لمة الليبيات لشهر ذو القعده1431

roro88z;13359519:
اروتا شن الجو استاحشتك

روروووووو ليك وحشة يابنية شن اخبارك ووين هالغيبة نسيتينا الله يسامحك
شن صار في نتيجتكم يارب توفقتوا يادكتورات

ananasa;13359879:
و الله يا رورو شن بنقولك انا شريت واحدة و اختي واحدة انا زي ما قالو بنات خالتك ديما متاعي ملوحة و نفضل الحلوة الااااا كان لقيت شعرات ما تنحوش بالحلوة نحي فيهم بيها مرااات
بس اختي ما تستغناش عنها تستعمل فيها هيا و معوضتهاا عن الحلوة

اممممممم يعني انتي ماتستعلميش فيها علي خاطر الوجع ؟؟

عروسة الاميرات;13360041:
حتى اانا نفس الشى نفكر نشرى الة بروان لنزع الشعر لانى الحق منحبيش الحلوة ومندرهاش فيها

الحال من بعضه...انا منعرفش نستعملها كويس
وللعلم الحمد لله اني مش مشعارة وشعري مايبانش لانه مايل ع الاشقر
لكن مرات نحتاج

sweety sweet;13360222:
يابنات نبى ناخد لبنت عمتى ماكينة براون ومش عارفة وين نلقاها وسعرها ياريت تفيدونى.

هلااااااا سويتي اكيدة اني بنت عمتك :lol:
انا لقيت براون هدية العروس عجبتني
لقيتها في محل مواد زينة واكسسوارات في كشلاف بـ 100 دينار
وهذا كان شكلها

قهوه الصباح;13360454:
بالعكس ممتااااااااااااازة انا منستغناش عنها ابدا اين حلوة بالاهي؟ والله الاله خيـــــــــــــر مليون مره تعرفي في اللمات القديمه تكلمنا عليها واااجد وحتا ندكر حطيت صورة التي :thumbs_up:ونصحت بيها هايله مشت شرتها اسالي هايله عليها

الله فرحتيني ... معليش بنتعبك تحطيلي صورتها
وهل توجع هلبة او لا ؟؟
يعني زي الحلوة :confused:

بيكاتشو;13360510:
يا حلوات اللى يسألو على البراون
راهوا البشرة تختلف من شخص لشخص فصعب الحكم
انى عندى ليها فترة وتمام كويسة بس مش فى كل الاماكن يعنى فى ايدى ادير
فى حبوب صغيرة وحمرا وباقى جسمى عادى لكن حارة شوية علاش الكذب هههههههههههه
وهادى صورتها طبعا قديمة لما كان معاها الكلينكس ما تحسيش بالوجع هلبه لكن لما كمل
يا ماااااااااااااااااااااااااما حدث ولا حرج


قولولى يا حلوات وين ايدروا فى الليزر ومكان كويس اعتقد هذا الحل الوحيد
وشن رايكم

صح يختلف على حسب البشرة وكل ماتكون البنت مشعارة تحسها أكثر
وحتى على طول الشعرة
لكن شن هو الكلينكس اللي معاه ...زعما معقم عادي ولا كيف
بالنسبة لليزر بصراحة نخاف منه :| ومش سامعة بحد داره
على الاقل في ليبيا...وانتي زيدي أسألي

روح الوليد;13362397:

لا باالعكس انا امتاعتي الحق الم السويت وييييييييييييين والمها هى وووووووووين
وحاجة تانية لو بتديري سويت تقعدي مرات حتى ساعة. او اكتر في ايديك ورجليك . لكن هيا لا دقائق .تحت الدوش والحق انا الكلينيكس امتاعها ما استعملتاش .......خخخخ دسيته لاستعمال المداماتى ....لكن توا واخدة كلينيكس معقم تانى ................وحاجة تانية جربتها للأماكن الحساسة مرة فقط لكن حسيتها فوسط قلبي ما نكدبش عليك .........لكن الميزة انهحسيت الشعر خف بشكل ملحووووووووووظ .وتحتايديا يعني فيها الم لكن مش زي السويت .اقل بهلبة ......

فالحة :lol:
لكن ماجرتيش اديري الثلج تستعمليه كـ بنج يعني ؟؟
ممكن يكون الالم أخف لو مافيش بكل
باهي كيف اديروا في الاماكن الحساسة :-o
وسمعت ان فيه خلطات ازالة الشعر نهائيا مافيش من مجرب ؟؟

حبيبة أيمن;13363171:
اروتا انتي هنا :( وينك علي الياهو وشكرا علي المعلومة فيك الخير يا غالية

هلا عسولتي والله الياهو مش ديما نفتح فيه...
مرات نفتح مانلقى حد نسكر
امتى مواعيدك في النت لان معاش تلاقينا ؟؟

Hayela;13364290:

ايه والله يا قهيوة ههههه والله لحد اليوم قبل العيدميلاد درتها فى يديا عالسريع هيا والله تحل الازمات انى مخليتها للمواقف اللى هكى لكن لما بالوسع نفضل الحلوة .. لكن العروسة والمتزوجة لازم تكون عندها باش فى المواقف هادى فيسع مااديرها .. سويتى سويت و اروتا ..
كان تبو رأى لازم تشروها وانى قابلتنى فى زرقاء اليمامة وفى محل الرقيعى اللى فى قرجى ..

اني نبيها للاستعمال الدائم ... يعني لو ماليهاش اي ضرر لاني سمعت ان مرات الشعرة تطلع تحت الجلد بسبب الألة تبدأ باينة ولو بتنحيها توووووووجع...شن رايك ؟ ماصارتش معاك؟
وشكرا حبيبتي على النصيحة...بس كيف شكلها اللي عندك وبكم خديتيها

مساء الخير صيايا
هيولة
ان شاء الله اندير زيت الزتون بس المشكلة ريحته!!!!!!

يتصفح الموضوع حالياً: 2 (2 من الأعضاء و 0 من الزوار)
‏*الننس*, ‏dr_amani
اهو جت الدكتورة
كيف حالك امونة
بما انك عندك خبرة فيدينا بحاجة ندهن بيها بطني باش ما تطلعليش التشققات

اه مدامات و قت حملكم عانيتو من التهابات في البول أعزكم الله؟
لو عانيتو شن عطتكم الدكتورة ك علاج؟

معليش لقيت اللمة فاضية ف عبيتها بأسئلتي
ههههههههههههههههه

الننس حبوبه لاباس عليك
وبالنسبه للألتهابات زميلتي في الحمل ياناري ألتهابات البول جوها فترة الحمل وسبحان الله خدت علاج لوين عييت وماتنحا لوين جابت سبحان الله بس نقولك
الي كان يريح فيها هوو الفليه (بابونج) متاع الأكياس وشرب الميه بأستمراااار وشطفي بي بابونج
والف لاباس عليك يااااااااااااااااااعسل

هنو
سلمك يا حبيبتي،و صحيتي على ردك الحلو و ان شاء الله ناخذ الفلية و نستعملها
وشن اخر تجهيزاتك وامتى موعد الفرح ان شاء الله
دكتورة أمونة
صحيتي حبيبتي
و تعرف امس مشت درت جهاز قتلي الحبل السري جاي قدام ف مش باين وليد ولا بنت
انتي شكلله وليد صح؟