لمة الليبيات لشهر ذو القعده1431

عروسة ليبيا;13373921:

يا جماعه بليز

يا احلا عرايس

التجيهزات خلوهم لي كلام العرس والتفاصيل
والافكار بتاعكم نسقوها وخلوها غادي

وهني هدرزو براحتكم وتعرفو ورحبو

وقرمة الاعراس مش مكانها هنا
خلوها ف تجهيزات لانه موضوع مهم ومتابع من الادراه

حتى نشاطكم يبان

وبلاش الحوارات الجانبيه

حتي الي تبي ترد شكرا ولا حلو

ترد وترفق ردها بي سوال المخالفه ويكون شي يخص جو الاعراس وما يتبعه

عشان الله غالب المنتدى عاكس صورتنا ولازم تكون صورة منظمه وتليق بينا

وووهادي قوانين عروس مفروضه علينا ولازم نلتزومو بيها

هنو الدلوعه;13377481:

صباحووووووووووووووووو

بالنسبه لموضوع الرقص أني الحق مافيش وحده رومنسيه قدي هههههههههههه ونرهان عليها بس نحب الخصوصيه في الأمور هادي وقصة رقيص في الصاله قدام الناس وبلاهي راجل واقف بين نساوين ويرقص مع مرته نحسها لقطه بصراحه مش حلوه في حقه وحتى العروس كيف ترضاها وديمه ياعرايس راعو أنه في حرمانيه وأنه في حلال وحرام يعني هو صح حلالك بس مش قدام الناس يعني بعد ماتروحو الحوش أو الفندق أرقصي وهيجي أنتي وهو لوين تعييو هههههههههه
وحاجه ثانيه لازم تراعوها يااااااااااااابنات وياعرايس أنه المعازيم فيهم بنات مراهقات وبنات عندهم ميول للأنحراف وبنات عطشانات حب وفاقدات حنان وبنات تأخر عليهم قطر الزواج
بلاهي هادو كل وحده بتأثر علي نفسيتها بشكل ثاني
وماتنسوش أنه في ناس كبار ليهم قدرهم وقيمتهم في الأمهات والحناين والعمات وغيره يعني حلوووووووووووو الأحترام والرزانه وديمه نقول فيها المراه هي الي دير قدر ليها ولي راجلها ولي حوشها
وراعو أنه في حسد وعين بلاهي بعد ماترقصي وتجيك هديكا العوينه أنتي وياه شنو بتنفعك الرقصه ههههههههههههههههههه
ومانتنسوش اننا ليبين عرب ومسلمين ومذهبنا السنه

حبوباااااااااااااات أني وخيتكم ونودلكم كل خير ومانبيش حرج من صراحتي ............. هنو:thumbs_up:

دلوعة بيشو;13375870:
حبيبة ايمن معقولة مافي حد تفكرك بهدية لان تقييمك مشالله فات
الميتين لا لا عيب عليكم يابنات من قايم اللمة غيرها هالسمحة
مني انى ادللي اللي خاطرك فيه انى حاضرة

دلوعة بيشو;13375870:
حبيبة ايمن معقولة مافي حد تفكرك بهدية لان تقييمك مشالله فات
الميتين لا لا عيب عليكم يابنات من قايم اللمة غيرها هالسمحة
مني انى ادللي اللي خاطرك فيه انى حاضرة