»¤‡° تجهيزات عرائس لشهر ذو الحجه 1431 - 2010 م / الجزء =154°‡¤«

وزه ياقمر ميرسي يا حبيبي على المعلومات دي
ربنا يجازيكي كل خير يارب ويوفقك ياقمر
انا باذن الله هروح اعمل جوله هناك كمان اسبوع وهعدى واشوفهم كلهم
يارب يكون ركب فيها تكييف عشان الفرح في الصيف
ممكن سوال كمان غتاته بقى

الباكدج بتاعه الكوافير بتاعتك ال 500 جنيه كانت شامله ايه بالضبط
وهل الكوافير كان في ابراج اجاخان ولا فين


بالنسبه للقمر اللي بعتتلي على الخاص بخصوص سوق غزه
هجاوبك هنا على العام عشان الكل يستفيد



للاسف ياقمر انا معرفش تتراح ازاي من الحسين
بس لو قريب منك المترو يبقى اركبيه ونازلي محطه غمره
ومن المحطه اركبي تاكسي او عدى من فوق الكبري الناحيه التانيه وفي مكيروباصات رايحه لحد سوق غزه

هوا السوق عباره عن 14 ممر
انا دخلت من الاواخر من ال 14
كان المفروشات والالحفه ومفارش السرير وكان فيها حاجات جميله
بس قلنا نشوف الهدوم الاول عشان مكنش معانا عربيه للالحفه والمفارش

البيجامات القطيفه موجوده هناك في ممر 11 وكانت كلها جميله واسعارها حلوه اوي
انا جبت ترنيج عادي مش قطيفه وشكله حلو
بس شيدي في الفصال جامد
الفصال هناك مهم اوي
وجبت البناتيهات القطن بالدسته
في دسته جبناها ب 45 وفي جبناها ب 50
وفي معديه ال 60
حسب الخامه
احنا جبنا حاجات صغيره وحاجات تانيه اكبر
وقسمنا الدست عليا انا واخواتي البنات عشان يببقى في الوان متكرره طبعا


شرا القماش بقى معلش البنات ممكن تفيدك لاني معرفش بيتجاب منين
ولبس الخروج انا لسه سائله البنات وهما بيقولوا مفيش لبس بناتي حلو هناك
انا مستنيه راي بقيه البنات
انا بصراحه ملفتش كتير اوي عشان ااشترينا كتير واتبهدلنا في الشيل فروحنا على طول
وان شاء الله هروح تاني
عشان اجيب الكوفرتات الفايبر بتاعه الاطفال



سها فين يا جماحه
تكونش منزلتش الشغل انهارده

مهندسة موون;13840814:


عاوزة مكان اجيب منة كل الاستاندات والحوامل بتاعة المجات والكوبايات والى بتتحط عليها الكاساات والى كمان بتترص عليها الاطباق فى النيش وعاوزة بردة ستاند لطقم توابل عندى من غير استاند يعنى عاوزة مكان اروحة بس لوحدة الاقى فية كل الحاجات بتاعة الدلع والاستاندات بتاعة المطبخ وماحدش يقولى الرويعى عاوزة مكان تانى مش عارفة ممكن مركاتو يكون فى كل دة ولا ايه ؟

بلاش الرويعى انزلى العربى الى فى ميدان الجامع هتلاقى عنده كل اكسسورات المطبخ والحمام كمان

hoba bodyyy;13841156:

المفرشين انا جبتهم من الازهر من محل اسمه صبحان اخوان وده محل سورى جبت الابيض ب 900 جنيه والترابى جبته ب 700 تقريبا ده بعد الخصم وساسو كانت جابت من عنده واحد جميل

مرسي ياهوبة انتى الى جميلة يابنوتة وانا اخدته ب 1450 بالعافية كل ما افتكر اقعد اعيط ع الفلوس وخصوصا ان كل المتجوزين يقوليلى هو اول شهر وهتشيليه فى الدولاب

اوى برضه واللى فاكراه انه كان 1800 علشان الشغل اللى فيه

البطاطين جالى واحده من ليبيا وال2 التنين هيجولى من السعوديه ان شاء الله

لو عايزه تسألينى على اي حاجه انا هنا

يا سااااااااااااااااااسو اللى واخد عقلى انى كنت عايزه انزل بدرى علشان الشغل مش حاجه تانيه اوعى تفهمينى صح

تصدقى يابت ظلمتك وفهمتك صح
بقولك صحيح انا عايزه اللى الكاسات بتتعلق فيهم اجيبهم منيين ؟؟؟

من الرويعى عند العربى او اى محل انا كنت جايبة من محل تقريبا اسمه مبروك كنت عايزة الثلاثى ملقتوش جبت واحد ثنائى ب 18 وواحد مفرد ب 10
وممكن اخلى الراجل يحطلى المفرد فى الدولاب الازاز تدى شكل ولا ايه رايك احطهم جنب بعض وخلاص ؟؟

خووخة احمد;13841688:
ازيكو يابنات عاملين ايه انا بقالى كتير مش بدخل عندى حاله وفاه ومن ساعتها مش قادرة اتلم على اعصابى بس وبقالى قترة مس فى البيت بس متابعاكو من الموبايل عشان جدتى توفت جت من الحج مش شوفتها مافيش يوم وتوفت كانها كانت مستنية ترجع بلدها عشان تموت هنا امانة عليكو تددعولها ربنا يرحمها ويغفرلها وتدعولى انا كمان عندى امتحانات ومش قادرة اركز ولا افتح كتاب
سؤال اجيب كام لحاف وبطانية؟

البقاء لله ياحبيبة قلبى ربنا يرحمها ويجعل مثواها الجنة

زهرة برية سعيدة;13841904:


ساسو ما انحرمش منك على ردك عليا فى الغسالة


انا الى يارب منحرم منك ياشرى وافرح بيكى ياحبيبة قلبى

سؤال بقى تفتكرو انهى الاحسن اجيب بخور اللى هو عيدان ده ولا اجيب فواحة ولا نختصر ومعطرجو وخلاص ;)

مش عارفة انا مش هجيب بخور انا جايبة فواحتين واتنين جليد معطر اسبراى وبفكر اجيب الاكياس عشان اعلقها فى الدولايب

زهرة نورما;13842403:



سااااااااااااااااااااااااااااسو انتى يييييياااااااااااا بتتتتتتت ياااااااا ساااااااسووووووووووووووووووو
طبعااااااا يا انسه لو كان يوم غير النهاردة قسما بالله كنت قابلتك دة انا هموووت واروح حارة اليهود

انا رووووووحت وانتى لاااااا وجبت شوية حاجات واتصلت باخويا خليته جه جابلى باسعار تحفة لانهم عارفينه

بس للاسف الشديد اصلى حيد ميلاتى النهاردة :o وخطيبى جاى بقى وكدة يعنى

هابى بيرث داى تو يو F:F:خدى الوردتين دول
كل سنة وانتى طيبة والسنة الجاية فى بيتك

وبعدين لما انزل وسط البلد ابقى اقولك يا ماما انا هناك كل يوووم علشان بشتغل هناااااااااااااك
اختك اصلها بتشتغل فى شركة سياحة اانا اصلى كمسرى طيران :D:D عقبال ما اقطعلك كدة تزكرة حجك وعمرتك وشهر عسلك
هههههه كمسري طيب يارب تقطعيلى انا وحوده تذاكر عمرة قريب ان شاء الله

كمان اى خدعه


ومازالل السؤال محل النقاااااااااش سافلون التركى ولا زهران المصرى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاتنين حلويين انا جبت السافلون بس طبعا لسه مجربتوش بس انتى شكلك ميالة لزهران
اكتر صح

غلباوية صغننة;13843611:
أنا معاكو إن ألوان الطبيعي تحفة و ناطقة بشكل رائع
ده صنع القدير
بس أرمييييييييه ميييييييييين ؟؟
هو لما بيترمي مش بيرجعلي ؟؟؟؟
لو كده مش رامية
آل أرميه آل
ده أنا بفكر أعمله صناعي عشان يفضل عايش معايا
آل تاخده صاحبة النصيب آل
هي مين العروسة بالظبط ؟؟

يعنى لما تقفى ترميه وتاخده واحدة هتقوليلها هاتيه ولا لما الشو يجى مش هترميه قوليلى هتعملى ايه عشان انا برضه هيصعب عليا افرط فيه انا بفكر اجيبه ابيض فى موف عشان اشبكه ع التسريحة من فوق بما ان الاوضه موف

MARMORA_A;13844239:
[U][COLOR=darkred][B][FONT=Comic Sans MS][SIZE=6][U][COLOR=darkred][B][FONT=Comic Sans MS][SIZE=6][U][COLOR=darkred][B][FONT=Comic Sans MS][SIZE=6][U][COLOR=darkred][B][FONT=Comic Sans MS][SIZE=6][B]
[U][B][SIZE=6][FONT=Comic Sans MS][COLOR=darkred]بقولكم ايه ياموزز
انا ناوية اجيب ميلامين الغرباوى مش الشريف ايه رأيكم؟؟؟؟؟
بحبه اووووى فى التقديم العائلى بدل بهدله الاطقم التانية;)
[/B][/SIZE][/FONT][/B][/COLOR][/U][/SIZE][/FONT][/B][/COLOR][/U][/SIZE][/FONT][/B][/COLOR][/U][/SIZE][/FONT][/B][/COLOR][/U][/SIZE][/FONT][/B][/COLOR][/U]

انا رايي بس من غير زعل بلاش ملامين خالص هاتى طقم عشا المربع او مدور عادى براحتك ده يبقى للمطبخ والاستعمال وممكن يكون ارخص من طقم الملامين بس اشيك

Roka85;13844436:

هو الواحد يروح حارة اليهود دي ازاي .... يعني نفق الازهر بقى وكده واطلع اعيش ... ولا كوبري اكتوبر وانزل نزلة التحرير ..

ولاده ولاده انتى اوصلى للعتبة وامشى ناحية الازهر ولما توصلى للتقاطع اسالى ع حارة اليهود

وكمان هو شارع مصدق ده في الدقي ولا المهندسين ... انا معرفش في الدقي غير ش التحرير و ش السد العالي ... وفي المهندسين جامعة الدول و شهاب ... وبس ....
والنبي البنات الي كلها خبرة تفيدنا ربنا يخليكو .... :))

ش مصدق ده فى الدقى عارفة هو شارع بيقطع ش التحرير بالعرض وعلى ناصيته صيدليه وتقريبا فى اوله بنزينة البنات برضه يفيدوكى

ANDLOS;13844472:
ايه يا بنات محدش فيكم بيعرف يسوق و لا ايه انصحوني اتعلم السواقة فين

حمد الله على سلامتك ياحبيبتى انا اتعلمت فى مجمع التحرير مدرسة الداخلية وطلعولى الرخصة كمان

مشمشة.;13844500:

هسال للمرة ال50 عن كوافير كويس

هو ياجماعة كل التجمع مفيش ولا عروسة بتروح كوافير اما هتتمكيج فى بيتها لوحديها

طب انتى عايزة كوافير فى انى منطقة عندك فى فيصل عادل المصرى وفى ابراج اغاخان شريف فهمى وفى مصر والسودان مسيو حكيم
وبلااااش تفكرى فى مجدى وسيد

te amo;13838561:
هههههههههههههههههههههههههههههههه:085::085::lol:
يخرب بيت عقلك يامشمشة ضحكتنى ضحك انا بكلم خطيبى ومتعصبة وكنت بقرا كلامك قعدت اضحك على افراح ابليس وهو يقولى انتى اتجننتى خلاص بعد ماكنت بتخانق وليسه همسك نفسى لقيتك بتقولى لاسبوزا عروسة ربع تركى وامبولى :085::085::085: قعدت اضحك تانى راح اتعصب وقالى ايه النكت ديه وعاملة تضحكى خلاص اتجننتى انتى هيستى على الاخر يامشمشة ;)

