اليوم زواج زوجي.

الله يصبرك الله يعينك

مررررررحبا خواتي
يسلموووو على الردود ودعواتكم لي الله يحفضكم من كل شر..
أخباري الحمدلله بخير رغم كل ماتذكرت سفره تضايقت بس الحمدلله على كل حال..
خواتي مشكلتي ضعفي الحين أبوي رافض اني اخلي ولدي يشوف ابوه اذا جا يبغي يشوفه والكل يقولي نفس الكلام خليه يسوي لكم بيت بعدين يشبع من شوفتكم لان طيبتك ذلتك عنده وأنا بصراحة ما أريد أحرمهم من بعض وبنفس الوقت أحس كلام الوالد صح اذا يبغي ولده يسوي له مسكن يستقر فيه ويشبع بعدين من شوفته حتى مهددني الوالد اني ما ارد عليه يبيني لما يتصل اقوله مابيني وبينك كلام اتصل بابوي دامني ببيته ووالله تعبت متى بتنحل مشكلتي وبرتاح الله يفرج همي وهم كل مهموم.

حبيبتي كلام والدك صحيح..
خله يتفاهم مع أبوك أحسن..
يعني إنت الحين لا متزوجة ولا مطلقة!!
ببيت أبوك وهو لاهي عنك وعن الولد!!
ومن واجباته النفقة والسكنى لك ولولدك..
خلي التفاهم بين الرجال أزين..والله يوفقك..

أصلا ماأدري لو اتصل شو بقول له لأني مقهوره منه رغم ما أظن بيتصل فيني لأنه الحين هو بالعسل وبعده ما رد من السفر ولما يرجع بينشغل بعد فيها لانه ماخذ اجازه لها وهي بعد حسبي الله ونعم الوكيل فيهم .
خواتي لين متى بصبر عليه وعلى ظلمه نفسي أكره من كل قلبي يمكن ذاك الوقت بصير قويه وبعيش حياتي بس حبي له مخلي شخصيتي ضعيفه الله كريم..

الله يعينك..
والحب عاد ماهو بيد الإنسان..
الحب يذل ويكسر ويهين في بعض الأحيان..
بس خليك قوية,وإذا هو ما يبيك أبداً انفصلي وعيشي حياتك والله يعوضك أفضل منه وأحسن..

تسلمين أختي على الرد فعلا حتى انا مليت معلقني لاني زوجتة ولا طليقته وأهلي سكتوا بس لين متى مايرحم سوا العرس وقالوا مكتوب بس ليش يقهرني ويسافر وهو يقول ماعنده بس خلاص الكلام الحين مع الوالد يكون أحسن لان الكلام لما كان معاي ماعطاني سالفه ولا حط لي قدر وحبه ذلني بس الحب مصيره يروح اذا مالقى الاحترام وتقدير والله يقدرني يارب على تربية ولدي والله يفرج همي وهم كل مهموم وحسبي الله ونعم الوكيل فيهم..

اسأل اللهـ لكـ الثبات بلدنيا والاخرهـ ويارب يفرج همـكـ ياربي

حبيبتي كلام والدك صحيح..
خله يتفاهم مع أبوك أحسن

تسلمين أختي على الرد فعلا حتى انا مليت معلقني لاني زوجتة ولا طليقته وأهلي سكتوا بس لين متى مايرحم سوا العرس وقالوا مكتوب بس ليش يقهرني ويسافر وهو يقول ماعنده بس خلاص الكلام الحين مع الوالد يكون أحسن لان الكلام لما كان معاي ماعطاني سالفه ولا حط لي قدر وحبه ذلني بس الحب مصيره يروح اذا مالقى الاحترام وتقدير والله يقدرني يارب على تربية ولدي والله يفرج همي وهم كل مهموم وحسبي الله ونعم الوكيل فيهم..
هذا الكلام الصح
اختي انا والله حاسه فيك لاكن ابعدي ابعدي ابعدي عواطفك وفكري بكرامتك ومصلحتك ومصلحه ولدك احمدي ربك ان والدك معك والله اعرف بنات تزوج عليها زوجها وراحت تبي العون من اهلها صارو فرعون يااختي فكري بعقلك ان جت من والدك افضل منك لانه بسكتك باقل شي وبتفرحين ضرتك ولا بعد اهله
ابي اقص عليك قصه اخوي صاربينه وبين زوجته خلافات المهم عندها منه بنت وولدت ولد ونارت عنه لبيت اهلها حاول كثير يرجها تخيلي طول فترت زعلها ما تطلع اطفالها ولا تطلع وكل فتره ويحاول وهي ترفض وازيدك هي بمكان وهو بمكان كل شويه يسافر لها طبعا هي مره قويه وامها قويه واما ابوها مره طيب ولا يتدخل المهم هي طلبت شروط فوق الخيال خمسين الف وبدال شقتها بيت كبير وشغاله وبعد مرت شهور صارت تطلع عياله مع امها ولااختها الكبيره دقايق وترجعهم ولافكرت تطلع ولا حتى تكلمه طبعا رفض شروطها قال خمسه ولا عشره وامها شدت عليه وبداء زن الحريم تزوج واقهرها ومن هذا الكلام وهو ماقصر لاكن هي شدت اكثرعليه هو اخي من ابي وعلاقتي فيه رسميه وراح وخطب عليها وتزوج حرمه بدويه لاتقراء ولاتكتب يقول سنعه ولاتطلب زي المتعلمه وتزوج وترك الا ولى فتره لاسال عنها وبعد كم شهر حاول يردها طبعا كا ن يقول تبي شغاله وهي ايش وظيفتها طبعا يحق لها والدت عمليه ومخطين في العمليه بالمثانه وسبحان الله يبي يموت لو مارجعها ورجعها وجابلها شغاله دايمه اندلوسيه تصدقين رجعلها اكثر من عروسه الجديده واقولك بعد ما تصدقين في ليلت الثانيه يجي باخر الليل عندها حبيت اقولك تاخذين موقف وتكوني قويه الرجال يحب المراة القويه وتحافظ على كرمتها

