الرئيسية ركن العروس تجهيزات و استفسارات العروس »¤‡° تجهيزات عرائس لشهر ذو الحجه 1431 - 2010 م / الجزء =154°‡¤«

»¤‡° تجهيزات عرائس لشهر ذو الحجه 1431 - 2010 م / الجزء =154°‡¤«

emy_alex 06-11-2010 2,294 رد 65,675 مشاهدة
t
te amo
عروس مبدعة
14-11-2010 | 11:14 PM
fatomalove;13692011:
[QUOTE=te amo;13691426]

حبيبتي انا كنت جايبة وشوش النسكافيه من مركاتو استنلس نضيف اوي كانت ورقة فيها تلات وشوش ب 23 جنية وجوانتي التنضيف دة انا شفته في هوم تتش ب 10 جنية

اوعى تقولى انى مش هلقيها فى هوم تتش:-o و مركاتو مش فى مصر الجديدة بعيد عليا وانا فلة فى مصر الجديدة :badly:

مشمشة تامر;13692322:
تعالى يا اختى دة انا هطق طقة وحشة اوى:badly:


ماشى يالله حددى المكان والزمان وشكلنا هنعملها رحلة ده انا امبارح كنت عاوزة اقتل :(حد وشكلى هجيب منوم عشان انام :sleep:





انا جبتهم من هوم سنتر في كارفور العلبة فيها 2 كيس كبير و كيس صغنن بـ 35 ج بس حلوين اوى يا قمرات
انا مش عارفة الامكان دى خالص فين :'(


انا ماليش يا قمرة اكونت على الفيس ماماتى هى الى ليها هههههههههههههه بس بعلى بيزعق لى اما بدخل على الاكونت بتاعها

و بالنسبة للصور بتحددي مين يشوفك و مين لا بينفع يا قمرة تحددي مش اى حد بيشوفك

يعنى مش هتعرفى تتدخلى الجروب ^o)




تنوريني يا قمرة بصوتك الى زي الكروان دة يا جميل

و بعدين يعني ايه يا اوختى ار سي ار دة كرستال ولا نوع كدة ولا ايه بالظبط مش فاهمة

وانا كمان مش فاهمة:!!: انا الكاسات اللى بيعجبنى شكلها بجيبها ودى اهم حاجة بالنسبلى العلم نور




[QUOTE=ميرفى50;13692517]ميراميا الف مليون سلامه عليكى
نانو انت عسوله اوى وبجد ردودك جامده وعقبال ما بنفرح باحلى خبر فى الدنيا وتشرفينا فى تجمع الامهات اللهم امين
سمسه انا بعتلك اسمى يا ريت تضفينى بقى هاموت واشوف صور البنات
يارب يامرمر العماره تخلص وتجوزى وتخلفى وتبقى احلى عروسه فى الدنيا كلها
نداء الى دارى عاوزة اعرف اسم القناه ورقمها اللى جبتى منها فرن الهالوجين ضرورى جدا
لقاء عاوزة صور الاسدال اللى انت جبتها ضرورى اوى


انا هحبك اوى :adore:عشان انتى حاطة صورة الممثلة اللى بموت فيها وبتفرج على كل مسلسلاتها




خووخة احمد;13693380:
السلام عليكم ورحمة الله وبركاته



ازيكو يا بنات كل سنه وانتو طيبيبن والسنة الجاية باذن الله نكون كلنا فى بيتنا ان شاء الله

تقريبا فى بنوتين هايعملو العملية الف سلامة عليكم ربنا يقومكو بالسلامة

نانو انتى زى العسل بحس ان اللى فى قلبك على لسانك ربنا يكرمك يارب انا بستفاد منك اوى والله

بطوطة اه الكاسات حلوة كده اانا كنت جايباه 120 من تيوليب مبروكين عليكى

مشمشمة تامر احجزيلى معاكى فى الرحلة ضرورى عشان انا خلاص جبت اخرى والله يلا الحمد لله على كل شئ

سؤال يا بنات


هو انا اجيب شواية فوق البوتجاز او اللى هيا بالكهربا ولا اكتفى باللى فى البوتجاز انا كده كده هاجيب جريل صغيرة كده للحاجات الخفيفة ؟

مش انا قولت محدش يكتب باللون بتاعى:082: اعورك يعنى:098: ولا استنى اما اشوفك فى الرحلة ادينى هغير اللون لو عملتى كده تانى انتى حرة :011:
كده بقينا 3 فى الرحلة :064:
بصى يام تجيبى اللى بالكهرباء ياما اللى فوق البوتجاز انا كنت هجيب الكهرباء وبعدين الراجل قاللى اللى فوق البوتجاز احسن وكله بيشكر فيها مع ان فرق السعر كبير بس هو عرفنى وانا برده حسيت ان الكهرباء مش هطلعيها كتير لكن التانية هتستخدميها اكتر وشوفى اللى يريحك عارفة انا كان نفسى:adore: اجيب الشواية اللى بيبقى فيها فحم وبتتباع فى الحسين بحبها اوى بس طبعا ريحة الاكل بتلم الناس من على الشارع اللى بعدكم غاوية تعب انا صح ;)
y
y.choclate
عروس مبدعة
14-11-2010 | 11:16 PM
dr.muslimah;13694193:




سؤال بقى هو لازم اجيب مفارش للنيش؟؟؟؟؟؟




بصي علي حسب نظام شقتك لو مودرن صريح يبقي لا لو كلاسيك يبقي هاتي لو نص نص يبقي ممكن كده وممكن كده جربي وشوفي ايه الاحسن ويارب يتمملك علي خير يارب:L:
.
.* اميرة *.
عروس ماسية
14-11-2010 | 11:16 PM
كل سنة وانتوا طيبين يابنات

عايزة اسالكوا سؤال مهم جدا وواجع دماغى اوى
طبعا كلنا بنزيل الشعر الزايد اما بالسويت او البراون او جهاز الشمع السؤال بقى لمنطقة الابط والمنطقة الحساسة
مش المفروض البنات اللى بتستعمل السويت والواكس بتستنى شوية لحد مالشعراية تطول؟
طب بتعملوا ايه وانتوا متجوزين يعنى عادى ممكن تستنى لحد مالشعراية تطول ولا صعب وحاجة تكسف؟
قولولى يابنات بتعملوا ايه عشان دماغى وجعتنى والله


زهرة نورما فين التقرير الجامد يابنوتة استنيتك وماجتيش عالماسنجر8o|
عودى ياهاميس
m
mesk_2005
عروس مبدعة
14-11-2010 | 11:19 PM
السلام عليكم

ازيكم يابنات عاملين ايه وحشتوووووووووووووووووني جدا
والف مبروك لمشتاقه الى الجنة وربنا يسعدكم كلكم

سؤال المخالفه عشان مااتحدف بره عاوزه غسالة اطباق نوع كويس اللى يعرف يقولى ؟
م
مشمشة.
تاجرة
14-11-2010 | 11:19 PM
soshe;13690624:
مشمسة أنا رديت عليكى فى الموضوع بتاعك عن الفرد على كل واحد من أنواع الفرد وعمل أيه معايا أنا وأختى فبلاااااااااش الفرد خالص تانى حاجة بئا ممكن اعرف انتى فى كلية أيه وسنة كام ربنا معاكى يارب أصل تلات سنين خطوبة كتير اوى ربنا يسهلك زواجك يارب قبل التلات سنين يارب



بس اعمل اية يعنى ياقمر ماانا عايزة شعرى يبقا كويس على الاقل اول فترة

وخطيبى بيحب الشعر الناعم اوووى:mad::badly:

انا عندى ياقمر 23 سنة مخلصة كلية تجارة وبشتغل مدرسة(مش تقوليلى ازاى اية اللى جاب التجارة للتدريس )هقولك معرفش

بس اية حكاية ال 3 سنين خطوبة من قالى انى مخطوبة بقالى 3 سنين

مشمشة تامر

شكرا ليكى ياقمر ومستنية صور النيش

رشروووش

نيش اخوكى جميل اوووى ياقمر

مبروك علية


سؤال: عايزة اعرف مكان اجر منة فستان الفرح يكون شيك لانى عايزة فستانى سيمبل خااالص واكثر الفساتين الللى شفتها اوفر اوووى

