لمة الليبيات لشهر ذو القعده1431

لا يا ساحره
البنك هذا سر وصدقينا أول المشاركين فيه بعد مايتم بتكوني أنتي هههههههههههههههههههههه مش حبيبتنا وضميناك للقروب وبنطلعو مع بعض ونعرفوك علي جولي خلاص معناها غير خلينا نتمو الموضوع أني وبيكاتشو واكيد اول الي بيعلمو أنتي
وأسمعي أني وبيكاتشو وجولي متفقين أنه أول طلعه لي واني عروس عند جولي ووتي روحك ومعانا حتى هيوله بأذن الله

أحكي ياساااحره بجديات نحب نسمع وخلينا نفتحو موضوع الي هو عن طريقك ونعطو أرائنا فيه ونساعدوك نستنا فيك

صباح الخير

عارفين بنات ... أم ماما !!! هي الي مربيتني ... بحكم شغل اهلي المتواصل
ماعلينا مش هدا موضوعنا .. موضوعنا (( ميـــــــــــــــما ))
الوحيدة الي وقفت بجنبي الوحيدة الي شجعتني وووو الــــــــــــــــــخ
بس يوم جاها واللهم ماعفينا ... سرطان في الدم !!! واطريت نوقف سنة من قرايتي .. بس بش
نقعد معاها .. كنت منوضش من جنبها في مستشفي وهيا كانت في الاول متفائلة انها حتداوي
وبعدين فقدت الأمل ... وبدت ترجع الوراي .. توفت من سنتين !!! وتوا كل مايجي دكري وفاتها
منحبش نطلع نقعد نقرا في قران ... وتوا نسمع في اغنية يا ميميا جنب الخيمة لعاصي الحلاني
وباب عم يبكي ... بكيت !! وقلبي حسيته قبض عليا !!!

خاطري نحكي الي في قلبي .. بس معرفتش لمين ... ماما كانت الفترة الي مرضية فيها
كانت برا بحكم شغلها مع بابا .. ومقدروش ينزلوا ... وتوفت وماما مش بجنبها .. وماما لليوم
زعلانة وكارها نفسها ... عندي ليها تسجيلات وصور وفيديوا وهلبة حاجات وكل مانبي نبكي
ونحكي نفتحهم !!!!

مش عارفه واجعتني امي الي خلتني طوول الوقت بعيدة عليها في سبيل مستقبلها
ولا واجعني فراق ميما ... وخلتني ومشت .. ولا تفكرت اني قداش محتاجتها ...

بنات اشتركاي يتم بعد نص ساعه فا ممكن منسلمش عليكم غير بش نقعدوا علي بينة ومتقولش ملكة متنفعش ههه .. بعدها بنطلع للمطار بنمشي لامستردام .. وتاني يوم بنمشي لسويسرا !! فا مش عارفه نلقي وقت نخش ونطمن عليكم او لا
ياريت تسامحوني .... كان ضايقتكم

غاليتي بيكا وهنو خلاص نستني في موضوع البنك لاني انموووووت فيه اللون .. وربي معاك ويسعدك ونستنوا في صور تجهيزاتك



صباح النور اسامة

الضيافة عليا اليوم الشكلاته والعصير تفظلواا

hanooooooooo وهونداي وين مغطسين ؟
اسامة تسلمي علي كرم الضيافة كلك دوق يا غالية

بنات منو عنده أغنية حسين الجاسمي بتع ليبيا يا ليبيا ؟

حبيبتي ملوكة

الله يرحمها ويجعل مثواها الجنة

وبخصوص ماما معلش حبيبتي أكيد هيا تخدم بيش تأسسلكم مستقبلكم وتخليكم مش محتاجين لحد

والله ياملوكه كل وحده فيا عندها مشاكل ونحكي عن نفسي حتى اني انحرمت من أحساس كل بنت محتاجه انها تحسه
بس شن بندير غير انقول الله يسامحه
وإذا حبيتي تفضفضي وتحكيلنا نحن زي خواتك

ونستنوا في طلتك الحلوه
في أمان الله يالغالية

عارفه ياحبوبة ايمن من غير مجاملة بجديات ماشاء الله عليك

عارفة كلامك حلو واحكي ياحلوة اللمة كلها الي خاطره يعبر ويشكي

عشان كلنا نسمعوا وننصحوا ونصبروا بعضنا وربي معاك ياحلوة وايمن وهلك

حتي لو هما شغلهم هك عشانك وعشان خيتك يتعبوا ويشتغلوا عشان يفرولك

كل الي خارط فيه وكل الي تتمنيه فحبوبتي ماتزعليش خاطرك هذي هيا الدنيا

وربي يصبر كل انسان فقد شخص غالي عليه وان شاء الله ربي يجمعنا جميعا فجنة معاهم

هنووووو وتاج النساء نورتوا

حبوبة ايمن كل الناس عندها هموم ومشاكل

بس لما تشوفي هموم غيرك واكبر منها تقولي الحمد الله انا في نعمة

كلنا هك نزعلو ونضايقوا ونشكوا ونحكوا بس لما نلقوا هم اكبر منا نقولو لله الحمد

وتوصلي طيبة ياحلوة نراجوا في تقرير كل حاجة

وشنو صار حتاخذي فيلو ولالا

تاج النساء صحيتي .. حتي بابا يقولي هكي !! انتوا عايشين هكي ومستريحين والي تبوه موجود
مفروض اتقولي الحمد لله وتعدرينا شوية ...
واهوا نهون علي نفسي بسبلة بابا لما يبي يخفف عليا !!! وسبحان الله بابا يفهمها علي الطاير
بس ماما لا ... ولهدا انا متقربة لبابا اكثر .. يعني علاقتنا زي الخوات والصحاب اكثر من اب وبنته

يلا هادي الحياة

تاج النساء الله يسامحه !! حبيبتي بالحق كل حد فينا متكدر لي حاجة

بالحق يا قدرك .. لما انشوف هموم الناس انقول الحمد لله وخلاص !! وصحيتوا علي الاهتمام

منورين بوجودك يا قدوره

كيف حالك يا سمحه؟

بنات سمعتوا الشريط الديني لوائل جسار
في حضرة المحبوب .... الالبوم بجد يهبل

خلاص بنات انا توا بنستأدن منكم مزال 5 دقايق
... ردو بالكم علي روحكم
واحلي تحية لهدير وعروووسة وهيولة وارووتا
وميراث وبيكا وقدرك وهنو الدلوعه ... الخ
وكل البنات الي يعزوني لله في الله :)


ممكن منقدرش نخش بكرة وبعدو وبعدو
بس حنحاول .. والي يحبني يخليلي
تلخيص للي بيصير




تحياتي
واتمونلي نوصل يالسلامة

لا والله ما سمعته
اللي عندها رابط التحميل تبعثهولي عالخاص

ملوكة قولي يا هم عندي رب كبير وتوكلي علي الله من فينا عايش من غير هموم والحمد لله علي كل شي

توصلي بألف سلامة