,.-~*'¨¯¨'*·~-.¸-(التجمع الثالث عشر لحوامل شهر نوفمبر(11) 2010)-,.-~*'¨¯¨'*·~-.¸

ام شهد صدقتين انتين وجحة شكله

اني اللي ذبحني بعد الزعفران وهالسوالف يحمي الطلق والرحم ما يتوسع :(

الله يخلي لش عبوود وعالبركة على تطهيره وبالغة فيه معرس ان شاء الله:)

ام شهد11;13801725:
امهات

خبروني راحت دبتكم لو ليها اثر

هههههههههههه

الله لا يراوييش ايااها :-#

اني استحي اطالع رووحي:o

هلا ام شهد

اني بعد ولادتي كانت متعبه الظاهر طلق البنات اهون بواجد
وين طهرتين ولدش لان يوم الاثنين بنطر حمود ومتحيرة وين اوديه

باقي الامهات وين طهروا اولادهم ؟ وبكم ؟ ولازم موعد لو مباشرة العيادة ؟
وبعد كم يوم تطيح الربله جابوني قبل يوم الاثنين

ام شهد ما رااويتنه صورة عبدالله

بناتي يقولون لي ماما فيش بعد ددوه ببطنش
للحين ما راحت

عنوب;13801744:
ام شهد صدقتين انتين وجحة شكله

اني اللي ذبحني بعد الزعفران وهالسوالف يحمي الطلق والرحم ما يتوسع :(

الله يخلي لش عبوود وعالبركة على تطهيره وبالغة فيه معرس ان شاء الله:)

ويخلي لش فطومه.. الله يبارك في حياتش حبابه

عنوب;13801762:
الله لا يراوييش ايااها :-#

اني استحي اطالع رووحي:o

هههههههههههه
اني بعد:|

ألم الزمان;13801782:
هلا ام شهد

اني بعد ولادتي كانت متعبه الظاهر طلق البنات اهون بواجد
وين طهرتين ولدش لان يوم الاثنين بنطر حمود ومتحيرة وين اوديه

باقي الامهات وين طهروا اولادهم ؟ وبكم ؟ ولازم موعد لو مباشرة العيادة ؟
وبعد كم يوم تطيح الربله جابوني قبل يوم الاثنين

طهرته في عيادة جمال الزيرة ب30 ديناار

عنوب;13801785:
ام شهد ما رااويتنه صورة عبدالله

ابغي احطهااا بس ماعندي الكيبل ان شاء الله هالاسبوع برجع شقتي وبنزلها ليكم

ألم الزمان;13801798:
بناتي يقولون لي ماما فيش بعد ددوه ببطنش
للحين ما راحت

ههههههههههههه

وين اتصير عيادته خيوه
ولازم موعد لو مباشرة اروح

ياااااعلي جحة قصتش تعوووور القلب وصحت من الصدمة ماتوقعت كل هذا صار ليش

واني كل يوم في بالي أقول بتصل فيش وبسلم عليش
بس انشغل وما أذكر إله وقت متأخر


الله يقومه ليكم بالسلامة و تقر عيونكم بشوفته بحضنكم

وتأكدي ان اله رزقش إياه مابينساه

أم شهد
الحمدلله على سلامتش مرة ثانية ويتربى العبد في عزكم
وصدق مثل ماقلتين الدارسبن يحمي الطلق بس مايفتح الرحم

يالله هذه كلها تجارب الوحدة تمر فيها بس إذا شافت الأم طناها ينسيها كل ألم حست فيه

ويلا احنا بانتظار صورة البطل

بنات بسالكم
احس بحركة البيبي اقل من قبل هالشي عادي
وهل النفسيه مالتي لها دور على حركة البيبي

حبك حياتي

شخبار برهوم من التطهير

وين طهرتينه ؟ وبكم ؟ ويحطون شاش لو ربله ؟

ألم الزمان;13802554:
حبك حياتي

شخبار برهوم من التطهير

وين طهرتينه ؟ وبكم ؟ ويحطون شاش لو ربله ؟

وين تصير عيادته ؟ ولازم اخذ موعد لو مباشرة اروح ؟

هلا امهات
اخباركم؟
جحه
اكشن ولادتش يعور القلب
والله عيوني دمعت واني اقراها
الله يقوم لش السيد بالسلامه بحق اهل البيت
ام شهد
الحمد لله على السلامه مره ثانيه
وفعلآ طلق الصبيان مره حار
واني بعد تعدبت في الطلق واجد
لكن يوم شفت ولدي نسيت كل شيء
الله يبلغش في عبوووووووود وتشوفينه معرس يارب

عنوب;13769351:
بكتب ليكم اكشن ولاادتي دام فطاامي يعني حدي فاضية الحين:)

طبعا يوم الخميس كان فيني احباط لانه طاف موعدي يومين وشفت زهورة الله يذكرها بالخير كاتبة انها تروح تسوي تخطيط فقلت الى زوجي بروح ووداني في الليل على التسع تقريبا سووا لي التخطيط ماكان زين وخلوني اكل وبعدين عادوه صار اوكي وبعد التخطيط فحصتني الممرضة مع اانه ما كان فيني ألم ولاشي واشك انه كان فحص لانه يألم بشكل مو طبيعي شكلها سوت توسعة وقالت الي 1 سم وبعدها فحصتني الدكتورة خب صرت سبيل ليهم وقالت لي بعد 1 سم
وخبرتني انه اذ صادتني ولادة يوم ثاني ما اروح ليهم لانه مافي سرير واذا رحت بينقلوني جدحفص او المحرق طلعت ورحت بيت ابوي واني طبيعية وما فيني شيي وبعدين جا زوجي نص الليل طلعنا تعشينا برة وتميت امشي وكان الهواء بارد قلت الى زوجي انه ظهري يألمني وتوقعنا انه من الهواء البارد رجعنا البيت والم الظهر مو فاكني يعني ما يروح ويجي طول الوقت يألمني تميت أمشي على السير لين ما تعبت وحنه سهرانين على الساعة 5 شفت الالم راح وبعد شوي رجع وتم يروح ويرجع واول ماجاني كان منتظم كل 10 دقايق ويرد يخربط كل ربع ساعة ويرد كل 8 دقايق تمييت أحوس وألوس بالالم الى الساعة 10 الصبح وحزتها ما كنت ابي اروح الى امي واخرب عليها روحة بيت ابوي لعود لانه ليلتها خطوبة بنت خالتي بس خبرتها بالتلفون وقلت ليها روحي واذا زاد علي شي بجي لش اهناك بس ما رضت وقالت لي اتجين الحيين ورحت ليها وخلتني امشي وياها في ا لشارع دورة على الفرقان شكبرها ورجعت وسبحت بماي ساخن وسوت لي ماي ورد وزعفران وسوت كف مريم وبخرتني بعود وسوت لي حلييب اشربه وكلتني تمر كل الاشياء سوتها لي والالم كان حار بس اقدر اتحمله الى الساعة 2 ما كنت طايقة اكل شي وكانت تغصبني على التمر على 2 اتصلت اختي وكانت مداومة نهار وقالت الى امي توديني واني ما كنت راضية خايفة اروح اوتحبط بس خبرتني ان ادش ليها الجناح دايركت وهي اللي بتسوي لي التخطيط و عشان تتطمن وبتخليني امشي عقب تبرزت عشان نروح وكانوا حمواتي جايين وياي ويا امي وزجي ومن ركبت السيارة زاد الام وصار كل 4 دقاايق وصلت المستشفى ودشيت وركبت لتخطيط اهني صحت لانه كان ما يحتمل الالم جودتني ما رضت امشي لنه الطلق حر ومنتظم بس على هالذبحة من الصبح الى الثلاث تقريبا متوسعة بس 1 سم خبرت مسؤلتهم ودايركت دخلوني غرفة الولادة والتخطيط يطلع مو اوكي لانه مو ماكلة واتحرك كل ما يجيني الالم وكل ما يجون يفحصوني يذبحوني وااصيح ابي عملية واختي مو راضية وكانت تهمزني اهي وصديقتها وحدة تقرأ علي قرآن والثانية تهمزني جزاهم الله خير داوموا عقب النهار اول ليل وياي خخخ تعبت الى المغرب كانوا يخبروني بس 2 سم لوز كنت في قمة الاحباط وبعدها ما كنت ارضى احد يفحصني لانه يألم بشكل مو طبيغي الى 9 وشوي كنت اصيح اني بسوي العودة الله يكرمكم بس مو راضية يفحصوني قالوا اكيد ولادة وودوني من غير ما يفحصون جم بس قالوا لي لا تدفعين ولما ودوني هالحجرة وفحصتني بس 4سم لوز بيصير 5 واهني تمييت اصيح ابي عملية ذبحتووني فترة وبعدها نمت هلكت لانه ما عطوني مهدأ بسبب تخطيط الجاهل يطلع مو زين وكانوا مركبين التخطيط الله يكرمكم من تحت وعلى بطني وكل اهني تباعدت فترات الطلق بس نبض خلاص تم ينزل اشوي اشوي لانه الجاهل تحت وتعب واني للحين على ال5 بس قالوا بيدخلوني عملية ونادوا زوجي وامي يشوفوني وشربوني الدواء وحلقوني يا زعم على الرغم من اني نظيفة بس ما رضت وغرفة العمليات كان فيه وحدة مخلصين منها وينطرون ليما يطلعونه وبيدخلوني في 5 دقايق تقريبا حطوا لي في السيلان دواء مادري وشسالفته بس لما جوا بيودوني قالت الدكتورة اول شي بعد تفحصني واني مابيها اتفحصني واصيح واصرخ عليها بتودوني العمليات ليش تفحصيني ما رضت قلت اول شي بجيك وبعدين بنوديش وجيكت الا 7 سم وجت وراها دكتورة ثانية وجيكت قالت 8 سم ولادة واني حزتها اصيح ابي عملية ما بدفع وما اقدر اتحمل حقروني وقالو لي اذا ما سكتتين بنطلع اختش من الحجرة وبعدين اشوي سكت خفت يطلعونها ويتخوون ابي وقصصوني وقالوا دفعي دفعت جم مرة ادفع عشان يطلع الراس بس ما اواصل ويصرخون ادفعي بقوة الجاهل تعباان وحزتها الله عطااني القوة ودفعت وطلع راس فطومي على 9 و44 وحزتها كل شي خف وراح الالم ولما طلعوها يضحكون علي يقولون طلق صبيان وجبتين بنية لانه طلقي كاان حاار واستانست اختي اني ولدت طبيعي وحزتها كانت مقفلة وحدها تعبانة ويااي وكانت تنطر يخيطوني وابول يكرم القاري عشان تمشي خيطووني وعانيت في الخياط بس تحملت شسوي بعد ما حسيت في البداية وبعدين كان يألم بس على هالالم كنت مرتاحة اني افتكييت من هم كبيير وكنت والله اذكركم واقول الله يعينهم وطلعوني كااان اهل زووجي وخواته وامه وابوه وعماته وبنات عماته كلهم بره يبون يشوفونه اني وبنتي وياهم امي واخواني وزوجاتهم يعني كاان يوم عالمي والسكورتي متضايق ويباهم يمشون لانه مسويين المستشفى فوضى خخخخ وطلعوني ليهم بس ما رضوا يمشون الا لما يشوفون فطومة وطلعوها قبل لا ينظفونها بس عشان يمشوون خخخ وهذي قصتي بالتفصيل الممل :)وترى الم الولادة كان بالنسبة لي صعب بس لما اشوف فطومة اتناسااه واسلى فيها نور عيوني

