,.-~*'¨¯¨'*·~-.¸-(التجمع الثالث عشر لحوامل شهر نوفمبر(11) 2010)-,.-~*'¨¯¨'*·~-.¸

يعطيكي العافية راما
وحمدلله السلامة

بقَايا حُلمْ;13641835:

بكتب ليكم قصة ولادتـي ومسامحة على الهدرة الزايدة

:o

بتاريخ 20-10 ابتدأ عندي الطلق بس كان مو منتظم وكنت مفتوحة 1 سم وشي

وبتاريخ 25-10 كان عندي موعد عند دكتورتي وسوت ليي توسعة وكانت التوسعة شي مؤولم لدرجة وقالت ليي اني راح اولد على اليوم لو يوم ثاني

يوم ثاني نزلت مني السدادة وافرازات واستمرت ليوم ثاني هالافرازات وقلت اكيد بولد بنفس اليوم لو يوم ثاني لكن ابد

وتميت ويا الالم لمدة اسبوع بس من غير ما أولد

30-10 رحت تمشيت مشي عالمي في دوحة عراد لمدة ساعة كاملة 3 كيلو واهلكت حدي

وبتاريخ 1-11 كان عندي موعد عند دكتورتي ومن دخلت قلت ليهااا دكتورة مافاد ويايي لا توسعة ولا شي

فحصتني داخل الا بعد نفس الشي 1سم وشي وحاولت بعد توسع بس اني قمت اصرخ قلت ليهااا خلاص ماا امبي كفاية اول مرة مت من الالم

فسوت ليي توسعة بس شوي بس هالمرة نزل عليي دم اكثر من المرة الاولى واستمر ويايي طول اليوم + الم في بطني نفس الم الدورة وظهري

ويوم ثاني اله هو تاريخ 2-11 وانا بالدوام وانا مو قادرة الالم يروح ويجي ومستمر ويايي

رجعت البيت الظهر وكتبت ليكم اني مو قادرة من الالم

متعودة من ارجع من الدوام ارجع تعبانة حدي ولازم امبي انام بس بهداك اليوم ماقدرت انام فقلت خلني اقوم اسبح واجهز نفسي لان شكله الولادة قربت

قمت سبحت وتبخرت ببن والالم نفسه ماراح مني

عقب شربت كوب واحد من عشبة مريم والالم لازال ويايي بس متحملتنه ويوم بمشي المستشفى شربت الكوب الثاني وطبعا رحت المستشفى بروحي اني وزوجي بس << كنا من قبل مقررين اذا بولد مابخبر احد عشان لحد يحاتي

وصلت المستشفى الساعة 6 المغرب وقلت ليهم احتمال ولادة والسستر اله هناك فحصتني اول اله تقول 1سم وشي !

انا اهني صادني احباط ،، كل هالالم اله عندي ومن فترة وبعده نفس الشي !

المهم حطت عليي تخطيط والالم كلما يجي له يزيد عقب خلتني اروح للدكتورة وكانت هندية قالت ليي انتي بعدش 1سم وشي بس في الم لكن انا الحين بشوف بعد كم فاتحة واذا بعده 1 وشي انته يروح بيت

رحت انسدحت على السرير فحصتني اله تقول حقي انتي الحين 3 سم !! << طلع السسترات الهبلان اله هناك ولايفهمون شي

وقالت ليي الدكتورة يقعد اهني لما يصير 4 يودي فوق حق ولادة ويشوف بعد يمكن مافي سرير فيروح يامحرق ياجدحفص

اناا اهني استانست على خفت من الولادة شوي

بس قلت ليهم ما امبي اولد في غير السلمانية

طلعت من عندها قلت ليهم بروح اكلم زوجي رحت ليه اقول ليه بيي اسكت بولد قرريب الليلة ان شاء الله ،، بو الشباب استانس حده وما عرف ويش يسوي وجى ويايي عشان نشوف سالفة ان بخلوني عندهم لو لا لان يقولون الاسرة مال الولادة كلهم فل

وخيروني اذا بتم عندهم لو بروح جدحفص لو المحرق وخوفوني قالوا حقي اذا صرتين اهني مابتحصلين اهتمام نفس اله يخلونهم في غرفة الولادة لان هناك يعطون مهدأ وجدي وانتين اهني لين ظليتين تحت
تحيرت حدي عقب قررت اني اتم بالسلمانية واتصلت في امي اخبرها وهو اتصل في بيتهم

