»¤‡° تجهيزات عرائس لشهر ذو الحجه 1431 - 2010 م / الجزء =154°‡¤«

nanono;13725809:
بنات انا حطتلكوا صور عفشي وحاجات من شقتي هنا في لينك الديكور

http://forums.3roos.com/showthread.php?p=13725701#post13725701

يارب تعجبكوا وادعولي بقى اكمل الشقة على خير واخلص الحاجات اللي ناقصة

مشمة تامر ربنا يكرمك يا قمر طمنينا عليكي صحيح عاملة ايه؟؟ وعملتي العملية ولا لسه ولا ايه ؟؟ ربنا يتمم شفاكي على خير ياقمر يارب

مسك ازيييك وحشانا جدا ليه مش بتدخلي ربنا يكرمك ويسعدك ياقمر

بنات حد يرد عليا في حاجة بتنضف الصدا ؟؟

شقتك جميلة ماشاء الله والركنة مش محتاجة تغيرى قمشها فى منتهى الشياكة
هى الاستيكرات دى جيبها منين ؟

عسولة عمرو الشقة جميلة عقبال شقتك ان شاء الله

Bird amore;13726563:
الشواية اللى حطين صورتها دى بكام؟؟

من اول 45 وانتى طالعة

اليمانى افضل مصمم ازياء عرائس

gogo99;13727072:
كل سنه وانتم طيبين وعيد سعيد عليكم
انا قضيت العيد فى اسكندريه واشتريت شويه حاجات لجهازى تحفه فعلا ومميزه جدا جدا جدا
اشتريت لحافين واربع اطقم ملايات وطقمين ملايات فستون رووووعه
من ماركه معروفه جدا فى اسكندريه بس مش منتشره كتير فى القاهره و حاجاتهم زوقها عالى اوى اوى
اسمها ماركه شركه كالرز للمفروشات هما مصنع مفروشات بس عاليين اوى فى الخامات والتصميمات الجديده اللى مش موجوده غير عندهم .
انا زمان كنت بشترى من سونيتا للمفروشات واختى كل حاجتها من سونيتا بس بعد ما شوفت كالرز للمفروشات الموضوع اختلف تماما
وهحاول احطلكم صوره اللحافين او الملايات
شكرا ,وممكن تشوفوا التصميمات كمان على موقع الشركه
www.colorstextiles.com

اهلا بيكي معانا يا جميلة نورتينا
ومبروك عليكي مشترياتك
وانا فعلا اسمع ان كالرز ماركة حلوة جدا:thumbs_up: في المفروشات

بصي يا قمر خلي بالك من المخالفات يعني المفروض في كل مشاركة يا اما تحطي سؤال او تجاوبي علي سؤال حد سأله مينفعش تباركي او تسلمي
او تشكري وخلاص ... وكمان ممنوع تحطي اكتر من مشاركتين ليكي ورا بعض عشان مشرفاتنا الجمال ميزعلوش مننا;)
وبالنسبة لرفع الصور فمعرفش عدد مشاركاتك تسمح ولا ايه بس انتي عموما بتدوسي علي مركز رفع الملفات وبعدين browse وتختاري الصور اللي انتي عايزاها من الفولدرات اللي عندك وبعدين تحمليها وبس...

واي سؤال تاني اسألي يا قمر:D

mira&amr;13727130:
بخصوص اليه كانت بتسال عن المكنسه انا اشتريت بانسوينك يابانى 1600 وات ب1200 جنيه وهى حلوة اوووووووووى
والشوايه يا جماعه انا سمعت الاحسن اليه مش مقفوله
اانا كنت عوزه اسال اشترى منين فازات مودرن حلوة ونجف مودرن شكله شيك؟
وكنت عوزة اسال عن مصنع تفصيل فستاين الزفاف لو حد يعرف والتفصيل بيكون فى حدود كام
وهو اسم الجروب على الفيس بوك ايه؟

الفازات المودرن شوفيها في درب البرابرة .. والنجف برضه في درب البرابرة وشارع الكهربا