هههههههههههههههههههههههههه

على فكرة انا كمان كنت متخانقة مع جوزي و بيكلمنى في التليفون و بقرا ردك هو بيتخانق وانا بضحك فقالى هو انا بهزر دلواتى و انا نازل على الضحك بشكل هستيري فاتخنق منى و قفل هههههههههههههههه

dandoona 2008;13838738:
الله يخليكي يا قمر
بس شنطة الميكب فعلا غالية اووووي انا شفتها في هوم تتش كانت بحوالي 100

فعلا غالية بس انتى بتقولى 100 فطبعا فرق شاسع بين 100 و 540 عااااااااااا

انا شوفتها في هوم سنتر بـ 540 و سنتر بوينت مش لقتها هناك كنت من كام يوم في كارفور ومش لاقتها عااااااااااااا

hasby_raby_77;13839576:
يا بناويت دخلت على موقع كالرز للمفروشات وشفت الاشكال فعلاااااااااا فوق الراااااائعه

حبيبتى لو معاكى اللينك :o بليز ابعتيهولى وجزاكى الله خيرا

زهره بريه;13840460:

يابنات نداء انسانى من اخت ليكم اتعمت وجالها بربشه فى عنيها ضبطوا الاقتباسات والخطوط وبليزززززززززززز بلاش الخلفيات اللى تجيب عمى الوان دى بجد بقيت مش عارفه افهم مين رد على مين :confused::confused:

وياترى اعمل كروت فرح ولا ملهاش لزمه ؟؟

وايه رايكم فى البوسترات اللى بتبقى قدام القاعات شايفين ليها لزمه ولا ملهاش ؟؟

اضم صوتى لصوتك في النداء

و بالنسبة لكروت الفرح بصراحة هى ذكري جميلة اوى

و البوسترات تحفة جدا اصلا بحبها اوى و بتدى شكل شيك للفرح

SmSm27;13840489:

احنا عملنا خدمة جديدة في الجروب عندنا

وهي ان احنا عملنا صفحة اسمها مول بنات عروس ودي اي حد ممكن ينضم ليها
نشاط الصفحة دي ان كل حد عنده حاجة زيادة مش محتاجها هيعرض صورتها هناك سواء ملابس او اكسسورات فساتين زفاف او سواريه مفروشات اي حاجة تخطرعلي بالكم
ومش شرط تكون مستعملة ممكن تكون في عروسة منكم عندها من الحاجة اتنين وتلاتة او حاجة جتلها هدية ومش عجباها تنزل صورتها وتفيد وتستفيد
بس اهم ما في الموضوع يا بنات ان الغرض من الصفحة دي مش التجارة
لو سمحتو خلو بالكم كويس اوي من النقطة دي
الغرض ان احنا نساعد بعض مش اكتر من كدا
يعني تحطي سعر مناسب للحاجة بتاعتك
الصفحة اسمها مول بنات عروس ومش شرط تكوني منضمة للجروب انتي بس اعملي لايك وهتكونو معانا ان شاء الله

ممكن اللينك يا قمرة بعد ازنك يعني

خووخة احمد;13841688:
ازيكو يابنات عاملين ايه انا بقالى كتير مش بدخل عندى حاله وفاه ومن ساعتها مش قادرة اتلم على اعصابى بس وبقالى قترة مس فى البيت بس متابعاكو من الموبايل عشان جدتى توفت جت من الحج مش شوفتها مافيش يوم وتوفت كانها كانت مستنية ترجع بلدها عشان تموت هنا امانة عليكو تددعولها ربنا يرحمها ويغفرلها وتدعولى انا كمان عندى امتحانات ومش قادرة اركز ولا افتح كتاب
سؤال اجيب كام لحاف وبطانية؟

إن لله و إنا إليه راجعون ،، ربنا يجعلها اخر الاحزان ان شاء الله

هاتى لحافين و 2 بطانية

زهرة برية سعيدة;13841904:
اختى حبيبتى نودى انا قبل طه كنت اخرى ارجع البيت على 10 ودى اقصى حاجة وكان بتبصلى فيها نظرات قاسية :mad: اما بقى والحمد لله بعد الاخ طه بقت 8 ولو نازلة من اول النهار لما الدنيا تضلم بس بتبقى شغلانة ويفضل زعلان ويتعصب ولما اتكلم يقولى بخاف عليكى:o بتثبت طبعا يلا ما علينا ان شاء الله نثبت حكاية بعديوم 10دى ونشوف التوكتوك ده اكيدهيموت فى ايدينا :lol: وفعلا الواحد عايزيجيب الحاجات المهمة بس من هناك علشان الواحد اصلا بيروح هناك بيتحول:confused:

سؤال بقى تفتكرو انهى الاحسن اجيب بخور اللى هو عيدان ده ولا اجيب فواحة ولا نختصر ومعطرجو وخلاص ;)

انا قبل تامر كنت بخرج كل يوم انزل الجامعة و كل يوم نزول مع صحباتى و كل يوة نزول مع امى في اى مكان طول النهار في الجامعة و مع صحباتى و طول الليل انا و اهلى برة في اى مكان كارفور و بتاع

اول ما جالى تامر لحد انهاردة لو نزلت يوم في الاسبوع بيبقى بتكسير الدماغ هههههههههههههههههههههههههه


بالنسبة لسؤالك يا قمرة انا هجاوبك من واقع خبرة جوزى لان ماشاء الله جوزى عنده شركة عطور و بيبيع فيها مباخر و فواحات و بخور و كلام من دة

اولا دى ازواق يا قمر في ناس بتفضل الكل حاجه من الحاجات دي لكن ممكن تعرفى انتى عايزه ايه من الحاجات دي لانها بتفرق في السعر يعني مثلا بخور العيدان ارخص حاجه وريحته حلوه وبخور المبخرة الحلو منه سعره غالي لكن ريحته رووووووووعة وبخور زيوت الفواحات لو مش نوع نضيف بيخنق ويعمل مشاكل في الصدر والنوع النضيف سعره غالي بس ارخص من البخور اظن كدة تقدري تقررى يا قمرة

وجوزى بيفضل بخور الفحم النضيف في الدرجه الاولى وبعديه بخور العيدان وفي الاخر الفواحة