الحمدلله على سلامتك ..
والحمدلله انك ولدتي طبيعي ومااحتجتي عمليه

بقَايا حُلمْ;13771458:
وبـــاقي على تجمعنـــا بس 6 أيــــام ويقفلووووونه !

:-o

مو عااارفة شنوو أكتب عن اله يدوور في داخلي

:(

بس اذكر في البداية لما عرفت اني حامل وجيت فتحت اول تجمع لينا وعقبها شوي شوي قاموا البنات يزيدون لين ماوصلنا للتجمع ال 13 وتقريبا هذا بكون التجمع الاخير لينا

عشنـــا طوول هال 9 شهوور بفرحنا وحزنا مع بعض

كل وحدة تتشكى من شي في فترة الحمل وكلنا نواسي بعض لين ما مرت فترة الحمل على خير والله بلغنا وشفنا بيبياتنا في حضنا بالسلامة

:adore:


وان شاء الله بس يكبروون بيباتنا شوي راح نتجمع بس اكيد بكون للطلعة الجاي طعم احلى وغير عن كل مرة


:)

وبس يسكرون هالتجمع راح نفتح لينا تجمع خاص لامهات نوفمبر في قسم شات عروس

F:

<< ما اعرف اعبر عبارتن بس اترك المجال ليكم ..........


:/

يا الله .. الحين اذا ذكرت الوقت اللي جيت معاكم في التجمع .. كنت توني في الثالث اعتقد..

تدرون ان هذي اول مره ادخل تجمع بحملي الاول مادخلت ولا كنت اعرف ان فيه تجمعات اصلا ..

كنت خايفه انكم ماتستقبلوني او ماادخل معاكم في الجو خاصه ان معضمكم بحرينيات ..وعيال قريه ..والحمدلله تعرفت عليكم وعشنا احلى 9 شهور ..الله يديمها علينا ونكمل في تجمع البيبيات ان شاء الله :L::L:

شوق 14;13781715:
قوه امهاااات وكروشات هههه

شخباركم ؟

الحمدلله اني ولدت تاريخ 22/11/2010 وجبت حمود :adore: ..

رخصوني امس العصر .. والحمدلله الولاده طبيعيه واني وحمود زينين:adore:


عقبال الكروشات الباقين الله يردكم بالسلامه :)

الف الف مبرووووووووووووووووووووووووووووك

وربي يخليلك حمود ويتربى في عزكم

ألم الزمان;13785753:
نام حموووود بكتب ليكم قصة ولادتي

قبل اسبوع من الولادة جاني لم منتظم يروح ويجي كل 3 دقايق بس الألم كان محتمل ، وكنت انتظر اني اشوف شئ يدل على ولادة ممثل افرازات مخاطية او دم بس ما شفت فقلت اكيد مقلب من مقالب الطلق الكاذب ونمت ومن قعدت من النوم ولا كأن صايدني الم كلش ملش ما فيني شئ
وبعد اسبوع بالضبط من هاي الموقف كان يوم العيد يوم الاربعاء ما فيني اي بوادر كلش لا وجع ولا اي شئ رحت جدحفص الظهر لتخطيط وكانت الساعة 2 واشوي وانصدمت بالسستر تقول لي تعالي الساعة 4 لآن التخطيط يبدا من 8 الصبح الى 12 الظهر
ومن 4 العصر الى 8 بالليل واني بطلع من المستشفى شفت جارة بيت عمي جايبين بتهم تولد وقعدت وسولفت اشوي وياهم ورجعت الشقة وركبت 3 طابق وطلعت روحي على ما وصلت الشقة وقمت احوس اشوي وسبحت بناتي وشفت الساعة قريب بتصير 4 قعدت زوجي من النوم قلت ليه قوم ودني التخطيط ابغي اصير اول وحدة ما احب انتظر دوري ما قدر يقوم من النوم فأخذت السيارة ورحت ابروحي وما فيني اي بوادر ورحت وسويت التخطيط وطلع اوكي وما بين اي طلق واني طالعة شفت جارتنا سألتها عن بتها تقول للحين ما ولدت ودعت لي تقول يارب ان شاء الله نص الليل يودونش المستشفى وان اقول ليها الله كريم لكن في خاطري اقول امش بوزي لو ولدت الليلة واني طالعة من المستشفى اتصلت فيني بنت اختي تبغي تجي تعايد فيني اهي ويا خطيبها وعلى ما اوصل للشقة وصلوا معاي بنفس الوقت سلمت عليهم وقلت ليهم اني بتقدم فوق اسوي طريق ليكم واول مرة بحياتي كلها اركب ادرج بشكل سريع اتخيلوا الوضع ما كنت ابغي يشوفني خطيب بنت اختي واني انافخ على الدرج فركبت بسرعة ودخلتهم المجلس ورحت قعدت زوجي من النوم وقعدوا ويانا بس نص ساعة واستأذنوا .. مستعجلين خبركم معاريس جدد الله يهنيهم ،، المهم لاحظوا للحين ما في بوادر أذن وصلينا وطلعت ويا الجهال عشان بنرمي الضحايا وبنروح نتعشى بالحديقة ويا الأهل كلهم لاحظوا اني نزلت من الدرج للمرة الثالثة وعلى فترات متقاربة وصلنا الحديقة وحطينا العشى وقام زوجي راح يتمشى اشوي ويا زوج اختي حتى اقول ليه المفروض تمشي وياي قال لي عندي سالفه وياه بخلصها وبجي اتمشى وياش واني كنت اسولف واضحك ويا الجماعة وخواتي ولا فيني اي ذرة ألم المهم كلها نص ساعة وجه زوجي يقول لي
قومي خل نتمشى توني واقفه الا احس سيلان على فخذي ورطوبة شكيت بالموضوع قلت يجوز عرق او منكت علي ماي او عصير من الجهال وما حسيت ورديت وقفت ونزلت مني كمية كبيرة من الماي الدافي اهني قلبي بدأ يدق قلت فشيلة مو حزه ولادة وانا قاعدة بمكان عام ورديت قعدت من الفشيلة طالعت اختي وقلت ليها روحي اتمشي ويا زوجش ما ابغي يحس بشئ والجهالوا خليناهم يروحون يلعبون بالالعاب ظليت ويا اختي العودة وزوجي يسألني وش صاير اقول ليه ينزل على ماي ما صدقني بالبداية ولا استوعب مسكين المهم خليت زوجي يكمل القعدة بالحديقة ورحت الشقة اني واختي العودة وبناتها وطول الطريق اختي مو عارفة تسوق اني اضحك عيها اقول ليها قومي بسوق عنش لان ما فيني اي وجع دخلت الشقة وسيدة الحمام ونزلت علي كمية كبيرة من الماي حسيت ان نص بطني هفت بس غريبة ما في الم كل مرة تجيني تقلصات وبعدين ينزل على الماي هالمرة ماي بدون الم رحت وسبحت بماي دافي قلت خل يجيني الطلق ويحمى على لكن ما ي فايدة حسيت جسمي فرش ومصحصحة حدي ومسكينه اختي قرت لي حديت الكساء وسورة مريم والزلزله ولا في فايدة يا صخر ما يهزك ريح المهم تالي قلت لأختي قومي روحي بيتكم واذا صادني شي بتصل فيش دام ان زوجي وصل من الحديقة خلاص لا تخافيني اكو وياي وحسيت روحي تعبانه بس ابغي انام ونمت الساعة 11 وقعدت على صوت التلفون 12 ونص اختي متهوسه علي لكن ما في الم ورحت الله يعزكم الحمام ونز على بعد كمية ماي هني بدأ الوسواس وياي وظليت افرفر بالمنتديات اشوف وش سالفة الماي اللي نزل بدون طلق وخفت اكثر لمن شفت الردود وصبرت روحي لين صارت الساعة 3 ونص الفجر ورحت السلمانية كان الوضع جدا هادئ بالمستشفى وعطيتها الكارد وقلت يها نازل مني ماي وفحصتني تقول لي هاي ماي البيبي وقالت لي متوسعة 3 سانتي واني اقول معقوله بدون الم يالله باقي 7 سانتي وافتك وركبوني غرفة الولادة وحطوا علي سيلان واني كل ساعة اخبرهم ابغي اشوف زوجي لين ما جه لي غرفة الولادة وقلت ليه ابغي التلفون خله وياي وانت روح للجهال شكلي مطوله ومسكين طردوه من الغرفه وجت الدكتورة وفحصتني مرة ثانية تقول لي 3 سانتي بس مو مال ولادة تقول هاي التوسع لأنش والده من قبل فطبيعي الرحم يكون فاتح عندي وصادني حاله احباط الساعة 6 ونص تبدل الشفت وجوا دكاترة غير وكل دكتورة تسألني ما في الم اقول ليهم لا لا استمليت من زود من يسألوني واني نفس الجواب بس كتبت لي الدكتورة على مضاد حطوه لي في السيلان لان الماي قل واجد عن البيبي واهني انحبست كل ساعة ابغي اروح الحمام بالغصب يالله يخلوني اروح المهم جت لي الدكتورة الساعة 9 الصبح واني واصله حدي ومعصبة قلت ليها اني جاية ليكم من الفجر توقعت بتسون لي حل وبتحطون على طلق صناعي دام ما فيني طلق ما توقعت بس بتركبون علي سيلان وبتحبسوني وما بتخلوني اروح الحمام خليني اروح البيت لبناتي واول ما يجيني الطلق الطبيعي بجي ما رضت قالت لي الراس كلش تحت وممنوع تتحركين المهم كسرت خاطرها عفر قالت لي بعطيش فرصة لطلق الطبيعي للساعة 12 الظهر واذا ما في فايدة بحط عليش طلق صناعي وجت 12 ومحد عطاني وجه واني انادي الدكتورة لين جت لي دكتورة شفت اول ليل قعدت تطالع الملف ونادت السستر وقالت ليها حطوا عليها طلق اللحين البيبي نبضاته ضعيفه وحطوا على طلق الساعة وحدة الا ربع والحمدلله بدأ جسمي يتفاعل ويا الطلق لكن ببط شديد وبعد ساعة وصلت 5 سانتي وخلاص وقفت على 5 وبعد ساعة ونص جت الدكتورة تفحص وسوت توسعة لي واتذكرتش يابقايا وطلعت روحي وشفت ايدها كلها دم الله يغربلها وبعد اشوي وصلت 8 سانتي واني احس اني ابغي اولد وادفع بس البيبي ما ساعدني ما يدفع وياي لآن تعب مسكين وفي هالاثناء اتصلت لي امي من مكة وشلت التلفون واني اصيح واقول ليها شكلي بموت صكت التلفون وراحت اختي للشيخ عشان تخبره ان عندنا حالة ولادة متعسرة وطالبين الدعاء من الحجاج وقام الشيخ جزاه الله خيره ونادى بالمكرفون وسووا لي حملة دعاء وتوسل لتسهيل الولادة وامي مسكينه وقفت على مصلاها تصلي ركعتين لي وتتوسل بالله على عمري امي تالي الدكتورة شافت ان بطني منفوخ قالت لي مثانتش مليانه لازم نفضيها وجابوا الهوز وفضوا مثانتي وفعلا من شفطوا المثانة البول الله يعزكم بطحوني على جنب وصكوا ارجولي وقالوا لي عصري عشان تنفتحين 2 سانتي وتوصليني 10 وفعلا كلها جم عصرة وردوا قلبوني على ظهري وقالوا لي الراس بيطلع عصري بس اني راحت قوتي كلش وقالوا لي الجاهل نبضة بطئ بيموت واستجمعت قوتي وعصرت والدكتورة توسع فيني من تحت بيدها وسيدة سحبت راس حمود وما حارست الجسم يطلع دخلت ايدها وسحبت حمود وحسيت كأنها ساحبه مصاريني وسيدة قصت الحبل السري وركضت فيه واني ارتحت وسيده اتصلت لامي كانت توها رافعة راسها من سجدها الأخيرة وخبرتها اني ولدت بالسلامة وتالي اتصلت لزوجي لأن زوجي ما جه المستشفى قعدت ويا بناتي وتالي مسكين جه لي وجت اختي والحمدلله ما سووني جراحة وسيم بس من قوه الدفع ومن التوسعة انشقيت بس من الداخل وخيطتني غرزتين بس لكن اتأذيت من البواسير اخس من السيم وبعد فترة جابوا لي نور اعيوني حمود سامحوني طولت عليكم بس حبيت تعشون الاحداث وياي

