التجمع الثاني عشر والاخير لحوامل شهر نوفمبر...

السلام عليكم

شخباركم ؟ اني جيييييييييييييت :lol:

هذا ويش تجمعنا .. محد راضي يتشيطر ويولد .. ثنتين بس ووقفوا .. اني جاية مستانسة اقوول يمكن وفووووي وكلاسيك ولدوا .. لكن يالله ان شاء الله كلاسيك تكون الحين ولدت .. ووفووي اليوم تولد :lol:

الوافية .. الله يسهل عليش وتولدين بالسلامة اليوم وترتاحين من هالآلام ..

اني الم الحوض عندي جهة اليسار مغربلني .. مو اعراض ولادة بس ما ادري اعراض ويش .. صايرة اعرج :worn_out: .. وكلمن يشوفوني يقولون ليي شكلش ما باقي شي وتولدين .. وكان اليوم عندي موعد في المركز .. نفس الشي الدكتورة تقول ليي شكلش بتولدين قبل موعدش .. وعطتني تحويل للفاتح :hysterical: بس شكلي ما بروح ما ليي زاغر ..

ما قدرت اواصل في الدوام اليوم وطلعت الساعة وحدة >> واجد عليي خخخخخ .. وبكرة ما ادري اداوم لو لا .. احس روحي تعبانة وما فيي شدة .. يبغي ليي فترة راحة طويلة عشان اكون مستعدة للولادة :cool:

وفوي الله يسهل عليش

أم نور وعلي ان شاء الله ولادة خيتووو

جحة ما علييش شر حبااابة

اني هالايام راجعة لي وانتو بكرامة اللوعة

كنه اول الحمل النسااة:(

اني اليوم من قمت و المزاج زفت لايعة جبدي من البيت ما ادري وش فيني
انشاء الله يعتدل لين رجعة هزبنتي ما احب يشوفني متضايقة:-#
الوافية
الله يسهل عليش و يعينش خيوة:)
الدانة
لا تحاتين ترة الطبيعي لازم يكمل البيبي 9 اشهر و اذا طول شوي هذي الحسابات غلط مو اهو ماخذ كم يوم زيادة;)
يعني مردة بيطلع و بتشوفينة و بتستانسين فية,, بس ادعي ان الله يسهل عليج انشاء الله
و دامج صبرتي 9 شهور صبري هالجم يوم شبيصير:hysterical: مع انه تعذييييب بس انها شكلي مثلش لان ما في بوادر لين الحين:confused:
جحووووة
شخبارش ؟؟
عفر شكلش متعييرة عالاخر ويا الدوام:p
بس خلاص طلعي اووووف من الحين شتحارسين يصيدش شي هناك؟؟
و الحين اذا تروحين بروحش يعني تسوقين اني داك اليوم خرعوني قامو يقولون لي عن وحدة بدا وياها اول مرة الطلق و اهي تسوق و بدل ما توقف السيارة داست بترول بزوووور و دعمت الي قدامها:D بس ما صار شي مهم الحمد لله
بسم الله علينا انشاء الله ما تصيدنا جذي مواقف اني بروحي خوافة حدي يتراوالي لو ادعم احد بولد مكاني:lol:

عنوب;13492466:
وفوي الله يسهل عليش

أم نور وعلي ان شاء الله ولادة خيتووو

جحة ما علييش شر حبااابة

اني هالايام راجعة لي وانتو بكرامة اللوعة

كنه اول الحمل النسااة:(

الله يعينش
يوم صادتني هالجم شغلة عن خاطري:D جتني لوعة و يوم راحت ذكرتش قلت مسكينة اللوعة كانت مجلبة فيها:sick:
اني هالحارق الي مو مسوي فيني سواية :badly:

زهاري مابينتي اليوم خيررررررر ان شاء الله ؟

اي م زهاري ماليها حس

ا ن شاء الله خيير

زهوررة لله يعيينش بعد على هالحاررق

شخبااااركم؟؟

وفووي وكلاسيك
ربي يسهل عليكم ونسمع ولادتك اليوووم بالسلاااامة

جحة
انا قصيت شعري في زمردة وحدددده عجبني قصاصهم واستشووارهم << اذا تمبين تغيرين عن آن

ابي انسى سالفة الولادة

عطوني ولادة

كل يوم الصبح اقعد انتظر اشارة ولا في شي

اليوم مانمت من رجعت ولا ريحت لان بعد شوي موعدي

فيني النوووووووم عدل

:confused:

.
.

زهورة
شيلي عنش هالافكار حبيبتي ولاتتعبين نفسيتش
وبدورة ان شاءالله بتجي بالسلامة وبتشوفينها تكبر قدام عيونش وما اظن ان في احلى من هالشعوور

سلام بنات
شخبارركم
اني بعد ساعات شوي احس باللوعة ... كريهة :sick:
وأمس واليوم صار أن طلعت الصبح ،،، وما أرجع الا حدي دااايخة من الشمس .. :|

هالمرة موعدي هالاسبوع يوم الاربعا ،، خذيته المغرب الساعة 7 .. ما خذيته الصبح كالعادة ... أحسن واااجد عن الشمس تدووخ عددل ,, وعشان زوجي ما تصيده طلعات واجد من الدوام بعد لأن الحين مواعيدي صارت كل اسبوووع .. :I:

توه واحد وياهم في الدوام جايبين ليه اول مولودة بنوتة ... يقول زوجته تعبت وااجد .. وداها من الخميس الصبح .. وما ولدت الا الجمعة الظهر ... وبطلق صناعي بعد :hysterical:

خوفني من الولادة :sick: بس ان شاء الله كلها تساهيل وتوفيق من الله .. وما لينا الا نتوكل على الله وان شاء الله يا ربي تتسهل الأمور ... :thumbs_up:

وأني أقول حتى لو لاااااا سمح الله تعبنا شوي في الولادة ... كلها تعب مؤقت بس أهم شي البيبي يطلع وبصحة وعافية ان شاء الله هذا أهممم شي :)

بسألكم ... عصير الأناناس مادري الأناناس عادي الوحدة تشربه وهي ما عندها ألم ؟؟

لو يشربونه عقب ما تبدي الآلام ...؟؟

صاير خاطري هالأيام أجرب مفعوله عليي ههههههه :lol:

بس أخاف أشربه من صوب ويصير الصدق ويجيني الألم مرة وحدة ... يما يخوّف ... :struggle:

أم زهاري;13493081:

احبك


اني ماجربت الانانس بس يقولون يسهل الولادة ..

يعني ما يصير ياكلونه الا عقب ما يبدي الطلق ؟؟ ^o)

اني باااااك :lol:

نمت وقعدت .. ومحد فيكم ولد .. يالله باجر بيصير اسبوع على آخر ولادة في تجمعنا .. نبغي همة ونشاااط وحركة واكشنااات ..

اليوم لازم بروح اتمشى .. لمتى بعد اظل مكاني .. ابغي اولد بسرعة وباخذ ليي اناناس وبقضي عليه الليلة لحد ما الله يسهل واولد :cool: وعقبها بفتح تجمع الامهات :D

بقايا .. الله يساعدش على تعب الدوام والحرمان من نومة الظهر .. نومة الظهر عندي انها نومة مقدسة لا تمس ولا تشدخ ولا تلمس خخخخخ .. ان شاء الله تطمنش الدكتورة اليوم وتقول لش الليلة بتولدين برزي روحش :lol:

زهووورة .. بسش من هالافكار الوسواسية .. تخيلي ان الحين بنتش قاعدة في ضيق .. بطنش صار صغنون عليها .. وهي مجفسة ومو قادرة تتحرك على راحتها .. متى ما طلعت من بطنش بتنطلق في الحركة وبيوسع عليها المكان :lol: وبتشوف النووور من بعد الظلام .. وبتشوفش وبتتعرف عليش .. :adore: بعد لمتى هالنتف بيظلون في البطن .. خلهم يطلعون ويونسونا :D

جنوني لله يسهل عليش

ونسمع خبر ولادتش بالسلامة قررريب:)

مهما جرى;13490661:
سلاااااام بنااااات
شخباركم

انا الوافية :)

تراني للحين ماولدت والالم ذابحني من امس الفجر وياي وللحين ما خف ابتدى من 3 ونص وللحين نفس الالم ماخف في رجايلي وظهري وبطني وشباني واحس ظهري بينقص :(
ورحت عند امي من الصبح الساعه 7 ونص وسوت لي كل شي مسكينه ما تم شي ما شربته حتى كف مريم بس لوع ابو جبدي ريحته خااااااايس شربته مني ورجعت كل شي في بطني مني واني ارجع نزل مني ماااي واجد قدام امي واختي وتفشلت حدي وقرت عليي الايات وشربت ماي ورد وزعفران وكل شي قالو عنه شربته ههههههه
ورحت السلمانية عشان بولد بس قالو لي منفتحه 2 سانتي وعندي طلق قوي بس مو قاعد يفتح اكثر من 2 سانتي والماي اللي نزل قالو لي انه اوساخ مو ماي البيبي مع انه واجد كان وفي ممرضة بحرينيه هناك جزاها الله خير قالت لي روحي البيت لا تتمين هني بيلعبون فيش وكل من بيجي يحوس .. قالت لي روحي امشي وهلكي روحش واذا حسيتين زاد الالم اكثر تعالي ورحت مشيت حتى رجولي ماقدر اخفها عدل وتعبت نفسيتي عدل .. بس قررت اني ماروح المستشفى الا لين يجي تاريخ موعد ولادتي واحس بألم اكثر من اللي احس فيها لاني خفت من اللي صار .. طلعت خووافه من الزين :(... وبس كل ليلة بروح امشي وبتم في بيت ابوي لين اولد ومساعه يوم اروح الحمام وانتو بكرامه نزل دم ويا البول بس اخاف اروح المستشفى ويقولون لي للحين 2 سانتي

وشكراً لكل اللي دعو ليي والله يسهل عليي وعليكم

هلا بوفوي..

ياقلبي عليك الله يهون عليك وتولدين بالسلامه يارب ..
وامشي ياقلبي فرصه الحين ترا المشي يساعد على الولاده ويسهلها باذن الله

الوافية... الله يسهل عليش وتقومين بالسلامة

واذا نزل عليش دم فمعناته الولادة قريبة

يلا اولدي واني بولد وراش