لاكن انا بفضل الفواحة بس بزيت غالى مش رخيص يا قمرة

يارب اكون افدتك

عايزة التقييم بقى ههههههههههههههههههههههههههههههههههه :lol:

miss_mony2;13844252:

بنات خطيبي عيد ميلاده ان شاء الله يوم 7_12 عايزة ابعتله هديه تكون شيك وحلوة كده ومميزة تفتكروا ابعتله اية

miss_mony2;13844252:

miss_mony2;13844252:

miss_mony2;13844252:

miss_mony2;13844252:

كل سنة وهو طيب يارب يخليه ليااااااااااااااا :o

شكلك واااااقع يا نصه

هاتى له جاكيت جلد طبيعي شيك و حطى في كي جيب كارت معايدة بكلمة حلوة و حطي له عليه برفان شيك و هاتى برفان مع الجاكيت وكل سنة و انتى طيبة

عسولة عمرو;13844248:
مشمشة تامر العسوله ربنا يخليكى ياقمرايه وكويس ذوقنا زى بعض اهو

عسولة عمرو;13844248:

اسأل بقى :
اجيب كام طقم مجات؟؟

هههههههههه حلو يا قمرة

هاتى 6 حلوين

مشمشة.;13844500:
هسال للمرة ال50 عن كوافير كويس

هو ياجماعة كل التجمع مفيش ولا عروسة بتروح كوافير اما هتتمكيج فى بيتها لوحديها

لو محتاجة حد في اسكندرية اقولك على اكبر بيتي سنترز في اليكس

asma_moaa22;13844609:
بصوا بقى انا بجد زعلالالالالالالالالالالالالالالالالالالالالانة قوووووووووووووووى لانى مفيش حد بيرد عليا خالص كل مرة كدا واعديها بس برود بتتجاهلونى :'(:'(:'( قوى بجد زعلانة يعنى ببقى مخنوقة اجى اشوفكم واو اتكلم معاكم بفرح بجد بس بزعل لما بقول حاجة محدش بيرد:thumbs_down::thumbs_down:
شكلى مش هدخل اكلكم تانى مع انى بحبكم قوووى:-#

اجيب قد ايه شرابات ونوعهم ايه ؟؟؟؟



وفتكم بعافية

طب و ليه بس كدة محنا كلنا من حولك اهو يا قمرة نلتف من حولك كالاقمار في ليلة التمام و انتى الكوكب الشارد في المجموعة الشمسية :D

انا الفت الشعر دة حالا زي اللمبي كدة اما بيالف حاجة فجاة هههههههههههههههههههههه

الشرابات على قد احتياجك

Nouna2002;13845759:

يابنات ممكن حد يقولى معلشى الفرق بين قمصان النوم والبيبى دول لانى خيبة معلشى

وممكن اعرف ايه اللبس الصيفى اللى ع العروسة
وبالذات اعداد لبس الخروج ؟؟

دة قميص النوم





ودة البيبي دول






يارب اكون قدرت افيدك يا قمرة

ريناد@;13845776:
يابنات سؤال ضرورى جدااااااااا
انا جايلى مسترده ومش عارفه اعمل بيها ايه واستخدمها ازاى ف الاكل ياريت حد يفهمنى ضرورى لان انا جيت ادوقها لقيت طعمها لايطاق بجد
وسؤال المخالفه اجيب كام طقم فوط؟

انا بحب اكلها كدة ومن غير ما ادخلها في اكل يعني اكلها مع البانية او الناجتس و البورجر زي الكاتشب

بس ماما احيانا بتستخدمها في تتبيلة الفراخ يا قمرة

lasposadelnilo;13846732:
يااااااااااااااااااااااااااااااااااااا
اخيرا وصلت لاخر صفحه
الف حمدلله على سلامتي
ايه يا عيال
بترجوا من مين
انا سبتكم يوم واحد بس
قعدت افقرا وتتبت ونمت وصحيت وكل ما اقرا الاقي الصفحات بتزيد برضه
يدي النيله
وفعلا انا معاكم بلاش ام الخلفيات دي انا اصلا نظري على ادي وست صاحبه عينا
وعينا احلى حاجه فيا مش عاوزها تروح اونطه
ولا اييييييييييييييييييييييش


الله يسلمك يا سها
وربنا معاكي في يور ورك يا اوختشي

حمد لله على سلامتك ايه الغيبة دي ههههههههههههههههههههههه

احنا بنجري اكيد منك ههههههههه

وانا بضم صوتى لصوتك بجد خلفيات بتجيب لى حول و بالذات الصفرا بتاعتك دي ههههههههههههههههههههههههههههههههههههههه :lol:

و بعدين حد غيري هنا اسمه سها :( عاااااااااااااا انا بحسب انا لوحدى كدة عيب بقى عااااااااااااااا

و بعدين يا لسبوزا انتى تقصدي ايه بموضوع يور ورك يعني قصدك مثلا ورك فرخة يعني بتشجعيها تاكل ورك فرخة مثلا وا قصدك ورك يعني شغل يعني بتشجعيها على شغلها ياريت التوضيح و شكرا ههههههههههههههههههههههههههههههههههه :lol:

** مودة **;13850401:

السلام عليكم ورحمة الله وبركاته

يــــــــــــا دين مُحمد !!!!!
إيه الرغي ده كله ؟؟؟؟
إحنا أثبتنا بالتجربة العلمية والمعمليه إننا شعب رغااااااااااااااي بجد
ماشاء الله ماشاء الله
نبض لا يتوقف
ويستمر
ويستمر
ويستمر

ماشاء الله مسك حامل F:
ألف مبروك ليها وربنا يثبت حملها ياااااااااااارب
وجزاك الله خير يا رب ،،
فين التنسيق بتاع الخط يا مزمازيل
،، نسيتي ، صح ؟؟ :-#

F:بحبكم في الله جميعاF:

ايه يا قمرة عاملة ايه و ايه اخبارك ؟؟

اه يا بنت تعالى هونا انا بعت لك رسالة قولت لك فيها ميلك مش عايز يتضاف عندي و بعت لك انتى ميلى تضفيني هو انتى مش قريتي الرسالة ولا ايه ؟؟ عااااااااااا

