التجمع الثاني عشر والاخير لحوامل شهر نوفمبر...

أم زهاري;13537274:

هلا حبك

شخبارك
اخبار بروهوم
الحمدلله على سلامته

اخبارك ويالحياة الجديدة ؟

هلا بنات
اخباركم؟
بنات نوفمبر للحين صامدات
الله يسهل علينا وعلى الجميع

اني بصراحه الولاده ماني خايفه منها
ولاحتى افكر فيها
وادا سمعت احد يتكلم عن الولاده
مااحس بخوف ولاشيء
يمكن لأني ماجربت من قبل
وان شاء الله تكون ولادتنا سهالات يارب

هلا ام زهاري
اني الحمد لله بخير
اخبارش انتين؟
واخبار زهاري؟
واخبار النونو؟
اني كنت كل يوم احن امبى اولد
الحين خلاص مابحن زهقت من كثر مااقول امبى اولد
هو موعدي يوم الاثنين ونشوف وش تقول لينا الدكتوره

أم زهاري;13537334:

هلا بيش

حمدلله بخير
وزهرتي بالف خير..
اي تدري وهكي مستانسة وكل يوم تسال متى بيجي اخويي ههههههه كانها تدري
وشفيني ...
يوم تقول تبي اخت يوم تقول اخو
قلت ليها احنا ماندري شنو في داخل ..
بس اذا رحت المستشفى وطلعوه بنشوف شنو داخل..

لو قلت ليها جنس البيبي يمكن تفضحنا هههه

ههههههه

واي الجهال ماينقال ليهم شي جان فضحتكم خخخ

حبك حياتي;13537350:

بقووي

الله يسهل عليش ان شاءالله
وتولدين بالسلاامة وتشووفين النوونو ياارب
ماعليش من اللي يقولون الولادة متعبة ويعوور
ترى مو الكل يحس ويصيده نفس الالاام;)

ان شاء الله يااارب تكون ولادتنا سهالة من رب العالمين
ولانحس بهداك الالم اله يتكلمون عنه

عاشقة قلبي;13537361:
هلا بنات
اخباركم؟
بنات نوفمبر للحين صامدات
الله يسهل علينا وعلى الجميع

هلا عشووقة
تصدقين كنتين في بالي
حتى قلت بسال عنش
لانش مو مبينة بس طلع بعدش صامدة
ربي يسهل علينا كلنا يارب

عاشقة قلبي;13537376:
اني بصراحه الولاده ماني خايفه منها
ولاحتى افكر فيها
وادا سمعت احد يتكلم عن الولاده
مااحس بخوف ولاشيء
يمكن لأني ماجربت من قبل
وان شاء الله تكون ولادتنا سهالات يارب

بالرغم من اني مجربة شوية من الالم ومن هالفحوصات العالمية اله سوها
بس بعد ماني خايفة داك الخوف
افكر اني امبي اشوف النونو وبس
ومتشوقة اشوف شكله لاني مو متخيلتنه

أم زهاري;13537338:

اييي حبك

كل شي حلو لازم فيه تعب شوي

يكبر وتنسين التعب..

شدعوه يابنات البحرين وينكم ؟؟؟؟؟؟؟؟؟؟؟؟؟
ليش محد رد علي !!!!!!!!!!
ابي فزعتكم ياهل البحرين تكفووووووووووووون

اليوم وانا اشوف التليفزيون برنامج هو وهي لـ اسيل وخالد

شفت خالد زوج اسيل وهو في البحرين رايح مطعم يبع تكا لحم جالس راعي المحل يشوي فيه مرررره شتهيته والله

تكفون دلوني على محل في البحرين قريب يبيع تكا لحم ودجاج ابي اكله قبل ما اولد خخخخخخخخخ

صج بنات البحرين بليز زوجي عند اجازه يوم الاثنين والثلاثاء بجي البحرين عشان اكل هالاكله دلوني لا تنسوني

