التجمع الثاني عشر والاخير لحوامل شهر نوفمبر...

الدانة2010;13490096:
صبااح الخير

مافي اي خبر ولادات

اني شكلي بولد بشهر 11

لانه اليوم دخلت العاشر والله ييسر لي صراحه مليت من الحمل


من زمان حامل الله يعين

حبك حياتي;13479468:

هذي قصة ولاادتي بحبيب قلبي برهووم :)

من الاربعاء المغرب جتني الاام خفيفة ريح استقباال تروح واجي كنت في بيت ابويي بعد امي لاحظت عليي وقلت ليها وقالت ليي لاتخاافيين طبيعي


جه زوجي على الساعة 9 اخذني وقال بنمشي في ممشى مدينة عيسى


ومشييته كاامل وراح الالم:thumbs_down:


الخميس جتني الاام خفيفة ورااحت بس بالليل صادني الم من الظهر للرجول كاامل عقب رااح


الجمعة نفس الشي الاام خفييفة وطنشت المووضووع ورحت البحري ومشيت تقريبا ثلث سااعة


ليلة السبت الساعة 3 ونص الفجر قعدت من الالم ماقدرت انام الا 5 وكل شوي ما اقعد


الى 8 ونص قعدت من النوم ورجلي يحن عليي قومي ريوووق :worn_out:


واني سااكتة وصاابرة بالالم ماتحجييت لاحد:-#


قعدت وسوييت الريووق وتريقناا عقب قعدت اغسل الثيااب كل مايجيني الم انبطح واناافخ واخذ نفس تروح الريح وارد اكمل اشغاالي


وكنت مسويية روحي شااطرة بدرس بعد :lol:

الظهر نزلت عشان نتغدى جت جارة بيت عمي وشاافتني تقول ليي شكلش تعباانة وجهش اصفررر


طنشتها وتغديت وكل شوي ماجااني الالم بس تغدييت سيدة ركبت انبطحت


الا زوجي يقول انا بروح وية خالش رحلة وبطلع من الساعة 3 قلت له الله ويااك بس خل الشغاالة اجي تكوي ليي:cool:


قبل لا يمشي وجافني تعباانة بس ماتوقع الم ولاادة قال يمكن اخلي امش اجي تقعد وياش عن بروحش


الساعة 4 اتصلت لامي هي في بيت جدي وفي ناس جايين يتغدوون حسيت مو وقته اني اقوليها تعباانة

وتصبرت الى الساعة 6 والشغاالة تكوي الثياب وكل ماجاني الالم اخذ نفس وهي اطالعني لان عندها بنت وتعرف وقمت كتبت مسجات بتلفووني عشان لين ولدت اطرشهم ههههه


عقب امي رجعت البيت واتصلت ليي وقلت ليها تعباانة وعصبت عليي لان ماقلت لعمتي وسااكتة


وقالت ياتقولين لعمتش او اجين البيت اتصلت لزوجي قلت له بروح بيت ابويي اول شي مارضى عقب قال روحي ونزلت تحت واني سااكتة وعمتي ولالااحظت عليي


رحت البيت وامي سوت ليي بخوورة تبخرت وشربت الزعفران والماي الورد ولاتغير الالم


عقب تعشييت ويااهم بعد ،، امي واختي كانو بيروحوون يحجزوون المخبز لزواج اختي وامي كانت مترددة تروح او لا قلت ليها رووحي ،، عقب جه زوجي واني اتالم وكل ماجافني يقول قومي المستشفى اتصلت لامي وكانو بالطريق قالت لاا تروحيين المستشفى وشوي ويرد يتصل زوجي لامي وتنزهق تقوليه لااا توديها لايلعبوون فيهاا وقالت ليه خل وحدة من خوااتي تروح لجارتنا هي تعرف لهالسواالف وجت ليي وقالت توه الناس عليش


وبجية امي جاافت اخت جارتنا هي اخبر بعد جت بس من شاافتني اول مادشت الحجرة قالت هذي ولااادة قعدت وجافت بطني وقالت لاهذي ولاادة وقريبة ولادتها من الحين للصبح او باجر واالدة


وقعدو ثنتيهم جارتنا واختها يقولون ليي لاتسويين جذي ولاتصاارخين يعطووني نصاائح وقمت اصييييح صيااح وهم يهدئوون فيني لان ماكنت حاطة في باالي ولاادة ولامجهزة شي


عقب رااحو واتصلنا لعمتي وقلنا ليها ان وياي الم ولادة وقاامت تصييح


جت ليي وقامت شوي تهدا فيني ،، عقب قمت امشي بالبيت واني اكل تمر وابوي قرا سوورة مريم على الزعفران والماي ورد


11 وشوي قلنا بنروح المستشفى اول شي رحنا بيت عمي زوجي راح يجيب اورااقي من الشقة وعمي عصب على عمتي وزوجي جايبين ليها مرااخة مكسوورة رجوولها هي :worn_out:


ودووها المستشفى الحيين لا تتعب :lol:


على الساعة 12 رحت المستشفى الامريكي ومن شافووني قالوو ليي وجهش مال ولادة سوو ليي تخطيط عقب فحصتني الدكتوورة وكاان يعووووور وكان اول مرة اجرب الفحص وقالت 2 سم مفتووحة ولازم السلماانية اروح عقب مااطلع

رحت السلماانية وسيدة سوو ليي تخطيط عقب رحت للدكتورة فحصتني قالت وصلت 3 سم ولازم يعطوني ابرة الرئة وابرة مال مضاد لان وياي التهاب وابرة يخفف الالم وابرة حساسية


خلووني ابدل ثياابي ولبسووني الثياب من عندهم ويوم بيضربووني ابرة الرئة جننتهم ههههه لان مااقدر اخاف واغار بنفس الوقت لين ماقوييت قلبي وضربووني واياها عقب ضربووني ابرة بالسيلان تخفف الالم ونمت ليي شوي وامي وعمتي وزوجي رجعو البيت كان الساعة 3 وشوي


الساعة 5 اوتعيت من الالم وكانو بيودووني للولاادة وكنت للحين مو في وعيي عدل انام ومن يجي الالم اقعد جه زوجي وامي الساعة 6 ونص واني على نفس الحال وية الالم ومتصبرة ماصرخت ولاشي


عقب جت الددكتورة وفحصتني وصلت 6 سم قلت الحممدالله هاانت مابااقي شي


على الساعة 10 تقريبا قمت ارجع مرة وحدة وقالو ليي من قبل اذا رجعتيين هذا ان راس البيبي ناازل


لكن لسووء الحظ ضليت الى 11 واني 6سم


كل شوي يفحصووني واني للحين وكل مازاد الالم اصرخ على خفيف واجود امي مرة وايد زوجي مرة ثانية وامي تقول ليي لاتصرخيين قوولي يااعلي وصلي على النبي ، وقولي نادى عليا مظهر العجائب مرة اقولها صح ومرة اخربط من الالم ،،واتوسل باهل البييت :)


عقب زوجي طلع وراح يوصي على التوزيعاات اختار كل شي على ذووقه ،، وجاب فراش برهووم من بيبي بوورن واتصل لمحل الملائكة الصغار عشان تسوييه واشوة يوم ثاني هو جااهز

وجه وقت الصلاة قالت امي بتروج تصلي وبترجع اقولها لاتتاخرين


عقب جو الدكاترة تجمعو عليي وخفت حدي لان اول ماوصلت السلمانية يقولوون ليي شكلش بتولدين بعملية لانش قصيرة لكن مااهتمييت بكلامهم ولاخفت لان موكلة امري لربي ،، عقب قررروا ان يحطون علي طلق صناعي على خفيف يساعدني شووي


طول هالوقت واني كل شوي اقول ليهم بروح الحمام قالو ليي مابصير مفتوحة 6 سم وخطر عليش جم مرة جابوو ليي قيصرية وباقي الوقت كله مكااني سوييتهااهههههه


حتى تسالني فيش سكري يعني كل شوي تبين تبوولين قلت ليهاا لا :o


واول ماحطو عليي الحمدالله وصلت 7 وامي جت من الصلاة واستاانست ان توسعت زيادة وان قربت سااعة الصفر:adore:


رااحت قعدت زوجي كان نايم مسكين من التعب وسيدة قعد وجو ليي واني موصلة 8 سم


ونزل عليي شوي دم والماي مرة وحدة اقول لامي شي ينززل مني الماي نزززززل وتصرخ عليهم وطلعوهم بره وردت فخصتني وصلت 10 سم واستاانست قلت واخيييييرا ولدي بيطلع الحين


قالت ليي عصري اول مايجيش الالم وكان بيطلع الراس اقوليها تعاالي تقول ليي صبري تبي احد يساعدهاا وبالغصب جو ويااها وشقو ليي وطلع برهوومي على الدنياا وكاانت السااعة 1 و4 دقااايق وخلووه على صدري عقبها ارتحت وقلت الحمدالله


وسيدة سالتهم عن وزنه قالو ليي 2.040 كيلو لان اذا اقل بكون عندهم بالحضاانة لكن الحمدالله حطوه مؤقت عندهم وعطوني اياه عقب


وعقب بدت معانااة الخيااط حسييت بكل غرزة وبكل شي وكنت ارتجف برداانة وهي معصبة عليي تقول وقفي عددل تحمللت لين ماخلصت وتعبت لاخر حددد:thumbs_down:


عقب سمعت امي تناديهم طمنووني على بتي وخبرووها اني ولدت وجبت صبي وقاامت تصيح هي وزووجي وحضنوا بعض :adore:كاان خااطري اجوف هاللحظة وقامت الاتصاالاات عشان يخبروون الاهل


وزوجي اتصل لعمي يخبره اني ولدت بس قاال الوو وصااح :lol:


وعطى امي تكلمه :D

دخلوو عليي وهو مستاانسيين بس ماكااان فيني طااقة اشاركهم الشعووور بس ابتسمت لييهم ههههههه


بس خلووني بنفس حجرة الي ولدت فيها لليل لان مافي اسرة فاضين ولا في غرفة خاصة بغد


كان المفروض زوجي اول مارحت السلمانية يطلب غرفة بس من كثر ماهو متوتر ومو عارف شيسوي نسى;)


نقلووني عقب للجناح وخلوو برهوومي صووبي واني حاضنتنه ويجرووني بالسرير:lol:


والكل يطاالع والي يمر يقول حمدالله على السلاامة:adore:

وهذي قصة ولاادتي بولدي برهووم على السريع يمكن نسيت بعض الاحداث


ادعوا ليه بالصحة والسلاامة والهدااية...

ونصييحة لأي وحدة بتوولد لاتصاارخ ولاتعفس المكان بصرااخهاا لان بتتعب عقب ومابيصير لها طااقة حق طلووع الرااس;)

حبك حياتي;13480955:

بناات

احد عنده فكرة متى يطيح السيم؟؟
الباارحة ابي ارضع برهووم ماعرفت اقعد عدل
ينغزز عددل :hysterical:

وشنو الاشياء الزينة لابوصفار مسكين صايدنه شوي وقالو ليي االمركز وديه السلماانية وحدي خاايفة :(

Classic848;13482693:

هلا كروشات

شخباركم
بقولكم شو صار معي اليوم طبعا من امس ينزل لي افرازات ورديه على بينه غير الالم اللي يروح ويجي.. المهم الصبح داومت وكاني حاسه اني ما راح ارجع باجر ..سلمت كل شي للموظفه الجديده وصايدني الم مو طبيعي كل الوقت ف كلمت زوجي قال لي لازم اوديش العياده عشان نطمن ان مافي شي يخوف .. ف رحت العياده والدكتوره شيكت بلسونار ومن تحت بعد دخلت ايدها :o كيف استحيت بس ما في مفر
المهم قالت لي راس البيبي مستقر على الحوض وكميه الماي زينه والمشيه وضعه ممتاز ووزنه 4 كيلو ما شاءالله ولما دخلت ايدها تحت قالت ياربي شلون عورتني :badly: قالت لي مفتوح 2 سم وقالت اقدر امسك راسه .. يا سبحان الله .. وقالت لي امشي اليوم على الاقل ساعتين وشربي حليب دافي او زيت الخروع :!!: ف سالتها اسمع ناس يقولون مو زين .. قالت لي عادي يسهل الولاده بس شكلي ما راح اسمع كلامها راح اشرب ماي كف مريم احسن لي بدل الخروع
ونصحتني اني امشي وان شاءالله لين الفجر بربي او بلكثير باجر باذن المولى :)
زوجي وايد متحمس يقول بمشيت اليوم على البحر ومن هناك لين المستشفى :worn_out:
بنات ادعو لي الله يسهل علي واولد طبيعي

حبك حياتي
قصتك صج مؤثره الله يخليلك برهوووووم
الوافيه
الله يسهل عليها وتولد بسلامه ان شاءالله
بقايا
سلامتك ما تشوفين شر

عنوب;13482183:
بناااااااااات :)

الوافية طرشت لي مسج انه مودييينها المستشفى تولد الحيين

ادعواا ليها :)

يا خلف جبدييي يا وفوووي الله يسهل عليييش

ألم الزمان;13482934:
بقول ليكم تقريري لليوم :p

طبعا كان عندي موعد بالمركز ،،، دخلت عادية للدكتورةوقامت تسألني عن حركة النونو والتعب

وتالي فحصت بطني وفحصتني تحت:o وقالت لي للحين 2سم وهذا شئ عادي لانج والده من قبل ولا يشكل خطورة :D

وقالت لي وضعة طبيعي الراس تحت بس ما ثبت بالحوض يبغي لي امشي يوميا عشان يثبت الراس بالحوض:|

المهم تالي عطيتها تقرير العيادة الخاصة وشافت لي مكتوب ان المشيمة نازلة عندي واني

بداخل نفسي كنت عارفة انها راح تحولني السلمانية وراح اتبهدل اليوم اخر بهدله بس انصدمت

من ردة فعلها ،،،:!!:

قالت لي مكتوب بفايلج ان بالاسبوع 23 المشيمة كانت نازلة وبالاسبوع 27 المشيمة ارتفعت

من مكانها وعدت مرحة الخطورة فالمشيمة اذا ارتفعت ما تنزل مرة ثانية مستحيل لان الرحم يكبر

ويرتفع فترتفع معاه واني صايرة مثل الهبلة ومبققة اعيوني :woo:وكأني بحلم بس قلت ليها مو معقوله اني مسوية اخر التراساوند من فترة بسيطة وقالت لي المشيمة نازلة وروحي السلمانية

عطيهم التقرير فمو معقولة يكون تشخيصها خطأ :badly:،، فخبرتها تسوي لي التراساوند فقالت

لي ماليه داعي بعتمد على التراساوند المركز وحقرتني:mad: واني من داخلي فرحانه من

كلامها وبنفس الوقت مشاككة اصدقها لو اصدق تقرير العيادة الخاصة:!!:

جحة حمرة;13484925:
بقايا ..

لمتى بتداومين ؟ :-# .. المفروض قبل موعد ولادتش باسبوع يعطونش اجازة مرضية .. وتقعدين ..

اني كنت قايلة بداوم لحد نهاية عشرة .. يعني 1\11 بقعد في البيت ..

بس الحين غيرت رايي .. قلت بداوم هالاسبوع واسبوع اللي بعده .. يعني ببدأ اجازتي المرضية من تاريخ 7\11 .. يعني قبل اسبوع من موعد الولادة بقعد في البيت .. >> طبعا هذا اذا ما ولدت قبل :cool:

الله يسهل علينا وما يجينا الطلق ولا ينبط جيس الماي في الشغل .. :lol: .. اتخيل لو يجيني طلق لو ينزل عليي ماي واني في الشغل في جزر الواق واق .. واتصل الى زوجي عشان يجي ياخذني وهو في ديرة السنغال خخخخخخخخ .. يبغي ليه مدة على ما يوصل ليي واني في ديرة وين ما غوى ابليس ولده خخخ ..

أحبك والقمر يشهد;13485011:
شخبارركم

الوافية وكلاسيك الله يسهل عليكم حبيباتي ،، وان شاء الله ما يخلص اليوم الا خبر ولادتكم وصلنا :adore:


أخيرا ً قصيت شعري :adore: ، حشيته حش ،، , وأحس روحي خفيفة وبطير ما فوقي ثقل فوق راسي :lol:

ومشيت اليوم ليي شوي أخيراً :D .. مو واجد يعني بس أحسن من لا شيء .. كل يوم بزيد المسافة لحد ما اولد ان شاء الله :biggrin:

ألم الزمان - الحمدلله يوم تطمنتين على البيبي وعقبال الولادة بالسلامة :)

بقايا - ضحكتيني يوم تقولين حامل من اللعام .... ذكرتيني في اخويي هو الحين في الجامعة سنة ثانية .... يقول ليي ذاك اليوم مو كأن من يوم أنا في الثنوي انتين حامل ؟ :!!: هههههههههههههههههههه حشى فيل مو آدمية :worn_out: