التجمع الثاني عشر والاخير لحوامل شهر نوفمبر...

بقَايا حُلمْ;13537250:
انا بعد تعبت واجد بس واصلت

ريحت مرتين مدري 3 مرات اقعد دقيقة آخذ نفس ورد اواصل

وخيو يمكن حسبتش مو عدل عشان جدي

خصوصا انش عاطينش تاريخين

ويالله لا تحنين على الولادة واجد

وقت ماربي كاتب لينا الولادة بنولد وهو اكيد بنولد

وان شاء الله مابتحتاجين للطلق الصناعي

اها يعني تريحين اني احسب ما تريحين


لا عدل موعد الدورة خصوصا انه دورني كانت مو منتظمة قبل الحمل وكنت اسجل يوم الدورة لكل شهر

بس امي تقول انه عادي هي بعد فيني لانه البكر عندها تقول تاخرت اسبوع عن الموعد واني دكتورتي بالخاص عاطتني 1-11

وبنشووف

ان شاء الله خير

عاشقة قلبي;13537391:
هلا ام زهاري
اني الحمد لله بخير
اخبارش انتين؟
واخبار زهاري؟
واخبار النونو؟
اني كنت كل يوم احن امبى اولد
الحين خلاص مابحن زهقت من كثر مااقول امبى اولد
هو موعدي يوم الاثنين ونشوف وش تقول لينا الدكتوره

اني موعدي بالسونار وياج 1-11 وكل مرة اسوي يطلع 1-11 وان شاء الله نولد جميع

مرحبا بنات ,, شخباركم

توقعت ادخل و اشوف ولادة هع

وردة حليوة قصتش و تخوف .. واني اقرأها جاني شعور ما ادري شلون

و بس ما اتذكر شي من الواجب سليمة تصكني هههه

اني احس روحي كله متمللة و ما ليي خلق شي >> مو جديد يعني

و يجيني الم في بطني ساعات ,, و اذا جاني يروح و يرجع جذي .. و خب الاسهال و المغص مو مفارق و وجع الظهر ذابحني


و هذاني م نخوفتي جهزت اغراضي ههههه اقول يمكن الله يكتب و اولد قبل موعدي >> قولوا امييييييييييين كلكم

جنوني احلى مافيني
ماعندي فكرة خيووو عشان جدي مارديت عليش


محامية
ياهلا فيش خيوو
وزين ماسويتين وجهزتين اغراضش كامل
خب الولادة مفاجأة ماتدري الوحدة متى ربي كاتبنها ليها

هلا بيش بقوووووي .. شخبارش

اي و الله يختش ما تدري الوحدة متى بتولد

بس ان ولدت قبل اكو اغراضي جاهزة .. و اني وصلت لموعدي ما بخسر شي هع

تنهدات محامية;13537736:
هلا بيش بقوووووي .. شخبارش

اي و الله يختش ما تدري الوحدة متى بتولد

بس ان ولدت قبل اكو اغراضي جاهزة .. و اني وصلت لموعدي ما بخسر شي هع

انا الحمدلله بخييير

اييي


...


حق ليش الكل ساكت وصخة

تكلموا لا

:|

جنوني ..

ما اطالع البرنامج اللي اتقوليين عنه

بس في محلات شكثررر يبيعون تكة

اذا كان زوجش يدلي جياان نسييت اسم المحل راح عن بالي بس يصير يم مرمريز اعتقد مشوياات طهران

واذا يدل سووق وااقف يا كثرهم محلات التكة

ههه نسيت اقوليكم اني عنوب بس شابكة من بيت ابووي :)

وحشتوووني كلكم

اهلييييين عنوووبة

وصلت امش بالسلامة لو بعدهي؟

رجعت من بعد الغذا

و اني غسلت المواعين هع

و كنست و مششت و جيت الحين

غذانا اليوم سويته صالونة دجاااج

اني بااااااااااااك :lol:

شخباركم ؟ :adore:

احم احم توي ماكلة صحن فواكه وش قده :cool: .. صار لي ثلاثة ايام مكثرة أكل فواكه وزيدت جرعة حبوب الحديد اللي آخذها >> لأن خفت من كلام وردوووه .. والحمدلله احس ان صحتي صارت احسن بواااجد وراحت الدورة اللي احس فيها .. وتكسيرة العافية اختفت .. وصرت نشيطة ما شاء الله .. وصرت مستعدة للدفع والتعصور عشان يطلع البيبي خخخخخخخخخ :D

جنوني احلى ما فيني .. التكة مو صوبي .. لكن اشوف يمدحون مشويات طهران .. وممكن تحصلين مشويات في تبريز لكن تشترونه وتاكلونه برا ما يناسب تقعدون فيه .. وعندش بعد مشويات النعيم بعد تشترونه وتاكلونه برا ..