وبالنسبة لتفصيل الفستان نانو كانت مفصلاه عند مصنع في الوكالة اعتقد ب800 ابقي اسأليها كده

والجروب عشان تشتركي فيه لازم مشاركاتك تكمل 150 الاول

te amo;13727147:
انا سمعت عن جدايل وكنت عاوزة اجيبه من بره ليكون اضرب هو كمان وبقى صينى :lol:
يعنى لو كان الكريم احسن كانوا عملوه حمام كريم
انفع دكتورة صح :):thumbs_up:
ردوا عليا اجيب طقم شاى ولاكفاية اللى فى الصينى واجيب بدله فناجين شاى او طقم كاكاو ؟

انا الحمد لله كويسة والهدية الحمدلله عجبته اوي;)
تسلميلي يا قمر اموووواااه:K:

وعشان اريحك متقلقيش خالص هاتي جدايل من صيدلية كبيرة زي سيف والعزبي او من عبد الصمد القرشي نفسه هو اللي بيصنعه .. مش بتقولي فتح فرع جديد في بلاتنيوم مول؟؟
هو عموما في سيف ب110 وفيه بجد كل الزيوت اللي ممكن تتخيليها اللي بتغذي الشعر .. انا اقصد ان تمنه فيه يعني بس انا اخدته بخصم عشان كنت
بشتغل هناك في سيف:041: ههههههههه

وانتي عندك حق :thumbs_up: انا شايفة انه احسن كمان من حمامات الكريم او جايز بقي انا مش بستخدم حمام الكريم صح يعني مش بلف شعري بفوطة مبلولة والكلام ده ... انا بستخدمه زي البلسم عشان كده مش حاسة بنتيجة اوي..
مش كده ولا ايه يا دكتور:sick:؟؟؟:D:D
هو بعد المحاضرة اللي ادتيهالنا دي ينفع نستشير حد غيرك؟؟;):D:)

نطلع بقي من موضوع الشعر والجلدية ده:study:

بصي بالنسبة لطقم الشاي فالناس بتقول كفاية اللي في الصيني بس انا عايزة اجيب طقم شاي وجاتوه مع بعض يبقي مودرن كده وروش حتي لو هحطه في المطبخ:p عشان شفت صور ليهم عالنت عجبوني اوي:thumbs_up:

وطقم الكاكاو مش مهم .. هو عندي بس جالي هدية بس لو مكانش جالي برضه مكنتش حهتم اني اجيبه:rolleyes:

flower20009;13724335:

كل سنه وانتو طيبين وحشتوونىىىىىىىىىىىىىىىىىىىىىىىىىىىىى

مبروك لبنبوووووووونه
بنات لو واحده فيكو مستواها فى التجويد كويس تقولى وتكون عاوزه تشتغل بس ياريت بسرعه

اه وعلى فكره الويدنج بلانر اللى بشتغل معاه سالتو على فرح ل 100ممكن يبدا من كام قال 4000او 5000 فى قاعه
لو عاوزين اى استفسار قولولى
عشان المخالفه بقى

عاوزه محل فيه سواريهات بس تكون شيك اخر حااجه

بصى عندك كاليه الى عباس العقاد ودينا الى فى ميدان الجامع وسيتى ستارز كمان فى شارع عباس العقاد لو مشيتى شوية بعد كاليه بيبقى فى محلات عندها حاجات كويسة

بنات قولولى ضرورى

اروح درب سعاده ازاى بالعربيه

ضرورى ......

نانو شقتك جميلة ماشاء الله تتهنى بيها يارب وكمان لما تظبطيها مكان الى كان حصلكوا من الفار والكلام دة هتبقى احلى بكتير ومودرن وسيمبل جميلة قوى

يابنات انا نازلة العتبة ممكن اجيب ايه من هناك مش عاوزة النزولة تبقى ع الفاضى وخصوصا فى ادوات المطبخ والادوات المنزلية عامة وياريت الوصف بالظبط ؟

fulla2010;13728152:
بنات قولولى ضرورى

اروح درب سعاده ازاى بالعربيه

ضرورى ......

