لمة الليبيات لشهر ذو القعده1431

نقل مباشر من أحلى مكتب وأحلى فنجال قهيوه مع أحلى خوااااااااات ليبيات صقوعيااااااااااات في عروس وفي عالم النت

" alt="" loading="lazy">

" alt="" loading="lazy">

هيا عاد جبتلكم قهيوه هههههههههههههههه قيموني عاد

بنات شنو معناها لما العين ترف؟؟

تي البسكويت هذا شنو اسمه تسهفو فيا

شفت حيو حاطه فيه وتوه هنو شنو سمح؟

والله نبي نقيمك مش عارفه شنو صته والله

نسيت نقولك صحة ياحلوة

قدرك لما تحسي عينك ترعش ... والناس ماتشوفها .. لكن انتي تحسي بيها لان العضلات تتحرك

هنو صحتين يا غالية علي قلبك .. وجاري التقيم
وووووووووك سهفتيني .. وانا انمووت في القهوة العربية
ومفروض ننساها علي موضوع التبيض نبي نحاول من توا

عرووسة ... معنديش خو لكن عندي وخية نبي اغنية عليها
وبالنسبة لماما ... منبيش نحط ست الحبايب لان كانت امها
تغنيليها فيها ,, توا كل ماتسمعها تقعد تبكي !!! مع ان ماما من
النوع صعب تنزل دمعتها ... بس منبيش نحطها .. توا قالولي فيه
اغنية لوردة علي الام بنشوفها ....
ونبي اغنية لبابا ... ومش مين حبيب بابا بتع هنيدي نبي حاجة تانية
عندي صور للعيلة نبي نديرهم مع بيت العز يا بيتنا .. ومزال الافكار والاغاني
في طور التطوير هههههههههههه

أه ياقدرك يهبل البسكوت هذا وأسمه ستااارز وبنته مش عاديه يهبل يمييييي تعالي يابنت نوريني في الخدمه ونتعرف عليك ونضيفك أحلى بسكوت وأحلى ضيافه غير تعالي بس
وسلمها أحلى هنووووو الغاليه مشكوره ياذوق
وحبيبة أيمن ياملكه ماتسفهيش حتى أنتي مصيرك شاربتيها معاي القهيوه العربيه تعرفي نموووووووووووت فيها ومانتصورش روحي من غيرها هههههههههههههه

ايه ايه وخيرني انا متزعمنيش وانجي واندوقه واضيفيني احلي ضيفة
الموضوع فيها عنصرية وناس دون ناس ... اهوا بنزعل انا ...
هنووووووووووووو قاعده انلم فيهم انا راهو خودي بالك

:p

حي انا مانشربيش فيها نهائيا قهوة العربية

تهبلي انتي يابنتيه هنو بارك الله فيك ع العزومة الحلوة اعتبرني

قاعده معاك وشربت وكليت بسكوتات معاك نجيها ياربي

قوليلي راجلك من بنغازي ولا طرابلس؟

تسلمي ياحبوبة ايمن يعني معناها حنشوف حد ليا فترة ماشفتيش؟

ليا 3 ايام عيني اليسار ترف مش عارفه شنو قصتها

عارفة ياحبوبة ايمن عطك الهنا

كنك مركبة ع هنو بشويا عليا عروسة راهو

ضحكتني لالالا عاد هيا ياهنو اعزميها حتي هيا

هههههههههههه محلاها يا عروسة البنك

تعرفى نموت فيه

لا عروسة لا شي !!! حتي انا عروسة .. امس مكبرة بهايلة وانا دفتني مع مركب العريس وبعدين قتلي مافيش اغلي من اهل العريس (( رقعتها ))
وهي بتسكن في طرابلس .. بس غير تجي لطرابلس والله لما نجي نشربها القهوة بالقوة ولا باللين ...

قدرك يقولوا العين اليمين لما اترف .. .كويس بس اليسار ربك يستر
والله اعلم ... !!!

