»¤‡° تجهيزات عرائس لشهر ذو القعدة 1431 - 2010 م / الجزء = 16 °‡¤«

om adm3;13338639:
خير ياحلوات نعاود السؤال مرة تانيه ممكن حد عنده فكرة
وزياده سؤال تانى الاتعرف محل ايبيع فى حاجات راقيه للمطبخ زي الصفر واكواب العصير للضيافه اتقولى غير السنابل

نرجس الشرق;13337712:

شرفوني بنات في برنامج الرجيم و ان شاءالله تستفيدو منه ...

http://forums.3roos.com/showthread.php?p=13337459#post13337459


.......................................................................................

معلومة للمخالفة :::
الي تسال ع كيريم
يرطب القدمين
مفيش افضل من كريم
جلوسليد الاحمر
خلطيه بشوية ليم
او وحدة
و ادهني في الليل
و توا تشوفي الفرق
من ثاني يوم
.........
حاجة يا بنات حسيتكن غافلة عليها
في كريم للعناية بالظافر و الايدين
حلو بكل حاجة خيال
هو كريم فازلين الطبي للاظافر و الايدين
ايخلي الايدين حاجة تخبل من اول مرة
و سعره مش غالي 2.750 بس
اهم نقطة ما اديريشي و انتي طالعه للشمس
يعني و انتي في الحوش
او في الليل
سلام توا
..........

أسامة عمري;13337817:
عرايس شن رايكم في الحمام يكون أبيض وأسود

بالصراحة خايفة يطلع مش حلوا

دلوعة بيشو;13340827:
عفوا حبيتي غدو لقيتك متكلمة على مركز للعناية باليدين والقدمين في بن عاشور
ياريت تقوليلي وين بالضبط واسعارهم والمكان كويس او لا ؟؟؟؟

( المتألقة);13345302:

كيف مش ماشية للمول اللي حدا سوق المصرية جميييييييييييييل بكل حاجتي ناخذ فيها من غادي وتلاقي حاجتك كلها بأسعار مناسبة جدا وعندك فيه خيارات وراقي علي فكرة فيه محل ابناء الغول وكيل بلاك اند ديكر وعنده فرع في الصابري علي الطريق وانتي ماشية لمستشفى الجماهيرية :sick: ان شاء الله انكون افدتك بس

مشكورة يامتالقة وحنمشي للمول ان شاء الله انحصل
سؤال المخالفه
الاتعرف مكان ايدير فى صالونات وايكون امجربة شغله وحاجاته نظيفه

بيكاتشو;13338013:
سؤال المخالفة : يا حلوات من يعرف وين يبيعوا فى اكسسوار هندي ؟

السلام عليكم ......لعيونك

في محل في محلات نادي الاتحاد وانتي جاية من الاشارة الضوئية كأنك ماشية لمستشفى الخضراء ايجي على صفة اليمين هو جاي في تركينة والله اسمه انسيته المهم مكتوب عليه للاكسسوارات الافريقية والهندية بس اسعاره شوي غالية يعني 200 فما فوق بس حاجاته نازكة ممكن يكون عنده ارخص مش عارفة

على فكرة الساري من وين خديتيه من محل الصولجان

ربي يهنيك يا رب:L:F:

طرابلس+بنغازي;13345714:
السلام عليكم ......لعيونك

في محل في محلات نادي الاتحاد وانتي جاية من الاشارة الضوئية كأنك ماشية لمستشفى الخضراء ايجي على صفة اليمين هو جاي في تركينة والله اسمه انسيته المهم مكتوب عليه للاكسسوارات الافريقية والهندية بس اسعاره شوي غالية يعني 200 فما فوق بس حاجاته نازكة ممكن يكون عنده ارخص مش عارفة

على فكرة الساري من وين خديتيه من محل الصولجان

ربي يهنيك يا رب:L:F:

يسلمو حبيبتى ان شاء الله ما نفقدك

وصح خديته من الصولجان طيران مشيتله لما قلتى عليه ههههههههههه يا عسولة

سؤال المخالفة : بنلس هندى عادى اندير مكياج خفيف ؟

بيكاتشو;13338013:
سؤال المخالفة : يا حلوات من يعرف وين يبيعوا فى اكسسوار هندي ؟

Ghado;13345893:

بيكـــــا :

يا عمري يا عسولتي
بنعطيك أسراري توا اني
فيه محل اكسسوارات مش عادي ... من ناحية الشغل و الأسعار
اسمه راح مني توا .. لكن مقابل صالات غوط الشعال قدامه زي الجردينة الصغيييرة .. يجي بعد محل الأوائل للملابس على طووول ... لو معرفتيشي قوليلي نبعتلك تفاصل أكثر حبيبي ..