بصى ياقمر انا الى اعرفة انك لو روحتى شارع الازهر وسالتى اى حد هناك هيقولك لان درب سعادة عبارة عن حارة ديقة كدة او شارع ديق جوة الازهر نفسة انا مرة كنت ماشية فى شارع الازهر فى الحتة بتاعة قماش الستاير والتنجيد وكدة وفضلت ماشية علطول اول ما طلعت منها لقيت نفسى على ايدى الشمال شارع ديق كدة فى اولة محل ادوات منزلية ومطبخ وبلاستيكات كتيرة وكدة بسال قالولى دة درب سعادة ويارب اكون قدرت افيدك

fulla2010;13728152:
بنات قولولى ضرورى

اروح درب سعاده ازاى بالعربيه

ضرورى ......

مهندسة موون;13728357:


يابنات انا نازلة العتبة ممكن اجيب ايه من هناك مش عاوزة النزولة تبقى ع الفاضى وخصوصا فى ادوات المطبخ والادوات المنزلية عامة وياريت الوصف بالظبط ؟

بنات طقم الصينى نسيت الراجل قالى نوعه ايه
هاروح تانى اسال واحاول اصوره

الفرن الكهربا وايت ويل جميل
وكومتيل احنا عندنا كومتيل من سنين وهو تركى

زهورة شكرا ياقمر على ردك بس حمام التلات دة ودرب سعادة انا روحتهم قبل كدة وعاوزين يوم لوحدهم ووقت ولفة كبيرة انا دلوقتى رايحة منطقة العتبة نفسها فبسال على لو فيها محلات او اماكن مشهورة بحاجات المطبخ او الادوات المنزلية فين باقى البنات

ازيكم عاملين ايه يابنات كان في بنوته من التجمع هنا بعتت ليا علي الخاص بتسال علي بخاخ سالي بتع الرجلين ياريت تبعت تاني لما تفضي الصندوق بتاعها لان بعت ليها ومنفعش لانه مليان
سؤال المخالفه
دلوقتي ايه احسن نوع غساله اثبت جدارته مع خدمه الصيانه

ازيكو يابنوتات عاملين ايه انا هتجنن قريت كل الصفحات وعملت اقتباسات كتير اوووى ورديت عليها فى مشاركتين ومفيش اى حاجة ظاهرة معرفش ليه بس ع العموم الى عايز عنوان الحمام البلدى ورقم التلفون يقولى وانا ابعتله
سؤال المخالفة وعايزة عليه رد عايزة اجيب الفرشة الدوارة الى بتفرد الشعر زى المكواه لانى مش بعرف استخدم المكواه ياترى عملية وكويسة ولا لا ؟؟؟؟

بوناسيرااااااااااااااااااااااااااااااااااااااااااا
انا جيييييييييييييييييييييييييييييييييييييييييييييت
كل سنه وانتم مانتخين ومعيدين وطيبين و بخير وزي دلوقت السنه الجايه تكونوا راجعين من عرفات امين امين امين

وحشتوووووووووووووووووووووووووووووووووني
العيد كان علقه بالنبالي مرتحتش نوهائي
مجبتش واحده تنضف فعملت الشقه انا واختى الصغيره هي عملت ادي مرتين المطبخ اخد يوم واودتي عملتها في نفس اليوم بايل ويوم اخد اوده ماما والصاله والاوده الصغيره والحمام اخدوا يوم
وعيدنا على المطبخ في الاخر
وخلال الايام دي طبخت كمان
باركوووووووووووووووووووووووووووووووووولي
بصوا بقى
يوم عملت مكرونه كده بالجبنه الرومي والزيتون وطماطم وفلفل وحركات ودخلتها الفرن وطلعت واوووو
بس كان حرقاقه موت لان محسوبتكم وليا الفخر حطيت فلفل قرون بدل الرومي
الاول عملت سيرش عن مكرونات جديده واخدت الاب معايا المطبخ ومشيت على الطريقه من النت بالصور والمقادير حضرتها كلها الاول واشتغلت بالترتيب
والحمدلله مش اتحرقت بالرغم من ان دي اول مره في حياتي ادخل حاجه الفرن
وعملت جمبها كفته
هي كانت جازه بتاعه ثري شفس دي بس حطيت عليها بصل وبيض وبقصمات وعجنتها وعملتها اقراص وسويتها الاول على البوتاجاز شويه بعد كده دخلتها الفرن بس كنت مرعوبه وكل شويه افتح وابص احسن الحاجه تتحرق
ويوم عملت رز بالجمري وشوبه ماشروم ويوم عملت بطاطس محشيه لحمه مفرومه