بنت عجمان;13576385:
مررررررحبا خواتي
يسلموووو على الردود ودعواتكم لي الله يحفضكم من كل شر..
أخباري الحمدلله بخير رغم كل ماتذكرت سفره تضايقت بس الحمدلله على كل حال..
خواتي مشكلتي ضعفي الحين أبوي رافض اني اخلي ولدي يشوف ابوه اذا جا يبغي يشوفه والكل يقولي نفس الكلام خليه يسوي لكم بيت بعدين يشبع من شوفتكم لان طيبتك ذلتك عنده وأنا بصراحة ما أريد أحرمهم من بعض وبنفس الوقت أحس كلام الوالد صح اذا يبغي ولده يسوي له مسكن يستقر فيه ويشبع بعدين من شوفته حتى مهددني الوالد اني ما ارد عليه يبيني لما يتصل اقوله مابيني وبينك كلام اتصل بابوي دامني ببيته ووالله تعبت متى بتنحل مشكلتي وبرتاح الله يفرج همي وهم كل مهموم.

كلام ابوك سليم وخليك معاه وانتبهى تخسري ابوك ورضاه على خاطر واحد باعك برخيص
مهما كنتى طيبه وتحبيه خليك قويه حتى يحس بقيمتك وادا اتصل لا تردى عليه

حبيبتي نصيحتي لك انك تتقبلين الوضع لانه واقع
ادري انو صعب عليك بس هذا اللي مكتوب لك بس انتي مو تيأسين من الدنيا
وتجلسين في هم وحزن وكله عشان شخص ماقدر حبك له
اهم شي عيشي حياتك ولاتفكرين انه بحضن غيرك لان هذا راح يذبحك ويأثر على نفسيتك
فكري بولدك وسوي لك برنامج اطلعي وسوي زيارات واجتمعي مع صديقاتك اذا حبيتي
المهم لاتخلين زوجك محور حياتك
عيشي لنفسسسسسسسسسسسسسسسك ولولدك واتركي التفكيييييير لانو بيذبحك

كلام ابوك سليم وخليك معاه وانتبهى تخسري ابوك ورضاه على خاطر واحد باعك برخيص
مهما كنتى طيبه وتحبيه خليك قويه حتى يحس بقيمتك وادا اتصل لا تردى عليه
تعقيب على كلام الاخت
اعرف وحده معرفه شخصيه كانت مره سعيده مع زوجها لدرجه صار الحريم ينقهرون منها طبعا صارت مشكله وراحت عند اهلها الوالد تدخل وكان التدخل مناسب لاكن الزوج قدر يغير راي زوجتي وهي راحت معه وياليتها وما راحت لانها اغضبت والدها ودعاء عليها وهو منقهر ومن حين رجعت معه نكد في نكد الله المستعان

اسمعي ياعمري اسمعي كلام البنات ولاتكلمينه الله ياخذ حقك ان شاء الله بكيفه اذا بيشوف ولده بس انتي تحملي ليمتى والوحده وهي ساكته اذا طالبنهم شي مامعنا بس لغيرنا تطلع الفلوس واهتتتتتتتتتتتتتتتتمي بنفسك مادامك عند اهلك اشتغلي بعمرك خلطات وحمامات زيت واذا تقدرين سوي عميلة تجميل تضويق فيه وحده سوته يراكض وراه ونسى الثانيه وانتبهي على نفسك بالدوره لاتشربين شي بارد وكولي شي حار ادفي ارحامك واالله يكون بعمرك ويفرج همك

