ابتسامة طفل;13633578:
السلام عليكم
السموحه انقطعت عنكم
بس امس واليوم كنت مرقده فالمستشفى بسبت السكر
كان عندي موعد يوم السبت ولما رحت الدكتوره سوت لي تصوير وقالت حجم الجنين مو عاجبها وتبي تسوي فحوصات اكثر
المهم تنومت عندهم يوم الاحد ونفس اليوم سوو لي تصوير خاص اسمه دوبلر يراوي اذا الدم الي يوصل للجنين كفايه او لا
لان مثل ما تعرفون الجنين يتغذى عن طريق الدم واذا حجمه مو زين يمكن الدم الي يوصله مو كفايه
لان البيبي لما فحصوه وزنه 1620 بس في عمر 33 اسبوع وفي 30 اسبوع كان 1500 وفجاه صار ما يكبر
طبعا انهدت علي الدكتوره بس قالت لي احتمال السكر والانسولين ماثر عليه فنتطمن احسن
المهم التصوير الحمدلله كان زين والبيبي طلع صغير من كله مو بس بطنه
و بادي عندي تكلسات فالمشيمه بسبب السكر
وسوولي تخطيط وهذا الي يحطون على بطن الام دويرتين عسب يشوفون حركة الجنين زينه او لا واذا في تقلصات او لا
والي حملوا من قبل اكيد يعرفونه
وكانوا كل شوي اييون ويتسمعون دقات قلبه
وسوا لي فحص وظائف الكلى وهاي الامور والحمدلله كل شي زين
ما عدا انهم يبوني انزل السكر اكثر وزادوا لي الانسولين
المطلوب عالصيام يكون اقل من 95 وبعد الاكل اقل من 125
انا يطلع لي عالصيام اقل عن 110 و بعد الاكل اقل عن 140 بس طبعا ابدااااا ما عجبها هالكلام
وعطتني هالاسبوع اجازه لووووووووووووول
المهم
احسن شي فالموضوع كله اني كنت اراقب الاكل الي يجيبونه لي وصار عندي فكره احسن عن الي اقدر اكله
هم يجيبون منيو واختار منه الي ابيه وهي عامه للي مافيه سكر او ضغط وبعدين يشوفون شو ابي ويحاولون يضبطونه على حالتي او يستخدمون بدائل تناسب السكر
بقولكم كيف علشان الكل يستفيد
لكل صنف في كذا خيار طيب اختار منه
الفطور
الطبق الاول عباره عن خيار بين
1 شوربة شوفان
2 براون كورن فليكس
3 رقائق الحبوب الكامله
******************
وبعدين خيارات متعدده بين
1 بيض كامل (2) اومليت
2 جبن قليل الدسم مع خضار
3 بيض مطبوخ على حليب قليل الدسم
*********************
وبعدين خيارات ثانيه بين
1 توست فرنسي وطبعا يجيبون اسمر وطريقته للي ما يعرف يكون تغمسينه فخليط من البيض والحليب والسكر ويتحمرينه ويناكل جذيه بس هم سووه على بيض وحليب قليل الدسم وبدون سكر طبها
2 بان كيك على شراب العسل بس طبعا احترمت نفسي وما طلبته لان اعرف ان ما بيجيبونه مع ان كان خاطري فيه بقووه
******************
وطبعا عصير فرررش ويخيرون بين البرتقال والتفاح وكان في خيار سلطة فواكه بس قالولي ما نقدر نعطيج الاثنين يا هذا او هذا فاخترت العصير
وهذا كان الفطور
وبعد الفطور بساعتين يجيبون شي خفيف
خيارات من
1 مافن كيك
2 انجلش كيك والي اعشقها بجنووون
3 بسكويت ومنعا للاحراج طلبت بسكويت فجابو لي قطعتين بسكويت دايجستف الساده مع شاي
************************
نجي للغدا وهو نفس منيو العشا بس تقدرين تغيرين بالاطباق
خيارات الشوربه
1 شوربة خضار
2 نودلز بالدجاج
3 شوربة مينستروني
4 شوربة عدس وطبعا طلبت للوجبات كلها عدس حتى يستفيد النونو مع اني ما احبها
*******************
الاطباق البارده
1 سلطة خضرا عباره عن انواع مختلفه من الخضار وطمام شيري الي ايي صغير مثل الكرز
2 فتوش
3 تبوله
وعجبني فالفتوش انهم حاطين زيتون اسود وفليفله وطماط وخيار وخس وخبز محمص
وتختارين الدريسينج مال السلطه يا زيت زيتون وحامض او مايونيز قليل الدسم
********************
الاطباق الرئيسيه
1 كلاسك همبرجر وطبعا مشوي
2 هامبرجر بالجبنه
3 برجر نباتي
4 دجاج اسكالوب وانا من زمان ما احب الاسكالوب عسب جذيه ما طلبته
5 روست لحم مشوي وشو طري ولذيذ مع حبوب خضرا وجزر مشويين طبعا
6 صدر دجاج مشوي
7 سمك هامور مشوي مع بطاط مطبوخ بالفرن
********************
نجي للباستا
تختارين اي باستا
فيوتشيني او بيني او سباغيتي وكله من القمح الكامل
وتختارين بين الصلصه
يا ارابياتا او الفريدو او بولونيز
وانا احب الالفريدو صوص وايد فطلبته والحلووو انهم سووه من حليب قليل الدسم وطلع حلوو
*************************
والخيارات الثانيه
تختارين بين
1 بطاط مهروس مع الدجاج او مرق لحم
2 بروكولي عالبخار
3 خضار مشكله عالبخار فطلبت خضار مشكله وكانت كالاتي
ملفوف وفليفله وجزر وفاصوليا وكوسه وباذنجان وشو لذيييييذه كانت
اذا اخترتي باستا خلاص ما تختارين من الرز واذا اخترتي من الرز ما تختارين باستا
الرز كان عندهم رز بالبخار وبرياني ورز مقلي
عندهم خيارات للحلويات بس مو لي طبعا
***************
المشروبات
1 حليب واذا اخترته بيجيبون قليل الدسم
2 كولا دايت
3 كوفي بدون كافيين
4 شاي
5 شاي بالاعشاب
6 شاي اخضر
7 شوكليت او فانيليا شيك او هوت شوكليت
****************
انا قلت لكم ان بعد الفطور جابوا بسكويت
وبعد الغدا على الساعه 6 جابوا لي 2 سلايس اسمر وداخله تركي وسلطه خضرا وممكن تبدلين التركي اذا ما تحبينه بالمرتديلا المهم شي ما يكون مقلي وشاي
وبعد العشا جابوا لي تفاحه وشاي
وترا مع كل وجبه يجيبون عصير برتقال فررش وبين الوجبات شاي وحليب منفصل ويكون قليل الدسم اذا حبيت اضيفه للشاي
يعني طول اليوم في اكل وموزع على طوووول اليوم بطريقه حلوه وخفيفه
بنات انا تعبت وانا اتذكر واكتب يا ريت تستفيدون من هالمعلومات وتدعون لي الله يهون علي لان صدق صدق هالحمل طلع من عيوني على كثر ما عانيت وتعبت من هالموضوع
أفا يخسي التعب اللي قطج هالقطة
إسم الله عليج ماعليج شر إن شاء الله
وحنا نطالع طريجج ونقول وين هالبطة مختفية
الله يهون عليج وعلينا ونقوم بألف صحة وسلامة يارب
إسم الله عليج ماعليج شر إن شاء الله
وحنا نطالع طريجج ونقول وين هالبطة مختفية
الله يهون عليج وعلينا ونقوم بألف صحة وسلامة يارب