اليوم زواج زوجي.

فديتكم صدق انكم خواتي ودايم القاكم لما احتاج لكم الله يسعدكم يارب
انا بعدني بذمته بس اذا قريتي مواضيع قبل بتعرفين اني على سبب تافه زعل وتركني عند اهلي ٩شهور بدون لا اشوفه ولا اكلمه وراح من ثاني شهر خطب وملج وحجز القاعه حسبي الله ونعم الوكيل فيه مااحترم لا عشره ولا القرابه اللي بينا غير كذا انا اصغر منه راح تزوج وحده اكبر منه حارق قلبي بكل شيء
بصراحة قعدت افكر بيني وبين نفسي اني اتصل فيه واقوله يطلقني لان لين متى وانا صابره عليه خلاص بختنق ولا هو حاس فيني الله يتقم منه

الله يعينك ياااااااااااااارب ويصبررك....

وصدقيني كل واحد يتزوج مصيررة يرد لزوجته الاولى

الله يصبرك ياااااااارب

على فكرة زوجته مخبره اهلها وجيرانها انه شاب مو متزوج لان متفشله تقولهم انه متزوج وعنده ولد بما ان اختها مطلقه لانها كانت ماخذه واحد متزوج وماقدرت تصبر معاه والحين بما ان زوجي خطبها مرتين قالوا يمكن نصيبها و وافقوا بس الله موجود وسعادتها اللي بنتها على حسابي انا ولدي ماراح تدوم الله يمهل ولايهمل وكل واحد له يوم وبيندم عليه.
بس محتره منه ودي اتصل فيه واطلع الحره اللي فيني امي تقول لا تتصلين ولاتطلبين الطلاق انتظري بنشوف شو النهاية وزوجك يبغي يوصل لشو وانا مقهوره منه ابغي اتصل اقوله طلقني ما ابيك لكن الحمدلله على كل حال.

حبيتي كان الله بعونك وربي بكيتيني
ادعي ان الله يسخره لك انتي ويصبرك ويمدك بالقوه
ادعي والله مافيه اقوى من الدعاء واشكي لربك لعل الله يشرح صدرك
الله يسعدك حبيتي وين ماكنتي ويرزقك انشالله

السلام عليكم ورحمة الله

هلا بك أختي




أدعي الله يصبر قلبك ويثبت فؤادك ويعوضك خير

ودااائماً رددي*حسبي الله لاإله إلا هو عليه توكلت وهو رب العرش العظيم*7مرات صباح ومساء

وكرري دعاء تفريج الكرب

* اللهم : اني عبدك, وابن عبدك, ابن أمتك, ناصيتي بيدك, ماضى فيّ حكمك, عدل فيّ قضاؤك, أسألك بكل اسم هم لك سمّت به نفسك, أو أنزلته في كتابك أو علّمته أحدا من خلقك, أن تجعل القرآن ربيع قلبي, ونور صدري, وجلاء حزني, وذهاب همّي وغمّي اللهم امين*

وقيام الليل لاتتركيه صلي وأدعي وقادر رب العالمين يصبرك ويبرد على قلبك ويهدي لك زوجك ويحنن قلبه عليكِ

حبيبتي الآن زواجه صار أمر واقع خلاص ماينفع الكلام

أدري الواقع صعب وقاسي ووالله حاسه بك وبألمك وأدعي الله يعينك ويصبرك لكن لو كان سوا شي بالحرام كنت قلت لك أقلبي الدنيا عليه لكنه تزوج بالحلال

أختي تصبري واطلبي من الله يصبر قلبك ويثبت فؤادك

هذي الفتره عصيبه صح لكن أعتبريها إجازه تختلي فيها مع نفسك وتفكري وتقرري كيف تبغي تعيشي حياتك

تبغي تكملي معاه واللا تنسحبي من حياته

أنا أقول لك أفضل حل مؤقتاً لحد ماتفكري وتوصلي لقرار

فكري فنفسك وحاولي تطلعيه من قائمة إهتماماتك الآن على الأقل ولحد ماهدأ نفسيتك وتفوقي من الصدمه

حبي نفسك عشان نفسك وتدلعي علآخر وإللي مايعدك راس مال لاتعديه خساره

لو تبغي تكملي معاه أستعيني بالله وأهدي وبعد كم يوم روحي أشتري لك ملابس جديده وأهتمي بنفسك

غيري قصة شعرك ولونه إّذا حبيتي

أطلعي وانبسطي ولو إنك قريبه من مكه روحي الحرم أرمي همومك وحمولك على الله وقادر ربي يصبرك

خليه لمايرجع يلقى وحده جديده بنفسيه جديده

أدري كل الكلام ماراح يواسيكِ لكن تذكري إن عظم الجزاء من عظم البلاء وأحتسبي أجرك من الله عز وجل

قلبي معاكـِ

الله يصبرك ويهون عليكِ كل أمر عسير ويسخر لك الطيبين من خلقه

كان الله في عونش

حسبي الله ونعم الوكيل ..

الله يصبرك ويمسح ع قلبك ..

وصديقيني الله ما يضرب بعصا وبيجيه يووم !

ساعد الله قلبش :(

قطعتين قلبي الله يعطيش الصبر

الله يسخرة ليش وينصرش عليها

الله يعينك

حبيتي اللة يصبرك

السلام


حبيبتي قريت المواضيع اللي قبل


وانا احس انه كل هذا من راس اهله


بما انه تقولي اخوك طلق اخته فاكيد حابين يحرقون قلبك زي ماانحرق قلب بنتهم


بس بقول لك شي


مابقول لك لاتبكين لا ابكي وطلعي الحره اللي داخل قلبك بس لاتبكي عليه لانه مايستاهلك


صدقيني اي رجل مايراعي العشره اللي بينه وبين زوجته ويتزوج عليها مايستاهلها


ابكي على العمر اللي ضاع معاه وهو مايستاهل


وصدقيني الله مابيهنيهم


وحتى لو تهنوا انت خليك قويه

حبيبتي الله يصبرك
والله قهرررررررررر
بس اللي زي كذا
ما يستاهل وخلي بالك من ولدك
ولا تتذكري ايجابيته وتبكي
اتذكري سلبياته علشان قلبك يقسى

بنت عجمان بصراحه لازم تكونين قويه مافي احد يستاهل بها الدنيا انه نزعل عليه تذكري انه حياتنا لحظه يعني ولاشي زي مافي حزن اليوم في فرح ولاتخافين في اللي اقوى مني ومنك ياخذ لك حقك من كل واحد ماتدرين يمكن ربي يحبك يوم حطك بها الامتحان بالعكس احمدي الله ليل نهار واصبري واحتسبي وانشاءالله تنفرج
بالعكس هالوقت اللي زوجك راح حاولي تنسينه وحطي ببالك زي ماهو الحين ناسيك انتي بعد دوسي قلبك وانسيه خلي الوقت كله لك اطلعي وانبسطي اتجمعي مع صاحباتك وربي راح تنفرج حطي هالشي ببالك لانه الحين هو عريس وبيجي اليوم اللي بيعرف قيمتك وانها نزوه بس خليك على سورة البقره وقيام الليل

الله يـــآآخــذ حقج ان شاء الله من كــل الي ظلمووج ..


وصبري والله مــــوجود مايضيع حقج ..

حبيبتي البنات ماشاء الله ماقصروا وكلامهم كله كلام عقل ومنطق ومع الايام حتلاقي نفسك هديتي وتغيرت نفسيتك فكري بس في ولدك وكيف تطلعي منه رجل بار بيك وسند وعون في المستقبل ان شاء الله. طمنينا عليك يا الغاليه وقلبي معاك

قطعتي قلبي

اقسم بالله خليتي دموعي تطيح جدام زوجي ..

اقول له كلكم جذي ؟

مالكم امان؟؟؟

من جد انا مااثق بأي رجال بالدنيا ..

حبيبتي انسيه وعيشي حياتك..اطلعي وغيري جو

اذا عندج صديقات روحي وياهم مجمع شاليه سوق سينما ...

حاولي ماتحكرين نفسك ..وصدقيني ربك يمهل ولا يهمل

وبتشوفين فيه يوم يجي لك ندمان ..ياما حريم صار لهم جذي

ويرجعون ازواجهم لهم يطلبون رضاهم..

حاولي تسوين روحج مو مهتمه ..لاتحسسيه انج زعلانه..

بالعكس بيني له ان الدنيا ماتغير فيها شي ابد ...

واذا جا بالعكس رحبي فيه وشوفي النتايج