:adore::adore:سلااااااااااااااااااااااااام:adore::adore:

قريت الواجب من ساعه ودخت ولا قدرت ارد :|

وردة البرية;13532303:
قصة ولادتي بنور عيوني علاوي

اول شي اني موعد ولادتي بالدورة يكون 5-11-2010

في تاريخ 18-10-2010 كنت متمللة ومالي مزاج اطلع خير شر
فقررت اني أنظف شقتي تنظيف عميق
فبديت تنظيف اذكر من العصر الى 9 الليل
غسلت حمامين وكنست ومششت يعني من كلووو
وماخلصت الاروحي طالعة..وحتى يومها مامشيت لاني كنت تعبانة .. وتعشيت بجباتي ابيض وجبن مبشور ولوبة :)
وظلت تنزل مني افرازات لونها اخضر
وتكون غليضة يعني مو سوائل >>> حدي استغربت لان اول مرة طول فترة الحمل اشوف هالشي وقلت يمكن من التعب
ونزل عليي من هذا الشي واجد وكنت احس روحي كلش موطبيعية هذا اليوم >>بس حاطة في بالي عاددي لاني منظفة وتعبانة
دخل زوجي يرقد على الساعة 12 وعجز مني عشان ادخل انام قلت له لاااا احس روحي مو طبيعية بقعد اطاالع تلفزيوون وكننت متضايقة ادخل حتى التجمع
المهم وصلت الساعة 4 واني احس الثقل كلش كلش موطبيعي ومااقدر اخطي خطوتين
ورحت نمت من 4 الى 6 ونص روحة زوجي الشغل وتعيت وكانت نومتي كلها احلاااام
ورد واصلت نومتي والسااعة 7 وشي اوتعيت جني بايلة على روحي وكاااااااان سااااااااااخن
خفت ونقزت من النومة ونشفت بكلينس وااجد الا لون الكلينس مايل قليل على الوردي
بس قلت لا خزاك الله يبليس وهاي مو ولادة نامي نامي مافي شي ورد صدق غطت عيوني وعلى الساعة 8 اوتعيت بالم نفس الدورة بالضبط
واني من النوع اللي تجيهم قبل الدورة بالم مو طبيعي
هني خفت وقمت رحت الحمام الا اشوف ويا البول الله يعزكم خيوط دم
وتالي افرازات بنيو وااااااااجد
الا قلت بي يمكن ولاااة >>> فقلت بتسبح لان سامعة ان التسبوح يحمي الطلق او يخففه اذا ريح استقبال اتسبحت واني اتعصر من الالم وبالضبط بالضبط نفس الام دورتي
خلصت قلت خلصت وسويت شعري سريع سريع >> لانه من النوع اللي يقرمل ويا المااي :)
وتالي سيده جبت الموس وحلقت تحت واني احلق سواااااائل تنزل وطبعا كملته بمعاناه
ولبست كوتكس
والساعة 10 ونص جنه رجلي حاس اتصل وقلت ليه قال صدق ؟
اطلع من الشغل قلت له لا لحد الحين الالم مستحمل وقال عجل بقول لامي .. وركبت ليي عمتي وسالتني ويوم قلت ليها وش صار قالت اي هذي ولااادة خلاص
وسوو ليي فحمة واتبخرت ابخوورة عووود مدة طويلة
ومن عقب البخور قام الالم يجي بشكل اقوى
عقب دخلت التجمع وخبرتكم >> لان حسيت خلاااص ولادة
على الساعة 12 ركبت حماتي المتزوجة ويايي واني كنت خلاص اصيح من الالم وهي تحضني وتقوول ماعليه اتصبري بتصيرين ام
وعلمتني شلون اتنفس ويا كل طلقة ومن الساعة 12 ونص ظلت الطلقة تجي كل 7 دقايق تقريبا ووقت اللي تروح جني جدابة اضحك واسولف ومن تجي اتعصرررر من الالم
والساعة 2 وشي وصل زوجي الا اني لابسة دفتي قلت ليه خلاااص بروح لامي تونه بننزل واتجي الطلقة واقعد على الكرسي واصيح وارد اوقف عشان ننزل مايمديني وترد تجي
وبالغصب وصلنه بيت ابوي طلعت روووحي في السيارة من الالم
دخلت سلمت وقعدت في الصالة ويا مرة اخووي وامي واخواني كانو يتغدون في المطبخ
ورجلي راح لامي وقال ليها عمة بتش بتولد وتقوم تركض امي وش فيش ؟ وش قاعدة تحسين وقلت ليهم وبس قعدو صوبي تجيني الطلقة اذبح روحي صيااح واتعصر واتروح اسكت اشوي
وسوت ليي امي حليب وزعفران
وزااااااااااااااااد الالم وقام مايمهل وقال ابويي بعد وش تنتظرون روحووو احسن
واني اقول ليهم اخاف لااا خلنه بعد نصبر
الا تقول مرة اخووي لا اكوو بين طلقة وطلقة اقل من دقااايق
ورحنه المستشفى اني وامي وزوجي وقعدت ورى في السييارة اتدحن اتدحن من الالم
وصلنه 3 وشي ووقالت ليهم امي ولادة وعطتهم الكرت
دخلوني حق يقيسون
وجت سستر هندية حطت عليي جهاز الطلق وكااان يعور بس منشدة الطلق نسيت عواره ..وطلع في وقوي بعد وجت بتقيسني واتحاول اتدخل وافزع الدنيا وشمختها
وعصبت وقالت مابسوي لش وخلوني اروح لحجرة الدكتورة واني امشي بمووت والله مايحسووون وقاستني الدكتوورة الا هناك بالغصب وشلت السلمانية على رااااسي من لصراح لان الفحص يعووووووووووووووووووووووووووووووووووووووور
وقالت 3 وسوت لي سونار واني اتالم امووت امووت
وتالي ظليت بعد اتالم وحزت الطلقة اجود ايد امي وارد احس بالحر واهد ايدها وارد من تروح الطلقة تجيني بردية وتتراقص ضروووسي
واقعد اصيح واقول لامي ماااااااااااااني قادرة بموت مايعطيني مجال ابي ارتاااااح يعور يعور >>>> كنت اكسر الخاطر +_+
وتالي جت هندية حليوة تمسح عليي وتقول وردة اتنفسي اتنفسي لا احسن واني قمت اتنفس فوووول جني شمامة مخدررات هههههه
المهم ردت جت الهندية اتطل عليي الا تشوووف كلش مافي مجااال بين طلقة وطلقة الا تقول خليني افحصش اكو شكلش موصصلة واني اقول ليها لا لا
وتالي المهم قاست ووصلت 4 ونص
وقاااالو ديلفري ديلفري ودوها فوووق
وودوني في السرير ولا طلعوني الا بره عمتي وحماتي ومرة حميي مسحو عليي وحبوني وقالو اتصبري اكو ماباقي شي واني اجاوبهم بالدموووع بس
ركبوني فوق وهني كانت الطلقة تجي اخس وتحسين انش بتدشين الحمام الله يعزش
والرووح تطلع وكل طلقة تقول ليي وردة اي اي لا تتنفسين عصري عصري جنش بتروحين الحمام وظليت في هالحجرة مدة واني كل طلقة اقول الحين بيطلع وافتك واخر شي قاسو قالو 7 وظلت تصارخ عليي وتقووول دقات قلب الجاهل ضعيفة ساعدينه واني اصيح واقول ليها مو مني مومني محد يقدر على الالم ساااعدووني ساااعدووني بموووت (والله كنت اكسر الخاطر) هههههه على قولتهم اللي بره ذبحو روحهم صياح عليي امي وعمتي ومرة حميي
وكلحين تدخل امي ولا عمتي يمسحون عليي ويردون يقولون ليهم السسترات خلااااااااااااص طلعوو قريب بتولد
واخر شي عمتي جابت رجلي يبي يشوفني ومن دخل جتني طلقة قوية واني مستحية هوو يشووفني جدي قعد اقول ليه اطلع بره عاااد اطلع
المهم عقب عصرت وعصرت وعصرت وكل عصر ترى يطلع بول غصبا عنكم و هم ماكنو يسوون شي غير الملاحظة وتغزز السيلانات فيني
وتالي الساعة 8 وعشر عصرت عصرة كبيرة بصرخة هزت السلمانية وقالو لي اي اي شااطرة وردة شاطرة واصلي ساعدي رووحش عصري عصري اكو بيطلع ورد خاب ظني خلصت الطلقة ورد اندعس الراس
وارد اكرر هالعملية واكرر لين ماصدق طلع راس ولدي الساعة 8 وعشر
ومن يطلع الراس ترتاحين والبطن وباقي الجسم يزلق بسهووووووووووووووولة واح تحسين واخيرا نجحتين وسويتينها وسيده حطته على بطني واني من التعب قلت ليها شيليه شيليه تعبانة
وتالي ظلت تهوس على بطني فوووووووووووووووووووووووووووووووول عشان اتطلع المشيمة وطلعت وكانت طلوعها بعد سهل جنه شي حااار بس
لان اصعب اصعب شي طلووووووووووووع الراس ياعلي تنفق الوحده فقاق
وقلت للهندية بشووف المشيمة وراوتني ايااها
وتالي بدو الخياط فيني الساعة 8 ونص وظليت اصارخ واصيح لان يعور واتحسين بكل شي وقالت الهندية اي مابسوي ليها لانها واجد تتحرك ونادو ليي مصرية يلعن قفده جنها تخيط دشداشة والله العظيم ذبحتني ذباااااااح من 8 ونص الا 9 وكلحين اقوول ليها بنجيني بموت واهي ابد وبس تالي خلوني ارتااح وودوني الاستراحة واستقبلوني امي وعمتي وتالي حضني رجلي حضة ردة روحي وخله راسه على صدري ودمعت عيونه واني بس ابتسم ابتسامه خفيفة من التعبة وتالي جابو علوووي والكل يحضنه ويحببه وزووجي يقول ليي جميل ولدنه الحمدلله جميل ورااوني اياه واااااااخ صدق ارتحت
وتالي ينتظرون اني ابول الله يعزكم عشان يركبوني الجناح واني كنت خايفة عدل من الخياط وكنت اوقف وراسي يدوور عدل لاني نزفت عدل في الخياااط :(
ودمي وصل 7
المهم مانزلت عليي البولة الا 1 ونص
وكنت خااايفة
المهم تالي ودوني الجناح وقلت ليها ولدي وحطته في حظني وودوني وكان فن وتالي جو خذو علاوي عشان اريح
بس اني ليلتها كنت في حلم وماقدرت انام خير شر واتصلت لعنوبة وقلت ليها كل هالقصة ونفخت راااااسها ههههههههه
وظليت سهارية والصبح جاني بوعلووي وجاب الاغراض ووصلت حماتي الظهر 12 وساعدتني ولبست وبرزو كل شي وبس
الحمدلله جبت علاوي والعصر كل اهلي واهل زوجي جو المستشفى بدو من 4 العصر الى 10 الليل كان شعوووووووووووووووووووووور عجيب الحمدلله

وردة ...

قصتك عجييييييييييييييييييييييبه..

والله اوجعني كل شي .. واهم شي الخياط .. انا شايله همه بشكل غير طبيعي ..

اهم شي الحمدلله على السلامه وعلوي يستاهل هالغالي

وما زلنا ننتظر


اللي بيدخلون العاشر


ايش قالوا لكم بيعطونكم يوم للولاادة او لاااااااااااا؟؟؟

الدانة


اللي يسهل عليك وعلى الجميع


اذا ما فيك طلق لا زم طلق صناااعي لاااامفر منه

بس عااادي تحملي


ان شاء الله تكوني خامس ولااادة لانك قربتي من الموعد ...


انا بعد خااايفة مثلك ......................

شحوااال ..

اليوم كان كلش خاطري في ربيان مقلي من الابراح ورحت أكلت منه :biggrin:
وتمشيت شوي مو واجد .. بعدين اكلت ايسكريم اوريو من ماكدونالدز ..

وتووي من شوي راجعة ,,,

وأحس روحي فيي طاقة .. لو أحصل أحد يطلع ايايي جان طلعت تمشيت شوي ..:D

حبك حياتي;13532762:

ام علاااااااااوي

من العصر للحين كل ما افضي شوي اقرا الوااجب برهووم يقعد ويخرب عليي:lol:
حمدالله على سلااامتش
ويتربى بعزش علااوي
وماشاءالله عليه جمييل الله يخليه وتشوفينه معرس:adore:

قعدت اقرا قصتش وتذكرت رووحي:D
الشعوور بذاك الوقت كريه متعب بس بعد حليوو
وعن الخياط الله يعينا بس
ذبحوونا:thumbs_down: تحسينهم يخيطون وهم مافيهم رحمة كلللللش

ماطااح شي من السيم؟

هلا خيووو

واي والله مافيهم رحمة كلش :(

والسيم للحين مااحس شي تغير

بس اني قمت كل دخلة حمام اكت عليه ماي مخلووط بسافلون

واطلع واشحنه كريم اسمه ريالوكين او مرهم عيون او فيوسيدين

وميبو استعملته بس مره وحده ولابعيدها :worn_out:

خااااااااااااااااااااااااايس ويخمر المنطقة

وريحته سمبل معفن :D

بروحي كرهته عدل هالكريم لان نحطه لعلاوي على محل لختان كتباه ليه الدكتور ويكسر خاطري ولدي ريحته مخمر صووب الحفاظة من هالكريم

يالله اكو مابقى شي وتطيح الربلة بعد

وانتين خيوو ماختنون برهووم ؟

وشحوالش ويا الرضاعة ؟

احسها واجد صعبة

وصدري اليمين للحين الحلمة مو راضية تعتدل وكل مايرضع اصيح :(

وهو بعد لان مايعرف يصيد الحلمة فيهوس ويعفرتني :'(

وبنات ترى مخدة الرضااعة كلش مهمة الحين عرفت قيمتها

وبعد بسالش عطيتينه صناعي لو للحين

اني صراحة شريت نان ون بس للحين ماسويت له يعور قلبي احسه بعده صغنون

خاطري اعطيه عقب الاربعين

بس بعد ماادري وش الظرووف

حاليا اعطيه من صدري وماي وماي ومرقدوش اطفال وماي الحلوة

أحبك والقمر يشهد;13532896:
وردة البرية .. القصة مؤثرة وتخوف في نفس الوقت ..;)

بس أحلى شي انش خلاااااص ولدتين وارتحتين من المحاتاة ... احححح عقبالنا ،،:adore:


يعني قولش تنظيف الشقة هو الا خلا اعراض الولادة تجيش ؟؟؟

قومو بنات نكرف شققنا عشان نووولد:lol::lol:

هههههه يمكن يختش التنظيف هلكني

لمعي شقتش الله يسهل عليش :adore:

أم زهاري;13537141:

سلام

شخباركم .

ام علوي
اكشن ولادتش حلو ومؤثر وااايد
وصدق مهما وصفوا ليك الالم ماتتخيلينه شكثر
ووقت طلوع الراس تحسين كان واحد ساحب روحش..
صدق في حديث للامام علي بما معناه ..
يسالونه شنو اصعب شي علىا لانسان..ي
يقول ..خروج الروح من الروح يااااااااعلي احضر ليي في ولادتي
اني بزهور يوم اروح المستشفى وكل مااشوف الالم كل دقيقة
كل حين اشال السستر بعد في الم زيادة تقول ليي اييي ..
ايأس وارد اشجع روحي واقول هانت كلها دقايق واشوف البيبي لان ماكنت ادري شلون..
بس هالمرة مادري شلون صايرة متخوفة من الولادة ..
يمكن لاني مجربة ..
من جدي على قولتهم حازبة ..

الله يسهل علينا وعليكم ياااااارب

اي خيوو الله يساعدش اني رحت على عمايي بس اللي بروح مجرب يحزب لان عارف في كل خطوة وش بصير اوش بسوون

الله يسهل عليش يارب :)

حبك حياتي;13537350:

بقووي

الله يسهل عليش ان شاءالله
وتولدين بالسلاامة وتشووفين النوونو ياارب
ماعليش من اللي يقولون الولادة متعبة ويعوور
ترى مو الكل يحس ويصيده نفس الالاام;)

والله العظيم يعور ويذبح بعد
والانسان تحمل وطاقات

واني كلش تحملي قليل

انتين شكلش واجد صبورة وعكسي حتى من قصتش ;)

اما اني مابالغت ولا في ذرة الم لانهااا موووت الولادة :)

أم زهاري;13537386:

اي عشوووقة

الا مو مجرب مايدري شنو بيصير ..
ولايخاف ...
الله يسهل ياااارب