رابطة امهات واطفال مصر بعمر السنتين ..لشهر ذو القعده

خلاص ان شاء الله هبقى اقول لك التقرير بكرة
بس برضو هنا الاسعار غاليه جداااااااا وزي ما قلتي الشتوي اصلا بيبقى غالي
هنزل بكرة كده اشوف وربنا يسهل

وربنا معاكي انا برضو عاوزة ابدا اجهز للبيبي بعد العيد ان شاء الله ده لو بنت يعني هههههههههههههههه
ولسه معاذ كمان ماعندوش اي لبس شتوي كله صغر عليه حتى الهاي كولات التحتانيه مش داخله اصلا من راسه
معاذ عاوز كسوه للشتا من مجاميعه لما جوزي هيرمينا بعد شوية ههههههههههههههههههههه
الله المستعان وربنا يعينا

يلا تصبحي على خير يا شهيده
بوسي لي عمر ومريم كتير

واضح انك قومتى
يلا تصبحى على خير
سلااااااااااام

اه انا برضو حاسه ان جوزى هيرمينا كلنا
الميزانيه خرمت خالص لانى بشترى لاتنين وكسوة الشتا ليهم هما الاتنين لان زى ما قلتى عمر كله صغر عليه ومريم طبعا غير انها بنوته عمر لما كان قدها كان في الصيف
يعنى كله جديد من اوله
ده غير ان الاسعار بجد بقت حاجه جنان زى الطماطم اللى وصلت ل12 جنيه
ربنا يلطف بينا

سلام يا ايمى وبوسيلي ميزو

لا انا لسه هنا يا شهيده

هي الطماطم لسه غاليه عندكو ؟؟؟؟؟؟؟؟؟؟؟؟؟
دي عندنا نزلت باقت ب 5 وب 4 بس طبعا ده ف السوق انما عند ماما كده مثلا المناطق النضيفه شوية ب 7 وب 8
بس نزلت عن الاول


ربنا يعينك
انا لو جبت ولد ان شاء الله هيبقى في نفس الشهر اللي اتولد فيه معاذ فمش هحتاج لبس غير ف المناسبات بس ههههههههههههههههههه
لو بنت بقى طبعا هنجيب لها جديد بس اكيد الاطقم الداخليه دي بتنفع

سلااااااااااااااااااااااااااااااااااااااام

جبت اخري خلاص
ههههههههههههههههه

شهيدة انا فعلا حسيت بحب باباك من كلام الناس على الفيس بوك
وكمان حسيته من الحاجات الى حكتيها وماشاء الله عليها خاتمة حسنة
عقابلنا كلنا
وعلى فكرة لم بتتكلمي معانا بجد مش بتزعلينا ولا بنكتأب ولكن انا عن نفسي
كنت اتمنى اني اعرفه
وعقبال خاتمة اهالنيا كلهم واحنا معاهم
وربنا يجمعكم معاه في الفردوس الاعلى



مونة كويس كده النسبة حلو انها علت شوية احسن مما فيش
زي ماقلتلك شهيدة انت اهتمي كمان بزيادة وربنا معاك

صباح الخير ايه مفيش حد كالعادة

انا هنا
ازيك يا هند

السلام عليكم
ازيكو يا بنات فينكو انهرده
يوم الخميس المنتدى بيبقى نايم اوىىىىىىىى

انا جبت لميزو هدوم العيييييييييييييييد اخييييييرا وبعد معاناه وعذاب ولف ف المحلات
كنت انا ومها
بجد تعبنا اوىىىىى والازواق مش عارفه مالها مش حلوة خالص ليه خصوصا طبعا اطقم الولاد كل اللي طالع البناطيل القطيفه ومعظمها اسود للاسف انا مش بحب القطيفه الاسود ابدااااااااا بيلم وبره واصلا كنت تمسكي الطقم تلاقي البنطلون عليه وبره من التيشرت او الجاكيت

وف الاخر برضو جبت قطيفه بس مش اسود
وطبعا غير الاسعار ناااااااااااااااااااااااار بجد مافيش طقم اقل من 250 جنيه ده العادي اوي وانتي طالعه بقى لحد 300 و350 وياريتها حاجات حلوة انا ماكنش في حاجه بتعجبني اصلا تستاهل الواحد يضحي ويدفع فيها 300 جنيه
بس الحمدلله جبت ف الاخر طقم عجبني وعجب مها وعجب معاذ طبعا هههههههههههههههههههههههههه

وبسسسسس كده مش هنزل ولا الف تااااااااااااااااني تعبت بجد والدنيا زحمة مووووووووووووووووووووووووت

هو محدش هييجي ولا ايييييييه

اييييييييييييييييه ده هو انا خطي صغر لييييييييييييييييييييييييييييييييه

انا جيب نورت البيت

جمعة مباركة يا حلوين
مبروووك هدوم العيد يا ميزو تلبسها في عرق العافية
انت عارفة يا مونة الخميس والجمعة بيبقى لجوزو بقى غالبا محدش بيدخل
جوزو بتاعك انت فين بقى ؟؟؟



هدى يا خرابي اي ولاد انت فين يا بنت
حمدلله على السلامة وازي بلبلة
والله لسة فكراك امبارح وفاكرة مي مامة عبدالله
محدش بيعرف عنكم حاجة ولا بيسمع اخباركم
يارب تكون عودة بدون انقطاع تاني

هى الخطوط كلها صغرت ليه
مش لوحدك يامونة شكل في حاجة في الموقع

الوووووووووو
زيكم
مبروووووووووك علي ميزو هدوم العييييييييييييد
بنات ندي راحت الحضانه الحمد لله اخيرا واعدت معاها اول يوم
يوم الاحد بقا هوديها واعد شويه وامشي والباص هيجيبها ان شاء الله
ادعولي تبقا بفايده ولسانها يفك وتتعلم يارب

http://forums.3roos.com/showthread.php?t=576906
شرفونى

اسماء ايوة خميس وجمعه اجازة
انا بقى عند ماما ما انتي عارفه وجوزو اصلا مش بيبقى فاضي يوم الجمعه هههههههههههههههههههههه


الله يبارك فيكو يا بنات
هوبا مبروك دخول ندى الحضانه ان شاء الله ربنا يهدي ندى وتحب الحضانه والاطفال وتتعلم كل حاجه كويسه ان شاء الله
وعقبال ما تدخليها الجامعه يارب