شامية للعظم;13416075:
مساكم خير وورد وفل وياسمين كيفكم ؟
كاتي أنتو كمان خمس أخوات البركة ما شالله بس نحنا بعدين ماما جابت أختي الصغيرة يلي هي هلق صف تامن وكانت غلطة خخخخخخخ
بس تدللت دلال مو طبيعي صرنا ستة 3 شباب وتلات بنات
ومشان بنوتك الله يقويك يارب وبكرا بس كبرت شوي بيخف همها بس هالفترة ديري بالك وخللي عينك عليها دايما وانتي متل ما قالت مونو لازم كنت تعوديها عالكرسي مو على كيفها هيك ما بتتهني بمشوار بنوب
مونو الحمد لله على سلامتك معناها كنتي بشهر عسل انت وزوجك باجازتو مو هيك ؟؟؟؟؟؟
ومشان السعلة شفت دكتورة وعطتني دوا هلق احسن شوي بس ماراحت بالمرة بس الالتهاب راح الحمد لله وهلق عم اكتب واشرب زهورات متل ما نصحتيني بس مشكلتي مع الزهورات مشكلة اني اذا شربت كتير بدي اضطر فوت عالحمام وأنا بتعرفي بالشغل وبتعرفي وضع الحمامات عنا بالمدارس حتى لو كانت حمامات مدرسين يعني برا البيت صعب كتير
لؤلؤة الحمد لله على سلامتك وان شالله بتشوفي الخير على وش يوسف وربي يجعلك ياه من الصالحين وأنا بإذن الله بعد 3 شهور جاييني ( سالم ) لا تستغربو هادا اسم عمي ابو زوجي وزوجي هو الكبير
سوريا تسلمي لقلبي على هالدعوة الحلوة وعن الاشتياق اي صح بكيفي بس مابقى عيدها ان شالله حتى لو خسرت الوظيفة والشغل من أصلو غير اني اشتقت لزوجي وانو سبحان الله كأني تاركة قطعة مني باليمن بصراحة تعودتت جنب زوجي وكل شي يجي لخدمتي سبحان الله سابقا قبل ما اتزوج كنت نص شب كل شي اعملو بايدي وما اتعطل لا على اخ ولا شي اي ورقة رسمية بالدوائر الحكومية ساويها بايدي اركب سرافيس قليل ما آخد تكاسي وآخر الدنيا حسها قريبة واطلع اعطي دروس خصوصي وبعد ما تفسدت أخلاقي واتستت ببيت زوجي ماعاد فيني ارجع لحياتي القديمة بنوب بالعكس حاسستها صعبة كتير
يالله الحمد لله هو درس إلي مشان بطل النق تبعي
شامية للعظم;13416126:
صحيح يا بنات نسيت خبركم آخر الأخبار أنو سلفتي ولدت بالسلامة ماشاءالله
وجابت صبي بس مو هون المفاجأة المفاجأة انو سلفي ياحرام عم يستنى الولد بالدقيقة وطاير عقلو وأحد الأسباب يلي مفرحتو أنو قال لحالو بركة هالولد بيطري قلب أمو وبيخليها تلين شوي
المفاجأة كانت أنو لما خبرها وهو ياحرام فرحان وطاير عقلو كسرت بخاطرو وهزتلو بدنو وقالتلو ليش عم تخبرني أنا مالي أمك أنا عدوتك وحكي بيهزالبدن ياحرام الزلمة بيت حماه كلن بالمشفى عم يهنوه ويهنو مرتو وهو ما حدا من أهلو فرحلو
بقى هي كانت درس لالي مشان ما هز بدني بعد ما اولد وفكر اني خبرهم بس للأسف مضطرة سمي الولد على اسم عمي كلكم بتعرفو هي العادات وأصلا زوجي مصر اصرار شديد ومالي حابة فوت معو بجدال مشان هالموضوع لأني بظن انو محسوم
بنت الشام المعذبه;13419534:
كيفكم كيفكم اشتقاتلكم مالح قول ليش غبت مشان ماكون نأأت الشات بس لا تخافوي يعني بدي فش قلبي ...........
بيرل سلامت قلبك طمنينا عنك شو هالعين لصايبتك.....
لولو نور الشات والحمدلله على سلامتك وسلامت إختك ..
مونو الحلوه الله يطمنك على موادك ......
دمشقية ابن بطوطه والله فرحتلك وهى مشاء الله تبارك الله من عيني بس طمنيني في مايو بالسفره ولا شو .....
شامية الله يقومك بالسلامة ومن هلأ لا تنسي ما تدعيلي وإنتي بتولادي
سوريةوكاتس الله يخليلكم هالقطقيط وإن شالله بتفرحوا فيهم ......
لولية إن شالله أفراحكم عامرة ............
عروستنا ياسمنتنا وينك ياحلوه........
بنت الشام المعذبه;13419549:
بشركم آخر أخبري صرت متعلمة 4 طبخات رز بازليا ورز فول وبامية وصينية دجاج بالحامض مع إنها بتاخذ لنهار كامل مني .......كيفني معكم بيطلع مني ولا شو
سورية وبفتخر;13419902:
الله لايحرمنا من هالجمعات الحلوة يارب
كاتس الله يسعدك يارب ويخليلك تالا وايه والله البنات حناين ودائما بيجوا بصف امهم هههههههه اما عن الشيشبرك فجوزي مابيحها عشان هيك مابساويها واغلب اكلات اللبن مابيحبها:(
وعشان الدكتورة انا ياستي اجتني الدورة الله يكرمك برمضان بعد ماطبقت الستين يوم وبشهر شوال مااجتني خفت كون حامل مع انه اخدين احتياطنا هههههههه وجبت تحليل والحمدلله طلع سلبي :worn_out: فقلت اكيد اني برضع على نظافة يعني طول ما انا برضع مابتجيني الدورة وكنت بدي اسأل الدكتورة اذا فيني بهالوضع ركب لولب عشان ارتاح وماضل خايفة
شامية الله يسعد قلبك يارب ويمضي هالايام علة خير ويجمعك بزوجك والله نحنا بلاهم مامنسوى شي الله يخليلنا ياهم يارب وحلو والله اسم سالم وان شاء الله ربي بيجبلك ياه سالم وبخلقة تامة اما حماتك هي ياويلي شو قلبها قاسي وجبارة الله لايقسي قلوبنا
بنوتة تسلميلي يارب والله اشتقنالك وماشاء الله عليكي عم تتعلمي بسرعة الله يسعدك يارب ويطعمك الخلف الصالح
CATS_ANGEL;13428294:مونو حبيبة قلبي ايه هيك رجعت ايام القعدات و القهوة و الاكل اللزيز على قولة تالا و يلا اعملي اتصالاتك لترجعلك الراية انا ما الي على هيك امور حتى ما بعرف كيف صرت مشرفة ههههههههههه
اما وزني انا كل مالو عم ينزل و اذا ما نزل ببقى متل ما هو يعني حاليا بحدود 48 مع اني عم اكل وما عم قصر بحالي بس كتير عم حس حالي عصبية و عم احرق حالي من جوا لاتفه الاسباب يعني لو تالا وسخت حالها بتلاقيني عصبت و نرفزت بصورة مش طبيعية انا عارفه انو الصغار لازم يلعبو و يوسخو و يعملو شغلات مو على مزاجنا بس ما بعرف اعصابي فالتة لحالها و لحتى ما عصب بوجه حدا بعصب بيني و بين حالي و بحاول ما ابين لاني بعرف انو عصبيتي مو بمحلها بس شو الحل ما بعرف لهيك هاتي هالميزان ههههههههههههههه
الدمشقية;13430204:
اهلين بمونو العسل ويسلموا على هالضيافة الحلوة والله القعدة وكل شي بيجنن وخصوصي فنجان القهوة تتتتتتحفة
تسلمي النا ياعكيدة الشات انتي ههههههه .... وماتهون كاتس طبعا انتو الكل بالكل
مون خانم الله يعينك ويعين زوجك يااارب بس بردوا لا تقطعينا كتييير يعني والله منشتقلك كتير والله يخلي رورو ويحميها ربي
شام كل مابجلس وبشتغل على اللاب توب بضل بتقللي امانة امانة (( تعلمة هالكلمة من سوريا ههههه )) امانة خليني العب بلاب توبك ههههه
بقى حالنا وحالك واحد ..
شو سيرة الحب عندك هالاسبوع خبرينا .... انا ان شالله اليوم بدي اعمل ملوخية ورق وجنبها رز بشعيرية
لولية;13432170:صباح الخير يا أمورات يا حلوات والله مشتاقتلكن كتير بس بتعرفوا وضعي ما بدي ضل إلعي واحكي
المهم عم اطمن عنكن كلكن بس بدي إلك دمشقية ايه حبيبتي شوفي شغلك وبنصحك هلأ تجيبيلك شي بيبي والله بيكبروا كلهن مع بعض ووقت بيكبروا بتكوني إنتي بعدك صبية صغيرة متلي اخخخخخخخخخخ بقى يلا شدي الهمة
شامية يا عمري والله دوري بحبشي بتلاقي ثلاث أرباع سبب خراب البيوت من ورا الحماي اسأليني أنا ايه اللي شايفته ما حدا شافه بقى طنشيها صدقيني بيصيروا بيعملولك أهمية أكتر سبحان الله في ناس ما بيلبقلهن الدلال ما بيجوا غير بالرص
كاتي حبيبتي شو رأيك هلأ اسمك محبوسة ومحبوسة مع بنتك تشاركي دمشقية وتعملوها مع بعض بيكون هيك عم تشجعوا بعضكن
سورية شو هاد مو اتفقنا آخر مرة تشتري قفل بسبع طقات منشان ما يصير شي ديري بالك على حالك حبيتبي والله يا عليي اهلكتي
بنوته كيفك يا عسل وينك غاطة شو أخبارك وأخبار عريسنا ان شاء الله عم يدللك
هلأ نيجي للعقيد مونو ألف مرة طاخ طاخ طاخ طاخ كيفك يا عسل والله وحشتينا كتير بس ليكي هلأ لبقى تحطيلنا فطور لإنه ناوية نحف حالي شي 6 كيلو على الخطبة بقى شجعوني الله يخليكن ايه لا تغروني أبدا وهلأ عم جرب شغلة بالتنحيف إذا نفعت بقلكن عليها
ياسمينة التشات وينك لا تقطعينا شو مو ناوية تعمليلك جية مع صهرنا على بيروت الجو هلأ بيعقد
هلأ يا أمورات مضطرة روح لإنه ايجوني ضيوف من سورية خالتي وابنها ومرتو بقى بتعرفوا حإنشغل معهن
سلامي للجميع
الله يخليلك الامامير ويدوم بيتك عامر ويبيض وجهك قدام ضيوفك
وتسلمي على السلام المربع والله انا كمان اشتقتلكم من قلبي
ومشان الفطور ولا يهمك بس لا تنسي انه اهم وجبة صحية وفطار ملك
واتغدى وزير واتعشا عشا الفقير
ولا تنسي تقوليلنا على الخلطة
الدمشقية;13429612:
يسعد صباحكم ومساكم كيفكم ياحلوات
كاتي حيووووتي اتي الله يخليلك تالا واول الرقص حنجلة متل مابقولوا ههههه والبنت ضرة امها بقى وين ساعات الصفى خخخخخخ
الله يخليهم ومايخليهم من بيت .... وصعبة والله انها مو متعودة على العرباية انا محمود هيك كان بس قولي انا لا بطلع كنت ولا بفوت فما كنت معودته ولا هو اتعود عليها... يالله عن جد بمشاوير تسوق تانية خليها عند اهلك من غير شر هيك اروئلك
اما عني فلاء لا تخافي مالي مخبية شي من ورا تركية الكل حطنا بزمته خخخخخخ وانا حاطة لولب شفتي الذكاء هههههه
بس انا لازم روح الدكتورة منشان اشيل اللولب ووقتها بخبركم اذا صار شي او مخبية شي لاني ناويتها اذا ربي كتب شو بتنصحوني ؟؟
واما عن وزنك كاتي والله كتير قليل بس العصبية مابتخللي صحة وحتى لو عم تاكلي اكل عشرة مابتنصحي
بس اهم شي تعوضي بالفيتامينات منشان جسمك ... والله يحمل معنا نحنا هالنسوان من وين بدنا نلاقيها ولا من وين
لولية;13432170:صباح الخير يا أمورات يا حلوات والله مشتاقتلكن كتير بس بتعرفوا وضعي ما بدي ضل إلعي واحكي
المهم عم اطمن عنكن كلكن بس بدي إلك دمشقية ايه حبيبتي شوفي شغلك وبنصحك هلأ تجيبيلك شي بيبي والله بيكبروا كلهن مع بعض ووقت بيكبروا بتكوني إنتي بعدك صبية صغيرة متلي اخخخخخخخخخخ بقى يلا شدي الهمة
شامية يا عمري والله دوري بحبشي بتلاقي ثلاث أرباع سبب خراب البيوت من ورا الحماي اسأليني أنا ايه اللي شايفته ما حدا شافه بقى طنشيها صدقيني بيصيروا بيعملولك أهمية أكتر سبحان الله في ناس ما بيلبقلهن الدلال ما بيجوا غير بالرص
كاتي حبيبتي شو رأيك هلأ اسمك محبوسة ومحبوسة مع بنتك تشاركي دمشقية وتعملوها مع بعض بيكون هيك عم تشجعوا بعضكن
سورية شو هاد مو اتفقنا آخر مرة تشتري قفل بسبع طقات منشان ما يصير شي ديري بالك على حالك حبيتبي والله يا عليي اهلكتي
بنوته كيفك يا عسل وينك غاطة شو أخبارك وأخبار عريسنا ان شاء الله عم يدللك
هلأ نيجي للعقيد مونو ألف مرة طاخ طاخ طاخ طاخ كيفك يا عسل والله وحشتينا كتير بس ليكي هلأ لبقى تحطيلنا فطور لإنه ناوية نحف حالي شي 6 كيلو على الخطبة بقى شجعوني الله يخليكن ايه لا تغروني أبدا وهلأ عم جرب شغلة بالتنحيف إذا نفعت بقلكن عليها
ياسمينة التشات وينك لا تقطعينا شو مو ناوية تعمليلك جية مع صهرنا على بيروت الجو هلأ بيعقد
هلأ يا أمورات مضطرة روح لإنه ايجوني ضيوف من سورية خالتي وابنها ومرتو بقى بتعرفوا حإنشغل معهن
سلامي للجميع
CATS_ANGEL;13437780:يا هلا بدمشقية قلتيلي الكل حطك بزمتو هههههههههه بس يمكن صار وقتها لانو ما عاد في حد بالبيت من غير شر لازم تجيبي بيبي تتسلي في لحتى يرجعو اطافيلك من المدرسة و بما انك ما بتطلعي و بما انو ابو الشباب جددلك شهر العسل فاظن ما الك حجة :cool:
جوزي بحكيلي بدك كمان عشرة كيلو من وين اجيبهم هيدول :worn_out: قلتلو انا اوصل للخمسين و يعطيني الف عافية و انا عم باخد فيتامينات و كبسولات زيت سمك يعني الحمدلله من هالناحية الامور تمام و انتي هلأ بدك تبدي تاخدي فيتامينات و فوليك اسيد اذا قررتي تحملي اقرأي بالنت عن فوائد الفوليك اسيد قبل فترة من الحمل و احكي لدكتورتك تكتبلك اياه او خدي رأيها بالموضوع
اما على قصة اللاب توب فتالا كتبت لاب توبي باسمها من الصبح بتفتح عيونها و بتسألني وين تابي ( لاب توبي بلغة تالا هههههههه) هالجيل صاحي من اولها الله يعنا عليهم بس يكبرو و يخلينا اياهم
الدمشقية;13441893:
هلا فيكي حبيبة قلبي F:
والله هو الكل عم يقللي صار وقتها الا زوجي عكس زوجك هههه ... انا عم قللو بدي اروح للدكتورة عشان اشيل البتاع:cool: قللي بدك ولاااااد يابعدي خخخخخخ
قلتلو مرة جبتلي سمك عالبيت وقلنا عااادي ومن يومين جايبلي الله وكيلكم ببغاء وخدي على ازعاج ,,,, المهم قلتلو خلاااص راح اجبلك بيبي تتسلى فيه احسن ماتجبلي شي اعظم :thumbs_down: ..... شو رايك ؟؟؟ ههههه
ويالله كاتي دام زوجك اللي بدو والله فكري بالموضوع بجدية وتوكلي على الله يعني بين ماتحملي وتولدي ان شالله بتكون تالا كبرت ووعيت اكتر
وبيني وبينك لما بتحملي بتجي العشرة كيلو اللي بدو ياهم زوجك وزيادة كهكهكهكه (( غيرتلك الضحكة )):o
وتعالي نلعب على مونو ونقنعها ونشكل حزب ..... شو رايكم؟؟
ونقلع سورية من المكان كللو حاكم هي مابتصدق على الله وماعندهم تسلية كفاية فبيتسلوا ببععضهم هههههههههههههههههه (( الله يسترني منها حاكم بكرا رايحة لعندها :lol:))
منرجع لموضوعنا برافو عليكي الفيتامينات كويسة وبتقوي الجسم ومنشاني انا فلا تخافي علي اصلا انا الفوليك ابدا مابقطعو يعني عندي من فوق الاربع علب بالتلاجة ودائما باخد منه حتى من غير حمل لاني انا اعتقد عندي نقص ولما اخده برتاح
والله يخللي تالا اي والله جيل صاحي اسم الله ... الله يحميهم
لولية;13442448:صباح الخير يا عسلات
أول شي بوجه كلامي إلى كاتس أو بالأصح صياحي ليكي بهي الشغلة مافي مزح أبدا شو خاطري ما خاطري ايه الحمدلله على الكبر وقلة الحبل يا ويلي الله لا يقدر ايه بناتي اللي عندي بيجي على بالي كبهن برة أحيانا كل وحدة هي وخطيبها لسه بدي جيب كمان بعيد الشر حوالينا ولا علينا يا الله كش برة وبعيد كش برة وبعيد
اليوم يا حلوات لسه مشغولة كتير مع ضيوفي وطبعا لسه عندي كومة شغل بالتحضير لخطبة بنتي غير المعالجة مع منسق الأفراح على هادا بدي اياه وهدا ما بدي ايه والله هلكت المهم أمانة أمانة على قولة بنت دمشقية مين بيقدر يجي على الخطبة ما يقصر بليز والله حإنبسط فيكن