تسلمي ياهنو
وصحتين على قلبك ياحبوبة

هنو حبيبتى ههههههههههه صباحك ايس كريم

ردى بالك تزعلى حبيبة أيمن هههههههههه رانى نحبها هلبااااااااااات

عطك الهنا ياحبوبة خلاص ماتزعليش هيا ياهنو دزيلها خليها تجي تحظر العرس

وتروح وتحضر بعدها المحضر ضحكتني بكل

يستر الله وخلاص تسلمي حبوبتي ازعمه الحاجات هذي صاح ولا خرافات؟

بيكا الحلوة كيف حالك اليوم

وكيف حال صحتك وزكمه معاك ان شاء الله احسن

ايوا .. اهم جو الناس الحلوة .. بيكا ايه ايه قوليلها
مش معقولة انا صغيرة هنا ... ومع هدا تزعلوني وانا مسافرة
زعل مش كويس عليا وفوق من هدا مريضة
:( :(

بيكا انحبك انا امواه امواه

شوفتي يا قدرك هنو معاش بت اترد شوفتي كيف .. من حقي نزعل ولاه
قدرك يا غالية انا فيه هلبة حاجات انا انحسها صح لانها مجربة ... سبحان الله
عندك هادي وعندك موضوع لما تحك ايديك اليمين .. وعندك لما فراشة اتخش للحوش
وعندك لما المقص يقعد مفتوح وووووووووووووو الــــــــــــــــــــــــــــــــــــــــخ

مجربة وانا معاي بدات صح !!! سبحان الله

علي سيرة البابا
تعرفو يابنات أن الأب حااااجه كبيره مهما نحكيلكم عليه مانوفيش حقه وسبحان الله ديمه نحسه حقه مهضوم لأنه جهوده دائما خفيه لكن بجديات محنة الأب شئ ماليش وصف وأني نقول أنه أحلى متعه واحلى حب حب الأب
أني يابنات ومعاي خوتي متعلقين بيه هلبه لأنه بجدياااااات أب مثالي وأني نراهن أنه في مثيله في الكون او في الخليقه أصلا بجديات لأنه غلب الوصف وفات حد الحنان
يعني عمره لاضربنا ولاكشخ علينا نهااااااائي مانذكرش لحظه زعل حد فينا يعني كان قسما بالله حتى الخبزة يقسملنا فيها لقمات علي خاطر مانتعبوش تصدقو وأني بكبري ويدرلنا هكي يعني مش صغيرين أني في العشرينات يييييييه ماله مرات كان يجني كابوس نوض نبكي ياناري يجيني جري ويقرا علي راسي قرأن ويقولي دنيلي ويرقد بحداي وياخد راسي علي صدره للصبح يابنات والله أحلى نومه نحس روحي طاااااااااايره في الجنه
وتخيلو يكتب في شعر علينا وقاعده محتفظه بيهم اني وخوتي وسبحان الله مع أنه أنتقل لي رحمة الله بس نحسوه قاااااااعد معانا وصوته ديمه في سمعنا يعني مرات نسمعوه ينادي علينا تخيلو ونحسو بسعاده مش عادي ماله والله لما نكونو متكدرين يجينا في الحلم وصارت معانا كلنا يواسينا في الحلم ونوضو مبسوطين
المهم الخلاصه صارلي موقف من يومين الي هو
طبعا أني أول ماتوفى المرحوم الله يرحمه خديت حوايجه وكتبه وكل شئ دسيته وقالولي صدقيه قلتلهم مستحيل كل حاجه من حاجته ليها ذكرى ومعنى في قلبي والله يابنات حتى شخشير كان لابسه ماغسلتاش عنده طقيه صوف فيها صنته وشعره فيها بابا كان شعر ناااااعم وحلووووو والله شعيراته في الطاقيه لليوم هذا
المهم قتلهم ولا يهونو والصدقه أني مانقصرش في حاجه ثانيه لكن حاجة بابا مستحيل وقسما بالله من يومين ماما قالتلي هنيوه كيف يصير في حاجة بوك الله يرحمه قتلها هاتيهم جاي وحطيتهم في شنطه وبنرفعهم معاي لأني يابنات لليوم هذا في شتاء نلبس في فنيلاته الدافيات وصنة جسمه فيهم ماغسلتهمش وقاعدين روحه فيهم تقولي جدد وسبحان الله نرقد مرتاااااااحه وكأنه حاضني
الله يرحمك ياغالي والله أنت معاي ومامتش روحك معاااااااااااااااي ؟؟؟؟؟؟؟؟؟؟؟؟؟ سامحوني لكن أهو نهدرزلكم شوي علي جزء من المدسوس في قلبي هههههه

ربي يخليهولك يا هنو ... (( بنهدرزلك مع اني زعلانة منك ))
بالحق الاب حقه مهضوم .. انا بابا عندي بالدنيا والي قلتيه
نفس الشي صار معاي (( ربي يطولي في عمره ويرحم والدك
ويسكنه فسيح جناته يارب ))