نسيت اقول ليكم نزل على الماي بدون طلق الساعة 8 الليل يوم العيد وولدت يوم ثاني العيد المغرب الساعة خمس الا ربع

الحمدلله على سلامتك وسلامة حمود ..

منبع الروح;13791556:
الحمدلله انا ربيت في تاريخ 18\11

ولدت قيصري لان ضغطي وايد ارتفع

الحمدلله انا وحمودي بخير

الحمدلله على سلامتك ..

ويتربى حمود بعزكم

بقَايا حُلمْ;13799431:

قائمة ولادات نوفمبر

.
.

.
.

عدد الاولاد = 12 ولد

عدد البنوتات = 9 بنووتات

ما شاء الله

.
.
.

[SIZE=4][COLOR=dimgray][SIZE=5][COLOR=red]1 : 17-10-2010[/SIZE][/COLOR][/COLOR][/SIZE]
[SIZE=4]حبك حياتي(برهوووم)[/SIZE]

..

2: 19-10-2010
وردة البرية(علااااوي)

..

3: 25-10-2010
ايماني قوي(بشــار)

..

4: 25-10-2010
كلاااسيك ( معــد)

..

5 : 2-11-2010
زهوور (مراااااوي)

..

6 :3-11-2010
بقايا حلم (زنووووب)

..

7 :3-11-2010
ريما (نوااااري)

..
8 : 5-11-2010
عنـوب (فطوووم)

..

[COLOR=#ff0000]9 : 6-11-2010[/COLOR]
زهـورة (بدوورة)

..

[COLOR=#ff0000]10 : 7-11-2010[/COLOR]
عشـووقة( سيد جواد)

..

[COLOR=#ff0000]11 : 7-11-2010[/COLOR]
الواافية( حسوون)

..

[COLOR=#ff0000]12 : 16-11-2010
ام شهد( عبووود)

..

13 : 16-11-2010
الدانة( حسين)

..

14 : 17-11-2010
رد رووز (نواااري)

..

15 : 18-11-2010
ألم الزمان (حموود)

..

16 : 19-11-2010
احبك والقمر يشهد(فطووم)

..

17 : 19-11-2010
ناعمة حواء ( ولد)

..

18 : 21-11-2010
جحة حمرة( سيد محمد)

..

19 : 21-11-2010
جنوني احلى مافيني (روند)

..
20 : 22-11-2010
شوق (حموود)

..

21 : 22-11-2010
صفاء (فطووم)

..

[/COLOR]

عدلت تاريخ ولادتي الى 3-11;);)

جحة حمرة;13800456:
السلام عليكم

شخباااركم ؟ اني جيييييييييييييت :lol:

توني اليوم قادرة ادخل على الانترنت .. الايام اللي طافت كنت في حالة من التعب النفسي والجسدي .. الحمدلله على كل حال ..

بكتب لكم اكشن ولادتي المأساوي .. اللي ما اتمناه حتى لأعدائي :'( .. بس اول ادعوا الى ولدي سيد محمد ان يقوم بالسلامة ويعطوني اياه .. لأنه للحين مرقد ..

يوم السبت تاريخ 20\11 .. قعدت من النوم وجيت اسولف شوي في التجمع .. شوي بس وحسيت بألم الطلق .. الم يروح ويرجع .. مباشرة عرفته ان هذا هو لأن نفس اللي صادني في السابع يوم اترقد .. طبعا الالم كان محتمل ومو منتظم .. قلت الى زوجي ترى سيد محمد شكله بيشرف الليلة او بالكثير بكرة الصبح .. وحسيت ان نزل عليي شي .. شفت افرازات فيها دم .. واستانست خخ :D .. قلت يالله ما باقي شي واولد وافتك .. وقام كل شوي ينزل عليي ماي فيه لون اصفر خفيف .. حتى اني لبست اولويز وكذا مرة اغيرها ..

المهم .. الشقة كانت عفسة .. فدايركت قمت انظف فيها .. اني وزوجي قمنا نشتغل فيها وننظفها ونظفنا الحجرة تنظيف عميق .. والطلق كان كلش مو منتظم وكلما تجيني طلقة اريح شوي وارد اواصل شغل خخ .. لحد الساعة ثلاث الظهر .. شفت ان الالم ما انتظم قلت يقولون الناس يتبخرون بعود خلني اجرب واشوف خخخخ .. قمت وتبخرت بعود ونفس الشي ما تغير شي .. بعدين فتحت النت وشفت بعض الوصفات لتحمية الطلق وتسهيل الولادة .. ويا ريتني ما لجأت للنت حزتها ..

اني كلمن كان يقول ليي ان الزعفران زين .. وكنت مجهزة ليي زعفران .. المهم شفت ان نشرب كوب حليب ونحط وياه قفشة زعفران وقفشة عسل .. وزوجي سوى ليي الحليب وشربته وبعدين بالقفشة اكلت باقي الزعفران اللي في الكوب >>>> وهذا الشي اللي هلكني وانصح كل وحدة على وجه ولادة انها تبتعد عن الزعفران والدارسين نهائيا ..

المهم بس شربت الحليب وقلت خلني اروح جدحفص الى تخطيط وما بقول ليهم شي .. والليل او بكرة اذا زاد عليي الالم بروح السلمانية الى ولادة ..

المهم بس خلصت كوب الحليب ولبست دفتي وركبنا السيارة رحنا جدحفص .. ودايركت خلوا عليي التخطيط .. حتى قلت للسيستر ترى من الصبح ويايي الم خفيف وينزل عليي ماي فيه لون اصفر شوي .. وما عبرتني خخ .. وعلى فكرة من شربت الحليب لحد ما حطوا عليي التخطيط نص ساعة بس .. ومرة وحدة والتخطيط عليي ما شفت الا الطلق قاعد يصيدني بشكل مو طبيعي .. كل طلقة ورا الثانية .. وكل وحدة تقول الزود عندي .. وكلما تجيني طلقة اقول آآخ بالعدال .. والسيستر ما كانت صوبي وما تدري عني .. المهم لحد ما حسيت روحي اني مو متحملة .. ناديت على السيستر وجت تشوف وش فيي بس شافت التخطيط الا هي متبهدلة وتنادي باقي السيسترات وجوا فصخوني وخلوني البس ثياب الولادة .. واني من قالت بتدخلني الولادة جتني الصيحة >> حسيت ان السالفة جد خخخخخ ..