المهم رحت بدلت وخلو عليي التخطيط والالم كلما يجي ليه يزيييد وانا مو قادرة ومن تجي الطلقة اون شوي من الالم واقعد اصيييح واتذكر اني لازم آخذ نفس عشان ارتاح شوي بس ان يعني كنت متحملة ومصبرة نفسي

وهم كلما يشوفون الالم يزيد يفحصوني ويقولون ليي بعده 3 سم !
خب انا هالحزة ماصدقتهم لان المرة الاولى كانوا هبلان ولا عرفوا يقيسون صح

واهني واني اصيح اقول ليهم نادوا على زوجي وهم يقولون اهني في مريضة مايصير

عقب هو كان يسأل عني وسمع صياحي وجى مسكين ومو عارف شيسوي عقب مشى لان جو السسترات

وتميت على هالحالة لما وصلت حدي من الالم وهم بعدهم يقولون ليي 3سم !
عقب جت دكتورة وقالت بتفحصني اله تقول ليي 6 سم !!

يعني اشكره هالسسترات اله يقيسون مايعرفون بالمرة يعني جان ولدت وهم ولايدرون

عقب جهزوني عشان يودوني فوق ويوم طلعوني فوق جى زوجي شافني للمرة الاخيرة قبل لا اروح وقعدت اصييح وهم متخسبق المسكين حده

:o

ودوني غرفة الولادة وانا شوي فيني خوف وكلما تجيني الطلقة واون من الالم يذكروني يقولون لي خذي نفس وارتاح شوي

وصلت وقلت ليهم امبي اروح الحمام << السستر مارضت تقول كل حين تروح وتوها قبل لانجيبها كان داخلة بس انا اصريت اروح

كنت صدق كل شوي اروووووووح الحمام كل حين اتحاصر

المهم رحت الحمام ورجعت

شفت مكتوب في ورقة قبالي ياخالق النفس من النفس الخ وسيدا ذكرت وردة البرية

جت وحدة وبطت ليي كيس الماي وكان دافي حده وشي غريب يعني وشافت رحمي وقالت ليي ماشاء الله رحمش متهيئ حق الولادة وقلت ليها اكيد من عشبة مريم هههه اله تقول اي دا الخايس جيفا قدرتين شربتينه؟ قلت ليها اني وحدة امبي افتك وامبي اولد بسرعة فعشان جدي صبرت روحي ،، قامت تمزح وقالت عجل يعني تنصحينا نوزع على الحوامل جان بسرعة يولودون ،، وهالحزة زااااااااااااد عليي الالم عددددل وقعدت اون

المهم استمريت على هالحالة الى الساعة 2 مدري 3 الالم كل حين يروح ويجي لما وصلت 8 سم اهني استخفيت وقمت اصرخ بشكل هستيييري اقول ليهم يعووووووور وامبي اروح الحمام

:worn_out:

وظليت كل حين من تجي الطلقة اصررخ واقول يعووور هع

ويوم وصلت 10 اقول ليهم بروووح الحمام وهم ابد يقوولوون ليي ولادة الحين ولادة سوي بوووش وخذي نفس

بس انا هالحزة كلش نفسي انقطع وريقي يابس حد حده قلت ليهم امبييييي مااااااي مو قادرة وجابوا حقي مااااي ولا شكله من الوولف بعد

وتميت فترة اعصر وهم كل حين يشجعون تجييني شوي الضحكة من داخلي وارد اوقف ورد يرجع الراس لداخل لان اله تشجع تقعد تصفق تقول احسن احسن يالله يالله

:lol:

وتميت معاناة واني ويا هالتعصير واجد تعبت لان ويايي بواسير من الحمل تكرمون ولان نفسي صاير قصير ما اقدر اطول

آخر شي شجعت روحي لما قالوا حقي واصلي واصلي طلع ثلاث ارباع الراس واصلي واااااااصلي واهني ضغطت على روووحي اكثثثرر وتحملت ليما طلعت نووور عيووووني الساعة 4:14 الصبح وسيييييييييدا حطووها على صدري

آآآه حسيت آلالام الدنيا كلها رااحت في هاللحظة وقعدت اقووول واخيييييييييرا

بس من طلعت مااصاحت كانت تساعل قلت ليهم شفيها الجاهلة ماصاحت شوي اله الظاهر مسكينة ضربوها وقامت تصيييح وقعدت اقول من غييير شعوور ياااااااااااعمررري وقعدوا ينظفونها وكلما صاحت قلت ياااااااااعمري

:lol:
وقعدت وحدة تخيطني وقلت ليها خدريني ما امبي احس بشي وخيطتني ومهلت واااااااجد كأنها تخيط دشدادشة وكنت احس لما تنغز بالابرة بس مو داك الالم يعني محتمل

وسالتهم خبروتون زوجي قالوا الحين بنقول ليييه

وبس خلصوا منا وطلعونا عشان بودونا غرفة استراحة الولادة وجى زوجي شافني ويوم رحنا الاستراحة اهني شاف زوجي بنته وقعد يصييح حده الموقف يصييح

:'(

وبس ما امبي اطول اكثررر لاني واجد هرريت

بس كل شي كووووووم والخياط كوووووم ثااااني

بالرغم من اني واجد عانيييت من الالم من قبل كم اسبوع ويوم الولادة عانيت من الطلق من المغرب الساعة 6 ليما ولدت الساعة 4 وربع يعني 10 ساعات وربع وانا اعاني بس الحمدلله رب العالمييين اهم شي ولدت بالسلامة وشفت كتكووتي بخييير

وعقبااالكم يااااااااااااااااارب


:)

الحمدلله على سلامتك ..
وقصتك عورتني والله تذكرت الاحداث اللي مريت فيها :-#

بس والله شعور غير لما يطلع البيبي وتشوفينه كل الالم يروووووووووووووووووووووووووووووووووح في لحظه ..
سبحان الله ..


؟

الحمدلله انا حصلت

بالرغم من انها حدها صغيرة بس احسن من الغرف العاااامة

وبقول ليكم شي

انا عقب ماودوني الجناح من بعد الولادة وجت امي وعمتي واختي ومرت اخوي قالوا ليي قومي اسبحي وبنساعدش مارضيت يازعم استحي قلت عقب بقوم بروحي وبسبح << عنيدة

عقب مامشوا ضربت جرس سالت السستر عادي اقوم اسبح؟

قالت ليي اذا تحسين روحش اوكي عادي قوومي

قمت وطلعت ثيابي ودخلت الحمام وتوني واقفة مشغلة الماي اله احس الددنيا كلما يجي ليها وتصيير سووودة وتظلم في عيوووني

وحسيت روحي خلااااااص بطيييح

سيدا ضربت جرس بس محد جى واني احس روحي خلاص بطيح وذكرت بتي اقول مسكينة منهو ليهااااا

بعدين قمت اصرررخ جان يجون بسرررعة ليي قبل لا خلاص اطييييح واشوى جتني الفهمية وقعدت جان انشدخت على الارض

جوا ليي السسترات يترااااااااااكضون خايييفيين وكتوا على وجهي ماااااي باااارد وجابوا ليي عصيير وشربته ليما فتحت شوي شوي

عقب عصبوا عليي قالوا ليش قمتين بروحش قلت ليهم اني سالتهم وقالوا عادي

وقالوا خلاص لاتسبحيين << تخيلوا ما اسبح واقعد بحالتي !

قلت ليهم لاااا امبي اسبح والحين صرت زينة وخافوا قالوا ليي من تحسين بشي سيدا ضربي جرس واسبحي وانتين على الكرسي


فنصيييييييحة بنات من تروحون الجناح اكلوا ليكم شي واشرربوا عصير قبل لا تقومون لايدور رااااااسكم

:thumbs_down:[/QUOTE]


الحمدلله على سلامتك بقوي ..

وعلى سالفة السبوح:biggrin: .. انا سبحوني بعد الولاده قبل لايدخلوني الغرفه ..
وقمت وتحممت ثانيه قبل وقت الزياره عشان اهلي بيجون لي .. وعادي الحمدلله ماتاثرت لاني اكلت قبلها :thumbs_up:..

الف الحمدلله على السلامة ام الجادل

جاني فضول شنو معنة اسم الجادل؟؟؟

حبك حياتي;13646366:

سلام عليكم

اليوم وديت برهوومي المغرب السلمانية ياخذون منه دم عشان للموعد الخميس

الي ياخذ الدم قضض ايد ولدي خلاه يصييح من الالم مسكيين:( كنت بروح اخذ ولدي من عنده بس زوجي قال الحين بيخلص وتصبرت لين ماخلص عقب مسكين سيدة ناام

مسكين برهوم
بس موعد مال شنو خيووو

عبث طفلة;13646408:
مسكين برهوم
بس موعد مال شنو خيووو

ان شاء الله كل نتايج اوكي خيتووووو

ما يشوفون شر جهالكم

غربال بعد هالابو صفار


جحة وام شهد

شحوالكم

اتوقع وحدة منكم بتكون الولادة الجاية

جاري الانتظار ...........................

red ro0ose;13646772:
جحة وام شهد

شحوالكم

اتوقع وحدة منكم بتكون الولادة الجاية

وأني ..؟؟
:worn_out:

حبك حياتي
انا الحمدلله بخيير وزنابي الحمدلله
ماعليه شر البطل
وان شاء الله تكون كل تحاليله تمام
بسالش وين نروح ناخذ موعد للصغيرة؟من المركز؟
ونروح عقب مايعطونا شهادة الميلاد؟
والسالفون استخدمته بس مرتين حاليا
واحط ليي من كريم ميبو على طول
انتي كم مرة في اليوم تحطين ؟


ام الجادل
الحمدلله على السلامة
وتتربى البنوتة في عزكم
وحليو تاريخ ولادتش

هلا حبايبي شخباركم

تمنتيت ادخل واقول لكم اني ولدت بس خرطي الظاهر اني مطوله

فديت الي ولدو عاشقه قلبي و الوافيه الحمد الله على سلامتكم

يتربون في عزكم

يالله ادعولي ان الله يسهل علي واولد

الله يوفقكم

السلام عليكم

شخباااركم ؟ اني جييييييييييييييت :lol:

وبعدني ما ولدت خخخ ..

اشوف الواجب وش اطوله اتاريها الهذارة اهني خخ :D

وحشتينا بقايا ووحشتنا سوالفش واجد واجد .. ان شاء الله بسرعة تفتكين من السيم وتتفرغين تفرغ تام الى زنوووب .. وعااشقة قلبي ان شاء الله ولدش عطوش اياه والحين انتين مشغولة فيه ..

رد روووز .. الله يسمع منش وتكون ام شهد هي الولادة الجاية .. تعبنا من طحنتها وطحنة رجلها عليها خخخخخخ .. مسكين هالعبادي شايفهم مستعجلين عليه قال اتغلى عليهم واراويهم منهو انا .. اييي انا جاي عقب بنات ثنتين انا ولي العهد لازم اخلي امي تعوشر >> امزح اياش ام شهد مو تزعلين :D

اني طبعا للحين ما قيي اي بوادر كلشش ملششش .. ما في الا الحاروق زايد عليي هاليومين .. >> احس اللي ولدوا وخلصوا يقولون وييييييي مال اول الحاروق خخخخخخ ..

ايي على سالفة السيم وتطهير ذيك المنطقة .. آخر يوم ليي في الدوام عطوني عصارتين ميبو .. وبيثادين وقطن .. قالوا ليي هذا احسن من السافلون .. لازم احط شويه بيتادين على القطنه وامسح به مكان الجرح ..


ووو بعد ويش بقووول ..

امس اتصلت الى اللي بتسوي ليي الفراشات .. سألتها وش صار على فراشاتي :hysterical: .. قالت ليي بيجهزون ان شاء الله عقب العيد .. قلت هااااااااااااااااااااااا واااااااااااااااااا اني موعد ولادتي قبل العيد يعني ويش عقب العيد يجهزون .. اني قايلة ليش ان موعدي قبل العيد .. في اي لحظة الحين بولد وما عندي فراش وش اسوي يعني .. قالت بجهز لش واحد الحين عجل 8o|:mad::badly: .. حسيت كأن احد صافعني على وجهي وانقهرت حدي .. لو دريت انها بتورطني جان اخذت جاهز وفكيت عمري .. واشوة امي مسوية ليي واحد .. واذا ولدت وما جهزتهم باخذ واحد ثاني جاهز وخلهم يولون ..

:'( قهر لااا