,.-~*'¨¯¨'*·~-.¸-(التجمع السابع لحوامل شهر يناير (1) 2011)-,.-~*'¨¯¨'*·~-.¸

~▌♥ الثلجة♥البيضاء♥▐~;13520842:

ستي الله يطولي بعمرها بتقول ازا الحامل حست بحموضة او حزازة
بكون بسبب شعرر البيبي اما ازا كان اصلع ما بتحس بهيك شي

والله اعلم :)

VIP Lady;13521629:

أنا موجودة بس ما أدش النت وااايد مثل قبل ,,
أشغل روحي بأي شيء عشان لا أفكر وأوسوس وأضايقكم وياااي ,, وأمللكم من كثر ما أوسوس ,,
حركة البيبي وااااااايد قلت صارلها يومين واليوم ثالث
ما أحس فيها مثل قبل كلش كلش
أو بالكاد تكون معدومة
اذا أقول لزوجي يقولي : ناايم :|
شهالهرار !!
نايم طوول اليوم ,,
مسااااااااعة قعدت اصييييييح لأني خايفة
أبي أروح المستشفى وبنفس الوقت خايفة
حتى غذا مو مشتهية أكل ولا اسوي شيء

عشان جذي تشوفيني عالسايلنت :-#

طفلة خانها التعبير;13523286:
مساء الخير اخواتي كيفكم
اعذروني اليوم ما دخلت الصبح كنت سهرانة من الخرعة عشان بنتي انفجر فيها شاحن القيم بوي وهو مشبك بالكهرباء الساعة 2 بالليل وهي كانت تبي تسحب الشاحن الا انفجر عليها والحمد لله الحمد لله الحمد لله ما صابها شي بس خافت مرررة وصارت تبكي يا قلبي عليها ومن وقتها وانا جاني خوف وقمت اهوجس واوسوس وربي لو شفتوا النار وهي طالعة من الشاحن كان انهبلتوا لكن ربي ستر على بنيتي الله لا يحرمني منها ومن اخوها ومن اللي ببطني
وسبحان الله على انها بجنب الشاحن مررة لكن ما صادها شي وتذكرت اني حصنت عيالي وقتها مع اني انسى احصنهم بالاذكار واتكاسل لكن عقب اللي صار توبة انسى اقرئ الاذكار عليهم
بنات لا تغفلون عن قراءة الاذكار على اولادكم تراها حصن بإذن الله من كل شر
يا رب لك الشكر على سلامة بنتي

أنوار المودة;13541485:

رحت محمع الرفاع امس الصبح وصحيح في تخفيضات هناك 20 و30و 50 بالمئة

وشريت ثياب للبيبي

وان شاء الله يصير عندي مجال اصورهم ذاك المرة اللي شراهم زوجي من السعوديه صورتهم لكن الواير كان مو عندي

وحاولت بالبلوتوث اطرش للكمبيوتر ما صار

بحاول انزلهم اقرب فرصة لان ابغي رايكم

مريوم
جضرتيني يوم قلتين ما عجبش شي اني خميت ثياب وايد

عبث طفلة;13542095:
من الي منخشه يا مرايم او في اي بي اعترفو

VIP Lady;13542284:

سلاااااام

شخباركم ؟؟

VIP Lady;13542667:

اووه مريوم أخيرا تحركت وقامت تجهز :p <<< اسمع من يتكلم بس !!

انا ما أفكر اروح مجمع الرفاع لأن ما أدله
وثانيا أتوقع ما أحصل شيء فيه

ابتسامة طفل;13546115:
صباح الخير يابنات




الحمدلله

تعرفين انا بدا لي عوق ثاني

الصبح يديني تعورني وبالزور اصكرهم ولما سالت الدكتوره تقولي عادي المفاصل تعورج بالحمل

عاد انا ملتزمه بالكالسيوم ودوم اشرب حليب فما ادري ليش اييني هالعوار


والبارحه رحت لاخصائية السكر قالت لي قراءاتج مقبوله واغلبها بعد الاكل حوالي ال 140 بس قالت احين انتي قربتي ولازم تشدين على عمرج اكثر

يعني موووووووووووووووول ما اكل حلاوه هالفتره تبي السكر يكون عندي بحدود 125 وزادت لي جرعة الانسولين والله يعين يالله هانت ما بقى غير 5 اسابيع وماشيه بالسادس وافتك واشوف حمودي الحشوووره :D باذن الله

دهن عود مركز;13546765:
صبااااااااااااااح الخير

بحل الواجب و برجع اسولف

*بيبي فيس*;13546814:

بونجووووووووووووور صبايا

أنا رحت حق الدكتورة فهيمة وسويت الفوردي

الصراحة توقعته أوضح من جذي مثل اللي جفتهم في اليوتيوب

بس الدكتورة الله خير ماقصرت طولت وايد معاي وقلبتني على كل شكل

التصوير مب اللي مب واضح بالعكس واضح بس مب بالدرجة اللي توقعتها

وتقول إن بنتي راسها ليحين مانزل عشان جذي تأثر على دقة ووضوح التصوير

يعني إذا الراس نازل العملية تصير أسهل والتصوير أدق وأوضح وبعد تقول كل ماكانت الأم ضعيفة التصوير يبين أوضح

وفي البداية كانت مغطية ويهها بيدها وطالعة صورة أصابعها واضحة وتميت أناقز والدكتورة تغير وضعيتي يالله شالت يدها وقدرت تصورها

الخلاصة طلعت لي بجم صورة حلوين ومثل ماتوقعت نونوتي تشبه أختها فديتها وفديت خدودها

وأول سؤال كنت أسأله الدكتورة وشاغل بالي إذا كان لها شعر أو لا والحمد لله طلع لها شعر يافرحتي

والحبل السري الله يغربل إبليسه بعد حجب الرؤية أكثر لأنه كان مرتز جدام ويهها وأنا أتحلطم

الدكتورة تقول الحبل شيخصه بنتج اللي رايحة منخشة وراه لوووووووووووووووووووووووووووووول

*بيبي فيس*;13546859:

أمس قمت من الصبح ورحت تريقت مع خواتي في لاشوكولاه قلنا فرصة ندلع روحنا شوي

وبعدين رحنا الستي من الساعة 10:30 ومادخلنا البيت إلا ا لساعة 6:30 وياريت بفايدة

يازعم رايحين بنجهز اليهال حق العيد وماحصلنا شي يترس العين لكن شريت جواتي جينز كرمكم الله أسود حق ولدي وأزرق حق بنتي

بس الحمد لله شريت جهاز التعقيم وفكيت روحي وباقي لي تناتيش تو الناس عليها

حق البيبي أبي لها فراش ولا إثنين خفاف وأدوات النظافة والمراضع مادري شنو أحسن شي

كنت باخذ د. براون مالقيت إلا بلاستك وشوي كبار أنا أبي صغار هالكبر شاسوي فيهم

ولي أنا أبي قمصان وبجامات حق النفاس ومالي بارض مجمعات ولوية أبي أروح مكان آخذ جم وحدة بسيطين وخلاص بس مب عارفة وين باحصل

وأبي شبشب وإنتو بكرامة حق المستشفى ومفرش بو نفر ونص ولازم يكونون بيج مصوفر على لون مفرش وطقم البيبي

ونفس الشي مادري وين أحصل سادي أو مشير بألوان تناسب الثيم وطقم البيبي بس أفكر في جزيرة المفارش

إذا خلصت هالأشياء تبقى الطامة العودة اللي هي الضيافة :hysterical:

دهن عود مركز;13546911:
زين انج خذيتي اشوي اغراض للبيبي و مثل ما قلتي ثياب للعيد ما فيه شي حلو كلهم عاديين زين انجج غيرتي جو اشوي اني بعد باقي لي اشوية اغراض انشاء الله بعد جم يوم بروح اخذهم ابي اخلص بسرعة و افتك

*بيبي فيس*;13546952:

أغراض البيبي تقريباً خلصتهم وبديت أحس إني ألايم

أمس كنت باخذ برنوص قطن خواتي ماخلوني يقولون 3 كفاية بسج

وثياب العيد كل مكان منزلين أكثر شي شتوي ليش مادري :!!:

يازعم حسب السوق في أروبا إنزين الجو في أروبا غير عن هني

ماتخيل عيالي لابسين صوف وجاكيتات في هالحر :worn_out:

ومونسون الله يغربل إبليسهم جاكيت خفيف صغير ياهل بـ 48 دينار عنبو مجهزة عروس!!

عروس جنان;13547014:

مرحبا امهات كييييييفكم

عروس جنان;13547032:

بغيت اسألكم..

وزنكم زاااد؟؟ وكروشاتكم باينة كثير ولا؟؟

انا وزني ما زاد غير 700 غرام وجالسة اوسوس لا يكون في البيبي شي

عروس جنان;13547032:

بغيت اسألكم..

وزنكم زاااد؟؟ وكروشاتكم باينة كثير ولا؟؟

انا وزني ما زاد غير 700 غرام وجالسة اوسوس لا يكون في البيبي شي