المهم وقالوا ليي اتصلي الى زوجش بسرعة خله يدخل لش داخل .. جا وقعدوني على ويل جير ودخلوني الولادة .. وهناك كلهم تجمعوا عليي لأن مفكريني خلاص بولد الطلق مبين كان حامي حده فتوقعوني بولد .. وقتها كان الساعة خمس ونص المغرب ..

المهم جت الدكتورة فحصتني .. وانذبحت من الالم ودايركت نزل عليي ماي صاااخن وقالت 2 سم بس !!! .. قالوا ليي وش ماكلة قبل ما تجين اهني ؟ ماكلة دارسين ؟ قلت ليهم لا !! .. قالوا انتين ما جيتين الا ماكلة شي او شاربة شي .. قلت ليهم شربت حليب زعفران .. قالوا عشان جدي كل هالطلق اللي فيش على 2 سم بس .. المهم وقمت اتعصور من الالم .. واقول الى الدكتورة كل هالام وبس 2 سم !! قالت من الزعفران اللي شربتينه ترى كلش مو زين لأنه يزيد الطلق بس ما يفتح الرحم .. يعني يذبحكم من الالم على قلة الفايدة ..

المهم جابوا ليي الاكسجين .. واني ما اعرف الطريقة الصحيحة للتنفس ويقولون ليي لا تقولين آخ بس اخذي نفس .. واني ذيك الحزة في دنيا ثانية .. حتى كنت اقول في خاطري لو ادري ان العرس وراه جدي ما عرست خخخخخخخخخخخخخخخخخخ

وعطوني ثلاث ابر مهدئة .. وحسيت شوي بالراحة ونمت ليي شوية .. كنت احس بالطلق بس خفيف وبس آخذ نفس وشوي يخف .. بعدين ردوا جوا فحصوني قالوا 3 .. بعدين لحفوني وقالوا زوجش بيدخل .. >> حتى اني للحين مستغربة حدي خبري بجدحفص ما يدخلون احد على اللي بتولد .. المهم دخل عليي وقعد ويايي فترة وقام يهمزني في ظهري لأن الالم كله كان في الظهر بس كان مفعول المهدأ للحين فيي .. اتذكر اول ما دخل عليي كنت توي مخلصة من طلقة الا اقول ليه مو تقول تبغي اولاد واجد ما فيي شدة يعووور خخخخخ .. المهم ظل ويايي فترة وكل شوي يجون يطردونه وآخر شي طلع .. وظليت اعاني وي الطلق خاصة ان مفعول الابرات اللي عطوني اياهم راحوا ..

وكانوا كل شوي يطالعون في تخطيط البيبي .. وكأن فيه شي مو طبيعي .. بس اني كان الالم ذابحني ومو مفتكرة فيهم ..

كنت اسمعهم يتكلمون عن وحدة مدخلينها الى عملية .. وعن سوالف عمليات .. وبعدين دخلوا ثنتين دكاترة يسولفون عن انهم بيسوون عملية .. واني في خاطري اقول لو يسووني وافتك جان ..

على الساعة 12 .. جت وحدة من السيسترات تسألني اسأله .. فدايركت عرفت ان بيسووني عملية .. ما اتذكر الاسئلة بس من ضمنهم عن اشياء عن اسناني وباقي الاسئلة واني ادري ان هالاسئلة ما تنسأل الا اللي بتتسوى عملية .. المهم وبعدين جوا حلقوا بطني .. قلت يعني عملية ..

عقبها قاموا يجهزوني للعملية .. ونادوا زوجي .. ودخل عليي وقاموا يقولون له مضطرين نسويها عملية وما نقدر نتأخر ازيد .. لأن توها 3 ونص الى اربعة سم والبيبي تعبان .. ما ندري ويش فيه بس من التخطيط مبين انه قاعد يعاني ولازم يطلع .. كل طلقة تجيها يزيد تعبه .. وباقي عليها وقت واجد لحد ما توصل 10 سم .. دار لي زوجي وقال لي يقولون بيسوونش عملية قلت له موافقة موافقة .. بسرعة وقع .. المهم عطوني بعدين ورقة اوقعها .. واني اقول جاني الفرج ..

طبعا هالوقت يوم قالوا ان البيبي تعبان كنت افكر ان دقات قلبه ضعفت .. عشان جدي بيسووني عملية ما توقعت ان السالفة كبيرة وجايدة :'(

المهم قالوا في وحدة في العمليات بس تطلع بندخلش .. واني كل شوي ما قمت اقول ليهم متى بتبنجوني متى بتبنجوني .. يالله بسرعة يالله بسرعة >> منزهقة حد حدي على العملية ..

واني داخل الحجرة وحدة من الدكاترة الثنتين اللي شفتهم قبل ويقولون انهم جايين بيسوون عملية تتكلم في التلفون ما قبضت من كلامها الا سك بيبي وسيزيرين .. عاد فكرتها تقول ان اللي الحين تو مسوينها عملية ولدها مريض .. كسرت خاطري عدل وقلت الله يصبرها >> ما دريت ان اني المقصودة :'(

المهم دخلت غرفة العمليات وعقب ما بنجوني البنج النصفي .. اللي هو ابرة في الظهر ارتحت .. واختفى الالم كله .. وظل دكتور التبنيج والممرضة يسولفون ويايي وحطوا ستارة عشان الدكتورتين يسووني العملية ..

شوي بس وحسيت ان شي مو طبيعي قاعد يصير في الحجرة .. سمعت صوت كأن أه .. أ .. وبعدين اصوات واجد .. وناس تدخل وناس تطلع .. وكأن صايرة حالة طارئة في المكان .. عرفت ان ولدي طلعوه وفيه شي .. خاصة اني ما سمعت صياح .. سألت الممرضة اللي واقفة على راسي ويش فيه ولدي .. قالت ما فيه شي .. وكل شوي اسألها تقول ما في شي .. وشكلها كانت مرتبكة حدها .. ودكتور التبنيج بعد راح الجهة الثانية .. قمت اباعد الستارة ابغي اشوف هالعفسة على ويش .. المهم .. بعدين اسمعهم يقولون نادوا الاكس ري .. نادوا الاسعاف .. طبعا اللي كانوا يتكلمون مو الدكاترة اللي يسووني العملية .. اصوات غير .. باعدت الستارة شوي اشوف مصدر الصوت .. اشوف ممرضات وناس متجمعين على صوب .. اللي هو عند دكتورة الاطفال ..

ذيك الحزة ضغطي قام ينزل .. والممرضة تمسح على راسي >>> تذكرت الوافية اهني :worn_out: يوم تتطنز عليي على اقول ان السيسترات بيمسحون على راسي ...

المهم لحد ما خلصوا من العملية وبغوا يطلعوني .. طبعا لا سمعت صيحة ولدي ولا شفته ولا راووني اياه .. وقت اللي يطلعوني درت صوب المتجمعين والممرضة قالت راووها اياه صرخت عليها دكتورة الاطفال تشوفه عقب مو الحين !!

نقلوني الاستراحة .. ونادوا زوجي .. اسمعهم يتكلمون وياه وقالوا له ان البيبي تعبان واجد ويوم يطلعونه ما صاح وحاولوا ان ينقذونه .. واتضح انه شارب ماي واجد وتجمع له ماي ووصخ على الرئة .. وطرشوه بالاسعاف السلمانية ..

تطمن عليي زوجي وقلت له روح شوف سيد محمد وطمني عليه .. راح واني ما ادري من الصدمة لو من اثر التخدير لو شي .. كانت حواسي متجمدة حدها .. يعني ما كنت احس ولا اشعر بشي .. المهم ونقلوني الجناح .. غرفة عامة .. ومن دخلت كنت افكر في زوجي اللي راح المستشفى ولا رجع .. قلت للممرضات اتصلوا في زوجي قولوا ليه يجي .. ابغي اطمن على ولدي .. كل شوي اقول ليهم وقالوا بيجي لش .. قلت لهم على الاقل قولوا له يجيب تلفوني ابغي اكلمه في التلفون اطمن على ولدي ..

المهم بعدين ممرضة اتصلت فيه وقالت ليه .. قال بيصلي وبيجي .. كانت الساعة خمس الصبح .. لأنه رجع من السلمانية ورجع جدحفص يبغي يدخل عليي وما خلاه السيكورتي يدخل ..

المهم يوم جا الساعة ست .. وجاب تلفوني .. قال ليي انه راح شاف الصغير وان قالوا له انه شارب ماي وحالته مستقرة وبيخلونه 48 ساعة تحت الملاحظة .. قلت الحمدلله .. وطرشت مسجات على السريع للي اتذكرهم اني ولدت .. واتصلت الى امي وقلت ليها اني ولدت .. وقلت ليها اني ولدت بعملية في جدحفص وولدي شوي تعبان ونقلوه السلمانية .. كنت حاسة انه تعبان واجد وحالته صعبة بس ذيك اللحظات ما ادري شلون القوة اللي حسيت فيها وكان ايماني بالله قوي انه بيتحسن ..

عقبها جوني بيتنا .. تطمنوا عليي وراحوا للصغير السلمانية .. وجوني الاهل .. وسمعت كلام يسم البدن .. يعني يجونكم ناس ما عندهم اسلوب في الكلام تماما .. بدل ما يخففون على الوحدة يزيدونها .. جتني وحدة من المقربين تقول ليي جعلها تعبة مخلوفة ان شاء الله يعيش ليكم عاد !!!! .. حسيت من كلامها انه خلاص بيموت .. وكل كلامها كان انه ما بيعيش .. يمكن هالكلام اللي سمعته كان اصعب عليي من الحالة اللي مريت فيها :'(:'(

المهم عقبها نقلوني حجرة خاصة .. وظليت فيها واني بلا اي شعووور .. بس كان راسي يألمني حده .. جتني ممرضة هندية تقول ليي انتين راسش يألمش من التفكير في ولدش .. كوني واثقة ان الله اللي عطاش اياه بيحميه وما بيحرمش منه >> على فكرة هذا نفس الكلام اللي قالته ليي الممرضة اللي كانت واقفة على راسي في العمليات عقب ما طلعت من الاستراحة .. المهم وقالت ليي اني ام وحاسة بشعورش لكن لا تخافين ولدش بيطلع بالسلامة .. >> قلت شوفوا الهنود اللي مو مسلمين اللي ما يعرفوني ولا شي شلون يخففون عليي وناس بدل ما يوقفون ويايي ويخففون عليي يسببون ليي حالة احباط شديد ..

