قوائم للعروس
قائمة لمستلزمات المطبخ
<<< يا عرايس ليا سسسسسسساعه نشيل ونحط ونمسح لعيونكم دلعونا :Dبالتقييم
هادي ليسته درتها لي عرايس بنغازي والجهه الشرقيه بلا الكهربيات
خوذن منها اللازم و والي تحتاجوه والي ما تبوهش خلوه
العدد والكميه حسب كل حد وامكانياته و لو في نواقص اعذروني:o
الموضوع جهد شخصي لعروسة ليبيا
F:F:F:F:F:F:F:
قائمة لمستلزمات المطبخ
-
طقم الامواس والملاعق يفضل شنطة متكامله
-
-طقم صيني مودرن عملي بتاع 12 قطعه
-
-طقم صيني راقي لي البوفيه <<<< يوضع ف المكتبه او البوفيه ( يستعمل للضيوف وفالمناسبات
-
طقم الطناجر
-
طنرجه والكسكاس
-
طاجين قلي بيض تيفال حجم متوسط
-
12 كبايه للعصير لضيوف كرستال لو ممكن
-
6 كبايات للعصير عمليات << مش كرستا12 كبايه كرستال للعصير
-
فنجاين قهوة
-
طواسي شاهي
-
-6مقات الافضل كل 2 رسمه
-
علاقه المقات
-
-طبق او مثرد لي تقديم فاكهه
-
-طبق تورته( او حافظة الكيك
-
- الشداده والكشيك بتاع التورته او الكيكه( حسب الرغبه)
-
- 6 اطباق لي المهلابيه او الايس كريم او للجلي
-
صفر مميزه لي تقديم الضيوف 3 احجام
-
صفر عمليات 2 مستطيلات
-
صفرة مدوره عمليه
-
-سكريه واحده للبيت عمليه توضع علا طاوله المطبخ او دولاب الطبخ
-
سكريه مميزه للضيوف توضع لهم عند تقديم الشاهي
-
- ملاحات يوميه يجن 2 ينحطو علا طاوله المطبخ ملاحه وبتاع الفلفل
-
-برطمانات كبيره بلاستيك للدقيق او سكر الزايد ولي البقولايات المكرونات لما تفتحوها بدال ماتكون ف كيس تفرع ف برطمان يحفظها
-
- طقم توابل يوضع ف دولايب لي التوابل الي لا تستعمل يوميا مثلا خلطة رز بالخلطه او حبهان او هالامور بتاع التوابل هذينا ينحط فيهن اي كميه زايده من البهارات بدال ما تكون في بكوات
-
طقم توابل للاستعمال اليوم يوضع علا دولاب
-
طقم السواقيم
-
-براد لشاهي متوسط ( سلتيل حلو )
-
القاعدة او المفرش الحراري عشان نحطو عليه البراد الساخن ولا الطناجر
-
بكرج قهوة متوسط تيفال او سلتيل
-
طواجين الكيك والتورتات اشكال منوعه
-
طاجين الكعه اللاسيكي
-
طاجين ذوق القاعده المتحركه لي التورتات
-
وممكن طاجين كيك مستطيل
-
-طقم البيركس لي البشاميل واللازانيا (مش ضروري) حسب رغبتكم
-
طاجين عميق شويه او غارق لي قلي البطاطا او الدجاج اى شي حسب رغبتكم
-
قلايه البطاطا لو تسمح الظروف من تيفال
-
-مضرب بيض يدوي(للبشاميل والكريم كراميل)
-
مبشرة
-
قشارة الخيار والبطاطا
-
غربال
-
- صفاي سلستيل متوسط لي تصفاي المكرونه او اللحم من الطبيخه او الرز
-
صافي يلاستيك لي غسل الخضره والفواكهه
-
طافيات منوعه لو الراجل يدخن
-
قطاعه لي تقطيع لحم يفضل زجاج
-
قطاعه بلاستيك لي الخضره
-
امواس تقتطيع لحم يفضل طقم يجي احجام ومنوع حاده ومشرشرة
-
صفايات حوض ينحطو في فتحات الحوض
-
ملاعق خشب 2 لطناجر وطاجين التيفال
-
-عصارة برتقال عاديه <<<< حسب الرغبه- هراسه ثوم
-
-ولاعه
-
- حلالة علب وحلالة المشروب
-
- مفارش نايلو لدولايب المطبخ
-
مفارش لي سفر التقديم
-
مفارش توضع لي دولايب المطبخ <<< حسب الحاجه
-
مفرش اكل قماش مع فوطه للاستعمال اليومي
-
مفرش اكل قماش مع مناشفه لي الضيوف
-
مفرش نايلو لي طاولة المطبخ
-
اكسسوارت لي المطبخ زي الفواكهه لي التلاجه وتحت للمطبخ توضع علا الطاوله زي سلة فواكهه الخ الخ
-
ساعه لي المطبخ
-
سطل لي الزباله
-
-فوط مطبخ ( لتنشيف الايد )
-
- ليف مواعين
-
- مريلة مطبخ مع طقم مساكات
-
- قلافز او قوانتي لغسل المواعين
-
- ادوات نضافه( حسب الرغبه << زي المكنسه الباله او المامه والزي منو ( وأكياس الزبالة)
-
سلة غسيل ومساسيك غسيل
-
منشر دبش يفضل بلاستيك مقوى عشان الحديد مرات يصدي
[LIST]
-
F:F:F:F:F:F:F:
-
تابع المطبخ ==== الكهربائيات
-
زي ما ديما نقول خوذن الي تبوه و خلو الزياده ووحطن النواقص لو تبو تزيدو زيدو كل حد ادرى بظروفه
[/LIST]
رد لي للعضوة نرجس الشرق سابق في الجزء 4وهو نبذه من تجهيزها
الاشياء الكهربائية ........................
