اليوم زواج زوجي.

تأكدي اني حاسه فيك والله انقهرت عليك وكلماتك اثرت عظيم الاثر فيني بس حاولي تتناسيه انزعيه من بالك بالقوه كابري واصبري وتناسي اضحكي وانبسطي حتى لو من جوه مقهوره برضه حاولي وحاولي اشغلي نفسك لاتخلي افكارك تسيطر عليك تذكري انه مايستاهلك ولايستاهل كل لحظه قضيتيها معاه وادعـــــي ربك هو اللي خلقك وهو اللي بيده امرك ادعي ان الله يصبر قلبك ويقويه والله يحفظك ويخلي لك ولــــدك ياحبيبتـــــــــي ...

حسبي الله عليه
الله لايوفقه يااارب زي ماكسر خاطرك
يارب ربي يحرق قلبه زي ماحرق قلبك
حسبي الله ونعم الوكيل فيه
لاتقهري نفسك لو طلقلك يارب تتزوجي اللى احس منه ويقدرك ويحطك جوت عيونه وقتها يتحسف انه تركك

همس المشاعر 99;13577901:
تسلمين أختي على الرد فعلا حتى انا مليت معلقني لاني زوجتة ولا طليقته وأهلي سكتوا بس لين متى مايرحم سوا العرس وقالوا مكتوب بس ليش يقهرني ويسافر وهو يقول ماعنده بس خلاص الكلام الحين مع الوالد يكون أحسن لان الكلام لما كان معاي ماعطاني سالفه ولا حط لي قدر وحبه ذلني بس الحب مصيره يروح اذا مالقى الاحترام وتقدير والله يقدرني يارب على تربية ولدي والله يفرج همي وهم كل مهموم وحسبي الله ونعم الوكيل فيهم..
هذا الكلام الصح
اختي انا والله حاسه فيك لاكن ابعدي ابعدي ابعدي عواطفك وفكري بكرامتك ومصلحتك ومصلحه ولدك احمدي ربك ان والدك معك والله اعرف بنات تزوج عليها زوجها وراحت تبي العون من اهلها صارو فرعون يااختي فكري بعقلك ان جت من والدك افضل منك لانه بسكتك باقل شي وبتفرحين ضرتك ولا بعد اهله
ابي اقص عليك قصه اخوي صاربينه وبين زوجته خلافات المهم عندها منه بنت وولدت ولد ونارت عنه لبيت اهلها حاول كثير يرجها تخيلي طول فترت زعلها ما تطلع اطفالها ولا تطلع وكل فتره ويحاول وهي ترفض وازيدك هي بمكان وهو بمكان كل شويه يسافر لها طبعا هي مره قويه وامها قويه واما ابوها مره طيب ولا يتدخل المهم هي طلبت شروط فوق الخيال خمسين الف وبدال شقتها بيت كبير وشغاله وبعد مرت شهور صارت تطلع عياله مع امها ولااختها الكبيره دقايق وترجعهم ولافكرت تطلع ولا حتى تكلمه طبعا رفض شروطها قال خمسه ولا عشره وامها شدت عليه وبداء زن الحريم تزوج واقهرها ومن هذا الكلام وهو ماقصر لاكن هي شدت اكثرعليه هو اخي من ابي وعلاقتي فيه رسميه وراح وخطب عليها وتزوج حرمه بدويه لاتقراء ولاتكتب يقول سنعه ولاتطلب زي المتعلمه وتزوج وترك الا ولى فتره لاسال عنها وبعد كم شهر حاول يردها طبعا كا ن يقول تبي شغاله وهي ايش وظيفتها طبعا يحق لها والدت عمليه ومخطين في العمليه بالمثانه وسبحان الله يبي يموت لو مارجعها ورجعها وجابلها شغاله دايمه اندلوسيه تصدقين رجعلها اكثر من عروسه الجديده واقولك بعد ما تصدقين في ليلت الثانيه يجي باخر الليل عندها حبيت اقولك تاخذين موقف وتكوني قويه الرجال يحب المراة القويه وتحافظ على كرمتها

