كل سنه وانتم طيبين
عايزة اسال سؤال انتو ليه بطنشونى بجد:'(:'( كل اما اسال سؤال محدش يرد عليا:(:( وكل اما اكتب مشاركة برضه محدش بيعبرنى:-#:-#
عمتاا برضه بحبكم فى الله وانتو زى اخوات والله وبجد مقدرش اعدى يوم من غير ما ادخل اشوفكم
nanono;13690672:
لاسبوزا صحيح نسيت ارد عليكي في موضوع السجاجيد
بصي ياستي انا الحقيقة ملفتش كتير او بمعنى اصح ملفتش خالص
انا بصي وانا عند بتاع الفعش اللي في الشارع الجديد شوفت محل كبير بتاع بواقي تصدير تقريبا ولقيت عنده سجادة حلوة للسفرة فروحت شارياها كانت ب 100 جنيه هي مش شاجي هيعادية بس مودرن كلها اوفوايت سادة خالص وفيها خطوط عشوائيةكده بني وعسلي وكان في اشكال كتير جامدة جدا وفي شاجي طبعا وكله وفي اسعار كتير وفي كلاسيك وفي مودرن
مشترتش سجاجيد تانية قولت لما افرض اودة النوم ابقى اشوف محتاجة سجادة كام لأن الأودة صغيرة والركنة قولت لما اجيبها اشوف سجادة حسب لونها
المهم يوم الخميس اللي بعد الجواز لما نزلت جبت الركنة بابا وماما صمموا اني اجيب اغلب الحاجات اللي ناقصة في ساعتها فعلى مجبنا الركنة وشوية حاجات للمطبخ من التوحيد والنور ونزلت هارون عندنا اشوف النجف كان في بتاع سجاجيد علطول عامل عروض برضه تقريبا عنده بواقي تصدير او تصفيات مش فاهمة بظبط بس علطول بيبقى عنده اظن اني قولتلكوا عليه قبل كده فدخلت اتفرجت ومكنش عندي اي اختيار تاني غير المحل ده لأن بابا وماما كانوا هيمتوني والساعة خلاص كانت 11 بليل ولسه هجيب النجف فالمهم لقيت عنده مشايات مودرن بالمتر فجبت اد اودة النوم لأن المساحة الفاضية صغيرة اوي فجبت ادها وعلى اساس مقاس الباب وهو مفتوح المتر تقريبا كان ب 70 ولا اقل مش فاكرة فانا بتاعتي برضه مكملتش ال 100
وجبت للركنة سجادة اسود وفيها دواير اوف وايت حاولت ادور على لون اقرب للركنة ملقتش الركنة رمادي في خطوط ابيض واسود المهم جبت دي موقتا على ملاقي سجادة سودا او رمادي سادة او حاجة يعني متخرجش برة التلات الوان لأن مش عاجبني الاوف وايت اللي في السجادة حساه مش ماشي اوي ودي كانت ب 150تقريبا والله مش فاكرة بس مش غالية خالص
وجبت مشاية صغيرة تمشي مع لون بتاعة السفرة ونفس قماشها ونفس اللون اوف وايت وفيها خطوط بني كانت ب 50 جنيه بس طبعا اتبهدلت اوي الالوان الفاتحةبتتبهدل بسرعة خصوصا اني بذكائي حطاها في اول الشقة قولت عشان تبقى جمب السفرة وماشية معاها بس مكنش ينفع اجيب غامق لأني عملت كل السفرة بني محروق حتى القماش فكان لازم حاجة تفتح في الأرض عموما هشوف قدام شوية كده هغير النظام واشوف يمكن الاقي حاجات اغمق شوية بس متغمقليش الدنيا اوي
صحيح بريتي مي انتي يا حبيبتي جبتي السجاد خلاص لما ياستي يبقى بعد كام سنة يتبهدل ابقي هاتي غيره لكن طالما زوقك وعاجبك خلاص مانا جبت الوان فاتحة في السفرة بس عاجباني اهم حاجة بس متجبيش كل حاجة غامقة وتغمقي الدنيا يعني اكيد الدهان والعفش ميكونوش غامقين كمان اوي كده
بنات صحيح انا عمالة اضحك اوي من كتر كلامنا ع المايكروويف وريناد ياعيني هتتجنن مش عارفة تعمل ايه هههههههههههههههههه
بصوا يا جدعان الموضوع مش موضوع المايكروويف في حد ذاته يعني مش موضوع اشعة المايكرويف وضررها وبس هي الحكاية ان المايكروويف بأضراراه دي واحد من مليون حاجة احنا بنستخدمها وبنتعامل معاها وعلى المدى البعيد الحاجات دي بتسبب أمراض خطيرة والعياذ بالله