2- فى بنوتة قالتلى على امريكان فرنتشر بيبيع ركنات وانتريهات بالقسط حد يعرف اسعارة اية غالى ولا لا
t
te amo
عروس مبدعة
14-11-2010 | 11:27 PM
red roseee;13693719:
اذيكم يا بنوتات واحشني والله في بنوتات كتير انضموا لينا اهلا بيكم و البنوتات القدام وحشنيييييييييييييييي جدااااااااااااااااااااااا
استنووووووووني شوية عمالين بتجروااااا:'(:hysterical: مش عارفة الحقكم كل ما اقرأشوية الاقيكم ركبتوا طيااااااارة:worn_out: ومشيتوا 20 صفحة
بس بردو انتو حبيبي ماقدرش ماكنش موجودة بس عايزة اشارك معاكم زي زمااااااااااااااان حاسة في حجات كتير فاتتني:'(:'(
استنوني
استنوني
[SIZE=5][COLOR=#0000ff]استنوني

استنوني
:-#:'(:o^o):worn_out::hysterical:

[/COLOR][/SIZE]دكتورة مسلمة
الف الف الف مبروووووووووووووك يا سكرة ربنا يتمملك بالف خير ويسعدك





نانو يا حبيبتي يا قمر بجد بجد تسلمي على كل الكلام اللي بتقولية حكم حكم بتطلع من بقك
بحس كدة انك عايزة تفيدي البنات جدا بجد ربنا يخليكي يا عروستنا وليكي احلى تقييم على كلامك الجامد ومستنيين الصور يا قمر



تسلمي يا قمر على التقرير الشامل الكامل المفيد الرهيب ده:D بجد شكرااااااااااااااااااااااا
بس سؤالي معلش يا قمر ؟ هو الحمام البلدي دة بيغني عن الحمام المغربي ؟؟؟؟؟؟؟؟؟؟؟؟؟


مشتاقة الى الجنة يا قمر الف مبروووووووووووووووووك يا عروستنا الجميلة منورة التجمع
ربنا يسعدك يارب

سؤال بقااااااااااااااااا؟
هو انا لو عايزة اروح الرويعي او مول العربي هما في حتة فيها ونس كدة لاني هروح لوحدي و خايفة ؟؟ ولو قلت للتاسي هيعرف يوصلني ؟؟؟ او اقلو اي علشان يعرف الطريق؟؟؟؟

هيا اكياس الضغط دي مش بتبوظ الهدوم حد جربها ؟؟ وليها اسم تاني غير الاسم دة ؟؟؟ ولو حد عندو صورة ليها يبقا جزاكم الله كل خيررررررررررررررررررررر

ورجعالكم لما اقرأأ شوية صفحات


متتاخريش دى اكياس الضغط وطبعا هتقولى بنستخدمها ازاى فى الصورة اللى بعدها انا ليسه مجبتهاش بس ان شاء الله هجيبها عشان هتوفر معايا مساحة واى خدعة



t
te amo
عروس مبدعة
14-11-2010 | 11:36 PM
مشمشة.;13694276:
بس اعمل اية يعنى ياقمر ماانا عايزة شعرى يبقا كويس على الاقل اول فترة

وخطيبى بيحب الشعر الناعم اوووى:mad::badly:

انا عندى ياقمر 23 سنة مخلصة كلية تجارة وبشتغل مدرسة(مش تقوليلى ازاى اية اللى جاب التجارة للتدريس )هقولك معرفش

بس اية حكاية ال 3 سنين خطوبة من قالى انى مخطوبة بقالى 3 سنين

مشمشة تامر

شكرا ليكى ياقمر ومستنية صور النيش

رشروووش

نيش اخوكى جميل اوووى ياقمر

مبروك علية


سؤال: عايزة اعرف مكان اجر منة فستان الفرح يكون شيك لانى عايزة فستانى سيمبل خااالص واكثر الفساتين الللى شفتها اوفر اوووى

2- فى بنوتة قالتلى على امريكان فرنتشر بيبيع ركنات وانتريهات بالقسط حد يعرف اسعارة اية غالى ولا لا

هو بيعمل عروض كل شويه كان عامل عرض من قريب بس مش فكرة انزلى اتفرجى وشوفى الاسعار
طب مانتى ممكن تجيبى البببى ليس لان الفرد والحاجات دى غلط جدا يعنى البيبى ليس ارحم
هما مش قصدهم انتى قصدهم مشمشة تامر
t
te amo
عروس مبدعة
14-11-2010 | 11:47 PM
زهرة نورما;13680926:

لا حول ولا قوة إلا بالله ..بصى بصى اولا انا زى اختك والكلام اللى هاقولهولك دة متزعليش منه بس مبدأئيا انتى لازم تفهمى ان كل شيئ بيد الله سبحانه وتعالى وطالما بتدورى على حقك فربنا معاكى واكيد اكيييد اللى فيه صالح ليكى هو اللى هايكون
ثانيا بقى مش من حق لا العريس ولا اهله ولا الدنيا كلها تقول ان عروسة مش يتكتبلها قايمة طالما مجهزة بالنص دة غير حاجاتها ومش واخدة مهر كمان والراجل اللى يرفض هو واهله موضوع القايمة يبقى راجل مش مقدر معنى الجواز علشان يحصل فيوم لاقدر الله مشكلة ولا حاجة يروح فاتحلها باب الشقة ومخرجها واخبطى راسك فى الحيط
الراجل اللى بيعرف اللى ليه واللى عليه دة انسان حقانى وبيعرف ربنا وبيتقى الله ومامتة دى هى لو بنتها وعريسها عايز يكتبلها قايمة هاتقولة برضه لأ...........سبحان الله فى البشر لا يؤمن أحدكم حتى يحب لأخيه ما يحب لنفسه
والله يابنتى القايمة دى فى اوقات كتير مالهاش لازمة وخصوصا لما ربنا يبقى كاتب التوفيق العمر كله واحيانا يحصل انفصال بالتراضى وفيه واحده واهلها ممكن يتنازلو كمان لكن فى الاخر دة حققق واطمئنان على الاقل يبقى حاسس انه خدك بتعب اوعى تزعلى اهلك اهلك بيحبوكى وخايفين عليكى وبدل ماتزعلى من انه مجاش برغم انه موقف غير مسؤل واستهانه بالناس الكبيرة ازعلى علشان مش عايز يكتبلك قايمة يضمن بيها حقوقك
وعلى فكرة بقى موقفه دة يخلى اهلك مصمميييييين اكتر على القايمة لانه واضح انه مش يكبر لحد اوعى تزعلى منى بس والله انا خايفة عليكى كأنك اختى لانى بصراحة بحس البنات دول بيصعبوا عليه اووووى هو انتى احسن من البنات اللى بيتمضلهم ورق على بياض
عارفة انا امى متعقدة من الحاجات دى وامه طلعت زيها كمان يوم قعدة الاتفاق كل ماتتخيليه اتفتح واتناقشوا فيه واتفقوا علية علشان متحصلش المفأجات دى
ربنا ييسرلك امورك ويجعل لكى من كل ما أهمك فرجا ومخرجا عاجلا غير اجلا ويسعد قلبك يااااااارب




محل ام ام طلعت حرب قدام العبد بتاع الحلويات
وفيه فى الميدان بعد التمثال فرع تانى وقدامة كذا محل عائلة جورج كلهم :D عندهم برضه حاجات فى الشياكة
وممكن برضه btm ممكن تشوفى ليه فرع فى البطل احمد عبد العزيز بس نااااااار






عندك المتحجبة
والسلام شوبنج سنتر اللى فى شارع السودان فيه حاجات جامدة وبيعمل مقاسات كبيرة
وفيه بريونى اخر فيصل خااالص روحى بريونى الاول فيه سواريهات كتير لو ملقتش مقاستها متلفيش كتير اطلعى على السلام وهتلاقى ان شاء الله

مبروكين عليكى اعتقد دى شقتك ودة ذوقك انا كمان ساعات بلاقى هجوم عليه من مامتى كمان بس دة مملكتى اللى هاعيش فيها
لكن من حيث النضافة هى عندها حق هو هيبان فيه التراب بسسس على ما اعتقد


عسوله عمرو امبارح كان عندنا فنى غسالات سألتهولك قاللى العادية امتن ومش بتبوظ بسرعة اما التانية بتاخد وقت برضه لحد ما مش عارفة اية بيدوب فيها
مع ان فى واحد تانى قاللى احلى وقرايبى بيقولو احلى فمش عارفة بقى اسألى كويس واستخيرى ربنا بقى
سؤاااااااااال بقى ومتكسفونيش عايزة اجيب لانجيرى مستورد الحاجات اللى مبشفهاش غير على النت دى وتكون اسعارها كويسة نوعا ما ؟؟؟؟؟؟؟؟؟[/CENTER]

بصى فى محل كوكى فى شهاب وليه فرع فى بلتنيوم مول هو اسعاره غاليه شويه بس حاجته وهم يعنى اللانجيرى الاميركى كان عامل 120 وقمصان النوم وهم لانه بيعتمد على الخامة والشكل وعنده اطقم برهات واندر حلوة موت حتى ماما كانت معايا قالتلى الخامة بتعته زى الحاجات اللى كانت عندها من بره يعنى تلاقى القميص مش بيحرر اعتقد حاجته فرنسى بس وهم وفى محل تانى فى بلتنيوم مول ساعات بيعمل خصم هتلاقيه فى الدور التانى
l
lasposadelnilo
عروس رائعة
14-11-2010 | 11:56 PM
مساء الخير يا بنات كيفكم كلكم عاملين ايه
معلش تعبانه موووووووووووووووووووووت
ومخنوقه موووووووووووووووووووووووت
من اول ما صحيت الصبح من 8 وانا في المطبخ والصاله بظبط الشقه انا واختى واتهد حيلنا وكمان طبعا كنت صايمه وبجد مش شايفه قدامي وفي الاخر اخر اليوم ختم بالخناقه التمام مع ماما خناقه ليها العجب ونامت زعلانه منى وانا قرفانه من نفسي موووووووت وزعلانه وتعبانه جدا وقاعده لوحدي ومش عاوزه اكلم اي حد في الاخر قلت اجيلكم شويه لاني هموت
واحمد كلمني هوا في الحج راح مكه هوا اصلا بيتشغل في السعوديه وكان مسافر من غير تصريح وحاجه تقلق كلمني من شويه هوا على جبل عرفات
طبعا رديت من غير نفس نهائي
والكلام كان بيطلع بالعافيه
بس الحمد لله محسش انى مدايقه كان مفكرني نايمه وطبعا كان عاوز يكلم ماما يعيد عليها وهي عملت مقموصه ومردتش ترد عشان بتاعقبني
ولا عرفت اقله يدعلينا ولا اتكلمت
قلتله ماما نايمه هي فعلا كانت ناميه بس عادي كتير كانت بتصحى عشان ترد عليه
معلش عننتكم بس بجد مش طايقه هدومي حتى ومش عارفه اعمل ايه
اليوم كان ماشي تمام قفل بغم

saso_mc;13690108:
نودى كل سنة وانتى طيبة ياسكر والسنة الجاية منورة بيت احمد ان شاء الله
محلات الميكب الى انا قصدى عليها انزلى من مترو العتبة وامشى ناحية ش الازهر عند التقاطع بتاع جامع البنات تدخلى يمين ناحية الموسكى وحارة اليهود هتلاقى اكتر من 50 محل واسعارهم حلوة اوووى انا بتعامل مع واحد اسمه الملكة هما زى بتريانات كده مش محلات كبيرة يعنى
وهسأل اصحابى وهعملك تقرير عن الحمام البلدى





ميرسي يا ساسو ياقمر
الراجل اللي ماسك الميزان بيخنق عليا هوا راخر ومش عاوز يخلني اقيمك لا هنا ولا في الديكور
معلش هطول بالي عليه واشوف اخرتها
وربنا يخليكي ياسكر
ادعيلي شكل هسلم نمر قبل ما اتجوز
انا بقيت بجيب جاز


saso_mc;13690421:




البنوتات الى سالوا عن الحمام البلدى
معلوماتى ان فيه واحد اسمه حمام التلات ده فى بولاق الدكرور انما الى عندنا بيتعاملوا معاه فى باب الشعرية فى شارع اسمه امير الجيوش
الحمام ده بيعمل ايه؟؟؟
ممكن اى واحده عادى مش عروسة يعنى تروح تستحمى ازاى ؟؟؟
بتدخل مغطس تقعد فيه شوية او لو مش عايزة بتقعد عادى تاخد البخار الى طالع من المغطس وبعد شوية بتيجى واحدة لابسة فى ايديها جوانتى كده صوف اسود فيه سنون خشنة شبه الليفة المغربية وتقريبا بتحط عليه خل وتقعد تفرك فى الجسم على فوق وطبعا البخار مع الخل مع الليفة دى بتطلع بقى الجلد الميت كله وبتوريكى كل الى بيطلع مش عشان تحسسك انك معفنة لا سمح الله لا عشان توريكى شطارتها
بعد العلقة دى بتشطفى جسمك وبتحط عليه ماسك زى ترمس وماء ورد ومش عارفة ايه تانى وبرضه تقعد تفرك على الجسم شوية وبعدين تقومى تشطفيه
بالنسبة للعروسة بيحصل ايه بتدخل العروسة تحجز يسالوها انتى عايزة استحمام بس ولا بروجرام عروسة كامل
البروجرام الكامل بيبقى سويت للجسم كله واستحمام وماسك الترمس والتعطير وده ب 200 ج
الاستحمام وماسك الترمس ب 60 ج
الاستحمام فقط ب 30ج
وكمان فيه ماسكات تانية معرفش حد جربها الماسك تقريبا ب 30
الليفة الى عندهم بشتريها لو عايزة وبتاخديها معاكى بعد ماتخلصى كضمان يعنى انك مستخدميش مكان حد ب 30ج
انا روحت هناك كتير مع عرايس لكن مجربتوش بس الخلاصة انه تحفة
اولا محدش بيعمل سويت زيهم ساعة تبقى مخلصة والنتيجة تحفة بيحطوا كمان بنج عليهاومش بتحسي باى حاجة
ثانيا البياض والحمار الى بشوف صحابى خارجين بيه مش ممكن يكون نتيجة دش فى البيت
ثالثا وده لسه عارفاه من عروسة ان الاتومسفير هناك بيعمل راحة نفسية واسترخاء فظيع يعنى تخلصى من الايسترس الى بيكون عليكى قبلها من دوشة فرش وغيره
وكمان بينشط الدورة الدموية وتستعيدى نشاطك
ملحوظة : البخار هناك بيخلى العروسة تخرج جعانة اوووى ههههه بيفتح نفسها
كمان بالنسبة للعرايس الى زى بتتكسف احب اطمنه انى هروح وهاخد البرنامج التانى الى هو ب 60 ده وكمان هابقى لابسه مايوه وهى مش بتكشفك وبتحاول تعدى الليفة من ورا الهدوم
وكمان ساعة صاحبتى ادينا للبنت 10 ج وعملتله تدليك تحفة بزيت عطرى احنا كنا جابينه بجد حاجة واااااو
يارب تكونوا فهمتو حاجة واى سؤال اتفضلوا مش تتكسفوا

ايوه هي دي التفاصيل والكلام صح تجنني يا ساسو ورحيتيني على الاخر
ممكن اعمل ويت هناك ماعدا المنطقه اياها هتصرف فيها مع نفسي ولو انى مش عارفه ازاي
بس يمكن شرايح فيت اللي بتستعملها نانانو وشكرت فيها
واسعار الحمام هايله جداااااااااااااااااااااااااااااااااااا
وممكن على الاسعار دي نروح كل اسبوع مره قبل الفرح بشهر ونظبط الدنيا هناك
واخلى الكوافير للمكياج والطرحه

وقوليلي هتجيبي مايوه منين بقى
ههههههههههه
ضحكتيني وانا مش عاوزه يابنت الايه يا لذينه

nanono;13690672:
لاسبوزا صحيح نسيت ارد عليكي في موضوع السجاجيد

بصي ياستي انا الحقيقة ملفتش كتير او بمعنى اصح ملفتش خالص

انا بصي وانا عند بتاع الفعش اللي في الشارع الجديد شوفت محل كبير بتاع بواقي تصدير تقريبا ولقيت عنده سجادة حلوة للسفرة فروحت شارياها كانت ب 100 جنيه هي مش شاجي هيعادية بس مودرن كلها اوفوايت سادة خالص وفيها خطوط عشوائيةكده بني وعسلي وكان في اشكال كتير جامدة جدا وفي شاجي طبعا وكله وفي اسعار كتير وفي كلاسيك وفي مودرن

مشترتش سجاجيد تانية قولت لما افرض اودة النوم ابقى اشوف محتاجة سجادة كام لأن الأودة صغيرة والركنة قولت لما اجيبها اشوف سجادة حسب لونها

المهم يوم الخميس اللي بعد الجواز لما نزلت جبت الركنة بابا وماما صمموا اني اجيب اغلب الحاجات اللي ناقصة في ساعتها فعلى مجبنا الركنة وشوية حاجات للمطبخ من التوحيد والنور ونزلت هارون عندنا اشوف النجف كان في بتاع سجاجيد علطول عامل عروض برضه تقريبا عنده بواقي تصدير او تصفيات مش فاهمة بظبط بس علطول بيبقى عنده اظن اني قولتلكوا عليه قبل كده فدخلت اتفرجت ومكنش عندي اي اختيار تاني غير المحل ده لأن بابا وماما كانوا هيمتوني والساعة خلاص كانت 11 بليل ولسه هجيب النجف فالمهم لقيت عنده مشايات مودرن بالمتر فجبت اد اودة النوم لأن المساحة الفاضية صغيرة اوي فجبت ادها وعلى اساس مقاس الباب وهو مفتوح المتر تقريبا كان ب 70 ولا اقل مش فاكرة فانا بتاعتي برضه مكملتش ال 100

وجبت للركنة سجادة اسود وفيها دواير اوف وايت حاولت ادور على لون اقرب للركنة ملقتش الركنة رمادي في خطوط ابيض واسود المهم جبت دي موقتا على ملاقي سجادة سودا او رمادي سادة او حاجة يعني متخرجش برة التلات الوان لأن مش عاجبني الاوف وايت اللي في السجادة حساه مش ماشي اوي ودي كانت ب 150تقريبا والله مش فاكرة بس مش غالية خالص

وجبت مشاية صغيرة تمشي مع لون بتاعة السفرة ونفس قماشها ونفس اللون اوف وايت وفيها خطوط بني كانت ب 50 جنيه بس طبعا اتبهدلت اوي الالوان الفاتحةبتتبهدل بسرعة خصوصا اني بذكائي حطاها في اول الشقة قولت عشان تبقى جمب السفرة وماشية معاها بس مكنش ينفع اجيب غامق لأني عملت كل السفرة بني محروق حتى القماش فكان لازم حاجة تفتح في الأرض عموما هشوف قدام شوية كده هغير النظام واشوف يمكن الاقي حاجات اغمق شوية بس متغمقليش الدنيا اوي

صحيح بريتي مي انتي يا حبيبتي جبتي السجاد خلاص لما ياستي يبقى بعد كام سنة يتبهدل ابقي هاتي غيره لكن طالما زوقك وعاجبك خلاص مانا جبت الوان فاتحة في السفرة بس عاجباني اهم حاجة بس متجبيش كل حاجة غامقة وتغمقي الدنيا يعني اكيد الدهان والعفش ميكونوش غامقين كمان اوي كده
يااارب




ميرسي يا قمرايه يا ثكر اننتى
دايما ردورك بتحسسني ان الدنيا لسه وردي ولسه بخير ربنا يطمن قبلك ياقمر الاسعار حلوه موت
وبواقي التصدير بيطلع منها حاجات لقطه موووووت
ممكن بقى تقوليلي المحل ده مكانه فين لان اسعاره تجنن
ونزلينا صور شقتك بقى ياقمر
ربنا يزرقك بالزيه الصالحه يا نانانو يابنت بطني
ويبعد عنك الفيران

dr.muslimah;13694193:

الله يبارك فيكى ياقمر ومتشكرة على ردك وذوقك
ربنا يرضى عنك يارب



بت يانودى انتى مسخرة جدا والله
يارب يبقى فرحك احلى فرح وربنا يجمعك باحمد بتاعك على خير ياااااااااااارب
وحلوة حكاية البنات اللى يجوا يستعرضو دول والله عندك حق جدا
وانا هعمل زى ماانتى بتقولى
نودى هو انتى عندك كام سنة ياقطة؟




وانى مسخرتين ياختي يالله انشالله محد حوش
شكلي يدي كام سنه طييييييييييييييييييييييب


مممممممممم










بدون تفكير كتير مش هتعبك
انا ياست الحاجه مواليد
16-6-1986

ايه رايك في التاريخ اللي كله ستات ده

يعني انا تميت 24 حته بالتمام والكمال
وحطي عليهم كام شهر يعني تقريبا 24 سنه و 6 شهورررررررررررر




ومتجبيش مفارش للنيش
لما بشوف نيشات بمفارش بحها زحمه اوي مش عارفه ليسه
ت
تـيـولـيـب
عروس متألقة
15-11-2010 | 12:01 AM
السلام عليكم ورحمة الله وبركاته
كل سنة وانتوا طيبين يا احلى عرايس في الدنيا وان شاء الله السنة اللي جاية تبقوا كلكوا في بيتكوا وانا معاكوا طبعا
في حاجة بقى عاوزة احكيلكوا عليها بمناسبة العيد بقى وكلكوا عارفين ان العيد فرحة فقررت اعمل نيو لوك ورفريش لنفسي
وقولت اروح الكوافير اظبط شوية حاجات كده المهم وانا هناك جت بنت ومامتها في استشارة مستعجلة جدا وهي انها عاوزة تعرف اللي عملته في شعرها كيراتين ولا لاء
انا بصراحة اول ماشوفت شعر البنت اتصدمت كان ناشف بطريقة بشعة عارفين سلك المواعين والله كان انعم منه المهم ان مامة البنت حكت بقى انها راحت لكوافير مشهور بس مقالتلناش اسمه وقالتلها انها عملتهوها على اربع جلسات وبعد كل جلسه حاله شعرها تسوء اكتر والست تقنعهم انهم مش هتشوف النتيجة غير بعد ما الجلسات كلها تخلص وتغسل شعرها وقالتلها ان المفروض شعرها مش يتغسل غير بعد 10 ايام وطبعا النتيجة ان البنت اتنصب عليها وشعرها اتحرق وهياخد وقت طويل عشان يرجع لحالته هي كانت عملاه ب 1200 جنيه والبنت مش عارفه اللي اتعملها ده ايه كيراتين بس بايظ ولا فرد ولا ايه وفرحها خامس يوم العيد ان شاء الله بجد صعبانه عليا جدا
بعد بقى ما البنت ومامتها مشيوا الكوافيرة قالتلي ان في ناس كتير مش عندها ضمير ممكن تعمل اي حاجة وتقولك ده كيراتين
تاني حاجة مش بس البنت اللي ممكن يكون اتنصب عليها لا والكوافير اللي عملها ممكن اوي يكون اضحك عليها واتبعلها كيراتين مش اصلي او مضروب يعني لازم نكون واثقين مليون في الميه من المكان اللي بنتعامل معاه وانه بيستخدم ماركات اصليه ومضمونه
تالت حاجة ان الكيراتين مش بيفرد الشعر ذي الفرد ده بس بيحسن ملمسه وده بيبقى واضح من اول جلسه
رابع حاجة بقى اننا لو عاوزين نعمل كيراتين او نصبغ شعرنا لازم يكون قبل الفرح بوقت كفايه عشان لاقدر الله لو حصل حاجة في الشعر نلحق نعالجها
سؤال الحلقة بقى اجيب منين اسدالات للصلاة تكون حلوة وشيك من اليكس بليييييز اللي تعرف ترد عليا ضروري
y
y.choclate
عروس مبدعة
15-11-2010 | 12:12 AM
.* اميرة *.;13694249:
كل سنة وانتوا طيبين يابنات

عايزة اسالكوا سؤال مهم جدا وواجع دماغى اوى
طبعا كلنا بنزيل الشعر الزايد اما بالسويت او البراون او جهاز الشمع السؤال بقى لمنطقة الابط والمنطقة الحساسة
مش المفروض البنات اللى بتستعمل السويت والواكس بتستنى شوية لحد مالشعراية تطول؟
طب بتعملوا ايه وانتوا متجوزين يعنى عادى ممكن تستنى لحد مالشعراية تطول ولا صعب وحاجة تكسف؟
قولولى يابنات بتعملوا ايه عشان دماغى وجعتنى والله


زهرة نورما فين التقرير الجامد يابنوتة استنيتك وماجتيش عالماسنجر8o|
عودى ياهاميس



بصي يا ميرو اللي بيبقي متعود انه بيعمل سويت فالمنطقه دي علي طول نمو الشعر بيكون بطيء وكمان الشعرايه بتبقي ضعيفه بالنسبه للباط اول ما شعرايه تبدا تبص لو عملتيها بالسويت هتطلع او لو شديتيها هتطلع بس ده بالنسبه للي معود المنطقه نفسها علي السويت والمنطقه الحساسه بتستني عليها شويه نونو بس مش كتير عشان الفضايح وللعلم بالشيء والله مش بيركزوا اوي كده:o
لو اي استفسار ابعتيلي برايفت والف مبروك يا قمر





تـيـولـيـب;13694733:
سؤال الحلقة بقى اجيب منين اسدالات للصلاة تكون حلوة وشيك من اليكس بليييييز اللي تعرف ترد عليا ضروري




بصي يا قمر اي محل بيبيع عبايات هتلاقي عنده اسدالات صلاه او المكاتب الاسلاميه هتلاقي عندها ونزل منها اشكال شيك ومش غاليه خالص
ي
يارب وفقني مرمر
عروس ذهبية
15-11-2010 | 12:16 AM
مشمشة تامر;13687391:
بنات قبل كدة مرمر سالتنى انا اجوزت ؟؟

انا لسة انسة يا قمرات عااااااااااااااااااااااا بقالنا سنتين كاتبين كتابنا



ههههههههههههههههههههههههههه يالهوي كل ده شيلااااااه ف قبلك و ساااكته:D
المهم سيبك انتيي و مش تقلقي من اي حاجه كلنا هندعيلك هنا و هتقومي بالسلامه يا رب و تفرحينا و تيجيبي احلى بيبي:lol: لا لا بهزر:Dو تبقي زي الحصان و تخيلينا ف المنتدى بقى:worn_out:
dandoona 2008;13687611:
بس الحقيقة لسه مش بفهم فيه اوي:confused:

ايه يا بنات احسن انواع للصيني بالترتيب؟؟؟




انتي اسمك ايه على فيس عشان اضيفك؟؟F:
saso_mc;13690421:


البنوتات الى سالوا عن الحمام البلدى
معلوماتى ان فيه واحد اسمه حمام التلات ده فى بولاق الدكرور انما الى عندنا بيتعاملوا معاه فى باب الشعرية فى شارع اسمه امير الجيوش

اول حاجه تسلمي على كل معلومات دي و شجعتيني اووي
اول حاجه باب الشعريه دي فين؟يعني ايه عندنا مشهور عايزة اعرف بعيده اوي عني ولا اوصلها ازاي انا ف مدينة نصر
تاني حاجه هو كلام ده بيحصل قدام الكل ولا الست و البنت لوحدهم؟
تالت حاجه اتقال ان غلط لو بنت عشان في مضخات ف الميه هناك في كده؟
رباع حاجه مدش عمله و ندم:D؟
صدعتكF:
ANDLOS;13691057:
انا كمان ساكنة جامبك اوي يا جميل ياريت نتعرف

اجيب كم فوطة ؟


ده انتي تنورينييي
ابعتيلي ايملك على خاصF:

مشتاقة الى الجنة;13691105:
وسلامى للجميع
سؤال المخالفة
اجيب منين هدوم شتوى خروج حلوة بس مكان قريب من وسط البلد بلاش مدينة نصر ومصر الجديدة ؟؟؟؟؟؟؟؟؟


وانتي وحشتينااااااا اكتررررررررررررررررررررررررررررررررررر
انزلي علينا بقى بالنصايح و صور الشققهF:
ميرفى50;13692517:
يارب يامرمر العماره تخلص وتجوزى وتخلفى وتبقى احلى عروسه فى الدنيا كلها
[/COLOR]لقاء عاوزة صور الاسدال اللى انت جبتها ضرورى اوى


امييييييييييييييين ياااااااااااااااااااااااارب و لكي بالمثل يا قمرررF:

وانا نفس السؤال بتاع لقاااااااااااء
n
noogy
عروس مشرقة
15-11-2010 | 12:45 AM
saso_mc;13690421:


البنوتات الى سالوا عن الحمام البلدى
معلوماتى ان فيه واحد اسمه حمام التلات ده فى بولاق الدكرور انما الى عندنا بيتعاملوا معاه فى باب الشعرية فى شارع اسمه امير الجيوش
الحمام ده بيعمل ايه؟؟؟
ممكن اى واحده عادى مش عروسة يعنى تروح تستحمى ازاى ؟؟؟
بتدخل مغطس تقعد فيه شوية او لو مش عايزة بتقعد عادى تاخد البخار الى طالع من المغطس وبعد شوية بتيجى واحدة لابسة فى ايديها جوانتى كده صوف اسود فيه سنون خشنة شبه الليفة المغربية وتقريبا بتحط عليه خل وتقعد تفرك فى الجسم على فوق وطبعا البخار مع الخل مع الليفة دى بتطلع بقى الجلد الميت كله وبتوريكى كل الى بيطلع مش عشان تحسسك انك معفنة لا سمح الله لا عشان توريكى شطارتها
بعد العلقة دى بتشطفى جسمك وبتحط عليه ماسك زى ترمس وماء ورد ومش عارفة ايه تانى وبرضه تقعد تفرك على الجسم شوية وبعدين تقومى تشطفيه
بالنسبة للعروسة بيحصل ايه بتدخل العروسة تحجز يسالوها انتى عايزة استحمام بس ولا بروجرام عروسة كامل
البروجرام الكامل بيبقى سويت للجسم كله واستحمام وماسك الترمس والتعطير وده ب 200 ج
الاستحمام وماسك الترمس ب 60 ج
الاستحمام فقط ب 30ج
وكمان فيه ماسكات تانية معرفش حد جربها الماسك تقريبا ب 30
الليفة الى عندهم بشتريها لو عايزة وبتاخديها معاكى بعد ماتخلصى كضمان يعنى انك مستخدميش مكان حد ب 30ج
انا روحت هناك كتير مع عرايس لكن مجربتوش بس الخلاصة انه تحفة
اولا محدش بيعمل سويت زيهم ساعة تبقى مخلصة والنتيجة تحفة بيحطوا كمان بنج عليهاومش بتحسي باى حاجة
ثانيا البياض والحمار الى بشوف صحابى خارجين بيه مش ممكن يكون نتيجة دش فى البيت
ثالثا وده لسه عارفاه من عروسة ان الاتومسفير هناك بيعمل راحة نفسية واسترخاء فظيع يعنى تخلصى من الايسترس الى بيكون عليكى قبلها من دوشة فرش وغيره
وكمان بينشط الدورة الدموية وتستعيدى نشاطك
ملحوظة : البخار هناك بيخلى العروسة تخرج جعانة اوووى ههههه بيفتح نفسها
كمان بالنسبة للعرايس الى زى بتتكسف احب اطمنه انى هروح وهاخد البرنامج التانى الى هو ب 60 ده وكمان هابقى لابسه مايوه وهى مش بتكشفك وبتحاول تعدى الليفة من ورا الهدوم
وكمان ساعة صاحبتى ادينا للبنت 10 ج وعملتله تدليك تحفة بزيت عطرى احنا كنا جابينه بجد حاجة واااااو
يارب تكونوا فهمتو حاجة واى سؤال اتفضلوا مش تتكسفوا


ايوا كده يا وديييييييييع هى دى التقارير والكلام المفيد :thumbs_up:
احنا هنا بقى ما بنتكسفش يا اوختى :lol:
قولى بقى المكان بتاع باب الشعرية فين بالظبط ؟
مواعيدهم ايه لانى سمعت قبل كده ان فى حمامات الصبح للسيدات واخر النهار للرجال :rolleyes:
وكمان ينفع البس شورت لاميه وبادى كت اصلي بتكسف جددا ان حد يشوفنى :o
والكلام ده بيتم قدام كل الناس ولا فى اوضة ولا ايه انجدينا يابنتى :hysterical:
زهره بريه;13692403:
انا قيمتك على ردك والله يانانو انتى دماغك حلوه ماشاء الله عليكى

ها مقولتوليش يابنات مفيش غير مشمشه تامر ربنا يشفيها هى اللى ردت على فى حكايه الصور اجيب القطيفه السودا اللى عليها ايات قرانيه ولا اجيب نازل جديد جبلان مطرز بماسوره مدهبه ايه رايكم ؟؟


لو شقتك كلاسيك هينفع الاتنين لكن لو مودرن مش ينفع ولا واحد فيهم
بس نصيحة لوجه الله التابلوهات اللى بالسيرما وعليها آيات قرآنية اللى اعرفه انها حرام تتعلق لان القرآن للقرأة والحفظ والتمعن فيه مش للزينة
ومش بستشيك اى شقة معلقة الحاجات دى انا بحب الجوبلان والاوبيسون يبقي شكله شيك موت
te amo;13694226:
[QUOTE=fatomalove;13692011]
اوعى تقولى انى مش هلقيها فى هوم تتش:-o و مركاتو مش فى مصر الجديدة بعيد عليا وانا فلة فى مصر الجديدة :badly:


و بعدين يعني ايه يا اوختى ار سي ار دة كرستال ولا نوع كدة ولا ايه بالظبط مش فاهمة

وانا كمان مش فاهمة:!!: انا الكاسات اللى بيعجبنى شكلها بجيبها ودى اهم حاجة بالنسبلى العلم نور


مش انا قولت محدش يكتب باللون بتاعى:082: اعورك يعنى:098: ولا استنى اما اشوفك فى الرحلة ادينى هغير اللون لو عملتى كده تانى انتى حرة :011:
كده بقينا 3 فى الرحلة :064:
بصى يام تجيبى اللى بالكهرباء ياما اللى فوق البوتجاز انا كنت هجيب الكهرباء وبعدين الراجل قاللى اللى فوق البوتجاز احسن وكله بيشكر فيها مع ان فرق السعر كبير بس هو عرفنى وانا برده حسيت ان الكهرباء مش هطلعيها كتير لكن التانية هتستخدميها اكتر وشوفى اللى يريحك عارفة انا كان نفسى:adore: اجيب الشواية اللى بيبقى فيها فحم وبتتباع فى الحسين بحبها اوى بس طبعا ريحة الاكل بتلم الناس من على الشارع اللى بعدكم غاوية تعب انا صح ;)


رحلة ايييييييه دى اللى هتطلعوها يا وحشين قولووووولى 8o|
بصي يا توتة مركاتو فى مدينة نصر فى اول عباس العقاد مش فى مصر الجديدة نوهاااائى يعنى :D
الكاسات بقى انا مش مقتنعة اوى بالكريستال لانى بستحرم ادفع 400 او 500 جنيه فى طقم كاسات علشان احطه فى النيش كزينة ده اولا
ثانيا بقى ان لو كاس منهم اتكسر هروح فيها :lol::lol:
ومش وزراء يعنى هييجوا يزورونى اهم حاجة ان الكاسات يكون شكلها شيك وخامة نضيفة لكن الناس مش هيفرق معاها شربت فى زجاج ولا كريستال ولا حتى بلاستيك :D
نيجي بقى للشواية انا عاجبانى اوى الكهربا لان الحاجة بتطلع من عليها اكنها مشوية عالفحم وبيبقي ليها ريحة وطعم حلوة جدا
لكن انا مش جربت اللى عالبوتاجاز ولا اعرف بيتعمل عليها ايه مع انى بشوفها كتير ورخيصة مش غالية بس حد يقولى هى لشوى اللحوم والفراخ بس ولا ليها استخدامات تانية ^o)
mesk_2005;13694273:
السلام عليكم

ازيكم يابنات عاملين ايه وحشتوووووووووووووووووني جدا
والف مبروك لمشتاقه الى الجنة وربنا يسعدكم كلكم

سؤال المخالفه عشان مااتحدف بره عاوزه غسالة اطباق نوع كويس اللى يعرف يقولى ؟


مسسسسسسسسك نورتينا يا جميل ووحشتينا جدا:adore:
كده تروحى وتقولى عدولى :'( تنسينا كده
هانت عليكي التجهيزات وقرفها ;)
تعالى بقى زورينا كل شوية وافيدينا بخبرتك وقوليلنا ايه اللى مالهوش لازمة ومانكترش منه وايه اللى كان لازم نجيب منه كتير يعنى اى ملحوظة انتى شايفاها مهمة لينا :D
الغسالات بقى ما اقدرش افيدك بحاجة :o
مشمشة.;13694276:
بس اعمل اية يعنى ياقمر ماانا عايزة شعرى يبقا كويس على الاقل اول فترة

وخطيبى بيحب الشعر الناعم اوووى:mad::badly:

انا عندى ياقمر 23 سنة مخلصة كلية تجارة وبشتغل مدرسة(مش تقوليلى ازاى اية اللى جاب التجارة للتدريس )هقولك معرفش

بس اية حكاية ال 3 سنين خطوبة من قالى انى مخطوبة بقالى 3 سنين

مشمشة تامر

شكرا ليكى ياقمر ومستنية صور النيش

رشروووش

نيش اخوكى جميل اوووى ياقمر

مبروك علية


سؤال: عايزة اعرف مكان اجر منة فستان الفرح يكون شيك لانى عايزة فستانى سيمبل خااالص واكثر الفساتين الللى شفتها اوفر اوووى

2- فى بنوتة قالتلى على امريكان فرنتشر بيبيع ركنات وانتريهات بالقسط حد يعرف اسعارة اية غالى ولا لا


امريكان فرنيتشر غااااااااااااالى واللى قالت عليه لقاء
يعنى الانتريه عندهم ب 20 الف كده قيسي عليه بقى اوضة النوم والسفرة :D
طبعا اللى فى مقدرته يجيب حاجتهم حلوة جددا وشيك موت
m
monna vision
عروس مشرقة
15-11-2010 | 01:01 AM
lasposadelnilo;13694667:
مساء الخير يا بنات كيفكم كلكم عاملين ايه
معلش تعبانه موووووووووووووووووووووت
ومخنوقه موووووووووووووووووووووووت
من اول ما صحيت الصبح من 8 وانا في المطبخ والصاله بظبط الشقه انا واختى واتهد حيلنا وكمان طبعا كنت صايمه وبجد مش شايفه قدامي وفي الاخر اخر اليوم ختم بالخناقه التمام مع ماما خناقه ليها العجب ونامت زعلانه منى وانا قرفانه من نفسي موووووووت وزعلانه وتعبانه جدا وقاعده لوحدي ومش عاوزه اكلم اي حد في الاخر قلت اجيلكم شويه لاني هموت
واحمد كلمني هوا في الحج راح مكه هوا اصلا بيتشغل في السعوديه وكان مسافر من غير تصريح وحاجه تقلق كلمني من شويه هوا على جبل عرفات
طبعا رديت من غير نفس نهائي
والكلام كان بيطلع بالعافيه
بس الحمد لله محسش انى مدايقه كان مفكرني نايمه وطبعا كان عاوز يكلم ماما يعيد عليها وهي عملت مقموصه ومردتش ترد عشان بتاعقبني
ولا عرفت اقله يدعلينا ولا اتكلمت
قلتله ماما نايمه هي فعلا كانت ناميه بس عادي كتير كانت بتصحى عشان ترد عليه
معلش عننتكم بس بجد مش طايقه هدومي حتى ومش عارفه اعمل ايه
اليوم كان ماشي تمام قفل بغم

lasposa
معلش يا جميل متزعليش ان شاء الله كله يبقى تمام واهدى وروقى كده



[QUOTE=تـيـولـيـب;13694733]
السلام عليكم ورحمة الله وبركاته
كل سنة وانتوا طيبين يا احلى عرايس في الدنيا وان شاء الله السنة اللي جاية تبقوا كلكوا في بيتكوا وانا معاكوا طبعا
في حاجة بقى عاوزة احكيلكوا عليها بمناسبة العيد بقى وكلكوا عارفين ان العيد فرحة فقررت اعمل نيو لوك ورفريش لنفسي
وقولت اروح الكوافير اظبط شوية حاجات كده المهم وانا هناك جت بنت ومامتها في استشارة مستعجلة جدا وهي انها عاوزة تعرف اللي عملته في شعرها كيراتين ولا لاء
انا بصراحة اول ماشوفت شعر البنت اتصدمت كان ناشف بطريقة بشعة عارفين سلك المواعين والله كان انعم منه المهم ان مامة البنت حكت بقى انها راحت لكوافير مشهور بس مقالتلناش اسمه وقالتلها انها عملتهوها على اربع جلسات وبعد كل جلسه حاله شعرها تسوء اكتر والست تقنعهم انهم مش هتشوف النتيجة غير بعد ما الجلسات كلها تخلص وتغسل شعرها وقالتلها ان المفروض شعرها مش يتغسل غير بعد 10 ايام وطبعا النتيجة ان البنت اتنصب عليها وشعرها اتحرق وهياخد وقت طويل عشان يرجع لحالته هي كانت عملاه ب 1200 جنيه والبنت مش عارفه اللي اتعملها ده ايه كيراتين بس بايظ ولا فرد ولا ايه وفرحها خامس يوم العيد ان شاء الله بجد صعبانه عليا جدا
بعد بقى ما البنت ومامتها مشيوا الكوافيرة قالتلي ان في ناس كتير مش عندها ضمير ممكن تعمل اي حاجة وتقولك ده كيراتين
تاني حاجة مش بس البنت اللي ممكن يكون اتنصب عليها لا والكوافير اللي عملها ممكن اوي يكون اضحك عليها واتبعلها كيراتين مش اصلي او مضروب يعني لازم نكون واثقين مليون في الميه من المكان اللي بنتعامل معاه وانه بيستخدم ماركات اصليه ومضمونه
تالت حاجة ان الكيراتين مش بيفرد الشعر ذي الفرد ده بس بيحسن ملمسه وده بيبقى واضح من اول جلسه
رابع حاجة بقى اننا لو عاوزين نعمل كيراتين او نصبغ شعرنا لازم يكون قبل الفرح بوقت كفايه عشان لاقدر الله لو حصل حاجة في الشعر نلحق نعالجها
سؤال الحلقة بقى اجيب منين اسدالات للصلاة تكون حلوة وشيك من اليكس بليييييز اللي تعرف ترد عليا ضروري



