•·.·´¯`·.·• (التجمع الثامن لحوامل شهر يناير (1) 2011) •·.·´¯`·.·•

قمرهم 2009;13635436:
زين والله شطار خلصتون اغراضكم ودرتون على التوزيعات

اني خايبه حتى افراشات ما فصلت

ابتسامة طفل;13634335:
الشر ما اييج غناتي




الشر ما اييج حبيبتي



فديتج والله




شوفي يا عزيزتي

امي وابوي عندهم سكر من زمان وخواتي في حملهم ياهم سكر حمل بس ماخذوا انسولين

وانا من قبل لا احمل لما كنت افحص يطلع لي عالبوردرلاين يعني مثل ما تقولين عندي قابليه فقمت اسوي دايت ورياضه بس ريلي ما كان يرضى اسير النادي مع اني قبل لا اتزوج كنت اسير لانه حاب جسمي وما يباني اضعف بس انا ما ابي اضعف بس كنت ابي احرق الي اكله واكبر غلط اني سمعت كلامه

لما حملت كنت مثل ما تقولين حاسه وشبة متاكده انه بيطلع لي بس ماتوقعت بوصل لهالمرحله على بالي بينظبط بالحميه مثل خواتي

وانا بديت الحميه من الرابع وفتره انظبط وبعدين لا لان كل ما يزيد حمل الحمل الجسم يحتاج انسولين اكثر وانا جسمي يفرز نفس الكميه ما يزيد فلازم اعوضه بانسولين صناعي

ومن السادس بديت الانسولين لان خلاص كان يرتفع بشكل جنوني

المهم

السكر ياثر عالجنين بكذا طريقه

يا يخليه كبير فيضطروا يسوون للام قيصريه او تتعب فالولاده بشكل كبير والبيبي يصير له مشاكل فالتنفس لان راسه يعلق او صغير وايد مثل حالتي او يزيد الماي عليه وهذا بعد مو زين لانه كثر الماي يخلي البيبي ما يكبر

او لا سمح الله في اسوا الحالات خص فالتاسع ممكن بسبب موت مفاجى للجنين او تسمم حمل للام

بخصوص النمو العقلي والجسمي

شوفي انا الحين البيبي عمره الاصلي 33 بس قياساته تعطي 31

وهذا نوعا ما مقبول لكن اذا صغر اكثر بسبب السكري هنيه يصير مو اوكي لان البيبي ما يعود نموه طبيعي

وان البيبي يجيه سكر في احتمال كبير ووايد دراسات مسوينها على امهات كان عندهم سكر حمل ان بيبياتهم عرضه للسكر اكثر بس مو شرط بعد الولاده على طول

بعد الولاده على طول يصير للبيبي هبوط مو ارتفاع

لان البنكرياس مالته تحاول تفرز انسولين حتى تنزل السكر الي بدم الام والي يوصله بالحبل السري فيتضرر هو وينزل عنده السكر والام عندها مرتفع وانا شفت اطفال جذيه لما كنت بقسم الاطفال حتى انه من هبوط السكر عنده يكون دووومه خامل وما يصحى وكله راقد حتى رضعاته ما ياخذهم

تخيلي انا عارفه كل هذا وشايفته يعني النفسيه :thumbs_down:

~ أم عمار ~;13639848:

الواجب طويل جدا حرام عليكم يا بنات الرغى ده :worn_out:

هقرا الواجب واكلمك لما اخلص تقريبا على السنه الجايه:badly:
يعنى متستنونيش :lol:

اشوفكم على الولاده ان شاء الله :D