اولاالمكنسة الكهربائية انا في الاول قلت بنشري بلاك اند ديكر ب 145 د.ل بس بعدها حسيت الناس يشكروا في هومر و قلت نشري ابتاع السطل بس في الي ايقولي لاء شن تبي فيها خليك علي حاجة اصغيرة اتساعدك حتي في التخزين
2 - حداد بخار علي حسب لو تبي تشري البخار العادي و الله زي ابتاع المحلات انا قلت التانية خير لاني انحدد و انا واقفة خاصة العبايات و فساتين السهرة يبن حداد زي ابتاع المحلات
3- مكينة التوست شن رايكن اي احسن ماركة والله محتارة kenwood او بلاك اند ديكر لو تعرفن ماركة اخري قولن ((كينوود ب 60 د.ل))
4-ست البيت بلاك اند ديكر ب45
5- مضرب البيض بلاك اند ديكر 45
6-عصارة البرتقال و الله ماني عارفه ضرورية و الله لا علي اساس انا بنعصر برتقال شوف الكدب ما عصرته في حوش هلي هههههههههههه عاطني الهناء و خلاص
7-الخلاط بلاك اند ديكر ب 58
8- كوشه بلاك اند ديكر 125 تقريبا بس انا حسيت انه المكرويف افضل بالنسبة ليا لاني نشتغل ولازم اندور حاجة سريعة اتسخنلي خير
9- سخان اميه (( كاتل ) كاس لتسخين الميه هذي نبي فيها شطارتكن قوللي ماركة اكويسة
الحاجات الدفنقي كيف ما انقولوا نحنا الشراقة :
1- قلاية البطاطا والله انا حسيتها دفنقي زايد وتاخد زيت واجد لكن اهو حركات علي اساس نحنا قاعدين علي بنك روما و انبعزقوا في اللفلوس
2- طاجين البيتزا شوف الكدب علي اساس انا بنطيبله بيتزا و كنه الطاجين العادي و الكوشه العادية و الله ماني عارفة
انتباه :
1- ماتشريش ست البيت الكبيرة الي فيها اكتر من قطعة لانها مسرع ما تخرب و التركيز يقعد علي ماتوري واحد و بالتالي تخرب بسرعة اشري كل وحدة ابروحها
2-لما بتشغلي قلاية البطاطا لازم اتحطي الزيت الاول و بعدين تعلقي في الضي لانها حتنحرق و تخرب القلاية
هضا في الوقت الحالي الي درته و امس و الله قريب ساعة وانا ماسكة هالمذكرة وانبهت و شي ما شريت حاجة مع اني قادرة نطلع نشريهن في وقتهن لاني بنمشي للوكيل لكن......................كترت الرايات اتودر و انا قلتلكن كان عندكن راي او تعليق قولن عشان انساعدوا بعضنا و انشطن يا احلي عرايس عشان انكملوا بسرعة و انتفكوا و ما تبخلن بالنصيحة
و الله ايربحكن ادعلي ان شالله ايكمل ربي عليا علي خير و يسرلي انا و هو
===========================
نرجس الشرق;13196731:
بنات كيف حالكن ؟؟؟؟؟؟؟؟؟ نصيحة ع الطاير ::
نرجس الشرق;13196731:
1- ما تكترنش بيجامات ستان و حرير لانكن مش حتلبسهن و تستعملنهن واجد و هن بصدق مش مبردات واجد يعني 2 سادات...
2- ما تكترنش شباشب حوش و الله حتوحلن فيهن وحلة سوداء و راهو القول مش كيف التطبيق توا تجوزن و تشوفن خاصة الي زي حالتي ما تقعدش في حوشها واجد او تحمل من اول مرة راهن ايديرن زحمة في الحوش مش عادية ...