و فيه محل في محلات الجملة الي قبل كانوا في غابة النصر .. خاص بالاكسسوارات .. تخشيله معاش تطلعي و سعره سعر الجملة ... تاخدي يمينك بعد محل البراعم الي في شارع عبد الصمد الفرشي و تلقي صفة محلات الجملة للروائح هو يجي ممكن ثالث اخر محل كللله اكسسوارات...

سلمها يا ربى اللى منورة اللمة بوجودها

صحيتى اللى فى جهة البراعم عرفته بس حبيبتى اللى فى غوط الشعال كان تشرحيلى اكثر لانى نريح فيها هههههههههههههههههه

وربى ما يحرمنى منك

صباح الخير
سؤال للمخالفة :- الكشف الي قبل ما تنقرا الفاتحه وين يندار وهل المفروض يمشوا العرسان الزوز .. وبعدين شن هو اصلا الكشف ؟؟!!!!
وخيتكم عندها فوبيا من الدكاترة والموضوع هدا شاغلني من توا ههههه

بيكا ... الاكسسورات حتي مونسوون مرا مرا ينزلوا حاجة هندية وتلقي لقطة شوفيهم فيه في قرقارش وفيه في بن عاشور

جواب المخالفة للحلوة حبيبة ايمن :

حبيبتى بالنسة للكشف هو شهادة صحية للخلو من الامراض اللهم عافينا الايذز و ........

المهم يعنى مش كشف تحليل دم لان الفاتحة ما تنقراش الا بالشهادة هادى

وصحيتى حبيبتى مونسون المشكلة مش ديما عنده تو نشوفه هههههههههههههه

ان شاء الله نحصل اللى نبيه عنده

هنو الدلوعه;13345945:

سؤال للجميع :

بنات بنسألكم جميعا شنو رايكم في البروجكتر يعني لما تمشو مناسبات ويكونو مدايرنه هل تتفرجو عليه وتستمعتو ولا ماتعدلوش لأني نفكر نديره لكن في الي قالولي خسارة فلوس والناس معاش يدققو ويتفرجو أنتو شني رايكم ياحبوبات

هنو بالنسبة ليا اهميته تساوى اخمية العشا ههههه تبى الحق يهبببل ويقعد دكرى لاخر العمر :thumbs_up:

عروسة ليبيا;13345983:

رد لي هنو

في بنغازي ما يعدلوش عليه زي ما ف طرابلس

والحق ف عراس بنغازي ما شفتش هلبا والي درو فيهم الحق خدمتهم عاديه جدا


في تربولي مميزات واكيد تعودنا نرجو المونتاج ونتفرجو خصوصا لما يطفو الظي ويكون صوته عالي وواضح كل الصاله تركز فيه


لكن لو حفلك ف بنغازي ماهوش اساسي شطبي الضروري ولو بديري خليه علا الاخر وحسب الميزانيه

السلام عليكم


كيف حالك عروسه
هنو انى من راى انك لو ظروفك تسمح ديريه ليش لا وبعدين حلو للذكرى ومش كل الناس متعدلش وبعدين معليش انى انحس على ذوق الواحد فى الصور وطريقه ادبلجه وبعدين هنو عندها فكره لانه خريجه اعلام اكيد هيكون حلو وبعيدن انى شايفه 2 فى بنغازى والله طريقه عرضهم حلو وبفكار جديده

فيرونا 25;13347739:
السلام عليكم


كيف حالك عروسه
هنو انى من راى انك لو ظروفك تسمح ديريه ليش لا وبعدين حلو للذكرى ومش كل الناس متعدلش وبعدين معليش انى انحس على ذوق الواحد فى الصور وطريقه ادبلجه وبعدين هنو عندها فكره لانه خريجه اعلام اكيد هيكون حلو وبعيدن انى شايفه 2 فى بنغازى والله طريقه عرضهم حلو وبفكار جديده