:L:F::L:

[QUOTE=lasposadelnilo;13851867]وزه ياقمر ميرسي يا حبيبي على المعلومات دي
ربنا يجازيكي كل خير يارب ويوفقك ياقمر
انا باذن الله هروح اعمل جوله هناك كمان اسبوع وهعدى واشوفهم كلهم
يارب يكون ركب فيها تكييف عشان الفرح في الصيف
ممكن سوال كمان غتاته بقى

الباكدج بتاعه الكوافير بتاعتك ال 500 جنيه كانت شامله ايه بالضبط
وهل الكوافير كان في ابراج اجاخان ولا فين

حبيبتى لاغتاته ولاحاجه بس متنسيش تعزمينى بصى الكوافير فى ابراج اغاخان بعد شركة افون اللى على الكورنيش وقصاد لابوار ومعرف لو نزلتى وسالتى الف مين هيدلك وفى نفس البرج فى مسيو شريف وفى عزت غالبا يعنى البرج فى 3كوافيرات وفى قاعات افراح كمان والباكدج كانت شامله ميكب ولف الطرحه ووش وحواجب وباديكير ومانيكيروتركيب اظافر ورموش وماسكات وغسيل للشعر واستشوار حتى لو محجبه ودى صورتى عشان تشوفى الميكب وتشوفى الاستوديو موريس واللى عملتلى اسمها نبيله غالبا اشطر واحده هناك وبتسمعك وممكن تديها اللى انتى عاوزاه كالف طرحة وتعمله

R قلبى وعمرى;13846993:
وحشتوووووونى كلكم يا بنات اوى وشكرا لكل اللى سال عليا وتعبكم عشانى وزعلكم عشانى وربنا عالم انتوا غالين عندى اد ايه ربنا مايحرمنى منكم يااااااااارب واطمنوا انا بخير الحمدلله

توتاااا حبيبة قلبى الف سلامة عليكى ياقمر وان شاء الله موضوعك يتم على خير وتكونى احلى عروسة فالدنيا

معلش يابنات مش تابعت اللى فاتنى وهبقى معاكم ان شاء الله فى المشاركات وادعولى كتيييييييييير يا احلى اخوات ليا مواااااااااااااااااااااه

سؤال المخالفة اجيب كام بطانيه ؟؟؟؟

عسولة عمرو;13847063:
كنت عامله اقتباسات وطار
ميس مونى انا فرحى ان شاء الله فى العيد الصغير

فين شاده حيلى دا انا يعتبر مش جبت غير المفروشات وشوية كاسات بس المفروشات انا جبتهم كلهم مره واحده كنت بحوش فلوسهم عشان انزل الغوريه واجبهم مره واحده وبس ادعولى بقى عقبال الباقى ادوات المطبخ والصينى والهدووووووم لسه بدرى يارب وفقنى وكل البنات يارب وانتى برضوا ابدأى لقطى كده لكن المفروشات مثلا انزلى مره واحد هاتيها
الحلل والصينى والحاجات دى بردو مره واحد وهاتيه من درب سعاده مثلا فى كل حاجه وبسعر الجمله فهمتينى ياقمر

اجيب كام لحاف؟؟

روح قلبه وحبيبته;13849525:
وحشتوننى يابنااااات اوى

انا مش عارفة فين الناس اللى كنت اعرفهم
فى اسماء كتير جداد علياااا

انا حاسة انى مش عارفة حد
واكيد كلكم ما تعرفونيش

بس بجد وحشتنى التجهيزات اووووووووووووووووووووووووووى

وكل سنة وانتوا كلكوا طيبين ويارب زى السنة دى كلكم فى بيوتكم

** مودة **;13850401:

جزاك الله خيراً يا موني

وأنا اللي كنت بسأل مين هنا من أسوان بس إنتِ لفتي نظري لحاجة كمان

هو إنتِ هيما موني ولا دول ناس تانيين بنفس الإسم ؟؟؟

F:بحبكم في الله جميعاF:

hoba bodyyy;13850667:
السؤال بقه دلوقتى انا جبت البايركس وطقمين عشا والصينى والطقم اللى هو الاركوبيركس فى اطباق تانى ولا كفايه كده ؟؟

hoba bodyyy;13851609:

بنات انا فى حاجه عايزه اتكلم معاكم فيها

فى واحده من البنات اللى كانوا معانا هنا خطيبها جاتله جلطه تقريبا وكان تعبان وفى المستشفى واخر حاجه البنت قالتهاانه فاق من الغيبوبه بس لسه تعبان والبنوته دى اسمها NORY ياريت اللى تعرف حاجه عنها تقولنا يا جماعه انا عايزه اطمن عليها

مشمشة تامر;13851975:
هههههههههههههههههههههههههه

على فكرة انا كمان كنت متخانقة مع جوزي و بيكلمنى في التليفون و بقرا ردك هو بيتخانق وانا بضحك فقالى هو انا بهزر دلواتى و انا نازل على الضحك بشكل هستيري فاتخنق منى و قفل هههههههههههههههه



فعلا غالية بس انتى بتقولى 100 فطبعا فرق شاسع بين 100 و 540 عااااااااااا

انا شوفتها في هوم سنتر بـ 540 و سنتر بوينت مش لقتها هناك كنت من كام يوم في كارفور ومش لاقتها عااااااااااااا



حبيبتى لو معاكى اللينك :o بليز ابعتيهولى وجزاكى الله خيرا




اضم صوتى لصوتك في النداء

و بالنسبة لكروت الفرح بصراحة هى ذكري جميلة اوى

و البوسترات تحفة جدا اصلا بحبها اوى و بتدى شكل شيك للفرح










ممكن اللينك يا قمرة بعد ازنك يعني



إن لله و إنا إليه راجعون ،، ربنا يجعلها اخر الاحزان ان شاء الله

هاتى لحافين و 2 بطانية



انا قبل تامر كنت بخرج كل يوم انزل الجامعة و كل يوم نزول مع صحباتى و كل يوة نزول مع امى في اى مكان طول النهار في الجامعة و مع صحباتى و طول الليل انا و اهلى برة في اى مكان كارفور و بتاع

اول ما جالى تامر لحد انهاردة لو نزلت يوم في الاسبوع بيبقى بتكسير الدماغ هههههههههههههههههههههههههه


بالنسبة لسؤالك يا قمرة انا هجاوبك من واقع خبرة جوزى لان ماشاء الله جوزى عنده شركة عطور و بيبيع فيها مباخر و فواحات و بخور و كلام من دة

اولا دى ازواق يا قمر في ناس بتفضل الكل حاجه من الحاجات دي لكن ممكن تعرفى انتى عايزه ايه من الحاجات دي لانها بتفرق في السعر يعني مثلا بخور العيدان ارخص حاجه وريحته حلوه وبخور المبخرة الحلو منه سعره غالي لكن ريحته رووووووووعة وبخور زيوت الفواحات لو مش نوع نضيف بيخنق ويعمل مشاكل في الصدر والنوع النضيف سعره غالي بس ارخص من البخور اظن كدة تقدري تقررى يا قمرة

وجوزى بيفضل بخور الفحم النضيف في الدرجه الاولى وبعديه بخور العيدان وفي الاخر الفواحة

لاكن انا بفضل الفواحة بس بزيت غالى مش رخيص يا قمرة

يارب اكون افدتك

عايزة التقييم بقى ههههههههههههههههههههههههههههههههههه :lol:









هاتى له جاكيت جلد طبيعي شيك و حطى في كي جيب كارت معايدة بكلمة حلوة و حطي له عليه برفان شيك و هاتى برفان مع الجاكيت وكل سنة و انتى طيبة



هههههههههه حلو يا قمرة

هاتى 6 حلوين



لو محتاجة حد في اسكندرية اقولك على اكبر بيتي سنترز في اليكس




طب و ليه بس كدة محنا كلنا من حولك اهو يا قمرة نلتف من حولك كالاقمار في ليلة التمام و انتى الكوكب الشارد في المجموعة الشمسية :D

انا الفت الشعر دة حالا زي اللمبي كدة اما بيالف حاجة فجاة هههههههههههههههههههههه

الشرابات على قد احتياجك








دة قميص النوم





ودة البيبي دول






يارب اكون قدرت افيدك يا قمرة



انا بحب اكلها كدة ومن غير ما ادخلها في اكل يعني اكلها مع البانية او الناجتس و البورجر زي الكاتشب

بس ماما احيانا بتستخدمها في تتبيلة الفراخ يا قمرة




حمد لله على سلامتك ايه الغيبة دي ههههههههههههههههههههههه

احنا بنجري اكيد منك ههههههههه

وانا بضم صوتى لصوتك بجد خلفيات بتجيب لى حول و بالذات الصفرا بتاعتك دي ههههههههههههههههههههههههههههههههههههههه :lol:

و بعدين حد غيري هنا اسمه سها :( عاااااااااااااا انا بحسب انا لوحدى كدة عيب بقى عااااااااااااااا

و بعدين يا لسبوزا انتى تقصدي ايه بموضوع يور ورك يعني قصدك مثلا ورك فرخة يعني بتشجعيها تاكل ورك فرخة مثلا وا قصدك ورك يعني شغل يعني بتشجعيها على شغلها ياريت التوضيح و شكرا ههههههههههههههههههههههههههههههههههه :lol:









ايه يا قمرة عاملة ايه و ايه اخبارك ؟؟

اه يا بنت تعالى هونا انا بعت لك رسالة قولت لك فيها ميلك مش عايز يتضاف عندي و بعت لك انتى ميلى تضفيني هو انتى مش قريتي الرسالة ولا ايه ؟؟ عااااااااااا

:L:F::L:

شكرا ياقمراااااية ربنا يخليكم يابنات يارب
انا فعلا فهمت الفرق بين الاتنين يالهووووووووى ايه الهم دا دانا كل اللى عندى يتقال عليه بيبى دول لانو قصير وبنفس الموواصفات دى
لسا هجيب قمصان نوم
طب يابنات ممكن اعرف بتشتروا بيجامات صيفى منين ؟؟؟؟

كيفكم يا بناتيييييييييييييييت
اناااااااااااااا جيييييييييييييييييت ...هو عروس فيه حاجة النهاردة ؟؟؟؟
مش عارفة اعمل اقتباسات كل حاجة مخرفة على الاخر علشان كدة مش هاعرف ارد على اللى سالونى على تذاكر هاحاول كمان شوية معاه علشان مش عارفة ماله بجد مش عارفة اعمل اقتباس متعدد خااااالص
اولا معتقدتش ان السؤال اللى سالته صعب اووى كدة علشان ميردش فيه عليه غير 2 بسسس واعتقد ان معظمكم جاب التيفال او حتى يعرف ايهما احسن

السؤال الثانى بقى واللى انا مش عارفة اسمها اية اصلا اللى هى بتبقا كذا رف بتاعه الشاور وكدة اللى بتتحط فوق البانيو عايزة حاجة شيك تبقى فى حدود كاااااااااام دة السؤال عايزة اعرف سعرها ؟؟؟؟؟

عسولة عمرو;13844248:
F:السلام عليكم F:
اولا احب اشكر كل البنات حبايبى اللى قيمونى

ام عمار ولمار
بهانه
ريناد حبيبة قلبى
قرانيه
خوخة احمد
زهره بريه
ساسو
هوبا بودى
توتا_10

كويس رحمتوا نفسكوا كنتوا هتلاقوا التجمع سايح دم:mad: لو مكنتش لقيت تقيمات ويلا الباقى يلحق نفسه

انا بحاول اقيمك والله مش عارفة هاحاول تانى
بس انتى بتعرفى مين اللى قيمك ازاى ؟؟؟؟؟؟؟

اجيب كام مصفاة ؟؟؟؟

يااااه ياعياااال اخيرا وصلتلكوووااا وحشتووووني جدا جدا معلش كان عندي شغل اليومين دول ومزنوقة اوي طبعا بحاول اخلص بسرعة عشان الحق اعمل الاكل والم الغسيل وانشر غيره طبعا مانا في حفلة غسيل بقالي اكتر من تلات اسابيع فبجد مكنتش بلحق ادخل وحشتوني اوي

ياعيال بصوا صحيح انا كنت عاملة موضوع في المنتدى التاني عن فستان فرحي ففي واحدة دخلت ع الجروب بتاع الراجل وجابت منه صور لشغله فابقوا ادخلوا الموضوع وشوفوا شغله لأن انا زي مقولتلكوا فستاني مش مقياس خالص لأن زنقته جامد وكمان مش عارفه لسه اجيبلكم صور واضحة فادخلو الموضوع وبذات صفحة 9 هتلاقوا كلللل حاجة بالتفصيل والصور اللي الست لقيتها ع الجروب اصلي مش مشتركة في الجروب بتاعه وده اسم الموضوع
"
أخيرااااااااااااااا بعد لف شهور هعمل فستان فرحي في المصنع اللي قولتلكوا عليه..ادعوولي"

توتا الف سلامة عليكي والحمدلله على كل حال وان شاء الله والله كل حاجة هتتصلح ربنا يكرمكوا يارب ويبعد عنكوا اي مشاكل يارب وعلى فكرة عايزة اقولك ان الشواية الكهربا مش بتطلع ريحة او دخان ولا اي حاااجة معرفش بقى كله كده ولا انا عشان بتاعتي بغطا

ميراميا واحشاااااني جداااا بصي والله انا مش موضوع عدم رضا هو طبعا كده كده سبحان الله كلنا مش بنحمد ربنا وكل حاجة عايزين غيرها يعني ناس عايزة تتجوز بسرعة وزهقت من الخطوبة الطويلة وناس زي حالاتي متضايقين جدا انهم اتجوزوا بسرعة تعرفوا سبحان الله انا لما بلاقيكوا بتتكلموا على ان خطوبتكوا بقالها كتير وانكوا بتجهزوا من زمان بقول يا بختهم

واللي معندوش شقة مش عاجبه واللي عنده شقة الشقة مش عاجباه واللي شقته متوضبة مش عاجبه واللي شقته لسه محتاجة توضيب مش عاجبه فوالله الحكاية كلها اننا مش بنقول الحمدلله ودايما عايزين اللي محصلناش لأننا متخيلين ان ده كان هيبقى افضل الحمدلله على كل حال يارب

بس هي الحكاية اني مش موضوع ندمانه على حاجات غصب عني لا ندمانة على حاجاة كان في ايدي اعملها

اني مثلا اظبط الفستان من وقت بدري شوية عشان متزنقش في الاخر واخلي الراجل يكروته وملحقش اعمله زي مكنت عايزة

اني اروح الفرح متأخر شوية كان نفسي الحقه كله بالنهار ملحقتش غير شوية صغيرين لأننا اتأخرنا

حاجات كده عبيطة بقى بس برجع واقول لنفسي بدل مانتي ندمانة على ملحقتيش تعمليه لحاجات دنيوية هايفة اندمي ع اللي ملحقتيش تعمليه وممكن تموتي في اي لحظة وهتندمي على اي حاجة ضيعتيها او اي ذنوب عملتيها فبحاول والله افوق نفسي بسرعة ربنا يهدينااااا ويبعد عن الشيطان يارب ويرضينا

كنت عايزة اقولكوا حاجة ياعيال انتوا ليه مش مفرقين بين الماركات اللي اصلا صيني والحاجات اللي صناعتها صيني؟؟؟

خلاص شئنا أم ابينا بقى امر واقع ان كل الشركات والمصانع العالمية فتحت في الصين لأن العمالة ارخص فبقى طبيعي جدا اننا نلاقي اغلب الماركات صناعة الصين بس هي بمكن وتكنولوجيا الماركة نفسها واظن بيبقى نفس الضمان وخلاص اصلا معندناش حل غير كده الا بقى حاجات لسه مش صيني اقصد يعني متدققوش اوي طالما نفس الماركة وجايبنها من توكيل او محل مضمون وليها ضمان وكده

على فكرة صحيح بمناسبة الموضوع ده انتو كنتوا قولتوا ان براون سيلك ابيل اللي معاها الهدية بتبقى مصنوعة في الصين والتانية المانيا انا سألت في بي تك البنت قالتلي ان حاجات العناية الشخصية دي بتاعة براون كلها صنع المانيا الحاجات بقى التانية زي المكاوي والسشوار هي اللي في الصين


عيااال عايزة اقولكوا على حاجة مهمة عشان انتوا ماسكين في البت ميس موني ازيك صحيح يا قمر عاملة ايه
اللي قالت على بيومي مينسا مش ميس موني وهي من المنيا تلاقيكوا لخبطو بين الاتنين عشان الاتنين صعايدة هههههههههههههههه هي اللي قالت عن بيومي وفي محل برضه انا روحته معرفش هو بيومي ده ولا ايه قدام الموقف بتاع العتبة وعليه كده صورة لشيف بيجي على قناة الحياة وحد كان قاللي ان الشيف ده قال ع المحل ده معرفش بتاعه ولا هو بيجيب من عنده ولا ايه
المهم المحل ده في كل حااااجة وبذات حاجات الحلويات

صحيح فطومة يا حبيبتي مبروك على حاجتك وبجد بجد حاجات برستيج تستاهل الفلوس


انا مش مع البنات انهم بيقولوا انها غالية دي حاجات بتلمس الأكل وبتستخدم علطول فلازم نجيب نوع مضمون وغالي مش شرط نجيب كتير حتى لو واحدة نوع كويس احسن من 10 اي كلام

يعني انا اهو جايبة في شقتي حاجات بسيطة ومش كتير وحاجات كتير لسه مجبتهاش اصلا انما جايبة حاجات كتير مضمونة وغالية وممكن اكون جايبة واحدة بس احسن مجيب كميات من انواع عادية ومش مضمونة

اسيل بصي يا حبيبتي الرنج اللي انتي حطاه كويس جدا ماشاء الله وممكن تعملي في اماكن كتير بصي الحقيقة انا معرفش اماكن اوي لأني كنت بدور على حاجات اوبن اير واللي كان اوبن اير في المعادي النايل كانتري كلوب وجزيرة المعادي ورنجاتهم كويسة مش غاليين اوي يعني انما غير كده معرفش

