زهرة نورما;13773268:
الحمد لله انتى وحشتينى اووى ..اه ياريت تصوريهولنا انا عايزة حاجة زى كدة بس يبقى كله شكل بعضه يعنى ستارة بانيو بستارة شباك بمفارش القعده بغطا الغسالة كمان شكل بعض مش عارفة تيجى ازاى بس حد يعرف لها حل دى ؟؟؟؟؟؟؟
انتى ممكن توفقى الالوان انا الى دوخنى لون سيراميك الحمام احمر فجبت طقم الستارة معاه ستارة الشباك دول بلون وانتى بتوفقى عليهم باقى الحاجة فهمتينى وعند ابو النيل الراجل قبل كده قالى الى انتى عايزاه يتعمل عموله فى المصنع يعنى يعملك طقم باللون ومقاس الستارة الى انتى عايزاه
.. Hopes;13775571:
انا لسه مجبتش لبس بيت شتوي خاااالص ومحتاره جدا .. اجيب ترنجات اللي هي قطيفه او قطن وكده اكتر ولا اجيب كام بلوفر وانا عندي كام بنطلون جينز استرتش كده مش بلبسهم في الخروج يعني ;)
حاجه كمان بقا .. هو اجنا لسه محددناش المعاد بالظبط بس يعني لو حسبنا علي اول ابريل يبقي باقي 5 شهور ان شاء الله
ابتدي اجيب برفانات ولوشن وميكب من امتي
بالنسبه للميكب انا ماليش فيه يعني اخري قلم كحل واي شادور وروج وشكرا فمعنديش مشكله فيه يعني
البرفانات برضو استعمالي قليل ومش بحط في الخروج وكده فمش عارفه انواع كويسة برضو .. انصحوني بحبة اسامي كده
اللوشنز بقا والشاور والبدي بتر والكلام ده ابتدي اجيبه من امتي؟؟
وادعولي الله يكرمكم ربنا مش يعقد الموضوع لحسن لسه هناخد الشقه كمان شهر تقريبا .. ادعولي مش تاخد مننا توضيب اكتر من شهرين تلاته يعني :(
ان شاء الله ربنا يسهل والشقة هتبقى كويسة ومش هتاخد منك توضيب كتير
والبلس الشتوى نوعى طالما عندك بنطلونين هاتى عليهم بلوفرين بس ده مش هيبقى مريح اوووى فهاتى كمان كام ترنج قطيفة وفيه ترنجات ميلتون بتبقى مريحة اوووى وبالنسبة للبرفانات انتى جيبها من دلوقتى عشان تتركز والبادى بوتر واللوشن خليهم فى الاخر وعندك من افون سوريال وريرجولد وليتل بلاك دريس وسليبر ومن اوريفلام جيوردانى جولد وديفين الزرقا
زهرة برية سعيدة;13776096:
سؤال الى ساسو قوليلى يا قمرة بالتفصيل انتىجبت طقم الحمام منين
وكمان يا بنات هو النساجون فيها اطقم حمام اللى هى بتتفرش فى الارض وبكام تقريبا ^o)
عارفة الهلال والنجمه الى فى شارع الازهر انا جبت من محل على يمينه اسمه عثمان
وكمان كنت جايبة واحد من عند سلم المشاه الى فى شارع بورسعيد فيه ممر كده عند بتوع الورد فيه اطقم حمام كتيييييييير
لو مش عارفة قوليلى وانا اوصفلك بالتفصيل
te amo;13776201:
خلاص اشتريلك اطباق مربعة 6 و6 الاساسين لاستخدمك مش هيبقوا غالين وهبصلك على الاسعار لما انزل
شكرا لردك ياحبيبة قلبى بصى انا لقيت اقل طبق ب 10 ج يعنى ال12 ب 120 والطقم كامل ب 175 21 قطعة فقلت مش فارقة ع العموم هستنى تقوليلى الاسعار
مشمشة.;13778230:
بس عندى سؤال هو النجف الفضى والى نازل منة كريستالات وفية منة فوق الكوبيات بتاعتة يبقا مودرن ولا لا
وملقتش اى حد بيبيع براويز مودرن خالص ياريت توصفولى بالدقة
ياحبيبتى ربنا مايجيب خناق انتى فى درب البرابره هتفاصلى كتير وهما عارفين كده عشان كده بيعلو عليكى وانا بحس النجف ده بيمشى الاتنين عادى
وبالنسبة للبراويز وانتى جاية من العتبة امشى لحد تقاطع الازهر وادخلى شمال وامشى شوية هتدخلى اول شمال هتلاقى محل ع الناصية عنده حاجات حلوة
مشمشة.;13778794:
بالمناسبة ياقمرات فى نجف شفتة الكوبايات بتاعتة مش زجاج ولا صينى تحسى كدة انها قماش منها الاسود والبنى والعسلى عجبتنى بس خايفة تكون مش عملية حد شافها
انا شفتها وعجبتنى وخصوصا ان الراجل قالى اعملك اى لون انتى عايزاه بس اختى كانت معايا وقالتلى ان الماتريل دى هتحجب الاضاءة عكس الازاز او الكريستال
lasposadelnilo;13779151:
يا عيله
شباطه زي
انا كمان من يومين شبطت في دوراسات وبديهات وفروع زرع على كريمات للجسم بتاعه افون
هههههههههههه
قوليلي بقى فرش المكياج جبتها منين