بقايا
لا للحين صامده وبقوه
اني اخترت لي رقم 7 في التجمع
ولاادري اكون سابع ولاده والله لا
الله يسهل علينا ويبلغنا ونشوف نونواتنا في حضونا
اني اللي مخليني احن واهدر
ان اخويي يمبى يبني له في بيت ابوي شقه لأن مابقى شيء على زواجه
ومتعطلين عشان اني بولد واني ماعندي مكان اجلس فيه غير بيت ابويي
شقتي صغيره واجد
حتى قلت لين ولدت مابجلس واجد في بيت ابويي بالكثير اسبوعيين
الله المعين

وردة البرية;13532303:
قصة ولادتي بنور عيوني علاوي

اول شي اني موعد ولادتي بالدورة يكون 5-11-2010

في تاريخ 18-10-2010 كنت متمللة ومالي مزاج اطلع خير شر
فقررت اني أنظف شقتي تنظيف عميق
فبديت تنظيف اذكر من العصر الى 9 الليل
غسلت حمامين وكنست ومششت يعني من كلووو
وماخلصت الاروحي طالعة..وحتى يومها مامشيت لاني كنت تعبانة .. وتعشيت بجباتي ابيض وجبن مبشور ولوبة :)
وظلت تنزل مني افرازات لونها اخضر
وتكون غليضة يعني مو سوائل >>> حدي استغربت لان اول مرة طول فترة الحمل اشوف هالشي وقلت يمكن من التعب
ونزل عليي من هذا الشي واجد وكنت احس روحي كلش موطبيعية هذا اليوم >>بس حاطة في بالي عاددي لاني منظفة وتعبانة
دخل زوجي يرقد على الساعة 12 وعجز مني عشان ادخل انام قلت له لاااا احس روحي مو طبيعية بقعد اطاالع تلفزيوون وكننت متضايقة ادخل حتى التجمع
المهم وصلت الساعة 4 واني احس الثقل كلش كلش موطبيعي ومااقدر اخطي خطوتين
ورحت نمت من 4 الى 6 ونص روحة زوجي الشغل وتعيت وكانت نومتي كلها احلاااام
ورد واصلت نومتي والسااعة 7 وشي اوتعيت جني بايلة على روحي وكاااااااان سااااااااااخن
خفت ونقزت من النومة ونشفت بكلينس وااجد الا لون الكلينس مايل قليل على الوردي
بس قلت لا خزاك الله يبليس وهاي مو ولادة نامي نامي مافي شي ورد صدق غطت عيوني وعلى الساعة 8 اوتعيت بالم نفس الدورة بالضبط
واني من النوع اللي تجيهم قبل الدورة بالم مو طبيعي
هني خفت وقمت رحت الحمام الا اشوف ويا البول الله يعزكم خيوط دم
وتالي افرازات بنيو وااااااااجد
الا قلت بي يمكن ولاااة >>> فقلت بتسبح لان سامعة ان التسبوح يحمي الطلق او يخففه اذا ريح استقبال اتسبحت واني اتعصر من الالم وبالضبط بالضبط نفس الام دورتي
خلصت قلت خلصت وسويت شعري سريع سريع >> لانه من النوع اللي يقرمل ويا المااي :)
وتالي سيده جبت الموس وحلقت تحت واني احلق سواااااائل تنزل وطبعا كملته بمعاناه
ولبست كوتكس
والساعة 10 ونص جنه رجلي حاس اتصل وقلت ليه قال صدق ؟
اطلع من الشغل قلت له لا لحد الحين الالم مستحمل وقال عجل بقول لامي .. وركبت ليي عمتي وسالتني ويوم قلت ليها وش صار قالت اي هذي ولااادة خلاص
وسوو ليي فحمة واتبخرت ابخوورة عووود مدة طويلة
ومن عقب البخور قام الالم يجي بشكل اقوى
عقب دخلت التجمع وخبرتكم >> لان حسيت خلاااص ولادة
على الساعة 12 ركبت حماتي المتزوجة ويايي واني كنت خلاص اصيح من الالم وهي تحضني وتقوول ماعليه اتصبري بتصيرين ام
وعلمتني شلون اتنفس ويا كل طلقة ومن الساعة 12 ونص ظلت الطلقة تجي كل 7 دقايق تقريبا ووقت اللي تروح جني جدابة اضحك واسولف ومن تجي اتعصرررر من الالم
والساعة 2 وشي وصل زوجي الا اني لابسة دفتي قلت ليه خلاااص بروح لامي تونه بننزل واتجي الطلقة واقعد على الكرسي واصيح وارد اوقف عشان ننزل مايمديني وترد تجي
وبالغصب وصلنه بيت ابوي طلعت روووحي في السيارة من الالم
دخلت سلمت وقعدت في الصالة ويا مرة اخووي وامي واخواني كانو يتغدون في المطبخ
ورجلي راح لامي وقال ليها عمة بتش بتولد وتقوم تركض امي وش فيش ؟ وش قاعدة تحسين وقلت ليهم وبس قعدو صوبي تجيني الطلقة اذبح روحي صيااح واتعصر واتروح اسكت اشوي
وسوت ليي امي حليب وزعفران
وزااااااااااااااااد الالم وقام مايمهل وقال ابويي بعد وش تنتظرون روحووو احسن
واني اقول ليهم اخاف لااا خلنه بعد نصبر
الا تقول مرة اخووي لا اكوو بين طلقة وطلقة اقل من دقااايق
ورحنه المستشفى اني وامي وزوجي وقعدت ورى في السييارة اتدحن اتدحن من الالم
وصلنه 3 وشي ووقالت ليهم امي ولادة وعطتهم الكرت
دخلوني حق يقيسون
وجت سستر هندية حطت عليي جهاز الطلق وكااان يعور بس منشدة الطلق نسيت عواره ..وطلع في وقوي بعد وجت بتقيسني واتحاول اتدخل وافزع الدنيا وشمختها
وعصبت وقالت مابسوي لش وخلوني اروح لحجرة الدكتورة واني امشي بمووت والله مايحسووون وقاستني الدكتوورة الا هناك بالغصب وشلت السلمانية على رااااسي من لصراح لان الفحص يعووووووووووووووووووووووووووووووووووووووور
وقالت 3 وسوت لي سونار واني اتالم امووت امووت
وتالي ظليت بعد اتالم وحزت الطلقة اجود ايد امي وارد احس بالحر واهد ايدها وارد من تروح الطلقة تجيني بردية وتتراقص ضروووسي
واقعد اصيح واقول لامي ماااااااااااااني قادرة بموت مايعطيني مجال ابي ارتاااااح يعور يعور >>>> كنت اكسر الخاطر +_+
وتالي جت هندية حليوة تمسح عليي وتقول وردة اتنفسي اتنفسي لا احسن واني قمت اتنفس فوووول جني شمامة مخدررات هههههه
المهم ردت جت الهندية اتطل عليي الا تشوووف كلش مافي مجااال بين طلقة وطلقة الا تقول خليني افحصش اكو شكلش موصصلة واني اقول ليها لا لا
وتالي المهم قاست ووصلت 4 ونص
وقاااالو ديلفري ديلفري ودوها فوووق
وودوني في السرير ولا طلعوني الا بره عمتي وحماتي ومرة حميي مسحو عليي وحبوني وقالو اتصبري اكو ماباقي شي واني اجاوبهم بالدموووع بس
ركبوني فوق وهني كانت الطلقة تجي اخس وتحسين انش بتدشين الحمام الله يعزش
والرووح تطلع وكل طلقة تقول ليي وردة اي اي لا تتنفسين عصري عصري جنش بتروحين الحمام وظليت في هالحجرة مدة واني كل طلقة اقول الحين بيطلع وافتك واخر شي قاسو قالو 7 وظلت تصارخ عليي وتقووول دقات قلب الجاهل ضعيفة ساعدينه واني اصيح واقول ليها مو مني مومني محد يقدر على الالم ساااعدووني ساااعدووني بموووت (والله كنت اكسر الخاطر) هههههه على قولتهم اللي بره ذبحو روحهم صياح عليي امي وعمتي ومرة حميي
وكلحين تدخل امي ولا عمتي يمسحون عليي ويردون يقولون ليهم السسترات خلااااااااااااص طلعوو قريب بتولد
واخر شي عمتي جابت رجلي يبي يشوفني ومن دخل جتني طلقة قوية واني مستحية هوو يشووفني جدي قعد اقول ليه اطلع بره عاااد اطلع
المهم عقب عصرت وعصرت وعصرت وكل عصر ترى يطلع بول غصبا عنكم و هم ماكنو يسوون شي غير الملاحظة وتغزز السيلانات فيني
وتالي الساعة 8 وعشر عصرت عصرة كبيرة بصرخة هزت السلمانية وقالو لي اي اي شااطرة وردة شاطرة واصلي ساعدي رووحش عصري عصري اكو بيطلع ورد خاب ظني خلصت الطلقة ورد اندعس الراس
وارد اكرر هالعملية واكرر لين ماصدق طلع راس ولدي الساعة 8 وعشر
ومن يطلع الراس ترتاحين والبطن وباقي الجسم يزلق بسهووووووووووووووولة واح تحسين واخيرا نجحتين وسويتينها وسيده حطته على بطني واني من التعب قلت ليها شيليه شيليه تعبانة
وتالي ظلت تهوس على بطني فوووووووووووووووووووووووووووووووول عشان اتطلع المشيمة وطلعت وكانت طلوعها بعد سهل جنه شي حااار بس
لان اصعب اصعب شي طلووووووووووووع الراس ياعلي تنفق الوحده فقاق
وقلت للهندية بشووف المشيمة وراوتني ايااها
وتالي بدو الخياط فيني الساعة 8 ونص وظليت اصارخ واصيح لان يعور واتحسين بكل شي وقالت الهندية اي مابسوي ليها لانها واجد تتحرك ونادو ليي مصرية يلعن قفده جنها تخيط دشداشة والله العظيم ذبحتني ذباااااااح من 8 ونص الا 9 وكلحين اقوول ليها بنجيني بموت واهي ابد وبس تالي خلوني ارتااح وودوني الاستراحة واستقبلوني امي وعمتي وتالي حضني رجلي حضة ردة روحي وخله راسه على صدري ودمعت عيونه واني بس ابتسم ابتسامه خفيفة من التعبة وتالي جابو علوووي والكل يحضنه ويحببه وزووجي يقول ليي جميل ولدنه الحمدلله جميل ورااوني اياه واااااااخ صدق ارتحت
وتالي ينتظرون اني ابول الله يعزكم عشان يركبوني الجناح واني كنت خايفة عدل من الخياط وكنت اوقف وراسي يدوور عدل لاني نزفت عدل في الخياااط :(
ودمي وصل 7
المهم مانزلت عليي البولة الا 1 ونص
وكنت خااايفة
المهم تالي ودوني الجناح وقلت ليها ولدي وحطته في حظني وودوني وكان فن وتالي جو خذو علاوي عشان اريح
بس اني ليلتها كنت في حلم وماقدرت انام خير شر واتصلت لعنوبة وقلت ليها كل هالقصة ونفخت راااااسها ههههههههه
وظليت سهارية والصبح جاني بوعلووي وجاب الاغراض ووصلت حماتي الظهر 12 وساعدتني ولبست وبرزو كل شي وبس
الحمدلله جبت علاوي والعصر كل اهلي واهل زوجي جو المستشفى بدو من 4 العصر الى 10 الليل كان شعوووووووووووووووووووووور عجيب الحمدلله

هلا ام علاووووووووي
صراحه قصة ولادتش تخوف شوي
الحمد لله يوم الله بلغش وشفتي علاوي
واكيد مهما قالوا واتكلموا عن الولاده مستحيل نتخيلها الا ادا جربناها