وعدى اول يوم وطبعا ما نمت كلش ملششش .. وصادتني حالة ما ادري ويش هي .. ظليت احس اني اسمع صراخ احد بيولد .. طول الليل ابغي انام واني اتخيل ان وحدة تصارخ .. كنت احس ان الصوت في اذوني وكأنه صدق .. وهو كله هلوسااات ..

المهم في اليوم الثاني اللي هو 22\11 .. قالوا انهم بيحاولون يحصلون ليي سرير في مستشفى السلمانية عشان ينقلوني هناك .. وبالغصب حصلوا ليي سرير هناك ونقلوني بسيارة الاسعاف الساعة ست المغرب .. وتلخلخت عافيتي تلخلخ من سيارة الاسعاف .. كل مرتفع او تبركن احسه يلخلخ مكان الجرح ليي ..

رحت وقعدوني في حجرة عامة فيها ثنتين غيري .. وقالوا اذا حصلوا غرفة خاصة بينقلوني ليها .. واني ما كان هامني الا اني اشوف ولدي واتطمن عليه .. وما قدرت اروح دايركت الى ولدي لأن جوني ناس يزوروني .. وكنت انتظز متى تخلص الرخصة عشان اروح ليه .. عقب ما طلعوا الناس .. قلت الى زوجي ودني الى ولدي .. ما رضى قال خليها الى بكرة .. قلت له ما فيه ابغي اروح الحين اشوفه .. وافق ان يوديني بالغصب ..

طبعا ودوني على ويل جير لأن ما كان فيني شدة امشي مسافة .. رحت جناح 307 اللي فيه وحدة العناية القصوى بالاطفال حديثي الولادة ..

وشفت ولدي في موقف ما اتمنى ان اي ام تشوف ولدها فيه .. >> لحد اهني كفاية ما اقدر اكتب ويش شفت بس اللي صار اني ما تحملت اشوفه جدي وذبحت روحي من الصياح واني هناك وكلما اتذكر اول نظرة اليه اصيح ..

الحمدلله على كل حال .. عقبها عانيت معاناة في السلمانية من التنقل من جناح الى جناح بسبة اني شفتد فروم جدحفص >> استوت هذي عيارتي ..

يوم ثاني من الصبح جوا ليي من سبع قالوا ليي السرير نبغيه .. وانتين جاية من جدحفص وما عندش بيبي فبننقلش جناح غير وبنجيب وحدة هني .. وخلوني اشيل وانقل في اغراضي واني توني 48 ساعة من طلعت من العملية !! وودوني جناح الحوامل .. وذاك اليوم ظلوا ينقلوني من حجرة لحجرة ..

المهم .. طلعت من المستشفى 24\11 بالليل .. ليلة الغدير .. مريت على ولدي بعد قبل ما اطلع وكانوا مقللين نسبة التخدير منه .. وعايد علينا وفتح عيونه شوية لينا عن خاطرنا ..

الحمدلله الحين حالته تحسنت واجد عن قبل .. من يوم الخميس واني اروح ليه الصبح والليل .. اقعد وياه شوي واشفط ليه حليب .. توهم اليوم مبدين يشربونه حليب .. والحمدلله اليوم يوم رحت له كان قاعد ومصحصح .. لكن للحين على جهاز التنفس ..

ادري دوشتكم بقصتي الطويلة .. المتعبة المأساوية .. كان فيها تفاصيل واجد تصيح بس ما احب اني اتذكرها .. وما ابغي اكدركم بها ..

الحمدلله اهم شي ان ولدي حالته تتحسن وان شاء الله بسرعة يخف ويعطوني اياه ..

جحه..

ياعمري قصتك تحزززززززززززززن من بدايتها ..

الحمدلله على سلامتك .. وربي يقر عينك بشوفة ولدك يارب ..
والله يقومه لك بالسلامه وتحضنينه وتبوسينه وهو بكامل صحته وعافيته يارب ..

ام شهد11;13801405:
قصة ولادتي .

موعد ولادتي 15-11 وكنت متوقعه وعندي امل اني اولد قبل الموعد ب 10 ايام او اكثر لكن توقعاتي طلعت فاشله:lol:

تاريخ 14 جاني الم يروح ويجي بس ما كان منتظم وتوقعت طلق كااااذب ولما صحيت الصبح ما كان فيني شي..
تاريخ 15 الصبح ما كان وياي الم بس بعد صلاه الظهر زاااد الالم وكان الالم مو منتظم بس من يجيني الم يذبحني وكان الالم كل ساعه وساعات يجيني كل نص ساعه بس ما يقل الوقت كان يزيد وماتوقعت ولاده..

واهني اشتغلت على روحي قلت لازم اشوف وش سالفه الالم هذا ومن الساعه 3 العصر سويت ليي كف مريم يمكن شربت 4 قلاصات كباااار:-# ونص غرشه ماي ورد وزعفران:struggle: وحليب دافي وتبخرت ببن:hysterical:

والالم نفس ماهو ما كان منتظم واذا جاني ذبحني من حرارته:'(

المغرب صلينا ورحت تمشيت مع زوجي في ممشى عالي وما مشيت واااجد لان كنت تعبانه
ورحت دايركت مستشفى جدحفص الى تخطيط ..
وطلع التخطيط اوكي ومافيني طلق:mad: لان يسوون التخطيط نص ساااعه
اهني انقهرت اقول اليها الالم يجيني كل نص ساعه وساعات كل ساعه وذابحني عدل ماعبروني:'(

مشيت ورحت الشقه وعشيت بناتي ونيمتهم ونمت وقال لي زوجي اذا بتروحين المستشفى قعديني ..

الساعه 1 الليل حسيت بموت من الالم خلاص وكان بعد مو منتظم بين نص ساعه

المهم قمت وقريت سورة مريم وسوره الزلزله وصليت ركعتين ولبست دفتي وقعدت زوجي قووم ماني قادره

وانطلقنا جدحفص ووصلنا الساعه 2

عطيتهم الكارد وورقه التخطيط اللي سووه ليي المغرب..

فحصتني السستر وقالت ليي 3 سانتي اني اهني استانست وقلت قرب الموعد وفي نفس الوقت جاني خوف:thumbs_down:
قالت لي بدلي . بدلت ونادت زوجي واخذ ثيابي وجروني للمقصبه:worn_out:
قسم الولاده كااااااااااااان هادىء وذاك الوقت ما كان عندهم احد غير ثنتين مخلصين منهم وفي الاستراحه

المهم حطو ليي هالتخطيط الا يلوع الجبد وهالسيلان الا خضر ايدي :badly:
وفحصوني وقالو 3 سانتي بعد ولاحظو ان الطلق وياي كل نص ساعه وكنت كل ربع ساعه اروح الحمام ..

المهم ضليت على هالحال لين الساعه 7 الصبح وكنت متوسعه 4 سانتي بس وكان الالم كل نص ساااعه والسسترات كل من جت فحصتني . واني ما كنت اتوسع بسرعه

بعدين قالو بنعطيش ابره على شان تلين الرحم وترتاحين شوي وكنت رافضتنها وقامو يقعنوني واخيرا استسلمت واخدتها

ومن اخدتها زيدت الالم بس الوقت نفس ماهو كل نص ساعه ووسعت ليي رحم لين وصلت الى حاله قمت اضرب روحي من الالم والله كان الطلق كلش كلش حااااار ويروح ويجي الطلق

ومن اجيني الطلقه انادي السستر تعااااااااااااااااالي لا تروحين عني بمووووت خلاص واهي مسكينه تهدا فيني وتمسح على ايدي ومن تروح الطلقه تمشي عني ومن تجي نفس الحاله سستر تعاااااااااااااااااااالي ههههههههههه:o


ورده البريه تذكرت واااااااجد في غرفه الولاده ههههههههههه
شفت الدعاء الا قلتين قراتينه بصوت عالي والسسترات ضحكو عليش لان اني بعد سويت هالحركه ههههههههههههههه

بعدين حسيت روحي ابغي ادفع وقامو يتراااااااااااااااكضون ويلبسون القفازات ويبرزون عدتهم وقالو لي من يجي الم عصري وكان هالمره الطلق وياي غريب حتى يوم قريب بيطلع ولدي الطلق يروح ويجي:|

وبعد في هاللحظات ولدي ارتفع راسه.. وقامو جابو ليي هوز مادري وش فيه وهي تصارخ البيبي راسه راح فوق
وبعدين اعتدل وحمدت ربي


يمكن عصرت 10 مرات او اكثر والله واااااااااجد ومافي نتيجه واني تعبانه ومافييى قوه. واصيح من قلبي والسستر تجيب ليي ماي وكلينكس تمسح وجهي لان خلاص حسيت قوتي راحت
وبعدين سويت بووووش قوووووووووووووووووووي وسمعت صياح ولدي بعدقلبي وقصو حبل السري وقالت ليي بوي وحطته على صدري بس كنت ماابغي اشوفه لان هلكت وحسيت جسمي خلاص مااقدر احرك شي فيه ورجايلي قامو يتراقصون:lol:

عقب ما ولدت حبيب قلبي عبدالله يجي دور المشيمه تعسرت ليي مارضت تطلع الا عقب ربع ساعه او اكثر عقب معاناه من السستر وهي تعصر في بطني .. وهم واقفين ينتظرون الفرج المشيمه تطلع تقول ليي السستر مابنخبر زوجش ولدتين لان ماتعتبرين ولدتين والمشيمه ماطلعت اني اهني صحصحت وخفت :'(

وبعدين خيطوني غرزتين من بره ..