هههههه انا كمان بشبط اووووى وربنا رزقنى بحوده زيي لو حطينا حاجة فى دماغنا لاااازم نجيبها وفرش المكياج لما اقابلك هجيبلك واحدة وهى على العموم فى شارع بورسعيد بس خلاااص اختك وعدتك بواحدة الى هى بتاعة الروجاجو صح ؟؟؟ ولا ايشادو؟؟ انا هجبلك بتاعة الروجاجو عشان شكلها حلو
وغطا الغساله ابو فيونكه ده منين يا قمر وكان في حاجه لونها على سيلفر كده مش عاوزه المنقوش بتاع زمان
تصدقى بالله انا كنت هموت ع السليفر وخصوصا ان المطبخ عندى المويتال سليفر فى احمر بس حوده قالى الاحمر
لا ده هو ساده خالص الماتريل بتاعته تقيلة وخشنة بس عليه فيونكة كبيرة مايلة فوق الجزء الشفاف بتاع الحلة
وحاجه الحمام الدواسات والفرش من ابو النيل ولا منين
لا من محل اسمه عثمان جنب الهلال والنجمة الى فى الازهر
وبترمي الحاجه في الشقه ليه
كانت المفروض تاخد لفه عندنا في عروس الاول
كان نفسي والله بس ماما مرضيتش حتى انى اطلعهم من العربية افرجهم لاخواتى قالت لحوده يالا ع التجمع انا ناقصة كركبة انا نفسى اغور الحاجة الى فوق ههههههه هى والزمن والناس والشغل عليا
قوليلي يا سها خلصتي الهدوم الصيفي بتاعتك ولا لسه
جيبتي اد ايه
عشان هعد الحاجه اللي عندي واعرف ايه اللي ناقصني
اه خلصتها جبت 6 ترنجات و4 ترنجات الى هى بتبقى برمودا وتى شيرت كات او نص كم و متهيألى 5بيجامات قصيرة و12 جلابية قصيرة غير 3 جلاليب دلع كده منهم واحدة زى بتاعة نانسى عارفاها و2 عباية استقبال وهجيب التالتة و4 جلاليب صيفى محترمة عشان لو ابات عند طنط مامة محمود
عرفت بعد كده ان ده كتير
وخلصت هدوم الخروج فى السيل الى فات ولسه جايبة امبارح اول طقم شتوى ادعيلى اخلص الشتوى عشان شايله همه موووت وخصوصا انى ادركت مؤخرا انى تخنت كتييييير
ولا تنسى
معادنا الاسبوع القادم نشد الرحال عشان السيشوار
ومتنسيش تعرفي موديله
والسلام ختام يا ذات الزورق الرفيع في الديكوووووووووووووووووووووور ودفعتي وحبيه هارتي 2011
بس انتى هتبقى صيف ولا شتاء 2011
لا ان شاء الله مش هنسى هو حد يقدر ينسى معاده مع نودى القمر انا مش عارفة معاد الجواز بس بتمنى يكون فى شهر 2 حوده بيقول يمكن 3 مش عارفة ممكن ترسي ع الصيف
مانا شفت كام روب معدين ال 100 وشكلهم معفن معفن
هوا انا هجيب واحد لاني اصلا مش بلبس ارواب
بصراحه بحب الارواب الصييفي اللي بتوصل للركبه وتقف دي مش بحب الطوال
بس امى الحبيبه مصره على روب شتوى وتقيل كمان
ناقص تجيبلي دفايه ب حطب
ونجيب روي
سوق غزه ده يتراح ازاي ياقمر
والروب بتاعك كان بكام وخامته ايييييييييييييه
انا كمان مكنتش عايزاه بس ماما قالت لازم جابتلى واحد من السعودية بس معجبنيش وقلتلها طالما لازم يبقى انزل انقى واحد انا بصى هو روب قطيفة قالى ب 160 خدتهب 125 وسوق غزة سهل انتى تنزلى من المترو محطة غمرة وتخرجى عدى الشارع وتاخدى ميكروباص 5 دقايق هتبقى هناك
واللي يعرف منافذ بيع منتجات زمزم يرفع ايده ويقلي ضرورررررررررررررررررري
انا شفت كتالوج زمزم من فترة عند واحد فى الموسكى
te amo;13779905:
ساسو مبروك عليكى حاجتك بس قوليلنا جبتيها منين
الله يبارك فيكى ياحبيبة قلبى انا جبت الكوزمتكس من محل لوازم صيدليات فى شارع بورسعيد والى شجعنى انى اجيب منه ان عنده نفس المنتجات المصرى بس مستوردة يعنى عنده حمام كريم ب 45 ونفس حمام الكريم ب 12 ج
وجبت غطا الغسالة وباقى الحاجات من محل اسمه عثمان جنب الهلال والنجم الى فى الازهر
*miso*;13781204:
بنات حد جاب مايوه حقيقي قبل كدا يعني مايوه بجد :o
مش اللي بيقال عليه شرعي دا و هو بصراحة لا يستحق لقب شرعي خالص ما علينا :rolleyes:
انا عايزة مايوه بكيني بجد ممكن ألاقيه فين و يكون سعره حونين نظرا لاني هاستعبط و البسه في البيت في البانيو :cool::o
انا جبت 3 مايوهات من سنتين من الوكالة كنت بلبسهم تحت اللبس بس جبت من سوق غزة عند واحد فى ممر 1 الاطقم البكينى الى بتتربط وكان الواحد ب 20 ج