وبصي بالنسبة للجست بوك انا شايفة انه مهم اوي ومش اي تكلفة ولا حاجة ده ممكن ميكملش 50 جنيه بس فعلا هو مهم يابنات سواء هتعملوا فرح او كتب كتاب بس او اعدة عائلية في كل الحالات الجست بوك مهم

انما البوستر حسب بقى مش لازم والكروت برضه لو ينفع تعمليها يبقى كويس لو معرفتيش عادي ناس كتير مبقتش تعملهم انتي عارفة ممكن تعمليها بطريقة لطيفة انك مثلا تعملي معاها كتيب اذكار او حاجات كده بشكل عامل زي حاجات الافراح ابيض وتل و ورود وكده فتبقي عملتي حاجة للذكرى وكمان خدتي حسنات ناس كتير طووول عمرك

بصي ده الجست بوك بتاعي صاحبتي عملتهولي انا جبتلها الجزع بس وقولتلها اني عايزة فكرة الجزع كنا شوفناها ع النت كتير وهي عملت الباقي بقى عشان مكنش عندي وقت ومكملش بجد 50 اقل كتير كمان





صحيح مودة يا حبيبتي واحشانني اوي بجد وفرحانة اوي اني شايفة مشاركات كتير ليكي متغبيش تاني بقى

معلش انا بجد مش عارفة الصفحات اللي فيها حاجتي ممكن انزلهملك تاني بس العفش بقى هتلاقيه في الديكور هو الديكور بيمشي بطئ مش زي الصفحات هنا فممكن ترجعي كده كل شوية كام صفحة لغاية متلاقيه

انتي كنتي كاتبالي سقط سهوا على ايه؟؟

بصي دي صوري بس مش واضحين لأني مصورة الالبوم بالموبايل ماعدا اخر صورة بنت عمتي صورتهالي ولسه عندها صور كتير وعندها صور الخطوبة وكتب الكتاب لكن الحقيقة انا حتى الان معنديش الصور دي لسه مخدتهمش منها وعقبااالك يارب









انا طبعا في حاجات كتير كنت عايزة ارد عليها بس كالعادة نسيت

اه توتا بصي الكروت يابنتي في مكان قريب كده من العتبة شوفته وانا رايحة المناصرة مليااااااااان محلات بتاعة كروت بتدخلي المحل بيبقى عندهم كتالوجات كتيييير بتعدي تتفرجي وتختاري وكل واحد ليه سعر بتتفقي معاه ع العدد وبتشوفي بياخدوا وقت اد ايه وتديله البيانات وكده

وفي محل اسمه TBZ اظن الماركة دي بشوفها كتير على كروت المهم لقيتهم فتحوا محل عندنا في مصر الجديدة جمب تسيباس بظبط وبرضه نفس النظام بتدخلي تختاري وتنقي وكل نوع ليه سعر وهكذا

انا كنت بدور على استايل معين في الكروت وللاسف ملقتوش خالص ولا حتى في المحل ده بس كانت ناني فيبس وبنت تانية قالوا على محل اسمه خطاب لكن مقالوليش عنوانه ولا مكانه حاولي تعرفي منهم برضه

بنات اعذروني لو نسيت ارد على حاجة لو افتكرت هرد علطول ادعووولي بقى

اززيكم يابنااااااااااات

دى كوفرتات اطفال كنت جايبه حلوة اووى وشكلها جميل فى الفرش

دلوعة الغالى;13852846:
اززيكم يابنااااااااااات

دى كوفرتات اطفال كنت جايبه حلوة اووى وشكلها جميل فى الفرش

ماشااااااااء الله تباااااااارك الله
راااااااائعه
دى ماركه السروحى صح
انا شوفتها فى التوحيد وكنت هتجن عليها اوى
انا جبت خلاص طقم الكوفيرته وكنت هشترى طقم تانى منها لانها فعلا حلوه اوى وقيمه

انتى لقيتى منها الوان ايه تانى
لانى بدور على الاصفر فى ازرق كدا

وممكن اعرف من فين وبكام

قرآنيه;13852910:
ماشااااااااء الله تباااااااارك الله
راااااااائعه
دى ماركه السروحى صح
انا شوفتها فى التوحيد وكنت هتجن عليها اوى
انا جبت خلاص طقم الكوفيرته وكنت هشترى طقم تانى منها لانها فعلا حلوه اوى وقيمه

انتى لقيتى منها الوان ايه تانى
لانى بدور على الاصفر فى ازرق كدا

وممكن اعرف من فين وبكام

قرانية عامله ايه وحشتنى

ايون السروجى كان في منها بيج فى زيتى تقريبا

هى ب 280 او 300 فى الحدود دى ومن الازهر فى شارع عوف واتفضليها ياقمر

السلام عليكم معلش انا ليه سؤال صغير جدا وياريت مش تخيبوا لى ظنى ايه احسن تلاجه وبوتجاز

كمشمش;13852974:
السلام عليكم معلش انا ليه سؤال صغير جدا وياريت مش تخيبوا لى ظنى ايه احسن تلاجه وبوتجاز

وعليكم السلام البوتاجاز اكييييييييد كريازى القديم

والتلاجة انا عندى توشيبا حلوة وكريازى حلوة

فراولة حبيبى;13852999:

حلوووووووووووة قوووووووووووووووى
مبروووووووووووك عليكى
دلوعة الغالى
ممكن اعرف منين وبكام كوفرتية الأطفال؟؟؟؟؟؟؟؟؟؟؟؟؟

ميرسى ياقمر ولازم ارد عليكى عشان بموت فى الفراولة ههههههه

من الازهر شارع عوف ب280 او 300 فى الحدود دى

دلوعة الغالى;13852989:
وعليكم السلام البوتاجاز اكييييييييد كريازى القديم

والتلاجة انا عندى توشيبا حلوة وكريازى حلوة

تسلمى ربنا يخليكى على ردك ويبارك لك
وهيه تلاجه شارب وحشه معلش هاغلبك