انا مع كلام الاخت .. كوني قوية وظروفج الحين اتحتم عليج ان تشدين ويا ريلج لانه اما ان برجع لرشده ففي هذه الحاله بيكون موقفج قوي وتردين بكرامة وعزة او في كل الاحوال بايع فتكونين بموقفج القوي منتصرة علية وطلعتي بكرامتج

يبي يشوف الولد؟ اذا يهمه الولد يصرف عليه ويوفر له المكان اللائق واقولج شي تركيه فترة لا تحاولين تتصلين فيه ولا تردين على اي نوع من الاتصال وياه خليه ينقهر شوي عل وعسى يفكر

حبيتى الله يصبرك على هذا البلاء العظيم انا كنت متلك بس ابى تزوج على امى بعد عشرين سنة جواز
وده كان من سنة و6شهور ورمضان اللى فات رجعلنا تانى وتركها بس طبعا بعد ماخسر اغلب ماله
ان شاء الله زوجك يرجعلك تانى وتيجى تبشرينا ان شاء الله

ابوج معاه حق بكل كلمة
قالها و زين انج وافقتي ع
كلامه عشاان لأن بالفعل
مكالماتج مع زوجج خصوصاً
قبل عرسه كأنه تذلين نفسج له

حبيبت فلبي والله تعاطفت مع محنتج بس مالج الا الصبر و النسيان لان الرجل لي مثل هذا ما ينزعل علية لان اناني وما يحب الا نفسة بس لا تكرهينة امام ولدة عشان والدج مايحس بالنقص بين اصحابة وامام الناس بس اكيد بينك وبين نفسك شىء انكسر بداخك صح لتفتي لنفسج والصحتج لان هذا الأهم ....:thumbs_up:

مرده لج لانج ام عياله ..
ادري الموقف صعب بس ما بيدج تغيرينه وحرام تقصين وقتج في جو حزين .غيري جو
سيري تمشي بالسوق خذي لج ملابس جديده او عطور
سوي انيو لك لشعرج او شكلج ..عيشي شبابج ..

وهو وين بيسير ..ترى بيرد لج . انتي راس المال وانتي الي يبتي له العيال وخليتيه ابو ..ويوم بيي لج لا تكونين مبوزه وغيره لا بالعكس انسي وجود الثانيه تماما . وعيشي وياه جو جديد ..لانج لو كنتي العكس بيشوف الجديده احسن منج .......وخليها هي تموت من الغيره منج ومن دلالج لريلج وماجوره حبيبتي

حطي قواعد جديده بحياتج . ان تكونين دائما الاحسن منها و الافضل .
صبحي عليه بمسجات حلوه وغيره ..
تعطري و تبخري ..

انا اقولج هذي الاشياء ويمكن تقولين ليش هي تقولي هذا الكلام وهو باعني ..لا انتي لازم تفكرين صح ..لمصلحت ولدج وما اعتقد انج تبغين تكونين مطلقه .وعلشان جيه اقولج انسي وجودها وخلج انتي الي تاسرينه بمعاملتج و جمالج وزينج ..

وعيشي حياتك من الجانب الحلو .

يا بعد قلبي انتي طمنينا عنك و عن أخر أخبارك قلوبنا معاكي

و بتمنى أسمع عنك أخبار حلوة

يسلمووو خواتي عل الردود
اخباري الحمدلله زينه و وضعي ماتغير فيه شيء نتظر المعرس يرجع ونشوف شو نهايتها معاه الله كريم
والله يوفقكم ويفرح قلوبكم يارب
والله يفرج همي وهم كل مهموم

الله يعينك ويصبرك ............طيب اختي ما كلمك ولاحتى كلم يسأل عن ولده

مرحبا أختي
لا ما اتصل ولا سأل عنا لانه بعده بشهر العسل الله كريم
والله يفرج همي وهم كل مهموم

الله يفرج همج و هم اي مهموم
خيتو طمنينا عليج اول بأول

قلبى معاكى اختى فى اللة وربنا يصبرك ويقويكى

لا تحزنى رب ضارة نافعة ما عليك الا بهذا الدعاء اللهم اجرنى فى مصيبتى واخلفنى خيرا منها وكونى قوية واكثرى منذكر اللة والاستغفار وترين العجب مجربة وفقك اللة واسعد ايامك المهم ان لاتتركى بيتك ولك منى اجمل تحية

الله يعينك ويصبرك والله قهر لاكن اصبري واحتسبي
لاكن عندي سؤال ايش بينك وبين زوجك ليه هانت عليه السنوات الي قضاها معك.
ممكن تخبرني طيب من قبل ما حاول يردك له قبل زواجه با الله يعني من تحريض اهله طيب هو ما عنده شخصيته و لاهو
سماعه مع احترامي .........ادري ازعجتك لاكن شي بنفسي

الله يعينك

يسلموو على الرد واختي همس عادي سالي رغم بموضوعي الاول كاتبه السبب بس ولا يهمك بقولك كنت عند اهلي مقرره اجلس اسبوعين بس زوجي قرر فجاه يجي يشلني كالعاده بدون مايعطيني خبر فان رفضت قتله نفسيتي تعبانة خلني اقعد وخليت الوالده تستاذنه اني اقعد و وافق لكن قلبه اسود من يومها وهو يقولي انا رجال وكسرتي كلمتي والله ماله داعي كل هذا وللمعلوميه انا من اول شهر زواج يقولي زوجي بتزوج وقبل النوم بعدكانت كلمة بتزوج نغمة ماقبل النوم بس كنت اظنش ماعتبرته جد لكن للاسف طلع الرجال بخاطره بوحده واهله رشحوني له لاني فار التجارب وبنات الناس لعبه عندهم المهم مرت الاربع سنوات وحبيبة قلبه ماتزوجة وانتظر اتفه سبب علي علشان يتزوجها الله يهنيه ومحد يدري شو المستخبي له وتعبنا نسمع كلام الناس وللمعلوميه الكل يعرف انه يحبها بس لما واجهته انكر وقال الناس تحب تتكلم رغم امه وابوه مطلعين هذا الكلام الله كريم ودام قلبه اختار غيري الله يهنيه مهما كان العشره ماتهون وابني ماله ذنب يتم ابوه بس انا انتظر بشوف نهايتها معه والله يفرج همي وهم كل مهموم.

حبوبه والله ادري ان الكلام الي بقوله ما راح يوسع صدرج بس


صدقيني الي يبيعج برخيص بلااااااااااااااااااااااااااااش بيعيه بطقاق فيه وفي مرته

هو اذاا جااا استانسي بليلتك واخذي منه الي تبين واذا راح ليلتها عطيه طاااف


وجيبي منه اعيال والهي فيهم .. وما انصحك تفكرين بطلاق لان الحرمه ما اسوى شي بدون الرجال <<< اهني المشكله


فا جيبي منه درزن اعيال اكسري ظهره ... واهتمي في نفسج واطلعي وروحي واذا جالك حطي نفسج عادي بطقاق ما اهتميتي بموضوع ... وصدقيني الرجال مع الي تحقره مو الي تدور رضاااه


وانتي يا الغلا ابرك منه مليييييييييييون مره على... ولا تقولين عن نفسج فار تجارب هو يبي يكسر شوكتج شوي

خليج قويه .. وبطقاق فيه وفي مرته كفوها تاخذ فضلتج


يا ليت اكون وسعت صدرج شوي


والله يخليلج وليدج ويحرصه .. بوسيلي ايه حبيته:D بزوجه بنتي هههههههههههههه