جزاكى الله خيرا بجد انا كده سمعت بنات كتير اضحك عليها فى موضوع الكيراتين ده ربنا يستر الاسدالات بأه انا كمان عايزة اجيب من اليكس ومش عارفة منين


y.choclate;13694858:
بصي يا ميرو اللي بيبقي متعود انه بيعمل سويت فالمنطقه دي علي طول نمو الشعر بيكون بطيء وكمان الشعرايه بتبقي ضعيفه بالنسبه للباط اول ما شعرايه تبدا تبص لو عملتيها بالسويت هتطلع او لو شديتيها هتطلع بس ده بالنسبه للي معود المنطقه نفسها علي السويت والمنطقه الحساسه بتستني عليها شويه نونو بس مش كتير عشان الفضايح وللعلم بالشيء والله مش بيركزوا اوي كده:o
لو اي استفسار ابعتيلي برايفت والف مبروك يا قمر


شكرااااااا طمنتينا اوى بجد انا كنت شايلة الهم برده اوى:lol:


[QUOTE=ANDLOS;13695016]بنات بنات عملت سبانخ النهاردة انا مش شاطرة اوي في الطبيخ بس بحاول و الحمد لله طلعت حلوة اوي زي ما ماما بتعملها بالظبط اقترحوا عليا يا بنات اصناف اكل تاني اعملها عشان ابقي ست بيت شاطرة ان شاء الله


شطورة ايوة كده ولما تلاقى حاجتك حلوة ان شاء الله هتتشجعى وتعرفى كل حاجة وممكن يا ستى تعملى صينية سمك بالبطاطس :D اصلى لسة عاملاها النهارده بس بصراحة ماما هى اللى كانت منضفة السمك;)



سؤال مهم بأه ايه حكاية دواسة البانيو دى حلوة ولا ايه وانا شايفة اكتر من نوع اجيب ايه ؟
S
SmSm27
عروس فضية
15-11-2010 | 01:21 AM
السلام عليكم
كل سنة وانتم طيبين عيد سعيد عليكم كلكم ياارب



te amo;13687801:
ازيكم ياللى ليسه صاحيين طبعا النت يفصل شوية ويجى النور يقطع مش عارفة بيتسلو عليا ومش عارفة اقرا الصفحات اللى فاتت كل ماقرا صفحة يستهبل ويقطع يالله اهو تكملة الاكتئاب
د/ مسلمة الف مبروك ربنا يتملك على خير
نور التقوى اعتقد اللى حاطة لينك شقتها الف مبروك حاجتك جميلة
مشمشة تامر لما تلاقى مكان خدينى معاكى عشان شكلى هعمل عملية انتحارية :struggle:
وهاتى الحاجات اللى تعجبك من دلوقتى لان الحاجات الموضة لما يكون لبس خروج لكن الجينز والبديهات مودتها مش بتتغير كتير
دندون مبروك ياجميل افرجو عننا وانا كمان انضميت للجروب بس مش عارفة دى صور مين ولا اسميهم على الفيس
رشا ميرسى ياجميل على المسج تعباكى معايا
ده اللى فكره حاليا وقلت ابعتلكم قبل مالنور يفكر يقطع
هى صور دبابيس الاكياس والحاجات اللى فى هوم تتش اسعارها ايه ؟

المبشرة تقريبا بعشرة جنية والكليبات في نوع ب8 ونوع ب10 الحاجات التانية مش فكراها كلها بصراحة

سلمى 16;13688610:
د.مسلمة الف الف مبروك يا حبيبتى ربنا يسعدك و يهنيكى و يرزقك بالذرية الصالحة اتى حتعمليه فى انهى مسجد؟؟ الهم بارك لهما و بارك عليهما و اجمع بينهم فى خير

مشمشة متزعليش نفسك يا قمر مفيش حاجة تستاهل عيشى كل لحظة بلحظتها طبعا لو فيه حاجة لقطة هتيها على طول

نور التقوى ما شاء الله شقتك تجنن

السؤال يا قمرات انا جبت 2 اسدال صلاة اجيب تانى ولا كفاية و جبت قطاعة بلاستيك اجيب تانى؟؟

الاسدالات كدة حلو اوي
القطاعة هاتي اتنين واحدة للحوم والتانية للخضار وهاتيهم ازاز

saso_mc;13690421:


البنوتات الى سالوا عن الحمام البلدى
معلوماتى ان فيه واحد اسمه حمام التلات ده فى بولاق الدكرور انما الى عندنا بيتعاملوا معاه فى باب الشعرية فى شارع اسمه امير الجيوش
الحمام ده بيعمل ايه؟؟؟
ممكن اى واحده عادى مش عروسة يعنى تروح تستحمى ازاى ؟؟؟
بتدخل مغطس تقعد فيه شوية او لو مش عايزة بتقعد عادى تاخد البخار الى طالع من المغطس وبعد شوية بتيجى واحدة لابسة فى ايديها جوانتى كده صوف اسود فيه سنون خشنة شبه الليفة المغربية وتقريبا بتحط عليه خل وتقعد تفرك فى الجسم على فوق وطبعا البخار مع الخل مع الليفة دى بتطلع بقى الجلد الميت كله وبتوريكى كل الى بيطلع مش عشان تحسسك انك معفنة لا سمح الله لا عشان توريكى شطارتها
بعد العلقة دى بتشطفى جسمك وبتحط عليه ماسك زى ترمس وماء ورد ومش عارفة ايه تانى وبرضه تقعد تفرك على الجسم شوية وبعدين تقومى تشطفيه
بالنسبة للعروسة بيحصل ايه بتدخل العروسة تحجز يسالوها انتى عايزة استحمام بس ولا بروجرام عروسة كامل
البروجرام الكامل بيبقى سويت للجسم كله واستحمام وماسك الترمس والتعطير وده ب 200 ج
الاستحمام وماسك الترمس ب 60 ج
الاستحمام فقط ب 30ج
وكمان فيه ماسكات تانية معرفش حد جربها الماسك تقريبا ب 30
الليفة الى عندهم بشتريها لو عايزة وبتاخديها معاكى بعد ماتخلصى كضمان يعنى انك مستخدميش مكان حد ب 30ج
انا روحت هناك كتير مع عرايس لكن مجربتوش بس الخلاصة انه تحفة
اولا محدش بيعمل سويت زيهم ساعة تبقى مخلصة والنتيجة تحفة بيحطوا كمان بنج عليهاومش بتحسي باى حاجة
ثانيا البياض والحمار الى بشوف صحابى خارجين بيه مش ممكن يكون نتيجة دش فى البيت
ثالثا وده لسه عارفاه من عروسة ان الاتومسفير هناك بيعمل راحة نفسية واسترخاء فظيع يعنى تخلصى من الايسترس الى بيكون عليكى قبلها من دوشة فرش وغيره
وكمان بينشط الدورة الدموية وتستعيدى نشاطك
ملحوظة : البخار هناك بيخلى العروسة تخرج جعانة اوووى ههههه بيفتح نفسها
كمان بالنسبة للعرايس الى زى بتتكسف احب اطمنه انى هروح وهاخد البرنامج التانى الى هو ب 60 ده وكمان هابقى لابسه مايوه وهى مش بتكشفك وبتحاول تعدى الليفة من ورا الهدوم
وكمان ساعة صاحبتى ادينا للبنت 10 ج وعملتله تدليك تحفة بزيت عطرى احنا كنا جابينه بجد حاجة واااااو
يارب تكونوا فهمتو حاجة واى سؤال اتفضلوا مش تتكسفوا


انتي تقصدي بولاق ابو العلا مش بولاق الدكرور

te amo;13691426:
[QUOTE=SmSm27;13680494]









ايه دى ؟


دا منشر غسيل


وايه العلب دى توابل ؟
دي بتعمل الايس كريم زي الاستيك











ميرسى ميرسى على الاضافة على الفيس بوك
ممكن اعرف اسعارها ايه وايه الحاجات اللى اشترتيها والكلبسات ولقيتى وشوش النسكافيه عشان على النت ب40 واشرى قالت انها كانت جايبها 15 وجوانتى التنضيف

وشوش النسكافية هناك بس نزلو منها شكل جديد معدن هحاول ادورلك علي صورتة
وجوانتي التنضيف تقريبا بعشرة او 15
الحاجات اللي انا جبتها من الصور دي الكليبسات والمبشرة بس عموما انا جايبة من هناك حاجات تانية كتيرررررررررررررررر
ANDLOS;13691564:
عملتي ايه يا قمر عشان تنضمي للجروب بقالي سنين بحاول اكلم سمسمة و محدش بيعبرني

