nosyy61;13720613:
بصي يا رشروش حل الشعر المقصف انك تقصي بعد التقصيف بسنتيمتر ليه؟ عشان الشعر المقصف مش بيقدر يطول بسهولةولو عندك قشر في شعرك لازم ولابد تعالجيهوانا روحت للدكتور وكتبلي كمان علي فيتامين كويس ومش بيزود شعر الجسم اسمه نيوترشن فور يور هير وكريم اسمه هيربال كير وبسم الله ما شاء الله كويس بس الفيتا مين قرص واحد في اليوم وهاتيه شريط بشريط عشان غالي شوية
بصي انا اللي اعرفه موضوع المج في محل في الديب مول جنب سالزبورج في الدور الاول بتديله الصورة وهو يطبعها علي مج من عنده او مخدة او اي حاجة يعني
F:
موضوع المج ده ممكن اى مكان يعمله ولا ايه ؟
بصوا يابنات انا متابعة موضوع شعرى مع دكتور وروحت قبله لكذا واحد المهم موضوع التقصيف ده اولا علاجه من الداخل لانه الغذا مش بيوصل للشعريه وموضوع القص مش بيحله ولا حاجة ومهما استخدمتى حاجات فمش هيروح اولا الحاجات الخضراء والخضار واناشخصيا بستخدم بانتوجار فيتامين للشعر والاظافر ممكن فى اول شهر مرتين وبعدين مرة ومش بيزود شعر الجسم
2- بلاش الشامبو اللى معه بلسم انا بستخدم شامبو فقط ومش هتلاقى غير فى الصيدليات الكبيرة انابجيب هيربل وبتلاقى جانبه البلسم لوحده وكذا نوع بيعملو دلوقتى كده انا كنت فاكرة شعرى من غير البلسم هيهيش مجرد ماشعرى اتعود على الشامبو بس بقى احسن كتير
3- بلاش حمام الكريم تدليكى بيه فروة الراس غلط لو عايزة تعملى مرة فى الاسبوع ومن اول التوكة وحمام الزيت بيكون لفروة الراس تدليكى بيه فروة راسك بنقط وبلاش يجى على الشعر يعنى اغسلى ايدك وبعدين لمى شعرك عشان الزيت تقيل على الشعر وبلاش بلسم لوحده بيبوظ الشعر وده مش كلام دكتور واحد ده اكترمن دكتور روحتله ونفس التحذيرات
4-لو عاوزة تعرفى شعرك مقصف بصى على نهاية الشعرلو لقيتيها مقسمة اتنين يبقى مقصف والدكتور لما بيجى يكشف بيورينى طروف شعرى والحمد لله التقصف راح
5- بلاش الصبغة بكل انواعها عشان هى اللى بتبوظ الشعر والدكتور اول ماروحتله كنت عاوزة اصبغ شعرى على الجواز قالى لو هتصبغيه بلاش احسن تعلجى شعرك وتصرفى فلوس وبعد ماتصبغى بتلت شهور يبوظ ويتبهدل اللى عاوز يصبغ الحناء العادية وحطى اضافت وحتى فى من العادية سوداء قالى دى لا وفى دكتورة بتعمل معها فى الصيدلية وعارفنا بنجيب منهاكل حاجة لقيتها عاملة لون حلو فى شعرها اسود ضيه بتنجانى كده غريب وميجيش غير صبغة سالتها صبغة ايه قالتلى ان عمرى ماصبغت عشان شعرى مايبوظش وقالتلى دى حنة عادية حطه عليها اضافات واكيد هى تعرف الصبغة الكويسة ده لوفى كانت استخدمتها
6-انا بستخدم كريم روتاج بدلك بيه فروة راسى كل يوم وبحطه مرتين على شعرى كله بعد الحمام وشعرى مندى ومش كتير لانه مش بكتره بحط حطه صغيرة جدا وبدللك بيه الطروف وده طبيعى فبيخد وقت يعنى مش من شهر اقل علاج للشعر من 3-6 شهور وانا بطلت كل الكريمات العادية والحاجات دى
انا قولتلكم على الحاجات اللى ممكن تنفع عموما مفيهاش ضرر لحد سواء الفيتامين او الكريم فهو اكيد احسن من الحاجات اللى بيعرضوها والسيرم مش علاج للتقصف والكيراتين انا شخصيا مقدرش استخدمه الالو الدكتور قالى
dr.doby;13721150:
تيامو انا معرفش سعر المكواة لانها كانت من اسعودية بسهى تقريبا عند بى تك ب500 جنيه
طب هى نوعها ايه واسمها ؟
نور84;13721351:
وانتي طيبة وبخير
طيب كويس انا كنت فاكره لازم كتير
جزاكي الله خيرا علي الرد يا لولي
طيب بالنسبة للميك أب والكريمات وكده اذا اشتريت من دلوقتي يبقي بدري ولا ايه لاني حاسة اني هاتزنق اذا اجلتهم للاخر وكمان هما بيبقي ليهم مده صلاحية ثلاث سنين تقريبا بس احفظهم ازاي من انهم مثلا يبوظوا او يسيحوا ؟؟؟؟؟؟؟
وكمان انا محتاسة في اختيار كريم اساس كويس وحلو كل اللي جربتهم بيجيروا الوش والتغطية مش مائه في المائه غير ان بحس الوش مش طبيعي
أنا بس عايزه يبقي الوش طبيعي كاني مش حاطه
انا رايى خليهم للاخر احسن ممكن الشوارت البرفانات الحاجات دى لكن الميكاب بلاش لوليسه ادامك كتير
مهندسة موون;13723452:
ازيكوا ياقمرات كل سنة وانتوا كلكم طيبين وان شاء الله السنة الجاية كلنا نبقى فى بيوتنا مع ازواجنا الى بنحبهم
يلا بقى عاوزة اسال عن اطقم التوزيع عاوزة اجيب طقم توزيع استانلس عاوزة اعرف هو كذا نوع ولا نوع واحد يعنى اية انضف انواع اطقم التوزيع الاستانلس ويكون بكام واجيبة منين يعنى انا قريب نازلة العتبة ممكن اجيبة من هناك بسعر معقول ولا اجيبة احسن من حمام التلات ؟
انا شوفت نوع فى التوحيد والنور فى كل حاجة فاتحة وكل الحاجات اللى بتستخدميه معدى 300
وفى نوع استانلس كله شوفته 190 بس مش فاكرة كام قطعة
meramia;13724479:
الله يسلمك ياتيمو ياقمر
طب عايزه بقي أسأل طب مش ممكن التيفال بتاعها يفرق مثلا
يعني أنا شوفت نوفال منزله بس حسيتها خفيييفه
وكان في نوع تاني مش معروف وأرخص بس تقيل فياتري مين أحلي بقي
وهخلي ماما تدعيلك دهوه جامده
ولا يهمك ياستي;)
وكمان سؤال بقي
هو المتغطيه ولا المكشوفه أحسن
بصى ياستى انا شخصيا عاحبنى المتغطية وكمان الى شوفته فى التوحيد والنور مكنش فيها نوفال بس انا مش بحب نوفال وعاوزة اقولك ان صاحبتى جايبة واحدة ب45 وماركه مش معروفة وزى الفل معها يابت انزلى وشوفى انا مثلا شوفت واحدة ب75 بس معجبتنيش صغيرة ودى الصور جابتهالك ;)
فى النوع ده
صحبتى جايبة زى دى بس ليها ايد واحدة وبتتفتح بالطول وفيها حطة شفاف ومكتوب عليها للفرن
ودى معها الفرخة :lol::lol:اى خدمة انا اللى شوفتها فى نوع مش معاه القطعة الاستنالس من جوه زى بتاعت صحبتى بتشوى على التيفال على طول
ودى اللى طاسة الجريل
وفى اشكال تانية كتير بدل الاستالس من بره لونها ابيض وفى نوع فوق زى تحت الاتنين تيفال عشان تبقى الحاجة من الناحيتين مش زى اللى فوق غطاء بس انا احتمال انزل التوحيد والنور وهجبلك المفيد
عاوزة بقى من طنط دعوة جامدة وركزى كده :)لحسن ادبحك :worn_out:
وميراميا قوليلى الصينى اللى جبتيه من درب السعادة فرزتيه من هناك ولا ايه وايه الحاجات الكويسة ؟