3- خوذن ارواب قطنية قصيرة و بيجامات حتي لانهن عمليات و يساعدنك وقت الحوسة ...
4- ما تسهن ع القميتشات راهن موهمات خاصة القطنيات منهن توا انا انقولك ليش اولا هن يمسكن العرق ابتاع الجسم تانيا وقت ما بتلبسي جلبيات او عبايات مطرزة لو فيهن وسعة بسيطة تمسكها لك و ترفع الجلبية و الاهم من هك ساترة يعني جسمك ما يقعدش واضح تحت الجلبيات .... و هن بجد مبردات بكل تقدري تلبسيهن حتي في الحوش و تقعدي بيهن ...
5- مش كل غالي سمح و لا كل رخيص ما ينفعش و هضا عن تجربة و في النهاية الراجل لا يدور و لا ايدقق و لا بيعرف ان كان هضا غالي او رخيص ... المهم حاجة تعجبه و خلاص ....
6-ما تكترنش مكياج ...
7- ما تكترنش كريمات راهو مش حتلقي وقت انك اديريهن و الكل عارف انه الكريمات لهن صلاحية ووقت معين والله حرام تشريهن و يقعدن هكي لانك مش حتفضي عشان اديري خاصة في اول شهور راكن توا قاعدت في النظري بكرة بعد يبدا التطبيق اتبهتي في الحاجة و تقولي و الله حرام توا هذي شاريتها و ما نستعملش فيها ...
في الختام ربي يوفقكن كلكن و تعيشن حياة حلوة و يرزقكن كلكن بالذرية الصالحة امين يا رب ...
قدرك كبير بقلبي;13211921:
[SIZE=5][COLOR=#ff0000]سؤال مخالف :
قدرك كبير بقلبي;13211921:
شنو هما حاجات الدار النوم ,,,,؟.
يعني اكتبولي كلهم شنو نجيب
عشان نبي نعدي ناخذ الحاجات الي ناقصات ,,,,
سؤال مخالف :
شنو هما حاجات المطبخ كلهم بليز عشان نشطبهم
ونعرف شنو ناقصني معش يبن يكملن الحاجات :confused:
الرد لي نرجس الشرق حاجات دار النوم :::
* اباجورات
*ورغان الزفه
* ورغان خليجي و استعمال يومي
*بطانية
*فوط ((بصدق مش اقل من 4 فوط و زيدي عليهن)) مستغربة في الي تاخذ اثنين او 3
*انصولة يستك منشف
* امخاد بالنسبة ليا انا عندي 4 طبيات و 2 صوف و 3 اسفنج
*فرش دار النوم
*مفارش
* السلة و المندالة
* اشوية تحف بس بدون مبالغه لانها دار نوم مش دار مقعد او صالون
* شماعه بس مش كل العرايس ايجيبن فيه احيانا ايجيب فيها العريس انا ما جبتهش جابها زوجي
* هضا الي مذكرته لعند توا و لو اذكرت حاجة انقولك .....
بس انتي عندك الاساسيات و انتي تقدري اتزيدي و تنقصي في عدد الحاجات يعني تحطي لمساتك الاخيرة في الموضوع و موفقة ان شاءالله ....
=========================
[ نرجس الشرق ]
اه انسيت ما حكيتش ع شنطة الكوفير ....
هضكي اليوم يوم عالمي تقعدي ع نار ياربي ازعمك كيف نطلع كيف حيكون اطلعني بدري او خري و التلفونات يرنن بس سبحانة الله ع قصاد النية كل شي يمشي حلو و ربي يسهل الامور من عنده
المهم خوذي يا حنة شوية النصائح هذين :
محفظتك الي فيها الفلوس و نقالك راك تسهي عليهن هذين في يدك خليهن و خلي المرافقه امفتحه عيونها الي معاك لانه في ناس استغفرالله يسرقوا عيني عينك فيعني حافظي و ما تامنيش
2- خوذي حذاء الفيلو
2- صندوق حذاء فارغ فيه من جوا اكسسوارات الفيلو و التاج عشان ما يقعدنش ضايعات في الشنطة و تب
ي ادوري هضا في الشنطة في مكان معروف .و بالمرة تكوني محافظة انهن مش حينخدشن او يتكسرن ..
