اليوم زواج زوجي.

الله يكون في كونك

لا حول ولا قوة الا بالله ..

الله يصبرك ..

حبيبتي .. وسعي صدرك .. ترى الدنيا ما تستاهل .. واللي باعك بيعيه وانسيه بعد .. !!

واذا على كلامك انه تزوج بسبب أهله وانهم يبون يقهرونك مثل ما اخوك قهر بنتهم <<< ان شاءالله اني فهمت السالفة زين .. تأكدي انك مظلومة .. وان مالك سبب في طلاق بنتهم .. وادعي ربي .. استغلي هالفرصة .. ترى دعوة المظلوم مستجابة .. وتأكدي من اجابة الدعاء ان شاءالله عاجلاً ..

ربي يصبرك ويعينك على مصابك .. حبيبتي .. لا تضيقين صدرك .. وتجيبين لنفسك الامراض .. و .. " ولدك " .. بأمس الحاجة لك في هالظروف وهالعمر ...!!!

الله يحفظه لك ويارب تشوفينه بأعلى المراتب وتشوفينه عريس .. ويبر فيك ويعوضك بالاشياء اللي فقدتيها ..

:(

عزيزتي بنت عجمان اصبري وتاكدي انه مهما انبسط مع غيرك مرده يذكر العشره ويندم والله هذي الحقيقه الحب الاول مايعوظه اي شي بالدنيا
يكفي انه يتذكر انه جاب منك ثمرة حبه لك وهو ولده
يالغاليه ع قد ماتحسرتي والله يجي اليوم اللي يحس فيه بغلطته
احنا بشر بالاخر نحن للاشياء اللي نفتقدها بحياتنا
والا مايشوفك بكل زوايا بيتك ويتذكر كل تحركاتك
واسال الله ان يعوظك بخير منه لكن اصبري واحتسبي
واللي باعك بيعيه بتراب
أختك ... شـــــيــخـة آلــ غــيــد

حسبي الله عليه ...

الله يكوون في عووووونج ...

هلا والله بنت عجمان
طمنينا عليج

وربي من امس ادخل لمنتدى بشوفج فية ولا لا وماحصلتس

بس اشوف اسمج ارتااااااااااااح مدري لية

طمنينا عليك ان شاء الله احسن من اول يارب

انا من فترة وانا اكر فيج اقول مسكينة والله يصبرها

اقولج طنششي وعيشي حياتج وغيري من نفسج وحياتج وعيشي وانتي مرفوع راسج

خله يولي في ستين داهيه تدهيه عساه مايتهنى

الدنيا ابتلاء ويتوجب علينا الصبر...
هناك اصعب لحظات من هذه اللحظه...
نتمنى ونستغرق كل الوقت للنحقق تلك الاماني...
نرى غيرنا مذنب مع الله ومع الناس وتبقى علامة الاستفهام لماذا لا يبتلون مثلنا..
نفكر ونفكر وفي النهايه نستسلم للحزن ولحظنا التعيس..
نعيش مسالمون مع غيرنا لكن غيرنا هم يعيشون معنا مضادون لنا..
نتعامل معهم بالطيب وردها الجحدان والنكران..
المتميزون دائما منتقدون..
الحقد والغيره تعمي القلوب للتصرف السليم..
غاليتي أتمنى تفهمين معنى هذه الجمل وتعيها جيدا"..وبعدها تذكري بإن هذه الدنيا لن ندوم بها طويلا وحتى ان دمنا طويلا سيأتي يوما وننتقل للحياه الابديه حياه ليست كحياتنا هذه بل تختلف تماما..حياه ليس بها ظلم بل ينصر المظلوم على الظالم....حياه كلها ود وسلام ولا خذلان...حياه عدل وأنصاف..أما هذه الحياه لاتحزني لها كثيرا ولا تبكي لاجلها لانها مؤقته وستختفي يوما ما...بل أعملي لحياتك الابديه ودعي هذه الاحزان تكثر وتكثر لكي تكفر عن سيئاتك يوم القيامه وأحمدي الاله بإنك أوذيتي ولم تؤذي أحد
فالمبتلى محبوب عند الله ولكن عليك الصبر لترضي بما قسم الله لكي ويرضى عليك....
لا تجعلي الدنيا أكبر همك بل أجعلي الاخره أكبر همك وأدعي الله وأشكي له وبثي إليه همك وغمك فلا أحد يستطيع تفريج كربك غيره...ينتظرك كل ليله ويقول:
(هل من داعي فأستجيب له,هل من سائل فأعطيه,هل من مستغفر فأغفرله)...
سترين حالك بعد مناجاته كيف هدأت وأسقرت...
أسأل الله أن يحفظ لكي أبنك ويجعله من البارين فيك وأن يجعله من حفظة كتابه ويرزقكم من حيث لا تحتسبون..وأن لا يجعل لك هما الا فرجه ولا ضيق الا وأخرجه وأن ييسر لك أمرك اللهم امين..

يا بعد عمري صرت افكر فيج
من شفت موضوعج القبلي
كل ما اشوفج تنجرحين و تتألمين
حاااسة ان هالشي فيني مدري
لييش ما تستاهلين بكل الي قاعد
يصير لج بجد قلبي عورني عليج
و ع ولدج بس انا حاااسة فيج
اعتقد لو كنت مكانج الله لا يبلاني
ممكن اكون اخس و ادمر ما اقول
الا حسبي الله عليهم

يارب يامنان يابديع السموات والارض يامن بأمره كن فيكون يارب انت قلت وقولك الحق ادعوني استجب لكم يارب ياعزيز ياجبار يا الاول وليس فوقك شي
يارب اجبر كسرها وضعفها انت ارحم الرحمين يارب رده لها ولي طفلها وسخره لها يارب انك عزيز جبار
ولي عوده

خليك قوية
الله يكون فعونك

مرحباااااااا خواتي فرحتك كثيرررررررررر بردودكم وتشجيعكم لي بصراحة صدق انكم خواتي الله يوفقكم يارب
اذا عني يوم عرسه تونست مع اهلي ولا فكرت فيه لدرجة من التعب ارجع انام والحمدلله الاستغفار ريح قلبي والله اليومين اللي طلعتهم مع اهلي كانوا من احلى الايام الله يحفضهم لي حتى ولدي تونس والحمدلله عرسه مر علي ولا كانه موجود بحياتي
صح اني انبسطت وتونست بس صار شيء وقهرني وقلب مواجعي اكتب لكم ودموعي بخذي عرفت انه امس الفجر سافر مع العروس وانا اربع سنوات عايشه معاه بحرمان بس ما اقول غير حسبي الله ونعم الوكيل فيهم
خواتي اللي ماعنده فلوس سوا عرس كبير وعزم وفرقة لرجال وللحريم وتصوير وكل شيء سوا لها حتى ثاني يوم سوا لها عزيمة عذا وعشا وانا ماعنده يقولي غير ماعندي انقهرت علشان صبرت عليه بس ماني مسامحته لا دنيا ولا اخر على اللي سواه فيني والله ينتقم منه ومن اهله وحسبي الله ونعم الوكيل فيهم
الحمدلله على كل حال ومالي غير رب العالمين وهو بياخذ لي حقي وحسبي الله ونعم الوكيل فيهم

وينكم خواتي مخنوقه ماتوقعت سفرته بتقهرني اكثر من عرسه

والله مااقول غير الله يصبر قلبك ياختي بس لوانا في مكانك الصراحة اطلب الطلاق هذا وتوك بعدك عروس مالك غير اربع سنين ياريت تقولين لك قرن وحاب يغير والله الصراحة متأثرة واجد عليك حسبي الله عليهم الاهل اهما الي يفرون راس الرجل فر :(
والله ثم والله لوانا حتى مابفكر فيه لحظة وحدة حسبي الله عليه مافكر فيك وانتي بنت ناس
تراني مرة مشوشة حتى تفكيري والله والي باعك برخيص وانتي بيعيه خليه بكرة يتندم على الي سواه والله فوق كل ظالم:(

الله يصبرج ان شااء الله

الطلاق هذا اللي يبغونه أهله وماراح يجي مني بس فعلا قدروا يقهروني بس الله رب العالمين موجود
بنات زوجي ماعنده بس زوجوه وسوا له عرس الكل يتكلم عليه حتى العروس زفوها لين باب غرفتها رغم الله العالم ماسويت فيهم شيء وهذا اللي قاهرني ليش سوا فيني كذا حسبي الله ونعم الوكيل فيهم
الزواج قلت نصيب وحلال ومحد يقدر يغير المكتوب وأقلمت نفسي عليه بقوة ايماني برب العالمين بس سفرته حرقت قلبي لاني عشت حرمان محد يعلم فيه غير رب العالمين الله ينتقم منه حسبي الله ونعم الوكيل فيه

صحيح حبيبتي الزواج قسمة ونصيب وانا معاك يعني هذا الشرع محلل له اربع واحنا ماعندنا اعتراض بس الشرع ماقال له خلي حرمتك واحرمها واظلمها واقهرها والله ياوخيتي اذا هذا اولها ينعاف تاليها واصبري وشوفي ايش راح يسوي اهو

السلام عليكم ورحمه الله
كيفك يااخت بنت عجمان
حبيبتي بصراحه انا ماني فاهمه الموضوع زين انتي شو صار بينك وبينه ااااااسفه على التدخل
وابي اقولك الزمي الاستغفار واكثري من الصلاه اخر الليل وطولي وانتي ساجده واقري خمسين مره سوره الاخلاص ولحي في الدعاء
بعدين انا قريت احد موضيعك وقلتي انها متفشله انها ماخذه على حرمه طيب انتي اقهريها زي ماقهرتك اقولك زوجك راح ياخذ وقت معها يمكن توصل لشهر او شهرين ويمكن يرجعك انا اقول ارجعي له مهما طول عليك او قصر احسن لاتخليها تفرح فيه مو تاخذه على البارد لاكن انتي اخذي رضوتك واشرطي شروطك في حد المعقول صدقيني انا ادري انها مره صعبه لاكن لي اجل ولدك اصبري واحتسبي ما اقول غير الله يكون في عونك لاتحزني هذا هم الرجال الله يكفنى شرهم لاكن عيشي حياتك تناسي ادعي ربي يربط على قلبك وخفف من غيرتك وحزنك واهم شي لاتسرعين في اخذ القرار راح تسمعين كلام عن زوجك واكذيب لاكن لاتلتفتي لها ولاتكلمينه وتعصبي عليه لانه الحين مع احترامي عنده البديل اخاف عليك يطلقك ويفرحها عليك غيري من شكلك واسلوبك ولبسك خليك عروس جديده والفتي ناضره لك ارجع واقول الله يرده لك ردا جميلا ويصبرك ويخفف عليك ويهدي لك طريقك معه ولامع غيره امين
طمنيني عليك انتظر ك

حسبي الله ونعم الوكيل

ياحبيبتي اصبري

صبرتي على العرس ليش ماتصبرين على السفررة

واذارجعتيلة لاتسكتين عن اي حق من حقوقك ونشبي بحلقة خلية يسفركلو غصب عنة


حسبي الله ونعم الوكيل بكل واحد يفر راس الزووج وبذات الاهل

الله يعينك ويصبرك خلي قلبك جااااااااااااااامد