المهم وحشتوني كلكم ومن غير زكر اسماء
بس حابه اصبح وامسي على توتا ودكتوره مسلمه ومبروك على كتب الكتاب ياقمريه وسارا ميس كات
واشري راحت فين يا رجاله
وعسوله عمر وجارين وساسو وحبليه الملاين ناناو اللي لو رشحت نفسها في انتخابات مجلس الشعب دايره عروس هتكسب باكتساح
شقتك سكر يا ناناو بجد عسوله وكل العفش لايق على بعض وفي هارموني بينهم بجد
وكل الحلوين الصاحين والنامين وحشتوني كتير
هقرا في الي فاتي وهرد عهلى اد ما اقدر بقى




[
QUOTE=saso_mc;13729801]ازيكو يابنوتات عاملين ايه انا هتجنن قريت كل الصفحات وعملت اقتباسات كتير اوووى ورديت عليها فى مشاركتين ومفيش اى حاجة ظاهرة معرفش ليه بس ع العموم الى عايز عنوان الحمام البلدى ورقم التلفون يقولى وانا ابعتله
سؤال المخالفة وعايزة عليه رد عايزة اجيب الفرشة الدوارة الى بتفرد الشعر زى المكواه لانى مش بعرف استخدم المكواه ياترى عملية وكويسة ولا لا ؟؟؟؟[/QUOTE]

ساسووووووووووووووووووووووووووووووو
ملكه الديكور الجديده منورناهنا
انا يختي عاوزه رقم الحمام ومكانه لو جايه من المعادي اروحله ازاي
وانا فكرت اعمل السويت هناك ماعدا المنطقه الحساسه هظبطها في البيت وخلاص


الفرشاه الدوراه انا بفكر فيها وحاسها حلوه لاكتر من سبب
اولا مش زي السيشوار يعني مش هتسخن فروه الراس وخصوصا اللي شعرهم خفيف
انا السيشوار كان بيعورني في راسي تعورايات ودم وقشره وافلام
والمكواه مش هتهيش الشعر لو خفيف
فكنت بفكر هنا في السيشوار القطع ده عارفاه
اللي بيركبله كذا فرشه
لاكن الفرشه الدواره عاجباني
بس مش عاوزه اجيبها من التي في
تفتكرتي بتتباع فين
وفي حد جربها يا جماااااااااااااااااااااااااااااااااااااعه

زهورة..;13728961:

سؤال يابنات وياريت تردوا عليا:(

عايزة اتيليهات يكون فيها فساتين افراح متقفلة مش نظام البدي والحاجات دي ياترى فيه ؟؟؟؟؟؟

اعتقد صعب يا زهورة انك تلاقيهم جاهزين... لازم تفصيل

مهندسة موون;13729394:
زهورة شكرا ياقمر على ردك بس حمام التلات دة ودرب سعادة انا روحتهم قبل كدة وعاوزين يوم لوحدهم ووقت ولفة كبيرة انا دلوقتى رايحة منطقة العتبة نفسها فبسال على لو فيها محلات او اماكن مشهورة بحاجات المطبخ او الادوات المنزلية فين باقى البنات