وعقب ماولدت استانسو قالو هذا البيبي يبي يجي في العيد لان ولدت في عيد الحجاج يوم الثلاثاء:adore:بتاريخ 16 الساعه 9 ونص الصبح

لحد يقول الولاده ماتخوف
ترى في ناس الله يسهل عليهم وناس تتعسر ولادتهم

اني الصراحه في هالولاده شفت الموت :'(

وبعد الولاده جاني عقبان الا نفس الم الطلق اول مايبدي من ارضع ولدي يجيني .. واستمر وياي 3 ايام..

ونسيت ماقلت ليكم كل اللي سويته مانفعني لا زعفران ولا تبخر

ويوم عيد الغدير طهرنا عبوووود :)

ادعو الله يخلي اولادي ويهديهم:thumbs_up:

الحمدلله على سلامتك .. وسلامة عبودي..

والله يخلي لك اولادك ويهديهم

ام شهد11;13801725:
امهات

خبروني راحت دبتكم لو ليها اثر

هههههههههههه

لاااااااااااااااااااا واتمنى ان تختفي:'( ..

انتم وش سويتو عشان تخفونها ؟؟


انا استخدم مشد حاليا وخفت بس باقي لسا فيه كرشه:(:(

عبث طفلة;13802409:
بنات بسالكم
احس بحركة البيبي اقل من قبل هالشي عادي
وهل النفسيه مالتي لها دور على حركة البيبي

عبث..

بما انك بالثامن فعادي يقل حركة البيبي لان المكان كل ماله ويضيق عليه..
بس اذا بزياده يعني اقل من 10 حركات باليوم لا روحي سوي اشعه وتطمني

ام شهد11;13801725:
امهات

خبروني راحت دبتكم لو ليها اثر

هههههههههههه

لا :'(

لبست السير جم يوم خفت واجد

والحين هديته اكي رجعت وبقوة :(

مآآآآآسي :|

عنوب;13801762:
الله لا يراوييش ايااها :-#

اني استحي اطالع رووحي:o

ولا فانيلة مرتبة عليي من مالين قبل :worn_out:
كلهم تنط منهم الدبة :thumbs_down:

واني استحي من رجلي عدل :hysterical:

ألم الزمان;13801782:
هلا ام شهد

اني بعد ولادتي كانت متعبه الظاهر طلق البنات اهون بواجد
وين طهرتين ولدش لان يوم الاثنين بنطر حمود ومتحيرة وين اوديه

باقي الامهات وين طهروا اولادهم ؟ وبكم ؟ ولازم موعد لو مباشرة العيادة ؟
وبعد كم يوم تطيح الربله جابوني قبل يوم الاثنين

عند دكتور جمال الزيرة

في عيادة العائلة اللي في مدينة عيسى صوب البوابة

وب 30 واني ابويي حجز لانه صديقه فخبره قبل بيوم

بس ماادري اذا لازم حجز او لا

عنوب;13801785:
ام شهد ما رااويتنه صورة عبدالله

اي يالله انتين وام محمد الم

حطو صورة العبد والحمد :adore:

ألم الزمان;13801798:
بناتي يقولون لي ماما فيش بعد ددوه ببطنش
للحين ما راحت

خخخخخخخ :lol:

يتمصخرون عليش :p

بقَايا حُلمْ;13801992:
ياااااعلي جحة قصتش تعوووور القلب وصحت من الصدمة ماتوقعت كل هذا صار ليش

واني كل يوم في بالي أقول بتصل فيش وبسلم عليش
بس انشغل وما أذكر إله وقت متأخر


الله يقومه ليكم بالسلامة و تقر عيونكم بشوفته بحضنكم

وتأكدي ان اله رزقش إياه مابينساه

اني بعد وقسما بالله كل يوم اقول بتصل لش

وانشغل ويطوف اليوم

خاصة انش ماقصرتين واتصلتين تطمنين عني يوم اولد

وسامحيني على القصور :(

جحة حمرة;13800456:
السلام عليكم

شخباااركم ؟ اني جيييييييييييييت :lol:

توني اليوم قادرة ادخل على الانترنت .. الايام اللي طافت كنت في حالة من التعب النفسي والجسدي .. الحمدلله على كل حال ..

بكتب لكم اكشن ولادتي المأساوي .. اللي ما اتمناه حتى لأعدائي :'( .. بس اول ادعوا الى ولدي سيد محمد ان يقوم بالسلامة ويعطوني اياه .. لأنه للحين مرقد ..

يوم السبت تاريخ 20\11 .. قعدت من النوم وجيت اسولف شوي في التجمع .. شوي بس وحسيت بألم الطلق .. الم يروح ويرجع .. مباشرة عرفته ان هذا هو لأن نفس اللي صادني في السابع يوم اترقد .. طبعا الالم كان محتمل ومو منتظم .. قلت الى زوجي ترى سيد محمد شكله بيشرف الليلة او بالكثير بكرة الصبح .. وحسيت ان نزل عليي شي .. شفت افرازات فيها دم .. واستانست خخ :D .. قلت يالله ما باقي شي واولد وافتك .. وقام كل شوي ينزل عليي ماي فيه لون اصفر خفيف .. حتى اني لبست اولويز وكذا مرة اغيرها ..

المهم .. الشقة كانت عفسة .. فدايركت قمت انظف فيها .. اني وزوجي قمنا نشتغل فيها وننظفها ونظفنا الحجرة تنظيف عميق .. والطلق كان كلش مو منتظم وكلما تجيني طلقة اريح شوي وارد اواصل شغل خخ .. لحد الساعة ثلاث الظهر .. شفت ان الالم ما انتظم قلت يقولون الناس يتبخرون بعود خلني اجرب واشوف خخخخ .. قمت وتبخرت بعود ونفس الشي ما تغير شي .. بعدين فتحت النت وشفت بعض الوصفات لتحمية الطلق وتسهيل الولادة .. ويا ريتني ما لجأت للنت حزتها ..

اني كلمن كان يقول ليي ان الزعفران زين .. وكنت مجهزة ليي زعفران .. المهم شفت ان نشرب كوب حليب ونحط وياه قفشة زعفران وقفشة عسل .. وزوجي سوى ليي الحليب وشربته وبعدين بالقفشة اكلت باقي الزعفران اللي في الكوب >>>> وهذا الشي اللي هلكني وانصح كل وحدة على وجه ولادة انها تبتعد عن الزعفران والدارسين نهائيا ..

المهم بس شربت الحليب وقلت خلني اروح جدحفص الى تخطيط وما بقول ليهم شي .. والليل او بكرة اذا زاد عليي الالم بروح السلمانية الى ولادة ..

المهم بس خلصت كوب الحليب ولبست دفتي وركبنا السيارة رحنا جدحفص .. ودايركت خلوا عليي التخطيط .. حتى قلت للسيستر ترى من الصبح ويايي الم خفيف وينزل عليي ماي فيه لون اصفر شوي .. وما عبرتني خخ .. وعلى فكرة من شربت الحليب لحد ما حطوا عليي التخطيط نص ساعة بس .. ومرة وحدة والتخطيط عليي ما شفت الا الطلق قاعد يصيدني بشكل مو طبيعي .. كل طلقة ورا الثانية .. وكل وحدة تقول الزود عندي .. وكلما تجيني طلقة اقول آآخ بالعدال .. والسيستر ما كانت صوبي وما تدري عني .. المهم لحد ما حسيت روحي اني مو متحملة .. ناديت على السيستر وجت تشوف وش فيي بس شافت التخطيط الا هي متبهدلة وتنادي باقي السيسترات وجوا فصخوني وخلوني البس ثياب الولادة .. واني من قالت بتدخلني الولادة جتني الصيحة >> حسيت ان السالفة جد خخخخخ ..

المهم وقالوا ليي اتصلي الى زوجش بسرعة خله يدخل لش داخل .. جا وقعدوني على ويل جير ودخلوني الولادة .. وهناك كلهم تجمعوا عليي لأن مفكريني خلاص بولد الطلق مبين كان حامي حده فتوقعوني بولد .. وقتها كان الساعة خمس ونص المغرب ..

المهم جت الدكتورة فحصتني .. وانذبحت من الالم ودايركت نزل عليي ماي صاااخن وقالت 2 سم بس !!! .. قالوا ليي وش ماكلة قبل ما تجين اهني ؟ ماكلة دارسين ؟ قلت ليهم لا !! .. قالوا انتين ما جيتين الا ماكلة شي او شاربة شي .. قلت ليهم شربت حليب زعفران .. قالوا عشان جدي كل هالطلق اللي فيش على 2 سم بس .. المهم وقمت اتعصور من الالم .. واقول الى الدكتورة كل هالام وبس 2 سم !! قالت من الزعفران اللي شربتينه ترى كلش مو زين لأنه يزيد الطلق بس ما يفتح الرحم .. يعني يذبحكم من الالم على قلة الفايدة ..

المهم جابوا ليي الاكسجين .. واني ما اعرف الطريقة الصحيحة للتنفس ويقولون ليي لا تقولين آخ بس اخذي نفس .. واني ذيك الحزة في دنيا ثانية .. حتى كنت اقول في خاطري لو ادري ان العرس وراه جدي ما عرست خخخخخخخخخخخخخخخخخخ

وعطوني ثلاث ابر مهدئة .. وحسيت شوي بالراحة ونمت ليي شوية .. كنت احس بالطلق بس خفيف وبس آخذ نفس وشوي يخف .. بعدين ردوا جوا فحصوني قالوا 3 .. بعدين لحفوني وقالوا زوجش بيدخل .. >> حتى اني للحين مستغربة حدي خبري بجدحفص ما يدخلون احد على اللي بتولد .. المهم دخل عليي وقعد ويايي فترة وقام يهمزني في ظهري لأن الالم كله كان في الظهر بس كان مفعول المهدأ للحين فيي .. اتذكر اول ما دخل عليي كنت توي مخلصة من طلقة الا اقول ليه مو تقول تبغي اولاد واجد ما فيي شدة يعووور خخخخخ .. المهم ظل ويايي فترة وكل شوي يجون يطردونه وآخر شي طلع .. وظليت اعاني وي الطلق خاصة ان مفعول الابرات اللي عطوني اياهم راحوا ..