فعلا حبيبتي كلام البنات معقول هذا يوم إنت حبيتيه وقدرتيه رماك ..ذحين لازم يشوف الوجه الثاني اللي هو مو متعود عليه صدقيني راح يبهره ..
أنا ماأقول تطلقي منه لكن ردي بكرامتك وبشروطك ..وإذا ما يبي كيفه هو الخسراااان ..وين بيلاقي مثلك ومثل حبك في الدنيا ..
أنا باأقولك قصة صاحب زوجي والله والله إنها حقيقة وأنا كلمت زوجته ..القصة
إنه هذا الرجال صاحب زوجي من الطفولة ..اتزوج بنت خاله وعاش معاها تقريبا 15 سنه وأخذها صغيرة ..وتموت عليه ..أنا يوم تزوجت زوجي يحكيني عنها وعن حبها لزوجها ..عجبني احترامها له وحبيتها وأنا ماأعرفها ..
اللي صار إنه خطب وملك وهي ما تدري ..وقال لزوجي وزوجي خبرني طبعا أنا انهرت قهر عليها لأني عارفة إنها مي مقصرة .
وفيه واحد من أصحابهم زوجته متعرفه علي وعليها ..كلمتني قالت أنا سمعت زوجي يكلم واحد في التلفون يقول إنه فلان بيتزوج ..تتوقعين صح ..سكت أنا لأنه زوجي ما يبغاني أقول لأحد ..قالت أنا راح أكلمها وأقولها ..قلت لها إنت حره بس أعطيني رقمها...
اتصلت عليها وبلغتها ..وبعدين اتعرفت عليها وكلمتها وكانت مرررررررررره مصدومة المهم هي زيك كذا طيبة وحبوبة معاه وما ترفضله طلب ..
ما طلعت من بيتها استنت الين جاء البيت واجهته ..طبعا اتفاجىء وأنكر وهي ظلت قوية ما تكلمه ولا تطالع فيه حاول معاها بكل الطرق اللي زمان كان يستخدمها معاها ما فاد مصرة على رايها ..جلسوا على هذا الحال كم شهر شافها ما تغيرت باااااع الثانية عشاااانها..
أتوقع لو جاته بضعف وعتاب كان ضحك عليها ..لكن القوة في بعض الأحيان ضرورية لتسيير الحياة الزوجية ..ترى الرجال يحب يخاف ..
هو آخذ فكرة إنك تحبينه عشان كذا متطمن إنه إش ما سوى راح تغفرين له ..ذي المرة خذي موقف جااااامد ولا تهزك المواقف وخلي أبوك يتكلم معاه أبدا لا تتواصلين معاه ..والأب إذا حس بالقهر عليك راح ياخذلك حقك بإذن الله ..
أسأل الله عز وجل أن يهدي سركم وأن يفرج همك توكلي عليه سبحانه ..وكل أمر له نهاااية

الله كريم ويسلمووو على الردود يا الغاليات
وان شاء الله خلاص بخلي الكلام للوالد والله يقدم اللي فيه الخير
والله يفرج همي وهم كل مهموم يارب

اللة ايصبرج حبيبتي قلبي صار ايعورني عليج:(
اللة ايعوضج الي احسن منة ويخليلج ولدج اخيتي
ادري لحضة صعبة واااااااايد بس شنو بيدج غير احتسبي عند رب العالمين ماينسة عبدة

الله يفرجها عليكي يارب..

الصراحة ما اعتقد اني اقدر اواسيش بس صبري قال تعالى (عسى ان تكرهوا شيئا وهو خير لكم ) والله على الظالم الله يعوضش في ولدش خير احتسبي عند الله
بس انا لاحظت انش متمسكة فيه علشان ولدش وهذا افضل شي تسوينه لان لازم يعيش الجو الاسري المتكامل وش دراش يمكن في المستقبل يقدر لش هالتضحية ويعتذر لش .
في النهاية اقول لش عيشي حياتش وحاولي تبينين ليه انه مايسوى شي في حياتش وقبولش بيه علشان ولدكم وبس طلعي وستانسي والطلعة بتخليش تغفلين شوي عن التفكير فيه على فكرة مو شرط انه مستانس في حياته الجديدة لان البعض يزوجون بغير قناعة فقط نزوة بعدين يقدرون الزوجة الاولى لانها الاصل هذا اللي يصير غالبا.
الله يوفقش حبيبتي

مرحبا
خواتي اليوم طلعت مع ولدي غيرت جو وبالمسا الوالده كانت حابه تروح عرس بنت ربيعتها فانا اسوق فماحبيت اكسر بخاظرها تجهزت ورحت معها بس للاسف تهاوشت معاي لاني سويت فيها نفس العرس اللي طاف وقت زفت العروس دموعي تطيح فانقهرت علي الوالده لو عليها كانت بتعطيني كف علشان اصحى واعيش حياتي بفرح والله ماودي ازعلهم بس موا بيدي حساسيتي الزايده تحرجني بصراحة هونت مابروح عرس مرة ثانية بطلع مع ولدي واونسه احسن شيء احسن من الاعراس وتقليب المواجع
وبالنسبة لراي الوالد فانا معاه لانه رضاه يهمني ومعاه حق بكلامه يبغاني اطلع من بيته وانا مرفوعت الراس الله يخفظه لي يارب كنت اتمنى زوجي يكون سند بس حسافه اهلي سند لي لين اليوم الله كريم والله يخليهم لي
والله يفرج همي وهم كل مهموم يارب والله يسعدكم دنيا واخره يارب

الله يعينج ويصبر قلبج