3-الملابس الداخليه ابتاع الفيلو
4- كريمة الجسم و بودرة الجسم
5-الفرشة و المعجون و اللبان
6- فلوس احتياط ما تندريش شن ينقصك فجاة او يصير معاك
7-عطرك و بدي لوشن اي حاجة انتي تستعملي فيه للتعطير و تحسي روحك تريحي لريحته
8-عصائر بس ما تكتريش منهن واجد لانك تقعدي بتخشي للحمام و راهو كوفير و حمامه ايخشله العالم كله
9- ما تنسيش الممه(الاكل) عشان اتقوي بها لانه يوم طويل و سهرة صباحي كيف ما يقولوا
10-الفيلو و البرنوس خلي حد من هلك ايجيبه لك قولي قبل ساعتين يعني مثلا ايجبه لك الساعه 06:00 او 06:30 عشان ما يقعدش مطوح في دار العروس لانه احيانا ايكون في عرايس و زباين و يخشن و يطلعن علي هالدار و مرات وحدة تعفسلك عليه او يتمرمد و انا هضا الي شفته فخليه في الحوش و بعدين ايجيبوه لك في الكوفير خير
11-المونيكير راك تنسيه في عروس نست ما جابتش و قعدت هك لولا انا عطيته لها فركزي في الموضوع
12- الشنطة هذي خلي فيها الحاجات الخاصة بالكوفير بس لا اكثرلا اقل عشان ما تقعدش عصيدة و زحمة و تنسي حاجة ..
13- الحاجة الي تحوليها تاخذها المرافقة طول و تحطها في شنطتك الخاصة عشان ما تنسيهش في الكوفير ...
انا دوتي واجدة و نركز حتي ع التفاصيل الصغيرة بس كله عشان تفطنن و تمشي ليلتكن حلوة ...بالهناء للجميع
=======================
[/COLOR][/SIZE]
قائمه الاحذيه والشنط
رد لي العضوة الامورة وهي من تربولي وهادي القائمه حسب هيا وجهازها
ووووزي ما قتلكم كل قائمه تخص صاحبتها ولكن جبتهم عشان تشوفو منهن الي يناسب كل وحده فيكم وظرفها
يعني القوائم هادو ماهم شي اجباري
مرات يكون فيهم زايد ومرات ناقص
راعو وركزو علي فعلا تحتاجوه وتلبسوووووووه
انا جبت معاي ف بتاتي هلبا شوزااات وشناطي كاجول عمليات وعبو علينا الدنيا وحوستهم حوسه
نحساب روحي بنتوظف او كل يوم نبي نطلع ونبدل ولمن نجي بنطلع ف شنطه خفيفه هيا الي نرتاحلها وخلاص
قائمه العضوة الاموره في الجزء ال 4 تجهيز الاحذيه والشنط للعروسه
الاحدية
1. كندرة فضية تمشي مع البدالي والصدرة بشنطتها
2. كندرة نحاسية هادي جابوها في البيان تمشي مع البدالي والصدرة مع شنطتها
3. كندرة كحلة مهمة الكحلة تمشي مع كل شي بدلات او سواريه مش ضروري شنطة
4. كندرة الفيلو بيضاء عالية قريب 14 سم حي عليا تو انطيح في الصالة من غير شنطة
5. كندرة حمرا فرنيز ومازال بناخدلها جيزدان احمر مش كله شناطي
6. كندرة زيتونية غامقة عجبني لونها
7. كندرة قهوية فيها لمعة وهادي الحق جتني هدية
8. كنادر عملية قدم متوسط قهوية وزرقاء وكحلة ومشماشية طبعا هادو قدم ليهم فترة واخدتهم في التخفيض
9. شبشب فضي امتع صبع ومازال شبشب ابيض قدم متوسط للروب مازال اندور ماحصلتش
10. شبش دهبي عالي شوية للحركات في الحوش فاهميني طبعا وشبشب موف قدمه شفاف عالي حتى هو للدلع
11. شباشب حوش للمطبخ ودار النوم امتع الدبدوبات مادا بيك الشبشب يكون لون التوتة او البيجاما
الشنط
1. شنطة كحلة حجم كبير عملية
2. شنطة قهوية حجم كبير عملية
3. شنطة بيضاء حجم كبير عملية حتى هي ومازال خاطري في حمراء لكن قلت ناخدها بعدين لما نمشي لمصر بعد الزواج .
4. شنطة زيتونية شومواه شكلها زي الهلال صغيرة يدوب يجي فيها الموبايل وطرف كلينكس هههههه !!!
ويلا يابنات نبو همة ونشاط كل وحدة تكتب شن شرت باش نستفيدو من بعضنا ونتبادلو الاراء ووجهات النظر
وتو عييت ان شاء الله تو انزللكم بقية حاجاتي زي اللبس والاكسسوارات
أحسن خلطه سويتها لتفتيح الركب والنتيجه من اول مره والله يابنات اتعب وانا اقول خيآآآآل 
* لتفتتيح المنطقة الحساسة والمؤخرة من الحبوب*