البنات هنا كانت بتقول علي محل كبير ودورين اسمه العربي في العتبة فيه حاجات المطبخ واكسسواراته زي المطبقية وحامل التوابل وكده...
وميس موني كانت قايلة علي اولاد بيومي قصاد قسم الموسكي فيه حاجات زي اللي بيستخدمها الشيفات الكبار

saso_mc;13729801:
ازيكو يابنوتات عاملين ايه انا هتجنن قريت كل الصفحات وعملت اقتباسات كتير اوووى ورديت عليها فى مشاركتين ومفيش اى حاجة ظاهرة معرفش ليه بس ع العموم الى عايز عنوان الحمام البلدى ورقم التلفون يقولى وانا ابعتله
سؤال المخالفة وعايزة عليه رد عايزة اجيب الفرشة الدوارة الى بتفرد الشعر زى المكواه لانى مش بعرف استخدم المكواه ياترى عملية وكويسة ولا لا ؟؟؟؟

ممكن تبعتيلي يا قمر تفاصيل الحمام البلدي ده؟؟

وبالنسبة للفرشاة الدوارة كانت البنت اللي في بي تك نصحتني بلاش منها
لأنها بتقطع الشعر:(

te amo;13725411:
موضوع المج ده ممكن اى مكان يعمله ولا ايه ؟

انا قولتلكم على الحاجات اللى ممكن تنفع عموما مفيهاش ضرر لحد سواء الفيتامين او الكريم فهو اكيد احسن من الحاجات اللى بيعرضوها والسيرم مش علاج للتقصف والكيراتين انا شخصيا مقدرش استخدمه الالو الدكتور قالى



بصى ياستى انا شخصيا عاحبنى المتغطية وكمان الى شوفته فى التوحيد والنور مكنش فيها نوفال بس انا مش بحب نوفال وعاوزة اقولك ان صاحبتى جايبة واحدة ب45 وماركه مش معروفة وزى الفل معها يابت انزلى وشوفى انا مثلا شوفت واحدة ب75 بس معجبتنيش صغيرة ودى الصور جابتهالك ;)
[/]

موضوع المج فعلا فى الديب مول الدور الاول تقريبا بيطبع اللى انتى عايزاه على اى حاجة صحابى جربوه

وميرسى على التقرير الجامد بتاع الشعر ده ربنا يباركلك يا قمر F:




doda
اهلا بيكى يا جميل فى عروس وتجهيزات العروس دى حاجات كتير اوى هدوم ومفارش (سرير وسفرة) وملايات وبطاطين وطقم صينى واطباق ورفايع مطبخ وحلل بالانواع اللى نتى عايزاها وميكب بس ده فى الاخر حاجات ياما اوى :hysterical:وعلى حسب برده ما تتفقى مع العريس وبرده ركزى فى حاجة حاجة وهنا البنات هيفيدوكى واحده واحده


nanono
ماشاء الله شقتك جميلى تتهنى بيها يارب ومعلش على الفار اللى دخلك ده انسى بأه عدى :(

te amo
هاتى طقم شاى كمان اللى هو فيه براد وسكرية زينة كده بيبقى حلو فى النيش


انا هعيط بأه :'( عايزة اشترك معاكو فى جروب الفيس بوك بعت ل smsm27 ومحصلش حاجة

saso_mc;13729801:
ازيكو يابنوتات عاملين ايه انا هتجنن قريت كل الصفحات وعملت اقتباسات كتير اوووى ورديت عليها فى مشاركتين ومفيش اى حاجة ظاهرة معرفش ليه بس ع العموم الى عايز عنوان الحمام البلدى ورقم التلفون يقولى وانا ابعتله
سؤال المخالفة وعايزة عليه رد عايزة اجيب الفرشة الدوارة الى بتفرد الشعر زى المكواه لانى مش بعرف استخدم المكواه ياترى عملية وكويسة ولا لا ؟؟؟؟

