لمة الليبيات لشهر ذو القعده1431

نطلق في الفاسوخ بروحي خايف مالعين على روحي:056::056::056::056:

عروسة ضياء;13397295:
حقا يا بنات ألدو متع الكنادر فيه تخفيض 40% و جينيفر فيه 70% و تيرانوفا فيه قونات قصاااااااااااااااار ب 4 دينار بس و الكانايرات ب 2 دسنار فقط و بي اتش اس فيه سيل حتى هو

اشيييييييييييه اشيييييييييه منورة على الاخبار انتي احسن وحدة بعدي أني :lol:

انا آخر واحده ممكن نختفي تقي و تأكدي ان كل ما حتحتاجيني حتلقيني زي توا زي بعدين يا عسوووولتي

أروتا انتي اللي تبعكم معمل الراقي ؟؟

مساء الخير عليكم كلكم
اول حاجه بنرحب بوخيتي الكبيره حبايب ماما وبنقلها اللمه نورت
وتانيا اروتا استاااااااااااااااااااااااااحشتك هلللللللللللللللللبا هللللللللللللبا وين بدبت عمله نادره في اللمه

عادى الوحدة تتزوج واحد متزوج او مطلق؟

وانتي نازله من الفرناج لجهة عويطي في محل عاليسار متع يرغانات وجو عنده تلقيهم جميع الالوان 2 شراشيف واحد يستيك وفوقه عادي و2 مخاد تقريبا الزوجي ب14 او 8 والله ماتشدي عليا السعر

بالنسبه ليا انا منحسش في نفسي نتقبل المتزوج و المطلق لكن اكيد فرق لما نعرف اسباب طلاقه و لا الاسباب اللي خلاته يتزوج ع زوجته

تسلميلي يا عسوله و يا بخت عويلة سرت بيك

عروسه الاميرات نحسها مساله نصيب وعلي حاله الشخص في حدداته

عروسة ضياء;13397399:
تسلميلي يا عسوله و يا بخت عويلة سرت بيك

كسفتيني:o

اروتا قريتي ردي علي الحاجات الي كنتي جايبتيهم من العطار

سويتي شن الجو؟ امتي بنمشوا غدوا ؟بكري؟

يؤبرني المكسوف

طرابلسيه سمعتي بيها صالة نقابه المعلمين ؟

عروسة ضياء مسكته لان لو تشوفينى شن ندير تقولى مابعدى....مع طرابلسية عالماسنجر واختى تكلم فيا كل شوية تشرى لى فى حاجات وتشاور يعنى مقسمة على كل الجبهات ههههههههه

التخفيضات شفتهم ومانزلتش الا لالدو بس لان واخدة منه من دبى شوز ونبى لها شنطة بس قال لى احتمال فى البضاعه الجديدة اتجى...

بالنسبة للشراشيف فى محل بحدا عبد الله امتع الماعين الى فى زنقة مركز غوط الشعال عنده شراشيف حلوات

يا بنات نبى نحكى لكم حاجة صارت احداثها وانا بصراحة مصدومة

بنت جيراننا هى فى سنى من ززززززززمان كانت تبى واحد وهو كان يبيها وعلاقة قريب عشرة سنوات او اكثر

المهم امه هو ما كنتش تبيها لانه امه متكبرة وحشاكم جالطة وشايفة روحها وبنت جيراننا مستواهم عادى وناس بادية وبسطاء

المهم هو تحدى امه واقنعها وتزوجها بالسف وداروا عرسهم شهر 12 الى فات

المسكينة اجرها فى الشاليهات لانه معنداش حوش وقالوا هو كان يشرب يوميا

المهم الكارثة يا بنات هى كبت على روحها غاز وحرقت روحها نهائيا ورقدت فى العناية شهر وبعدها توفت واندفن معها سرها

الماساة الاخرة ان امه هو صارت لها جلطة


واخر شى اليوم جانا خبر ان راجلها توفى والله اعلم شنو السبب

شفتوا الدنيا كيف بنات ادعو له بالرحمة هم الاتنين الله يرحمهم

الفجي يا كبدي
ربي يرحمهم و يغفرلهم و يسرنا دنيا و آخره يارب

ربي يرحمه ويحسن اليه
دنيا فانيه

اللهم يرحمهم ان شاء الله والدنيا خلاص جابت ماعندها الواحد بدي يسمع حاجات الصراحه توجع القلب

صكري المسنجر انتي وياها و تعالو هدرزو هنا
التهدريز الجانبي ممنووووووووووووووووع