت من تسيباس مش لابوار :)
وعايزاكي الفترة دي بجد كل ميبقى عندك فرصة انزلي لفي على اماكن الافراح خصوصا القريبة منك عشان على متيجي تتجوزي يبقى عندك فكرة كبيرة متتزنقيش
تيامو بصي هي الهاند بلندر مفيهوش غير تلات اسلحة واحد بتاع الفرم بالوعاء بتاعه و واحد هرس ومضرب بيض وبصي كلهم بيبقوا قطع يتركبوا في الايد اللي فيها سرعتين انا بالنسبالي كويسة اوي بعمل بيها تقريبا كل حاجة وشبه يوميا بعمل كيك وزي مقولتلك بشوي كل يوم فبستخدمها في فرم التتبيلة للشوي وانا مش عارفة اشوف الصورة اللي انتي حطاها اصلا معلش حاولي تحطيها تاني وانا هحاول اصورلك بتاعي
توتا ازيك واحشانا يابنتي وان شاء الله السنة دي تكون مكتوب كتابك ان شاء الله يارب
بصي انا مش عارفه الصواني اللي بتتفتح من الجنب دي نوعها ايه
بس حاجات الكب كيك ممكن تجيبي ماركة برستيج انا جبت صينية كده للتارت معاها قطعتين السباتيولا دي اللي بتقلب العجينة او تفرد اي حاجة ع التارت وشيالة للقطع الكيك من اولاد رجب وشوفت هناك جميع انواع واشكال حاجات الكيكات وبرستيج ماركة حلوة اوي بجد وهتلاقي حاجات كتير هناك وانواع كتير
ميراميا ازيك يا حبيبتي واحشاني بصي انزلي لفي ع الفستان كل متبقي في اي مكان عشان برضه تبقي ساعة قبل الفرح عندك كلللل المعلومات الممكنة عن كل الاماكن
نور84;13779840:
دي عناين أربع فروع لجويا في القاهرة
سيتي ستارز الدور الرابع محل رقم 4153
36 شارع قصر النيل وسط البلد
16 شارع ابراهيم اللقاني روكسي
116 شارع محمد فريد وسط البلد
nanono;13779874:
تيامو ايوة هو ده الهاند بلندر بتاعي
وبصي برستيج انا جبتها من رويال كيتشن وانتي اكيد هتلاقيها في اي محل كل حاجات برستيج موجودة وفي مركاتو اكيد برضه
دندونة جويا لي فروع كتير قولي انتي ساكنة فين ونقولك اقرب فرع ليكي وعلى فكرة حاجات جويا مش بتتباع غير في فروعهم
لاسبوزا صحيح بصي انا اعرف ان مصنع زمزم في المرج كنت روحت مع واحدة صاحبتي كذا مرة هي تاجرة على فتكات لكن معرفش بيبيع لأي حد ولا ايه
ريناد مش عارفة انتي ولا مين بيسأل ع الشوايا هقولك احسن حل هاتي الاتنين اصل بتاعة البوتاجاز مش غالية اوي فمش فارقة يعني
انا جايبة الكهربا زي مقولتلكوا كينوود بس حاسة انها هتخرب بيتنا في الكهربا لأننا كل يوم بنشوي فبفكر ابقى اجيب التانية وتبقى تساعد مع دي بس مش عارفة هتبقى نفس الكفاءة ولالا
ساره افندي;13780297:
مرمر انا متجوزه داخله علي خمس سنين جهازي اغلبه من جويا صدقني زي الفل القمصان زي الجديد صدقني لا بتخر ولا بتوسع ولا بتتقطع لو انتي مثلا مليتي ولا حاجه متلاقهاش الخياطته فتحت
بجد عن تجربه هاتي وانتي مغمضه وكنت جبت بردوه كام حاجه من لاسواا شغلين بردوه واعتقد لاسوا ارخص من جويا
انا مش عارفه اسعارها دلوقتي بس حبيت بس افيدك بتجربه مابعد الشراء:D
R قلبى وعمرى;13780693:
برغم انى زعلانه منك موووووووووووووووت بس مقدرش منزلش معاكى فالفستان ولا مش اعملك الجيرب بتاعك ده انت حبيبى من ايام الجيزة واحلى حاجة فالدنيا هتتعملك ياحبى ان شاء الله والله واهم حاجة انى انزل معاكى فالفستان بدل ما تجرسينا كفايه الفستان اللى كنتى عايزة تلبسيه ده انتى ساعتها الدنيا كانت هتشمت فيكى شماته منيلة هههههههههههههههههههههههه:p
دول يابنات جيست بوك لبنات فى عروس ( مدام مروة(كيتى كيتى ) ومدام ايمان ( الحب هو الحياه ) و مدام جهاد ( د/ فلاور ) ودول احب اخوات ليا هنا دول تبع شغلى وانا اللى عملتهم وكانت فيه بنات هنا عايزين افكار ممكن تشوفوا منهم او من الجروب بتاعى هتلاقو افكار اكتر ودى جيربات برضه للعروسة
