*بيبي فيس*;13546814:
بونجووووووووووووور صبايا
أنا رحت حق الدكتورة فهيمة وسويت الفوردي
الصراحة توقعته أوضح من جذي مثل اللي جفتهم في اليوتيوب
بس الدكتورة الله خير ماقصرت طولت وايد معاي وقلبتني على كل شكل
التصوير مب اللي مب واضح بالعكس واضح بس مب بالدرجة اللي توقعتها
وتقول إن بنتي راسها ليحين مانزل عشان جذي تأثر على دقة ووضوح التصوير
يعني إذا الراس نازل العملية تصير أسهل والتصوير أدق وأوضح وبعد تقول كل ماكانت الأم ضعيفة التصوير يبين أوضح
وفي البداية كانت مغطية ويهها بيدها وطالعة صورة أصابعها واضحة وتميت أناقز والدكتورة تغير وضعيتي يالله شالت يدها وقدرت تصورها
الخلاصة طلعت لي بجم صورة حلوين ومثل ماتوقعت نونوتي تشبه أختها فديتها وفديت خدودها
وأول سؤال كنت أسأله الدكتورة وشاغل بالي إذا كان لها شعر أو لا والحمد لله طلع لها شعر يافرحتي
والحبل السري الله يغربل إبليسه بعد حجب الرؤية أكثر لأنه كان مرتز جدام ويهها وأنا أتحلطم
الدكتورة تقول الحبل شيخصه بنتج اللي رايحة منخشة وراه لوووووووووووووووووووووووووووووول
إي وقالت لي ماشاء الله البنية طويلة فديت طولها
اووه زين
أفكر الأسبوع الياي اروح اسوي الفوردي
جم تأخذ وقت عشان التصوير ؟
سمعت نص ساعة
ونااسة باشوف البيبي نص ساعة كاملة :lol:
*بيبي فيس*;13546859:
أمس قمت من الصبح ورحت تريقت مع خواتي في لاشوكولاه قلنا فرصة ندلع روحنا شوي
وبعدين رحنا الستي من الساعة 10:30 ومادخلنا البيت إلا ا لساعة 6:30 وياريت بفايدة
يازعم رايحين بنجهز اليهال حق العيد وماحصلنا شي يترس العين لكن شريت جواتي جينز كرمكم الله أسود حق ولدي وأزرق حق بنتي
بس الحمد لله شريت جهاز التعقيم وفكيت روحي وباقي لي تناتيش تو الناس عليها
حق البيبي أبي لها فراش ولا إثنين خفاف وأدوات النظافة والمراضع مادري شنو أحسن شي
كنت باخذ د. براون مالقيت إلا بلاستك وشوي كبار أنا أبي صغار هالكبر شاسوي فيهم
ولي أنا أبي قمصان وبجامات حق النفاس ومالي بارض مجمعات ولوية أبي أروح مكان آخذ جم وحدة بسيطين وخلاص بس مب عارفة وين باحصل
وأبي شبشب وإنتو بكرامة حق المستشفى ومفرش بو نفر ونص ولازم يكونون بيج مصوفر على لون مفرش وطقم البيبي
ونفس الشي مادري وين أحصل سادي أو مشير بألوان تناسب الثيم وطقم البيبي بس أفكر في جزيرة المفارش
إذا خلصت هالأشياء تبقى الطامة العودة اللي هي الضيافة :hysterical:
عليكم بالعافية
بس وايد تعب
من الصبح للمغرب :-#
والسيتي تروحين ساعتين تتعبين
وعن المفارش انا بعد بأخذ من جزيرة المفارش
ما أبي الي يجون طقم مع المفرش كنسلت عليهم
رحت ذاك اليوم حصلت واحد اوف واايت وفيه ورود كلش صغار لونهم وردي
اقوله ابي ازرق يقولي ما في :|
المفرش حلووو نااعم وحليوو
قالوا بينزلون بضاعة جديدة بعد اسبوعين
بس بيبيو
ممكن تدليني هالمحل في المحرق ؟؟
لاني رحت الي في جدعلي وقالي في فرع في المحرق
عروس جنان;13547032:
بغيت اسألكم..
وزنكم زاااد؟؟ وكروشاتكم باينة كثير ولا؟؟
انا وزني ما زاد غير 700 غرام وجالسة اوسوس لا يكون في البيبي شي
كل وحدة وسواسها نووع
هههههههههه
لا تحاتين
مو لازم يزيد الوزن ,,
اكبر مثال عندج بيبي فيس ما زاد وزنها
رفيجتي بعد كان وزنها ما يزيد
اهم شيء وزن البيبي و نموه
انا من بداية الحمل لاخر موعد قبل 4 اسابيع زدت تقريبا 4 كيلو
وعن الكرشة ما تبين اني في السابع
كأني في الرابع
*ام وسام*;13547718:
ان شاء الله يكون كلو ماء ما يكون شي ثاني
انا بخير حبيبتي وامس كان موعدي مع الدكتورة
و الحمد لله قاست الضغط وكلو تمام 130/80 ... مرتاحة من هذي الناحية
وشفنا البيبي والحمد لله بخير وحجمها تمام والماء اوكي وحتي المشيمة اوكي
بس قالت لي شي خوفني ... ان البنت راسها ورجولها تحت وقالت بنشوف في الشهر اللي جاي .. وان هذي ممكن تكون مشكلة بعدين لو استمر الحال كدة .. خوفتني :mad:
اما زوجي اللي دخلتو معي علشان يشوف ... وكل شوي الدكتورة توريه وهو يقول صحيح و ايوة وخرجت سألته اذا فهمت شي قال في البداية بس بعدها ما فهم:|
مبروووووووووووووك خلاص صار الكل بالسابع :L:
الحمد لله اتطمنتي على البنوووتة
وان الضغط اووكي
ترى حتى أنا ما أفهم شيء في السونار
وزوجي مرة دش وياي ومنها ما دش
يقولي ما أفهم شيء خخخخخخ
بس في الفوردي راح ادخله وياي يشوف ولده