احلى لمة سورية على طول ...لشهر ذو القعدة 1431 هـ

الدمشقية;13462909:
اهلين كاتي سامحينا على التقصير بس والله انا كنت مشولة هاليومين وتسلم ايديكي على الاكل الحلو بيجنن وبالعافية على قلبكم اما الكابتشينو تحفة او النسكافيه مافي اطيب من القهوة يااختي بكل انواعها

اما عن زوجي فخليها لله كان يجبلي الشوكولاتات الي لحالي هلأ صار في مين يقاسمني فيهم خخخخخ ... الله يبسطو انا فرحانة لانو بروح وبجي وبقول الله يجعلها اكبر المصايب بقصد على الاقل بعرف زوجي شو فيه وبشو بفكر وشو اخد تفكيرو هههههه

وانا كاتي ولادي كبار نوعا ما يعني صح بين محمود وشام سنتين بس والله ابدا ماحسيت
بالغلبة والتعب بينهم لاني كنت مخلصة من محمود رضاعة وكمان تنظيف ووعي وفهم نوعا
واجت شام ... وهلأ اذا ربي كتبلي فشام ومحمود كبار
اما بنت عمتك فاسم الله متل اختي اختي الكبيرة هيك عندها خمسة البركة ربي يحمهم وتلاتة صغار على روس بعض والا بدها تجيب البنت هههههه ... فتبقى الشغلة بعتقد على
ميول وقدرة الزوجين على تحمل وتقبل هالمسؤلية ... سبحان الله

ومنيح ماشالله مو مهم الوزن بالحمل يعني اذا زاد منتحجج بالبيبي واذا نقص منشوف حالنا اننا سمبتيك وحتى نحنا حوامل:rolleyes:
بس المهم بعد الولادة يروح هالكرش هذااااااااا الاهم هههههه

شامية للعظم;13465797:
جمعة مباركة للجميع كيفكم اشتقتلكم شايفين على هالحامل يلي لازم ترتاح وتدلل حتى يوم الجمعة والسبت شغل الله وكيلكم حيصيرلنا شهر ما عطلنا يوم جمعة او سبت عاملين عنا دورة اجبارية للمدرسين جمعة وسبت من التسعة للتلاتة ونص

كاتس صحتين وعافية على هالأكلة شكلها شهية كتير وعلى سيرة الأكل والله انا الأكل عندي مو متعة متل بعض الناس أنا الأكل عندي واجب وهم أحيانا لذلك ياكل يلي لازم آكلو وبس وخصوصصي لما بكون عم اشتغل هلق بتصدقي من أول ما أجيت على سوريا وداومت بشغلي ما تعشيت أبدا من كتر ما بكون نعسانة وتعبانة بهكل هم الكل وانا من الناس يلي ما بحب آكل ونام مباشرة على أقل لازم آكل قبل بساعتين بعود بمضيها بكاسة حليب أو لبن وانا لازم اتعشى لأني بفطر كتير بكير عالساعة تسعة الصبح بأول فرصة عندي خلال دوامي وبتغدى عالتنتين لما برجع ومن هون للتمانة المسا بجوع بس ما بحس لأنو شعور التعب بيكون أقوى اني حس فيه بقى كيف بدو وزني يزيد ؟التلاتة كيلو لما زادو هدول قبل ما داوم بالمدرسة زادو خلال فترة العيد

دمشقية الله يخليلكم هدى يارب والله مافي أحلى من الصغار انا من الناس يلي بحب الأطفال كتير وبحب أعطيهم وقت واهتمام واسمعلن حتى لو كانو غربا الله لا يحرم حدا من هالنعمة يارب يالله استنيلك شوي وجيبي مشان يضل في صغير تلعبو فيه بالعيلة

فراشه حمرا;13479744:
نوروووني بموضوعي خااااص للامهاااات حياكم http://forums.3roos.com/showthread.php?t=573864

CATS_ANGEL;13485293:

مرحباااااااااااا انا اجييييييييت :D كيفك دمشقية دايما بكون عندي احساس انك اول وحدة رح ترد :thumbs_up: مجتهدة متلي :020:

اما القهوة فمشكلتها انو لازم يكون الها طقوس وما بتزبط غير لما اروح عند اهلي اهم شي الجمعة و الجلسة الهادية :055: ومستحيل اعمل قهوة وانا لحالي الا اذا كان مزاجي كتييييير عالي و هيدي بالسنة مرة بتصير :01:
و معك حق اهم شي تعرفي شو جوزك بفكر :ok: انا جوزي ما في وقت يفكر من كتر الشغل يا دوب يلعب مع تالا شوي و ينام الله يعين الجميع اهم شي راحة البال و الصحة :017:
ما شاء الله اختك كمان هيك بس بيني و بينك لو ما اجت تالا اول شي يمكن كان استعجلت و جبت التاني لجيب البنت و الله البنات حلوين و كل شي الهم حلو و دايما كان نفسي اول شي يجيني بنوتة حلوة و الحمد لله الله ما يخيبني الله يطعمهم لكل واحد بدو :063:
و ان شاء الله يا دمشقية يحقق كل يلي في بالك و اكيد صار وقت الزائر الجديد ليجدد الحياة و اذا على التشجيع فجوزي اخدلي موعد عند الدكتورة لنشوف الاوضاع و على كلام الدكتورة و الفحوصات يلي رح اعملها بنقرر و يلي كاتبو الله رح يصير على خير :077:

و صدقيني انا بحب كون ضعيفة و بالي مرتاح و لا اكون مليانة و ضل خايفة اذا زدت كيلو او 2 خلينا براحة البال احسن ما هيك :069:

CATS_ANGEL;13485440:

دمشقية الله يسامحك قلبي وجعني بس شفت الكاتو كأنك بتعرفي شو بحب بالزبط يعني ما رح اقدر اتخيل شي ازكى من هيك وكل ما اروح مشوار لازم ارجع على البيت و هو معي :adore:

الدمشقية;13492970:
مية اهلا وسهلا لولو نورتي
ويسلموا على الدونات والقهوة ... دونات كرسبي هي من افضل الدونات عندي مشكوورة ياقمر

وسلامة قلبك والله انتي ويوسف ... قبل التعويذة شوفي زوجك لا يكون عم يغار منا وهو اللي عاملك عمل هههههه
اما تعويذات مون فلازمها هي لانها شوفة عينك ماعادت طلت الا بالسنة حسنة ... الله يعينها ويعينك ويعينا جميييع

شو لولو نزلتي هالسنة لسوريا ولا لاء ؟

الدمشقية;13487361:
هلا ومية غلا كاتي الك وحشة ياحبيبتي F: ههههه
شايفة والله نحنا نشيطين على الاخر بس غيرنا كسلاااااان وكسلان كتييير :D
انا تسلايتي الوحيدة هي هاللاب توب يعني لازم بعد كل شغلة اشتغلها اعمللي بريك لاب توب :rolleyes:
والقهوة معاي عاملة عمايل صايرة مدمنة وبتعرفي هالشي وبشربها بطقوس ومن غير طقوس
وكويس انك مابتعطلي عليها والله نيالك
ويؤبشني الحكيم انا:017: عجبتني الصورة ذكرتني بحماتي خخخخخ
على سيرة حماتي كيف سلفتك معك هالايام هههههه

والله يعين زوجك وزوجي وكل صاحب مسؤولية ... بس انا زوجي عندو كتير هوايات وبحب يطالعها وخصوصي انه بيتوتي وماله بالرفقة والصحاب كتير

ويخليلي ياكي حبيبة قلبي والله وربي يحقق امالك وكل احلامك وربي يكتبلك الخير بالحمل وبكل امورك ان شالله
والحمد لله على العافية دخيلك نحاف ولا سمان المهم اننا بخير وعوافي يارب لك الحمد




شايفة كيف القلب على القلب ... دخيلك مين مابحب الشوكولا والكاتو وخصوووصي لما بيجتمعو الاتنين هههه
بكرا ان شالله بدي اعمل كاتو ادعيلي بس مااتراجع لأن كسلانة كتير بالحلويات صايرة الله يخللي سورية تؤبش قلبي بتعمللي هريسة دائما :L:

CATS_ANGEL;13495592:

يا هلا فيكي شايفة كيف الكل عم يتفرج علينا و نحنا عم نداوم كل يوم يمكن لازم نغيب كم يوم لنتركلهم مجال و لا شو قولتك ;)

وانا متلك اي وقت فراغ على اللاب توب على طول حتى دائما بكون فاتح بخاف اضيع دقيقة لانو صعب الاقيها و اكتر وقت هو بعد ما تنام تالا و ابو الشباب بروح يخلص كم شغلة ساعة زمن هيدي اروق ساعة بتكون عندي :069:

قلتيلي شبه حماتك :085: وانا بحكي ليش بحب هالسمايل كتير :014: انا و سلفتي ما عاد شفنا بعض من يوم العيد اجو عنا ليعايدونا و جوزي ما فضي حتى ايام العيد وما رحنا عايدنا عليهم ومن وقتها لا رحنا و لا هم اجو و لا تقابلنا و مرة اخت جوزي اتصلت تقلي انهم مجتمعين عندها اذا بحب اجي لتهدي النفوس وانا طبعا ما رحت :034: لهيك ما في لا هزة بدن و لا مشاكل الحمدلله :013:

الله يخليكن انتي و جوزك لبعض يا رب و جوزي متل جوزك وحتى ما عم يلاقي وقت الي و لتالا لحتى يلاقي وقت للهوايات اوقات بعصب من هالوضع يلي نحنا فيه و اوقات بحكي الله يعينو و هو على العموم اعصابي على طول متوترة وما عم بعرف متى رح تهدى طول ما الوضع هيك الله يهدي بال الجميع يا رب :01:

اما بخصوص القهوة لازم تبدي تخففي اذا في مشروع حمل مع انك وعدتي من زمااااااااان انك تخففيها بس هلأ في سبب قوي ما هيك :011:
و موعدي مع الدكتورة حسب فضاوة زوجي و حطيت شرط انو ما رح روح لحالي بما انو هو صاحب الفكرة يلي بدو شغلة بدو يفضالها و انا مو مستعجلة على اقل من مهلو :094:

بتعرفي قالب الجاتو نفس حجم الصورة اذا بقي جنبي ممكن اكلو على السهرة و ما طعمي حدا لهيك ما بجيبو دايما بس زوجي بحطني تحت الامر الواقع و بجيب كم بكيت تقريبا نفس النوعية بس في باكيتات و انا ما بعرف انام اذا ما اكلت كل يوم باكيت و بترجى انو ما يستغل نقطة ضعفي هو فكرو اني انصح بس ما عم تزبط معو :079:

مسكت مقلاية جوزي هالمرة :017:

الدمشقية;13497913:
اهلين حبيبة قلبي .. لاااء شو نغيب كاتي لا تسمعي اي انا بنبسط لما بلاقيلك رد ايوا الله يرضى عليكي ولا يحرمني منك :017: هههههههههه
قلتيلي بتحبي هالسمايل وحماتي ايه كل شي معقول بهالدنيا تحبك العافية تؤبشيني وانا بلشت حب سلفتك خخخخخخخ
شو يعني صاير شي بينكم حتى داخلة بينكم بنت حماكي وعم تقلك تهدي النفوس ؟ خير ان شالله بس انتي شطورة ريحتي راسك قال ابعد عن الشر وغنيلوا

ويخليك زوجك ان شالله وطولي بالك عن جد الرجال لا هما مشولين بريحوا ولا هما فاضين بريحوا لانهم بيشتلوا فينا ... بس عن جد انتي شكلك بدك شي كم يوم اوف انتي وزوجك
اقنعي يعني هلأ الجو حلو روحو العقبة او اي مكان المهم تغيري جو وترتاح اعصابك وهو كمان بريح من الشغل وضغطه ... وعلى قولتك الله يهدي بال الجمييع يارب F:

اما عن القهوة والله انا وعدتك بس ماعم اقدر خليها لله بس يعني صرت اخف من الاول وان شالله ربي بيغنيني عنها مع انها والله طيبة :rolleyes: ولما يصير حمل ان شالله وقتها بخفف قدر المستطاع ... وعجبتني هي اللي بدو شغلة يفضالها ههههههه والله حق معك خليكي على رايك قليلو رجلي على رجلك ولا بس شاطرين هالرجال يتوحموا وبس :D
الله لا يحرمك منه قولي امين وتركبي مقلايتو على طووول خخخخ بالخير طبعا

اما عن الكيك وانا متلك باكللو كللو وزيادة وماعم يبين فينا الحمد لله قصدي بالصحة ههههه
ان شالله هنا وعوافي يارب المهم اننا مناخد الخلاصة والفايدة ههههه وعلى قولة زوجي انا بنصح عنك ماتشيلي هم ... مسكين وهو اكله جدااا قليل