fulla2010;13780996:
بناااااات وحشتوونى اوى كلكم بجد
امباارح كان يوم جامد بالنسبااالى ولفيت كتييير
نزلت جيبت عبايتين استقبال رووووووعه من محل فى وسط البلد اسمه كوكب الشررق وفى كمان قمصاان نوم وبيبى دول وحاجات تحفه بجد وجبت عباية استقبال مطرزة كلها لونها اوف وايت كده وتطريز فيها ملون شويه وجبت عباية استقبال تانيه لونها موف غامق بس احتمال اروح غيرها لانها مطرزة كلها بالدهبى وحاسه انه كتييير وقال على بلدى شوويه مش عارفه بس ان شاء الله هاصورهم باذن الله
وكمان كنت متفقه مع واحده من الفيس بوك عامله جروب بتعملك البرفان الى انتى عاوزه مع الازازه بتاعته الاوريجنال يعنى هاى كوبى بس تحفه بجد وكمان معاه الشاور من نفس ريحة البرفان ومعاه البادى لوشن بنفس ريحة البرفان برضو وهى لما عرفت انى عروسة وكده قالتلى انا هاحطلك فى البادى لوشن جليتر لونها عامل لمعة التلج كده تحفففففففه ورااايقه جدااا وراقيه جدا بجد وكمان معاه كرات الاستحمام دى جديده باه قولتلها ايه دى قالتلى دى تحطيها فى البانيو تعملك فقاقيع طبعا والرييحتها بنفس ريحة البرفان برضو والريحه بتاعة الكرات الاستحمام دى تقعد فى جسمك بتاع 3ايام كده وغير كده باه بودر للجسم بنفس ريحة البرفان برضو وحطتلى فيها برضو جليتر الى عامل وى لمعة التلج دى بجد بجد تحففففففففه انا كنت لا الريحه مش تثبت بس ايه من امبارح جبتها وغسلت ايديا وصحيت النهاردة ولسه موجودة ولا اللمعه بجد تحفه وقولت ان شاء الله اباه استخدم كرات الاستحمام دى لما اعمل السويت وبعد كده اعد فى بانيو واحطلها مكرات الاستحمام دى ده يغنينى عن حمام الزيوت العطريه
وهى بصراحه بتعمل زبون وكويسه جدااا
واول مرة وحياة ربنا اشترى من النت حاجه وكنت حايفه بس لما شوفت حاجاتها جمييله جمييله بجد
ااه وكمان اشتريت منها برفان نينا ريتشى بالازازة بتاعته الاصليه ريحته روووووعه بجددددددد وعارفين اشرتيته منها بكااام ب45 جنيه بس
كان نفسى اصور الحاجات بس الريدر مش لاقيااااه
وبرضو كان نفسى اصور عبايات الاستقبال انما تتعوض ان شاء الله اول ما هالاقياه هاصورهم باذن الله
سؤال عشان المخالفه
هو النجف المودرن فى درب البرابرة يتطلعه كاام كده ؟؟؟
fulla2010;13781153:
وصباح الفل عليكى يا جميله وعلى كل العرايس يااااااااارب
عنوان المحل بصى انا هاقولك الى مكتوب فى الشنطه بتاعته
66 ممر الكونتيننتال ش 26 يوليو وكمان لو عارفه محلات سيتى سنتر بتاع البرفانات وعلب المكياج وكده قداامه كده وكمان كان فى عبايات تطريز هندى تحفه الانسه الى فى المحل كانت بتوريهملى بقولها دوله اخرج بيهم بليل عشان كانو عبايات سورايه روووووعه مش اعد بيهم فى البيت كااااانو جامدين اووووووووووى
وكرات الاستحمام اهى صورتها يا ميسو
وفيها زيوت عطريه وملح البحر وحاجات كده باه مش فاكرة
ههههههههههههههههههه
saso_m;13782138:
انتى ممكن توفقى الالوان انا الى دوخنى لون سيراميك الحمام احمر فجبت طقم الستارة معاه ستارة الشباك دول بلون وانتى بتوفقى عليهم باقى الحاجة فهمتينى وعند ابو النيل الراجل قبل كده قالى الى انتى عايزاه يتعمل عموله فى المصنع يعنى يعملك طقم باللون ومقاس الستارة الى انتى عايزاه
ان شاء الله ربنا يسهل والشقة هتبقى كويسة ومش هتاخد منك توضيب كتير
والبلس الشتوى نوعى طالما عندك بنطلونين هاتى عليهم بلوفرين بس ده مش هيبقى مريح اوووى فهاتى كمان كام ترنج قطيفة وفيه ترنجات ميلتون بتبقى مريحة اوووى وبالنسبة للبرفانات انتى جيبها من دلوقتى عشان تتركز والبادى بوتر واللوشن خليهم فى الاخر وعندك من افون سوريال وريرجولد وليتل بلاك دريس وسليبر ومن اوريفلام جيوردانى جولد وديفين الزرقا
عارفة الهلال والنجمه الى فى شارع الازهر انا جبت من محل على يمينه اسمه عثمان
وكمان كنت جايبة واحد من عند سلم المشاه الى فى شارع بورسعيد فيه ممر كده عند بتوع الورد فيه اطقم حمام كتيييييييير
لو مش عارفة قوليلى وانا اوصفلك بالتفصيل
شكرا لردك ياحبيبة قلبى بصى انا لقيت اقل طبق ب 10 ج يعنى ال12 ب 120 والطقم كامل ب 175 21 قطعة فقلت مش فارقة ع العموم هستنى تقوليلى الاسعار
ياحبيبتى ربنا مايجيب خناق انتى فى درب البرابره هتفاصلى كتير وهما عارفين كده عشان كده بيعلو عليكى وانا بحس النجف ده بيمشى الاتنين عادى
وبالنسبة للبراويز وانتى جاية من العتبة امشى لحد تقاطع الازهر وادخلى شمال وامشى شوية هتدخلى اول شمال هتلاقى محل ع الناصية عنده حاجات حلوة
انا شفتها وعجبتنى وخصوصا ان الراجل قالى اعملك اى لون انتى عايزاه بس اختى كانت معايا وقالتلى ان الماتريل دى هتحجب الاضاءة عكس الازاز او الكريستال
انا شفت كتالوج زمزم من فترة عند واحد فى الموسكى
الله يبارك فيكى ياحبيبة قلبى انا جبت الكوزمتكس من محل لوازم صيدليات فى شارع بورسعيد والى شجعنى انى اجيب منه ان عنده نفس المنتجات المصرى بس مستوردة يعنى عنده حمام كريم ب 45 ونفس حمام الكريم ب 12 ج
وجبت غطا الغسالة وباقى الحاجات من محل اسمه عثمان جنب الهلال والنجم الى فى الازهر
انا جبت 3 مايوهات من سنتين من الوكالة كنت بلبسهم تحت اللبس بس جبت من سوق غزة عند واحد فى ممر 1 الاطقم البكينى الى بتتربط وكان الواحد ب 20 ج
saso_m;13782327:
كل بنوتات عروس وخصوصا توتة الى سألت عليا انا هقولكو خلاصة تجاربى مع تساقط الشعر يا جماعة انا دمرت شعرى فرد انا كانت فتله شعرى ناعمة والله بس فيه كسرات كتير قعدت تقريبا 7 سنين افرده بصفة مستمرة مش هقولكو ع النتيجة طبعا بيسقط غير انه اسوأ مليون مرة من الاول طب اعمل ايه انا اشتغلت لمدة 3 سنين فى شركة كوزمتكس لسه سايباها الشهر ده المهم قلت استفاد بقى من الناس حواليا فى الشغل جربت منتجات كل الشركات بدون مبالغة اى حاجة تتخيلوها جبتها مفيش حاجة نفعت معايا رحت لدكتور حقنلى ميزو ثيرابى ولانه غالى مش استمريت عليه وشعرى رجع يقع تانى خدت بانتوجار وتوتافيت وكيروفيت وفيتا زنك وجربتول وحاجات كتير مش فاكرة اسمها والنتيجة واحدة وبطيئة جدااا وغير ملحوظة وساعات برضه شعرى بيقع لقيت الحل بعد تعب فى حاجة بسيطة جدااااا مش هتصدقوا الا لما تجربوا ايه هى؟؟؟؟؟؟؟؟
الروزمارى
ايون الروزمارى والله بقالى شهرين بغليه واصفيه واعمله لوسيون لشعرى واقعد ادلك فروة راسي 10 دقايق مرة فى اليوم ويوم الجمعة ساعات مرتين النتيجة ان ولا شعراية بتسقط والله خلاف حاجة بسيطة جدا وانا بسرحه قلت يمكن جات مع الهبل دوبل وخليت اخواتى وبنت خالتى جربوه وهى هى نفس النتيجة جربوه يابنات والله ما هتندموا هو اينعم ريحته فى الشعر مش هى لكن مش مهم بالنسبة للنتيجه اعملوه بس سيبوه يغلى ع النار فترة
انا جربت لوسيونات دورين وبانتكس وهير استابيل وزيت روتاج كل ده ماجاب نتيجة بس فيه حمام كريم حلو للتساقط (للامانة) بزيت الحية اسمه ماجيك بلاس الاصلى هه سامعين الاصلى ب45 ج
انتى يابت منك ليها هاتى ب 2 ج روزمارى وجربى
اى استفسار بقى انا اختكو هحاول افيدكو لو معرفتش هسالكم مشرفين شركات الكوزمتكس نفسهم
مش عارفة كده انا مخالفة ولا ايه احتياطى عايزة اجيب الشنطة الى بتتحط فى الدرج ونحط ونرص فيها الاندرات محدش يعرف منين وبكام ؟؟؟؟؟؟