ايمي انا مش معاكي ان الامريكان هما اكتر ناس بتخاف على صحتهم ولا حاجة والدليل نسب السرطان المرتفعة جدا عندهم والعياذ بالله والسمنة والحاجات الكتير اللي بيعانوا منها وهما اساس عادات غذائية كتير غلط في العالم وعلى فكرة في ابحاث كتير جدا عن موضوع المايكروويف ع النت وكلها من امريكان وبتتكلم بالتفاصيل عن اضراره وكده وزيهم زينا زي محنا عايشين على حاجات كتير بقالنا سنين وفي ابحاث عمالة تطلع وتثبت غلط الحاجات دي زي مثلا مفهومنا ان شرب اللبن مفيد وزي الاهتمام اللي بدأ جديد بالطب البديل وبطريقة اكل وعيشة سيدنا محمد صلى الله عليه وسلم واد ايه كان كل حاجة بياكلها وبيعملها ليها سبب، هما كمان عندهم ابحاث علطول بتتكلم في كل حاجة ومنها المايكروويف وزي اي حاجة علمية في الدنيا مفيش اتفاق كامل اوي عليها والابحاث شغالة ولو دورتوا ع النت يا جماعة هتلاقوا حاجات خطيرة بجد مقالات وابحاث كتير وكل مقال او بحث منهم ماسك نقطة معينة من اضرار المايكروييف
اللي اقصده ياجماعة ان في حاجات كتير غلط في حياتنا فمفيش داعي اننا نزودها كمان بالمايكروويف الموضوع مش محتاج تفكير ايه اللي عليا احط جهاز اشعاعي في المطبخ؟!!! هو مش من الاساسيات خالص يعني كفاية علينا البلاوي التانية وكفاية كمية الاشعاعات اللي بنتعرضلها يوميا من كل مكان
كفاية الاكل الغلط الملوث
استخدامنا للبلاستيك في حاجات كتير
اكلنا اللي 90% منه غلط
الحاجات الجاهزة اللي مليانة مواد حافظة وحاجات مضرة
مش ناقصة كمان نروح مزودين حاجة زي المايكروويف وبعدين محدش يقول محنا عايشين بقالنا سنين ومحصلش حاجة مفيش حاجة هتحصل في يوم وليلة يا جماعة واحنا شايفين اهو اد ايه بقى ناس كتير عندنا في مصر عندهم سرطان ربنا يعافيهم ويشفيهم يارب
الناس دي مجالهاش المرض فجأة لا دي بتراكم حاجات كتير لمدة سنين ومحدش يقارن بينا وبين الناس بتوع زمان والدليل انهما ماشاء الله لغاية سن كبير عايشين بصحتهم زي الفل ومجاتلهمش اي امراض من اللي بقت منتشرة دلوقتي كأنها شئ عادي ده لأن هما مختلفين عننا تماما كانوا بياكلوا خضار وفاكهة نضيفة كانوا علطول في حركة مش قاعدين ليل ونهار زينا كانت بيوتهم بسيطة مفيهاش كمية الاشعاعات والطاقات السلبية اللي حوالينا بيشربوا مياة نضيفة بياكلوا حاجات كتير بطلنا ناكلها دلوقتي واظن دارين اتكلمت عن الموضوع ده قبل كده
فبجد يا جماعة بلاش موضوع المايكروويف ومش هووبس عايزين على اد منقدر نقلل من استخدام اي حاجة مضرة
وربنا يعافينا جميعا يااارب
بجد يا نونا انتى كلامك حكم بجد ماشاءالله عليكى وكلامك فعلا صح هما ليه عاملين عليه ازمة
يعنى اللى مش هتجيبه جوزها هيقولها انتى مجبتهوش ليه:!!:
كنت عايزة اقيمك بس الميزان رافض
وابقوا ردوا عليا بقى 8o|8o|
بحبك فى الله
هى فين لاسبوزا انهاردة المنتدى ملوش حس من غيرها بجد^o)
وكمان مرامية مختفيه يا جماعه محدش يعرف عنهم حاجة
والف مبروك يا مشتاقه الى الجنة ويارب تفرحى بالنونو قريب انتى ونوناF:
سؤال انهى دلوقتى احسن فرد تشى ولا كيراتين ؟؟
وفطموه بليز ياريت تصورى ازازة الكيراتين اللى انتى جبيتها من عند سمير وليم وقولى شعرك عامل ايه بعد الفرد؟؟؟