انتي بعتيلي رسالة من غير ما تقولي اسمك هناك علي الفيس ايه
ANDLOS;13695016:
بنات بنات عملت سبانخ النهاردة انا مش شاطرة اوي في الطبيخ بس بحاول و الحمد لله طلعت حلوة اوي زي ما ماما بتعملها بالظبط اقترحوا عليا يا بنات اصناف اكل تاني اعملها عشان ابقي ست بيت شاطرة ان شاء الله

ان شاؤء الله تبقي ست بيت شاطرة ادخلي موضوع بنات مصر في قسم المطبخ وان شاء الله تتعلمي حاجات كتير
بمناسبة السبانخ
انا لما بعملها بحط عليها بشاميل وادخلها الفرن وجنبها رز ابيض بتبقي وهمييييييييية
L
Lolla Quiet
عروس مشرقة
15-11-2010 | 02:10 AM
السلام عليكم كلكم يا احلى اعضاء في احلى منتدى
كل سنة وانتو كلكم بالف خييييييير والسنة الجاية كل واحدة فينا تكون بدات حتى تتحقق جزء من احلامها

عندي سؤالين

عاوزة اعرف سيرم زيرو فريز الا انتو بتتكلمو عنه ده بيعمل ايه في الشعر بالظبط واستخدامه ازاااااي؟؟؟؟؟

البنات الا جابت الشواية الا فوق البوتجاز بيستخدموها ازاي وياترى بتطلع الاكل حلو زي الا بالكهربا؟؟؟؟؟؟
t
te amo
عروس مبدعة
15-11-2010 | 02:14 AM
ANDLOS;13696239:
شكرا شكرا علي التشجيع يا احلي عرايس في الدنيا انا الحمد لله جربت الفاصوليا و البسلة و الملوخية
الملوخية بتطلع يعني ممكن تتاكل
لكن البسلة مكنتش حلوة و ناقصة سوي
بس السبانخ طلعت اسهلهم
نفسي اوي اعمل مكرونة بالباشاميل بس خايفة اوي متطلعش حلوة لو حد متمكن فيها ياريت يدلنا
و كمان نفسي اوي اعمل رز بالخلطة بس مش عارفة ازاي ؟؟ انا مبحبش اجيب وصفات مكتوبة علي النت لانها مبتكونش متجربة فاجربها و تطلع مش حلوة يكون احباط و انا في البداية يعني انا بنصح كل البنات تجرب وصفات من مامتها
بعد كدة تبتدي تضيف و ربنا معاكم

ادخلى على قسم المائدة وبجد انا عملت اكتر من حاجة وكله بيبقى بالصور واكيد متجربة يعنى اللى بتنزل الوصفة بتكون عملتها قبل كده 100 مرة انا مدخلتش على تجمع بنات مصر للمطبخ انا لازم الحاجة تبقى متصورة قصادى لان فى حاجات بتكون جديدة ومش متعودين عليها وخلى الطبيخ والحاجات دى لمامتك يعنى الارز بالخلطة شوفت اكتر من طريقة فى مصرى وفى خليجى وجربى
حد يعرف محل بيبع الحاجات بتاعت التورت اللى بنشوفها فى التليفزيون زى السكينة اللى بنفرد بيها الكريم شانتيه وبتكون عريضة كده؟
م
مشمشة تامر
مشرفة سابقة
15-11-2010 | 02:26 AM
fatomalove;13692453:
روقي كدة اورمي همومك على الله

كنت عاوزة اسألك لو انتي بتتكلمي على الاسدالات ياريت تقوليلي بتتباع فين دي اللي بتحكي عنها عشان انا مش عاوزة حاجة تقليدية انا لسة نش جبت ولا واحد؟؟





بصي انا من اليكس يا قمرة و بالنسبة للاسدلات في واحدة بتبيع اسدلات جميلة اوى بجيب منها وسعرها ارخص من برة بتاعى كان عامل 45 ج و برة لاقيته 55 و في بعض الاماكن 60 ج انا من اليكس انتى منين يا قلبي


خووخة احمد;13693380:

تقريبا فى بنوتين هايعملو العملية الف سلامة عليكم ربنا يقومكو بالسلامة

مشمشمة تامر احجزيلى معاكى فى الرحلة ضرورى عشان انا خلاص جبت اخرى والله يلا الحمد لله على كل شئ

سؤال يا بنات


هو انا اجيب شواية فوق البوتجاز او اللى هيا بالكهربا ولا اكتفى باللى فى البوتجاز انا كده كده هاجيب جريل صغيرة كده للحاجات الخفيفة ؟


الله يسلمك يا قمرة انا واحدة من البنوتتين دول مين التانية بقى ؟؟؟؟

تعالى ياختى نحط همنا على بعض و نطلع طلعاية فلة ننسى فيها كل الهم

انا من رايي مدام في جريل يبقى خلاص اكتفى بشواية الفرن حلوة اوى و بتطلع الاكل حلو بردة مش شرط الشواية العادية احنا عندنا شواية بالكهرباء بس كل فين و فين اما نفكر نستخدمها يا قمرة


red roseee;13693719:
هيا اكياس الضغط دي مش بتبوظ الهدوم حد جربها ؟؟ وليها اسم تاني غير الاسم دة ؟؟؟ ولو حد عندو صورة ليها يبقا جزاكم الله كل خيررررررررررررررررررررر

ورجعالكم لما اقرأأ شوية صفحات



انا جربتها يا قمرة حلوة اوى ومافيهاش حاجة يا جميل و الصور في قمراية هنا نزلت لك الصور يا جميل


dr.muslimah;13694193:

شكرا ياسوسو على ردك
واسأل الله العظيم رب العرش العظيم ان يفرج عنك همك يارب
والف مليووووووووووووون سلامة عليكى ياحبى شفاك الله وعافاك
وربنا يتمم شفاك على خير





مشمشة والله مفتقدة المشاركات الجامدة دى ربنا يشفيكى ونفرح بيكى بقى احسن كدة كتير اوووووووووى
والله انتى سكر ودمك خفيف خالص
بصى بقى بالنسبة للبس الدلع انا لما كانت حاجة تعجبنى من ايام الكلية والله كنت بشتريها
وفعلا ماكنتش الاقى زيها تانى
هاتى بقى الحاجات اللى تعجبك بص راعى المقاسات بقى

سؤال بقى هو لازم اجيب مفارش للنيش؟؟؟؟؟؟






ربنا يبارك لك يا قمرة و انتى الافلض و الاحسن

بس ان شاء الله كدة افوق من الهم الى انا فيه كله كدة و ارجع فلة ان شاء الله ههههههههه

اما النيش يا جميل على حسب لو النيش عندك مودرن بلاش مفارش لو كلاسيك حطيه مفارش بتدي شكل شيك يا قمرة



مشمشة.;13694276:

مشمشة تامر


شكرا ليكى ياقمر ومستنية صور النيش




اول ما هروح عند مسك هنزل لك الصور باذن الله يا قمرة



تـيـولـيـب;13694733:
سؤال الحلقة بقى اجيب منين اسدالات للصلاة تكون حلوة وشيك من اليكس بليييييز اللي تعرف ترد عليا ضروري




بصي يا قمرة في واحدة اعرفها بتجيب حاجات كتيرة اوى اوى و اسدلات الصلاة عندها اكتر من تحححححححححححفةو بتبيع ارخص من برة و بصراحة حاجتها حلوة مووووت



يارب وفقني مرمر;13694905:

ههههههههههههههههههههههههههه يالهوي كل ده شيلااااااه ف قبلك و ساااكته:D
المهم سيبك انتيي و مش تقلقي من اي حاجه كلنا هندعيلك هنا و هتقومي بالسلامه يا رب و تفرحينا و تيجيبي احلى بيبي:lol: لا لا بهزر:Dو تبقي زي الحصان و تخيلينا ف المنتدى بقى:worn_out:




ربنا يكرمك يا قمرة ياااااارب و متحرمش منكم ولا من دعواتكم و بالله عليكي يا جميلة اوعى تنسيني من دعواتك
r
ra_tamima
عروس مبدعة
15-11-2010 | 02:27 AM
[BACKGROUND="70 #666666"]اتفضلو يابنات لينك شقتى بس امانه تدعولى بالذريه الصالحه:)
اجيب كام توكه;)
http://forums.3roos.com/showthread.php?t=579215[/BACKGROUND]
ر
رشرووش
عروس ماسية
15-11-2010 | 02:28 AM
http://forums.3roos.com/showthread.php?p=13695594#post13695594

غرفه نومى نورووونى
وسؤال الحلقه
عاوزة اجيب طقم ملايات روز يكون شيك اجيبه منين؟
X