لمة الليبيات لشهر ذو القعده1431

حبايب ماما;13396309:
خيرات علي الزينات بنات بلادي السمحات
نحب نعرفكم علي نفسي ،، احم احم ،، انا وكلي شرف اخت سويتي سويت الكبيرة ( والكبير الله ) ، ليا فتره طويله نتابع في اقسام المنتدى من بعيد لبعيد، لعدة اسباب ، السبب الاول حسيت روحي معاش عروسة ، عندي 3 فراريج بيطيروا ويطيروني معاهم ( ربي يحفظهم ويهديهم) والسبب الثاني والاهم اني فشلت فشل دريع في الاشتراك كل مره يقولي في انتظار التفعيل وقريب عام علي هالحال ، لين خطر ببالي نستنجد بسويتي بعد ما اشتركت معاكم وهي اللي اقترحت اسم حبايب ماما،، مهانش عليه تعيشني في الرومانسيه ولو بالايحاء وتسميني اسماء شاعرية زي حبيبة قلبه ولا روحه ولا عينه،، يالله ان شاء الله مع ربي خير ،، حتى حبايب ماما حلوه وان شاء الله تحبوني زي ما حبيتكم في الله من غير منعرفكم نبداكم بعروستنا المميزة المشرفه المتابعه بدقة عروسة ليبيا،، وحبيبة ايمن ربي يهنيك وعجبني موضوع بيانك وعقبال الفرحه الكبيرة ،، اروتا اللي تحب حبيبتي سويتي احبك الله ورسوله في الدي احببتها فيه، ليالي وهيوله واكيد حياة حلوة اللي حطتلي الرابط لاني كنت رايحه معاش عرفت اللمه وين ،، دلوعة بيشو ربي يهنيك ويكمل فرحتك، ومنبيش ننسى حد ،، ليا لقاء اخر معاكم ،، كل الحب والود حتى نلتقى مجددا. ومنوصيكمش علي سويتي .

دلوعة بيشو;13396818:
سويتي سويت مساء الخير وتشرفت بيك وبي اختك وربي يهنيكم يارب