لاسبوزا كل سنه وانت طيبه ياحبيبتى
القطاعه تقريبا نانو بتقول الازاز احسن حاجه
انا اول مره اخد بالى من الكلام اللى فى توقعك
مينفعش تقولى كلام زى ده
بقولك بقى هى وايت ويل دى صناعه ايه؟؟؟

لاسبوزا ازيك ياقمر واحشاني وربنا يكرمك يارب على كلامك الجامد ده انتي الاحسن ياقمر

بصي طقم السكاكين ده شكله اي كلام وبصي هقول تاااني يا جماعة الحاجات الاستانلس تكون ماركات نضيفة ومعروفة

انا جبت بتاعي برستيج يا لاسبوزا كان 5 سكاكين ومعاهم مقص ب 100 وشوية تقريبا 125 حاجة كده والاكل جدعة برافو عليكي انا بعمل كده على فكرة بجيب حاجات كتير من النت واعملها وعلى فكرة يابنات انا فعلا مع توتا اوي ان الموضوع مش موضوع اننا نتعلم الاكل مانا اهو متعلمتش حاجة ومبعرفش اعمل حاجة بس عندي الثقافة اللي كانت توتا بتتكلم عنها يعني بحب اتفرج على قناة فتافيت وبرامج الاكل كتيير خصوصا البرامج الاجنبية فده خلاني عارفة افكار كتير مع اني مبكتبش بس واحدة واحدة بقت الحاجات في ذاكرتي وعندي شوية افكار ولو في حاجة بروح مدورة ع النت واالف برضه لو في حاجة مش عندي او احط حاجة زيادة فبجد حاولوا تكونوا زي مقالت توتا عندكوا خلفية كويسة وافكار وكده مش مهم الاكل نفسه ده رأيي

صحيح دندوونة 2008 نسيت اجاوبك يا حبيبتي لما سألتيني ع الهاند بلندر بتاعي بصي انا معرفش المالتي كويك فيها ايه عشان اعرف الفرق بينها وبين الهاند بلندر بصي دي صورته من ع النت وزي مقولتلك هو فيه مضرب بيض ومفرمة وهراسة وبجد بينجز جدا ابقوا هاتوه حتى كمضرب بيض اكيد هو هيبقى ارخص من اي مضرب بيض وكمان في كذا وظيفة حلوين اوي وبينجزوا




وصحيح دي صورة الشواية بتاعتي



سمسم ياقمر ربنا يكرمك يارب على دعواتك ولكي المثل ان شاء الله ونفرح بيكي عن قريب يارب وياريت الله يكرمك لو تقدري تعدي في اي وقت وتسأليلي على المنشر او لو في اي مناشر تانية اسعارهم وطريقة التركيب ياريت لأني محتاجة واحد ويكون سهل تركيبه

نوجي حبيبتي ايوة انا عاملة فينيل ياقمر

تيامو ازيك يا حبيبتي واحشاني اوي الاستيكرز انا جايبة الصيني العاديين من 2ونص بس لقيت محل عنده اشكال كتير في الحلمية غير اللي بلاقيهم دايما في اي محل وطبعا في ناس في فتكات بيبيعوا الاستيكرز بس مش الصيني دي بالمتر واي اشكال والوان تعجبك بس انا ملحقتش اطلب منهم لما اخلص الشقة واشوف هحتاج ايه هطلب كام حاجة كده تكون قيمة شوية وتنفع في الريسبشن

ميراميا انا بصراحة معرفش رد لسؤالك عايزين نسأل اي دكتورة انتو معندكوش حد في كليتكوا يكون دارس الحاجات دي ولا صيدلة ملهاش علاقة بالموضوعات دي؟

هو انا اللي اعرفه ان فعلا لو لبسان برا واسع ممكن يجي ترهل انما لو ملبسناش خالص عارفه ان ده الافيد وعموما لغاية منوصل لرد اكيد يابنتي البسي في البيت براهات عادي طالما لازم تلبسيهم بس هاتي الحاجات القطن والسبورت والسوفت وكده انا اغلب لبس البيت مش بلبس تحتيه برا بصراحة انا بلبسه اقل وقت ممكن