وكانوا كل شوي يطالعون في تخطيط البيبي .. وكأن فيه شي مو طبيعي .. بس اني كان الالم ذابحني ومو مفتكرة فيهم ..

كنت اسمعهم يتكلمون عن وحدة مدخلينها الى عملية .. وعن سوالف عمليات .. وبعدين دخلوا ثنتين دكاترة يسولفون عن انهم بيسوون عملية .. واني في خاطري اقول لو يسووني وافتك جان ..

على الساعة 12 .. جت وحدة من السيسترات تسألني اسأله .. فدايركت عرفت ان بيسووني عملية .. ما اتذكر الاسئلة بس من ضمنهم عن اشياء عن اسناني وباقي الاسئلة واني ادري ان هالاسئلة ما تنسأل الا اللي بتتسوى عملية .. المهم وبعدين جوا حلقوا بطني .. قلت يعني عملية ..

عقبها قاموا يجهزوني للعملية .. ونادوا زوجي .. ودخل عليي وقاموا يقولون له مضطرين نسويها عملية وما نقدر نتأخر ازيد .. لأن توها 3 ونص الى اربعة سم والبيبي تعبان .. ما ندري ويش فيه بس من التخطيط مبين انه قاعد يعاني ولازم يطلع .. كل طلقة تجيها يزيد تعبه .. وباقي عليها وقت واجد لحد ما توصل 10 سم .. دار لي زوجي وقال لي يقولون بيسوونش عملية قلت له موافقة موافقة .. بسرعة وقع .. المهم عطوني بعدين ورقة اوقعها .. واني اقول جاني الفرج ..

طبعا هالوقت يوم قالوا ان البيبي تعبان كنت افكر ان دقات قلبه ضعفت .. عشان جدي بيسووني عملية ما توقعت ان السالفة كبيرة وجايدة :'(

المهم قالوا في وحدة في العمليات بس تطلع بندخلش .. واني كل شوي ما قمت اقول ليهم متى بتبنجوني متى بتبنجوني .. يالله بسرعة يالله بسرعة >> منزهقة حد حدي على العملية ..

واني داخل الحجرة وحدة من الدكاترة الثنتين اللي شفتهم قبل ويقولون انهم جايين بيسوون عملية تتكلم في التلفون ما قبضت من كلامها الا سك بيبي وسيزيرين .. عاد فكرتها تقول ان اللي الحين تو مسوينها عملية ولدها مريض .. كسرت خاطري عدل وقلت الله يصبرها >> ما دريت ان اني المقصودة :'(

المهم دخلت غرفة العمليات وعقب ما بنجوني البنج النصفي .. اللي هو ابرة في الظهر ارتحت .. واختفى الالم كله .. وظل دكتور التبنيج والممرضة يسولفون ويايي وحطوا ستارة عشان الدكتورتين يسووني العملية ..

شوي بس وحسيت ان شي مو طبيعي قاعد يصير في الحجرة .. سمعت صوت كأن أه .. أ .. وبعدين اصوات واجد .. وناس تدخل وناس تطلع .. وكأن صايرة حالة طارئة في المكان .. عرفت ان ولدي طلعوه وفيه شي .. خاصة اني ما سمعت صياح .. سألت الممرضة اللي واقفة على راسي ويش فيه ولدي .. قالت ما فيه شي .. وكل شوي اسألها تقول ما في شي .. وشكلها كانت مرتبكة حدها .. ودكتور التبنيج بعد راح الجهة الثانية .. قمت اباعد الستارة ابغي اشوف هالعفسة على ويش .. المهم .. بعدين اسمعهم يقولون نادوا الاكس ري .. نادوا الاسعاف .. طبعا اللي كانوا يتكلمون مو الدكاترة اللي يسووني العملية .. اصوات غير .. باعدت الستارة شوي اشوف مصدر الصوت .. اشوف ممرضات وناس متجمعين على صوب .. اللي هو عند دكتورة الاطفال ..

ذيك الحزة ضغطي قام ينزل .. والممرضة تمسح على راسي >>> تذكرت الوافية اهني :worn_out: يوم تتطنز عليي على اقول ان السيسترات بيمسحون على راسي ...

المهم لحد ما خلصوا من العملية وبغوا يطلعوني .. طبعا لا سمعت صيحة ولدي ولا شفته ولا راووني اياه .. وقت اللي يطلعوني درت صوب المتجمعين والممرضة قالت راووها اياه صرخت عليها دكتورة الاطفال تشوفه عقب مو الحين !!

نقلوني الاستراحة .. ونادوا زوجي .. اسمعهم يتكلمون وياه وقالوا له ان البيبي تعبان واجد ويوم يطلعونه ما صاح وحاولوا ان ينقذونه .. واتضح انه شارب ماي واجد وتجمع له ماي ووصخ على الرئة .. وطرشوه بالاسعاف السلمانية ..

تطمن عليي زوجي وقلت له روح شوف سيد محمد وطمني عليه .. راح واني ما ادري من الصدمة لو من اثر التخدير لو شي .. كانت حواسي متجمدة حدها .. يعني ما كنت احس ولا اشعر بشي .. المهم ونقلوني الجناح .. غرفة عامة .. ومن دخلت كنت افكر في زوجي اللي راح المستشفى ولا رجع .. قلت للممرضات اتصلوا في زوجي قولوا ليه يجي .. ابغي اطمن على ولدي .. كل شوي اقول ليهم وقالوا بيجي لش .. قلت لهم على الاقل قولوا له يجيب تلفوني ابغي اكلمه في التلفون اطمن على ولدي ..

المهم بعدين ممرضة اتصلت فيه وقالت ليه .. قال بيصلي وبيجي .. كانت الساعة خمس الصبح .. لأنه رجع من السلمانية ورجع جدحفص يبغي يدخل عليي وما خلاه السيكورتي يدخل ..

المهم يوم جا الساعة ست .. وجاب تلفوني .. قال ليي انه راح شاف الصغير وان قالوا له انه شارب ماي وحالته مستقرة وبيخلونه 48 ساعة تحت الملاحظة .. قلت الحمدلله .. وطرشت مسجات على السريع للي اتذكرهم اني ولدت .. واتصلت الى امي وقلت ليها اني ولدت .. وقلت ليها اني ولدت بعملية في جدحفص وولدي شوي تعبان ونقلوه السلمانية .. كنت حاسة انه تعبان واجد وحالته صعبة بس ذيك اللحظات ما ادري شلون القوة اللي حسيت فيها وكان ايماني بالله قوي انه بيتحسن ..

عقبها جوني بيتنا .. تطمنوا عليي وراحوا للصغير السلمانية .. وجوني الاهل .. وسمعت كلام يسم البدن .. يعني يجونكم ناس ما عندهم اسلوب في الكلام تماما .. بدل ما يخففون على الوحدة يزيدونها .. جتني وحدة من المقربين تقول ليي جعلها تعبة مخلوفة ان شاء الله يعيش ليكم عاد !!!! .. حسيت من كلامها انه خلاص بيموت .. وكل كلامها كان انه ما بيعيش .. يمكن هالكلام اللي سمعته كان اصعب عليي من الحالة اللي مريت فيها :'(:'(

المهم عقبها نقلوني حجرة خاصة .. وظليت فيها واني بلا اي شعووور .. بس كان راسي يألمني حده .. جتني ممرضة هندية تقول ليي انتين راسش يألمش من التفكير في ولدش .. كوني واثقة ان الله اللي عطاش اياه بيحميه وما بيحرمش منه >> على فكرة هذا نفس الكلام اللي قالته ليي الممرضة اللي كانت واقفة على راسي في العمليات عقب ما طلعت من الاستراحة .. المهم وقالت ليي اني ام وحاسة بشعورش لكن لا تخافين ولدش بيطلع بالسلامة .. >> قلت شوفوا الهنود اللي مو مسلمين اللي ما يعرفوني ولا شي شلون يخففون عليي وناس بدل ما يوقفون ويايي ويخففون عليي يسببون ليي حالة احباط شديد ..

وعدى اول يوم وطبعا ما نمت كلش ملششش .. وصادتني حالة ما ادري ويش هي .. ظليت احس اني اسمع صراخ احد بيولد .. طول الليل ابغي انام واني اتخيل ان وحدة تصارخ .. كنت احس ان الصوت في اذوني وكأنه صدق .. وهو كله هلوسااات ..

المهم في اليوم الثاني اللي هو 22\11 .. قالوا انهم بيحاولون يحصلون ليي سرير في مستشفى السلمانية عشان ينقلوني هناك .. وبالغصب حصلوا ليي سرير هناك ونقلوني بسيارة الاسعاف الساعة ست المغرب .. وتلخلخت عافيتي تلخلخ من سيارة الاسعاف .. كل مرتفع او تبركن احسه يلخلخ مكان الجرح ليي ..

رحت وقعدوني في حجرة عامة فيها ثنتين غيري .. وقالوا اذا حصلوا غرفة خاصة بينقلوني ليها .. واني ما كان هامني الا اني اشوف ولدي واتطمن عليه .. وما قدرت اروح دايركت الى ولدي لأن جوني ناس يزوروني .. وكنت انتظز متى تخلص الرخصة عشان اروح ليه .. عقب ما طلعوا الناس .. قلت الى زوجي ودني الى ولدي .. ما رضى قال خليها الى بكرة .. قلت له ما فيه ابغي اروح الحين اشوفه .. وافق ان يوديني بالغصب ..

طبعا ودوني على ويل جير لأن ما كان فيني شدة امشي مسافة .. رحت جناح 307 اللي فيه وحدة العناية القصوى بالاطفال حديثي الولادة ..

