fulla2010;13380977:
بما انكم قلتو ان احسن حاجه فى البلاستيكات هى ميد ستار هى بتتباع فيين عشان هى مش كتير فى السوق
لو تعرفو محل معين لييه
ياريت !!
ممكن تلاقى فى التوحيد والنور يا اما سبينس فى سيتى ستارز
:thumbs_up:
أتلانتس;13382165:
متزعليش يا أناناسا بس أنا مش عارفه عايزه ايجار ولا شراء؟
أنا لما كنت بدور على فساتين ايجار كانت الأسعار بين 400 ل800 بس ده حسب حالة الفستان وأنا كمان مدورتش كتير يعني
البنات ان شاء الله يفيدوكي
لا مش زعلانه يا اتلانتس بس انا كان نفسى اساعد ابن خالتى لانه محتاس وخطيبتو بتقولو ايجار اول لبسه فى طنطا ب 3000 وكلمنى عشان يسئلنى عن الفساتين هنا ايه نظامها وكان نفسى اساعدو وهو فرحو يوم 5 -11 عشان كدا كنت مستعجله عالرد
وربنا يكرمك وتلاقى احلى فستان فالدنيا F:
وعلى فكره انا كنت بسئل عن ايجار اول لبسه او تانى لبسه
fulla2010;13382269:
انا بسال عشان لاقيت سلمى بتقول قميص نوم شتوى
وانا عارفه ان اغلب قمصان نوم بتفضح اكتر ما تدارى عشان كده استغربت
هههههههههههه
بس الى انتى بتقوليه ده لا معقووووووول بنطولن تحت القميص
لا معقول فعلا
ههههههههههههههههههههههههههههههههههههههههههههه
please answer me
ناس طيبين قوى ال قمصان نوم شتوى ال :lol:
tota_10;13382310:
انتى زعلانه ليه يا جميل
انا من اللى بيعتبرونى عرايس شهر 11 ولو انى ماعملتش اى حاجه تدل على كده لحد دلوقتى :o:o
اروح فيييييييييين تانى
انا قلت هنزل روكسى بس قولولى انزل فين مباشرة عشان اخلص
مع العلم (عشان اللى مش عارف) انا مش بدور على فستان فرح ده كتب كتاب وشبكه
وقولولى فيه اتيليه اسمه نورهان وواحد تانى اسمه ناديه الشيخ تقريبا دول فين بقا وفيهم حاجات حلوة ولا مالوش لازمه
ربنا يكرمك ويفرحك يارب وكل حاجه تخلص على خير قبل الفرح ان شاء الله
انا معرفش انتى سكنه فين بس نورهان كويس اللى فى جسر السويس واللى فى عباس العقاد
وانا كنت ماجره بتاع الفرح بتاعى من حبيبه فى مصر والسودان وهو تبع نورهان برضو
وبيكون فيهم حاجات كويسه انا معرفش انتى عوزه شكل الفستان ايه منفوش وله مش قوى بس فيهم حاجات كويسه
ناديه الشيخ انا تقريبا فكره من ايامى كان فى ناس بتشكر فيها وهى عند طيبه مول اللى قريب من اول عباس العقاد لكن معرفش فين بالظبط
وربنا يكرمك على اهتمامك F:
حنين86;13382405:
أجيب كام ملايه بجد بقي انا عندى 10 و عارفه انهم كتير بس فى واحدة عجبانى اوى فى العامرية اجيبها و لا اكبر دماغى و اعقل ؟ :)
هاتى اللى عجبك متخليش نفسك فى حاجه ان شالله محد حوش ههههههههههه
بس كفايا وعموما انتى ممكن لما تتجوزى متستعمليش كلهم مره واحده انتى عارفه انا متجوزه بقالى سنه و10 شهور ولسه فى تقريبا 4 او 5 اطقم ملايات مستخدمتهمش واللى بستخدمهم تقريبا 5 وكل فتره بطلع واحد جديد تغير
وخالى بالك متجبيش كلو ساده هاتى طقمين منقوشين وله حاجه تغير
emyrose85;13383373:
اتيليه نورهان في ميدان الحرية المعادي القديمة و بيكون عنده حاجات كويسة جدا و اسعاره معقولة من ارخص الاسعار في المعادي .....
ممكن يا ايمى تقوليلى الرينج فالمحل ده من كام خصوصا اول لبسه او تانى لبسه لفساتين الفرح
وياريت لو تعرفى محلات تانيه تكون حاجتها شيك فالمعادى تقوليلى عالخاص :o
وربنا يكملك على خير يارب
nanono;13383439:
جبت العاب زوجية :) هستلمهم الاسبوع الجاي
نانو مبروك عليكى حاجاتك بس ليا رائ بلاش تستخدمى اللعاب الزوجيه فالاول كدا لان انا شيفه انها مش مهمه قوى فالاول هى ممكن تكونى بعد كدا كاتغير لكن فالاول ملهاش لزمه لان الحياه كلها تعتبر حاجه جديده والواحد لسه بيتعود عليها فانا شيفه انها مش مستحبه فى اول الجواز يعنى وربنا يهنيكى ويفرحك يارب
عسولة عمرو;13383676:
حلوه اوى الفكره دى بس فين الاغراء فى كده;)
انتى صدقتينى وله ايه يا عسووووووووووووله انا بهزر طبعا :lol:
مهو نعمل ايه فالبنات اللى عوزه تلبس قمصان ومتبردش لزم نشوفلها حل برضو ههههههههه
nanono;13383819:
سؤال المخالفة: اجيب معالق سلفر ساااااااادة ومفيها اي نقوووش منين؟
انا جبت من سبينس كانت بتتباع فردانى كنت جيباها للبيت عادى
بنات متنسوف محل اسمو اسواق عبد العزيز فى مدينه نصر فى شارع الطاقه عند النادى الاهلى فيه كل حاجه اجهزه وكمان كل حاجات المطبخ وديكورات كمان
;)
--------------------------------
بقولكم ايه انا تعبت قووووووووووى فالرد ده طبعا مش فالكتابه لكن بكتب فيه من ساعه ونص تقريبا لان نانو بنتى كانت مجننانى ومش عارفه اخلص الرد وكنت عوزه ارد عليكو
فياريت تدعولى ان ربنا يحفظنا انا وجوزى وبينتى من المرض والحسد ويهدينا
وربنا يتقبل منكم وليكم بالمثل ان شاء الله