tota_10;13846868:
مساء الخير يا قمرات
ازيـكــــــــــــــــــــــم جميعا
يا بنات ادعولى بجد انا مرتبكه جدا وشكلها فيه مشاكل تانى وقلق قبل كتب الكتاب
مش فاهمه انا سبحان الله هو كل خطوة عندى بمشاكل ليه
لا اله الا الله
ده كتب كتاب بس امال لو جواز بقا كان ايه اللى هيحصلى بس
والحمد لله خطيبى مش هو خالص السبب فى القلق ده ربنا يهديه ويخليهولى ويعينه ويقدرنى انا كمان استحمل المشاكل اللى بتجيلنا من حيث لا نعلم ولا ندرى
ادعــــــــــــولى ربنا يعدى الايام دى على خير
نفسى ربنا يتمملى المواضيع على خير زى بقيه خلق الله
والحمد لله عينيا مش بتتحسن خااااااااااالص وواضح انه مالهاش حل غير العمليه
وطبعا مش هخاطر واعملها دلوقتى خالص
ربنا يستر بقا وماتتعبش اكتر من كده وكمان اقدر اداريها بالمكياج فى يوم كتب الكتاب
بنات انا محتاجاكوا تجاوبونى على كام سؤال سهلين اوى بس انا محتاسه فيهم معلش
الأول
دلوقتى انا عاوزة اشترى الطرح اللى هلفها يوم الشبكه ان شاء الله
انزل اجيبها منين ؟؟؟ وياريت الرينج بتاع الاسعار كمان بتاعه المكان
يعنى عاوزة طرح تل وشيفون والكلام ده وقولولى عن تجربه احلى الانواع اللى تطلع الطرحه حلوة ومنورة كده ومش بتتزحلق
وفيه حاجه مهمه
دلوقتى عاوزين نعمل كروت افراح للناس المهمين بس يعنى بتاع 20 كارت كده بالكتير
اعملهم فين وازاى ؟ يعنى انا مش عارفه الخطوات اللى بنعملها
اروح فين ؟ وبيبقا النظام ايه ؟ يعنى بنختار من عندهم نماذج يعنى ولا انا بجيب الاشكال منين و والناس بتوع الكروت دول بيكتبوها ولا بيجيبلهم نموذج وبيطبعوها بس
بجد انا معرفش اى حاجه عن الموضوع ده خاااااااااااااااااااااااااااااااااااالص
يعنى عاوزة حد يشرحلى معلش من الألف للياء
ممكن ؟
وسؤال كمان
جيرب ورد طبيعى صغنن كده يبقا فى حدود كام ؟
وبيتحجز ده كمان قبلها بأد ايه ؟؟
توتااااا ربنا يتمملك على خير يا قمر يارب وان شاء الله مفيش تأجيل تانى
وافرضى كل تأخيرة وفيها خير ان شاء الله ما تشيليش هم انتى بس :)
بالنسبة لكروت الافراح فى مكان فى العتبة بس ما اعرفش اسمه ايه بالظبط ده بتاع كروت الافراح والحاجات دى
وبيوريكي نماذج كتير لاشكالها وانتى بتختارى منها وبيقولك على كذا صيغة وانتى تختارى منها او لو فى بالك انتى صيغة معينة هتقوليهالى
وبس يعنى تتفقى على الشكل والعدد والصيغة بتاعته وخلاص هو يجهزهملك
الطرح بقى هتجيبي تل وستان وماتنسيش البندانة القطن علشان الطرحة ما تقعش زى اختك ماعملت :o
بعد ما لفيت الطرحة ب 50 جنيه وقعت وكانت قدام الناس :badly: ونزلت لكوافير تانى ربطتهالى جامد اوى وب 10 جنيه بس ;)
بس قالولى كان لازم بندانة قطن علشان تثبت الطرحة
روح قلبه وحبيبته;13849525:
وحشتوننى يابنااااات اوى
انا مش عارفة فين الناس اللى كنت اعرفهم
فى اسماء كتير جداد علياااا
انا حاسة انى مش عارفة حد
واكيد كلكم ما تعرفونيش
بس بجد وحشتنى التجهيزات اووووووووووووووووووووووووووى
وكل سنة وانتوا كلكوا طيبين ويارب زى السنة دى كلكم فى بيوتكم
ياااااااااااااااااااااااه شيمووووو
وحشتينا اووووووووووى :adore:
ايه الغيبة الطويلة دى يارب ترجعى وتشاركى وتتابعي معانا من تانى بقى F:
R قلبى وعمرى;13849556:
اى بنوتة عايزة افكار للجيست بوك او عايزة تعرف ازاى تعملها تبتعلى عالخاص وانا اقولها تعملها ازاى لانه ده تبع شغلى او ممكن تدخلوا تشوفوا عالجروب بتاعى على الفيس بوك او جروب بنات عروس وتعملوا زيه انا فالخدمة ياقمرات
يخليكي لينا وللشعب يا روشا يا حبى انا :adore:
سارة العروسة القديمة;13849992:
ر
هيا اشرى ما عدتش بتيجى هنا ؟
هوا الشتوى نزل ولا الموجود بواقى العام الماضى؟
أشرى لا بقالها فترة مش بتدخل الله يكون فى عونها بقى حمل وبيت وشغل الله يعينها ويثبت حملها
اما الشتوى بقى لسه كل الموجود قديم مش جديد
فى بنت هنا قالت ان كله هينزل بعد اسبوعين كده
** مودة **;13850401:
السلام عليكم ورحمة الله وبركاته
يــــــــــــا دين مُحمد !!!!!
إيه الرغي ده كله ؟؟؟؟
إحنا أثبتنا بالتجربة العلمية والمعمليه إننا شعب رغااااااااااااااي بجد
ماشاء الله ماشاء الله
نبض لا يتوقف
ويستمر
ويستمر
ويستمر
بنات بالله عليكم
أنا قريت جملة إنتم للأسف كاتبينها غلط
هي "" إنا لله وإنا إليه راجعون ""
لاحظت فيه ردود كتيره كاتبه الجملة غلط وشايله حرف الألف ( إن )مما يخل بالمعنى الوارد في كتاب الله
بالله عليكم تاخدو بالكم ده مش كلام رغي م العادي بتاعنا ممكن نكتبه أى كلام وخلاص
لاء ده كده غلط ومش عاوزه أقول تحريف
فياريت ناخد بالنا يا حلوين ،، ماشي F:؟؟؟
ربنا يفتح لكم جميعاً ..
[/CENTER]
[/CENTER]
بصو كفايه كده عشان بس الوجع نزل لكتفي معرفش ليه :-#؟
المهم
F:بحبكم في الله جميعاF:
وانتى اثبتي انك مصرية اصيلة :D على الرغم من تعبك ما قدرتيش تتخلى عن عادتنا حبيبتنا الرغى :lol:
saso_m;13851882:
ب
يعنى لما تقفى ترميه وتاخده واحدة هتقوليلها هاتيه ولا لما الشو يجى مش هترميه قوليلى هتعملى ايه عشان انا برضه هيصعب عليا افرط فيه انا بفكر اجيبه ابيض فى موف عشان اشبكه ع التسريحة من فوق بما ان الاوضه موف
انا رايي بس من غير زعل بلاش ملامين خالص هاتى طقم عشا المربع او مدور عادى براحتك ده يبقى للمطبخ والاستعمال وممكن يكون ارخص من طقم الملامين بس اشيك
ش مصدق ده فى الدقى عارفة هو شارع بيقطع ش التحرير بالعرض وعلى ناصيته صيدليه وتقريبا فى اوله بنزينة البنات برضه يفيدوكى
حمد الله على سلامتك ياحبيبتى انا اتعلمت فى مجمع التحرير مدرسة الداخلية وطلعولى الرخصة كمان
طب انتى عايزة كوافير فى انى منطقة عندك فى فيصل عادل المصرى وفى ابراج اغاخان شريف فهمى وفى مصر والسودان مسيو حكيم
وبلااااش تفكرى فى مجدى وسيد
انا واحدة صاحبتي ساعة رمى الجيرب قالت يا بنات اللى هتاخده ترجعهولى تانى علشان احطه فى النيش :D وقالتها بضحك كده وفعلا بنت اخدته واتصورت بيه معاها واديتهولها تانى عادى يعنى
وفى حاجة تانية فى ناس بتعمل جيرب بتمسكه وجيرب تانى كده صغنوووون واى كلام علشان ترميه وبس :)