وشفت ولدي في موقف ما اتمنى ان اي ام تشوف ولدها فيه .. >> لحد اهني كفاية ما اقدر اكتب ويش شفت بس اللي صار اني ما تحملت اشوفه جدي وذبحت روحي من الصياح واني هناك وكلما اتذكر اول نظرة اليه اصيح ..

الحمدلله على كل حال .. عقبها عانيت معاناة في السلمانية من التنقل من جناح الى جناح بسبة اني شفتد فروم جدحفص >> استوت هذي عيارتي ..

يوم ثاني من الصبح جوا ليي من سبع قالوا ليي السرير نبغيه .. وانتين جاية من جدحفص وما عندش بيبي فبننقلش جناح غير وبنجيب وحدة هني .. وخلوني اشيل وانقل في اغراضي واني توني 48 ساعة من طلعت من العملية !! وودوني جناح الحوامل .. وذاك اليوم ظلوا ينقلوني من حجرة لحجرة ..

المهم .. طلعت من المستشفى 24\11 بالليل .. ليلة الغدير .. مريت على ولدي بعد قبل ما اطلع وكانوا مقللين نسبة التخدير منه .. وعايد علينا وفتح عيونه شوية لينا عن خاطرنا ..

الحمدلله الحين حالته تحسنت واجد عن قبل .. من يوم الخميس واني اروح ليه الصبح والليل .. اقعد وياه شوي واشفط ليه حليب .. توهم اليوم مبدين يشربونه حليب .. والحمدلله اليوم يوم رحت له كان قاعد ومصحصح .. لكن للحين على جهاز التنفس ..

ادري دوشتكم بقصتي الطويلة .. المتعبة المأساوية .. كان فيها تفاصيل واجد تصيح بس ما احب اني اتذكرها .. وما ابغي اكدركم بها ..

الحمدلله اهم شي ان ولدي حالته تتحسن وان شاء الله بسرعة يخف ويعطوني اياه ..

جحة حبيبتي

وحشتينه والتجمع مو حليو بدونش

وكلش ماتوقعت غيابش لهذا السبب

توقعتش مشغولة ويالسيد

اليوم قريت القصة واتاثرت عدل المغرب وانعفست نفسيتي ومن جه زوجي قلت ليه متضايقة حدي وحده قريبة مني وكنت المفروض اتصل اسال عنها من تولد صار ليها جذي :(

الحمدلله الف مره على سلامتش يم الساده والله يساعدش ويعينش بحق شهر الحجاج على الم العملية

ويالله بحق عيد الغدير وهيبته ترد عليش السيد بكامل صحته وتشوفينه وتقر عيونش وعيون ابوه ويخليه ليكم وتعيشون وياه احلى اللحظات يارب ياكريم :L:

وصدقيني ثقي بالله الكريم بانه مابينساكم

واني بعد مابنساه من الدعاء

ام شهد11;13801405:
قصة ولادتي .

موعد ولادتي 15-11 وكنت متوقعه وعندي امل اني اولد قبل الموعد ب 10 ايام او اكثر لكن توقعاتي طلعت فاشله:lol:

تاريخ 14 جاني الم يروح ويجي بس ما كان منتظم وتوقعت طلق كااااذب ولما صحيت الصبح ما كان فيني شي..
تاريخ 15 الصبح ما كان وياي الم بس بعد صلاه الظهر زاااد الالم وكان الالم مو منتظم بس من يجيني الم يذبحني وكان الالم كل ساعه وساعات يجيني كل نص ساعه بس ما يقل الوقت كان يزيد وماتوقعت ولاده..

واهني اشتغلت على روحي قلت لازم اشوف وش سالفه الالم هذا ومن الساعه 3 العصر سويت ليي كف مريم يمكن شربت 4 قلاصات كباااار:-# ونص غرشه ماي ورد وزعفران:struggle: وحليب دافي وتبخرت ببن:hysterical:

والالم نفس ماهو ما كان منتظم واذا جاني ذبحني من حرارته:'(

المغرب صلينا ورحت تمشيت مع زوجي في ممشى عالي وما مشيت واااجد لان كنت تعبانه
ورحت دايركت مستشفى جدحفص الى تخطيط ..
وطلع التخطيط اوكي ومافيني طلق:mad: لان يسوون التخطيط نص ساااعه
اهني انقهرت اقول اليها الالم يجيني كل نص ساعه وساعات كل ساعه وذابحني عدل ماعبروني:'(

مشيت ورحت الشقه وعشيت بناتي ونيمتهم ونمت وقال لي زوجي اذا بتروحين المستشفى قعديني ..

الساعه 1 الليل حسيت بموت من الالم خلاص وكان بعد مو منتظم بين نص ساعه

المهم قمت وقريت سورة مريم وسوره الزلزله وصليت ركعتين ولبست دفتي وقعدت زوجي قووم ماني قادره

وانطلقنا جدحفص ووصلنا الساعه 2

عطيتهم الكارد وورقه التخطيط اللي سووه ليي المغرب..

فحصتني السستر وقالت ليي 3 سانتي اني اهني استانست وقلت قرب الموعد وفي نفس الوقت جاني خوف:thumbs_down:
قالت لي بدلي . بدلت ونادت زوجي واخذ ثيابي وجروني للمقصبه:worn_out:
قسم الولاده كااااااااااااان هادىء وذاك الوقت ما كان عندهم احد غير ثنتين مخلصين منهم وفي الاستراحه

المهم حطو ليي هالتخطيط الا يلوع الجبد وهالسيلان الا خضر ايدي :badly:
وفحصوني وقالو 3 سانتي بعد ولاحظو ان الطلق وياي كل نص ساعه وكنت كل ربع ساعه اروح الحمام ..

المهم ضليت على هالحال لين الساعه 7 الصبح وكنت متوسعه 4 سانتي بس وكان الالم كل نص ساااعه والسسترات كل من جت فحصتني . واني ما كنت اتوسع بسرعه

بعدين قالو بنعطيش ابره على شان تلين الرحم وترتاحين شوي وكنت رافضتنها وقامو يقعنوني واخيرا استسلمت واخدتها

ومن اخدتها زيدت الالم بس الوقت نفس ماهو كل نص ساعه ووسعت ليي رحم لين وصلت الى حاله قمت اضرب روحي من الالم والله كان الطلق كلش كلش حااااار ويروح ويجي الطلق

ومن اجيني الطلقه انادي السستر تعااااااااااااااااالي لا تروحين عني بمووووت خلاص واهي مسكينه تهدا فيني وتمسح على ايدي ومن تروح الطلقه تمشي عني ومن تجي نفس الحاله سستر تعاااااااااااااااااااالي ههههههههههه:o


ورده البريه تذكرت واااااااجد في غرفه الولاده ههههههههههه
شفت الدعاء الا قلتين قراتينه بصوت عالي والسسترات ضحكو عليش لان اني بعد سويت هالحركه ههههههههههههههه

بعدين حسيت روحي ابغي ادفع وقامو يتراااااااااااااااكضون ويلبسون القفازات ويبرزون عدتهم وقالو لي من يجي الم عصري وكان هالمره الطلق وياي غريب حتى يوم قريب بيطلع ولدي الطلق يروح ويجي:|

وبعد في هاللحظات ولدي ارتفع راسه.. وقامو جابو ليي هوز مادري وش فيه وهي تصارخ البيبي راسه راح فوق
وبعدين اعتدل وحمدت ربي


يمكن عصرت 10 مرات او اكثر والله واااااااااجد ومافي نتيجه واني تعبانه ومافييى قوه. واصيح من قلبي والسستر تجيب ليي ماي وكلينكس تمسح وجهي لان خلاص حسيت قوتي راحت
وبعدين سويت بووووش قوووووووووووووووووووي وسمعت صياح ولدي بعدقلبي وقصو حبل السري وقالت ليي بوي وحطته على صدري بس كنت ماابغي اشوفه لان هلكت وحسيت جسمي خلاص مااقدر احرك شي فيه ورجايلي قامو يتراقصون:lol:

عقب ما ولدت حبيب قلبي عبدالله يجي دور المشيمه تعسرت ليي مارضت تطلع الا عقب ربع ساعه او اكثر عقب معاناه من السستر وهي تعصر في بطني .. وهم واقفين ينتظرون الفرج المشيمه تطلع تقول ليي السستر مابنخبر زوجش ولدتين لان ماتعتبرين ولدتين والمشيمه ماطلعت اني اهني صحصحت وخفت :'(

وبعدين خيطوني غرزتين من بره ..

وعقب ماولدت استانسو قالو هذا البيبي يبي يجي في العيد لان ولدت في عيد الحجاج يوم الثلاثاء:adore:بتاريخ 16 الساعه 9 ونص الصبح

لحد يقول الولاده ماتخوف
ترى في ناس الله يسهل عليهم وناس تتعسر ولادتهم

اني الصراحه في هالولاده شفت الموت :'(

وبعد الولاده جاني عقبان الا نفس الم الطلق اول مايبدي من ارضع ولدي يجيني .. واستمر وياي 3 ايام..

ونسيت ماقلت ليكم كل اللي سويته مانفعني لا زعفران ولا تبخر

ويوم عيد الغدير طهرنا عبوووود :)

ادعو الله يخلي اولادي ويهديهم:thumbs_up:

ام شهوده يالغالية حمد لله على سلامتش انتين والعبد

والله يخليه لعبادة ربه

ومبروك تطهير المعرس :adore:

وعجبتني عبارتش
لحد يقول الولاده ماتخوف
ترى في ناس الله يسهل عليهم وناس تتعسر ولادتهم

لان صدق من وحده لوحده كلش غير

وحتى اللي والدين قبل مثلش انتين والم شوفي شلون تقولن اتعسرت هالمره

اني بعد اختي جابت ولدين وتقول ماتت وتالي الحمدلله جابت بتين تقول كلش فرق ولادة لبنية

طلق لصبي حار حار ويذبح كل طلقة تطلع الروح

وانتين نفسي يوم حطوهم على صدرنه من شدة تعب الولادة مالينه زاغرهم ;)

ياربي ياكريم

تسهل على

ام زهاري

وام نور وعلي

ونسمع خبر ولادتهم قريب :adore: