رابطة امهات واطفال مصر بعمر السنتين ..لشهر ذو القعده

هههههههههههههههههههههههههههههه
معاذ بقى كده مع اخويا الكبير طول ماهو ف البيت مش بيفارقه لحظه لدرجة ان اخويا اوقات يزهق منه ويقول له هو انا امك يا ابني هههههههههههههههههه
بس بيحبه جدا برضو واوقات كتيره بيخرج معاه هو واصحابه


معاذ مشكلته ف الحياه انه زهقان عاوز يفضل عند تيته على طول لدرجة لما نيجي مروحين اول ما ندخل الشارع بتاعنا يفضل يعيط ف الشارع ويقول تيته ومش راضي يطلع البيت
وطول النهار بقى ماعندوش غير كلمتين البس توتو واروى ( يعني يلبس ويروح لتوتو واروى ) اصل دول اصدقائه المقربين هههههههههههه
وشوية البس تيته هههههههههههههههههههههه

طول ما احنا قاعدين ف البيت بقى كده ولو نزلنا شوية ورجعنا من اول ما نرجع البيت يبدا فالاسطوانه من اول وجديد

ومين سمعك انا طول حملى في مريم مش بس عصبيه
كنت كمان اعصابي بايظه وبعيط على طول

والله انا حتى الان قلقانه انها تطلع عصبيه بس ارجع اقول فالله خير حافظا وهو ارحم الراحمين

عندي امل يتغير بعد ما اولد ومشكلة الزهق دي تتحل لانه بيحب الاطفال جداااااااااااا
بس عارفه طبعا ده مش هيحصل غير بعد معاناه
بس ع الاقل هيبقى اي تغيير حصل في حياتنا لانه على طول زهقان وبيزهقني معاه خصوصا لان باباه على طول مش موجوده وفيه ايام بتعدي مش بيشوفه فيها اصلا

ربنا يحفظها يارب
مشكلة العصبيه دي والله معاذ برضو عصبي جدااااااااا مع اني في حمله مش كنت بتعصب ولا حاجه مش كنت بلاقي حد اتعضب عليه اصلا هههههههههههههههه
دلوقتي معاذ بقى لو بيلعب ومضايق من لعبه يقوم مصوت ومزعق للعبه ويعضها
واوقات لو زعقت له مثلا يصوت برضو ويعض ف المخده

ربنا يهديهم ويحفظهم يارب

ههههههههه
ما شاء الله عليه ربنا يبارك فيهم جميعا

انا عندى عمر برضو اما نيجى نروح عند ماما عارف الشارع واما اجى نازله واسبق على ما جوزى يركن العربيه ده لازم ينزل معايا لو باباه قالي خليه ياااااااااه
صوته بيجيب اخر الشارع
حتى اما بنرجع بتنا احنا بنطلع في الاسانسير الفردى وجده وجدته في الاسانسير الزوجى
مبيرضاش يطلع في الفردى وعايز يطلع في الزوجى لجده
وخناقه وعياط رهيب قبل ما نطلع عند الاسانسير

مش عارفه العيال دول هما اللي بيربونا ولا احنا اللى بنربيهم

انتى بعد ما تولدى للاسف الاسيف هتلاقيه بقا عصبي
وانتى هتزهقي منه من كتر ما هوا بيتصرف مع البيبي على انه حد كبير
انا فاكرة في مرة واحده صحبتى بتحكيلي ان ابنها كان بيروح يحط الاكل في بق البيبي بياكله
واوقات عايز يشيله او يشده زى ما عمر بيعمل مع مريم كده

ههههههههههههههههههههه
لا طبعا هم اللي بيربونا والله

واخباره ايه ف الكلام ؟

نفس اللي معاذ بيعمله مع اروى بنت مها
كنت عندها امبارح وكل شوية عاوز يشيلها وهي تعيط واوقات مش الحقه وتقوم واقعه
لدرجة اني لقيته مره بيشدها من شعرها هههههههههههههههههههه
ربنا يستر بجد ع اللي جاي ويهديه

الفتره دى اما قعدنا عند ماما حصيلته اللغوية الحمد لله احسن
بس مشكلتى معاه انه بيقول كلمات بالشبه
يعنى تفاح يقول واح
تاكل بيقول كل
اسد يقول اسم

حاجات كده
بس لسه مكونش جمل
المهم انى عايزة اكشف عليه سمعيات علشان اتاكد ان معندوش مشكل في السمع

ااااه طب خلى بالك
ده مؤشر عاللى هيعمله مع البيبي لان عمر نفس حركاته دى كان بيعملها مع بنت خالته
ودلوقتى بيعملها في مريم وبنت خالته بس على اشد
ههههههههه

معاذ برضو مافيش ولا كلمه بيقولها صح ومشكلتي معاه اني لازم اترجم هههههههههههههههههه
يعني هو يقول بلغته وعشان يعرف اني فهمت لازم ارد عليه بس اقول الكلام مظبوط بقى

هو مش بيقول جمل بس ممكن يقول كلمتين تلاتة على بعض بس طبعا كلام مكسر كله

يعنى تفتكرى ده العادى
اصل ماما بتقلي ده عادى لانه لسه بياخد الكلام بالشبه منك

اها ما هم تقريبا كل الاطفال بتعمل نفس الحركات دي مع اي بيبي
ربنا يستر فعلا لازم الواحد يراقبهم 24 ساعه

اه يا شهيده متهيالي عادي جدا
الطفل الاول بيتاخر ف الكلام لانه مش بيشوف اطفال وبيكون لواحده وبياخد الكلام من مامته فبيبقى صعب عليه غير لما ياخد الكلام من طفل زيه الموضوع بيبقى اسهل

انتي مين اللي صاحي عندك فيهم
ولا الاتنين صاحيين ؟

عاوزة اقوم انام انتي مش بتنامي دلوقتي

جبتى لبس العيد لمعاذ؟

انا قصدى ان الكلمات بتعتهم غريبه ده العادى بتاعهم؟
انا اصلي كنت عايزة اعمله مقياس سمع علشان كلماته كلها تحسيها لو غاريتمات

الاتنين نامو مريم بقالها فترة وعمر من 10 دقايق وانا بس مش عايزة اكسفك واقلك اقوم

ههههههههههههههههههههههه
تكسفيني ايه انا كمان عاوزة اقوم جوزي نام خلاص وميزو نايم من فتره


لا بس العادي الكلام يبقى كده مش فهوم ف الاول بس انتي واللي حواليه لازم ترددو الكلام الصح قدامه وهو واحده واحده هيقول زيكو النطق الصح
انا اوقات اخواتي يردو على كلام معاذ زيه ب سانا بقول لهم محدش يتكلم زيه وهو اصلا معاذ مش بيرضى لو رددت نفس الكلمه وراه بيحس اني مش فاهماه وبسكته وخلاص هههههههههههههههههههه
لازم اقول الكلمه بالنطق بتاعنا المظبوط



لا لسه احتمال انزل بكرة اجيب له طقم
مش جاي لي مزاج العيد ده الف واجيب حاجه ههههههههههههههه

يلا نشجع بعض ونقوم ههههههههههههههههههههههه

حاسه ضهري وجعني عاوزه افرده شوية

اه فعلا نفس اللى بيحصل مع اخواتى واقلهم برضو كلموه صح

اما تنزلى ابقي عرفينى اخبار الاسعار عندكم ايه
الاسعار عندنا بقت نااااااار
وطبعا الشتوى اصلا بيبقا غالى
كمان المرة دى نازلة بجيبي لاتنين مش زى الاول لطفل واحد

طيب يا بنتى قومى نامى
انا غالبا هعمل لفه كده وبعدين انام