miss_mony2;13852059:
صباح ومساء الخير عليييييييييييكو وحشتوني يا مزز اخباركم اية مع خطابكم وبعاليكم يارب تكونوا كلكم بخير
الموهم
تيامو سؤال يا اختي مللللللللللح مش ملح بتاع الاكل بس موولح يعني عايزة اعرفه هو اية الاوتوميرز بتاع الحمام ده معلش الجهل
بناااااااااات بجد هزعل كده فين الهدية بتاعه هيييييييييييييما يلا عيد ميلاده علي وووووووشك
بنات صحيح محدش يعرف اخبار عن يارب وقفني مرمر يارب تكون بخير
الاتوميزر ده اللى بيتحط فيه الصابون السائل بتاع الايدين فى الحمام
بالنسبة للهدية بقى انتى ممكن تجيبيله نضارة شك وماركة محترمة كده - ساعة ماركة برضه - تريننج سبورت - جزمة او كوتشي - محفظة جلد - ميدالية فضة - برفيوم اوريجينال او تركيب - دبدوب - مخدة قلب عليها اسمك او اسمه - مج عليه صورتكوا انتوا الاتنين مع بعض وعليه i love u - تى شيرت عليه قلب وجواه اسمه - كارت فيه كلمتين حلوين كده ;)
كمشمش;13852974:
السلام عليكم معلش انا ليه سؤال صغير جدا وياريت مش تخيبوا لى ظنى ايه احسن تلاجه وبوتجاز
التلاجات عندك سامسونج ودى غالية - وايت ويل - شارب - توشيبا
البوتاجازات : جليم جاز بس ده غااااالى معدى ال 4000 - كريازى القديم - تكنوجاز - يونيفيرسال عليه خلاف
دى احسن حاجات بالترتيب F:
مشمشة.;13853360:
fulla2010
البنات اللى بيسالونى على المكان اللى عايزة فية الكوافيرة
عايز كوافير كويس جد لايزيد عن 1000ج
فى شبرا -مدينة نصر- الهرم كدة يعنى ماعدا عادل المصرى
بالنسبة لعلقات الكاسات
لازم اوريهاها للراجل بتاع المطبخ ولا بركبها انا ولا اية
سؤال بقا هو فين ميدان الجامع دة
انا ارشحلك دينا سلام فى مدينة نصر وبتاخد 1000 فى الزفاف :)
ولازم عليقة الكاسات الراجل يركبها علشان يحدد مكانها
ميدان الجامع ده فى مصر الجديدة لو انتى فى روكسي عند الحرية مول واخدى تاكسي مفيش 5 دقايق وتبقى هناك او تاخديها مشي هو قريب اوى من هناك
towtty;13854246:
بصوا انا عندى 3 اطقم توابل
ده اول واحد وعجبنى جدا كنت شرياه من مركاتو
وده طقم زجاج ماما جبتهولى قولت احطه فى المطبخ جبتلى منه اللون الاخضر
وده جالى هدية ايه رايكوا اخده معايا هينفعنى ولا اسيبه
وانا عندى للتوابل الطقم الدوار برضه بس الحجم الاصغر من دا دى صورة من عالنت
قولولى رايكوا ايه ؟
ما شاء الله حلوين جدا
وخدى اللى مش عاجبك ده هينفعك برضه
rannon;13854336:
هههههههههه انتى شكلك بتشجعى اللعبه الحلوة هههههههههههه:D
دى يا بنتى مكنتش بتتفق دى كانت بتفاصل ولكئنها بتشترى تمن كيلو جبنه هههههههه
والله يا بنتى ده احنا مسكنا بابا قبل ما يزود فى الكلام يعنى الراجل بقه شكله كده منها:mad: :024:هههههههههههه
اذيك يا سلمى 16 عامله ايه يا جميل متزعليش مننا بجد اليومين دول تلت تربع تجمعنا عامل مشاكل مع عرسنهم وبالنسبه لسؤالك من 800 الى 1000 على حسب نوع المكنسه والمكوة رينجها مش هيزيد عن 200
سؤال المخالفه : اجيب كام معلقه خشب ؟
رجاااااااااااء يا رنون بعد اذنك الخط شوية :o واللون :o غيريه
