»¤‡° تجهيزات عرائس لشهر ذو القعدة 1431 - 2010 م / الجزء = 153 °‡¤«

مش عارفه يا كليوباترا

بس انا اكمنى مش بحب الارواب اوووى

انا جايبه روب صيفى
ده غير طبعا الاطقم الانجيرى الى جايبها ومعاها الروب بتاعها

وجايبه روب شتوى
بسسس

سووالى

بما انكم قلتو ان احسن حاجه فى البلاستيكات هى ميد ستار

هى بتتباع فيين عشان هى مش كتير فى السوق
لو تعرفو محل معين لييه

ياريت !!

ليييييييييه يا بطه

الف الف سلامه عليكى

تجيبى 12 ملايه وانتى تشكلى فيهم باه

ميرسى اوى للبنوته اللى ردت عليا
ربنا يارب ييسرلك امورك ويسعدك امين يارب
يابنات بكرر تانى امتى انزل اشترى هدوم بيتى شتوى يعنى الميعاد المناسب اللى انزل فيه واضمن ان دا الشتوى الجديد مش بتاع السنه اللى فاتت وبعدين كنت عايزه اعرف هل فى فعلا فرع لشارمين فى المنصوره ولو فى فعلا ياريت اعرف العنوان بالظبط
وفى حد اشترى حاجه من فرع جيل بتاع المنصوره ياريت برده اللى جرب يقول يلا بقى خليكو حلوين كده وحد يرد والا هعوركووو;)8o| شريره انا صح
بحبكم فى الله

هههههههه
بصى يا ريناد
انا كنت نزلت بعد العيد الصغير
ولاقيت محلات فى الغوريه بتبيع شتوى بيت طبعا

واكيد من دلوقتى هتلاقى اكيييد

او استنى شويه

الى انت عايزه

baata;13380318:

ياسلام بتتكلمي بجد وهو في كل المحلات كده اللي عند القهاوي صح ؟

:oاه و الله حزام الرقص دا من المحلات اللى قدام باب السيدات و الطقية اللى بترتر دى كنا قاعدين عند المالكى بنوتة صغيرة بتلف بيهم و قالت ب 10 جنية و مفاصلتش معاها :) انا الموضوع دخل فى دماغى بجد و عاوزة اجيب كام لون كمان اروش نفسي بيهم

tota_10;13380672:
مساء الخيـــــــــــــــر على الحلوين:D

عندى سؤال سريع بس عاوزة كلكوا تردوا عليه وتقولوا رأيكوا ;)
فاهميــــــــــــــــــــــــــن 8o|
كلكوا لازم تردوا

ايه رأيكم فى الناس اللى عاملين جروبات على الفيس بوك وعارضين فساتين وبيقولوا استيراد بالطلب

فيه واحده عندها جروب على الفيس وكلمتها على الموبايل وقالتلى انها بتاخد مقاساتى واختار الفستان اللى انا عاوزاه وتستوردهولى

ايه رأيك الكلام ده كويس ولا الحاجات دى مش مضمونه ولا ايه ؟
عشان انا اول مرة اجرب الحاجات دى

بجد عاوزة رأيكم كلكـــــــــــــــــــــم بلا استثناء :)

الفساتين دى بتكون صينى و جابو الموضوع دا فى التلفزيون بس بصراحة يا توتا حاسه ان الموضوع دا فيه مخاطرة اوى يعنى لو تعرفي حد اتعامل مع حد معين فى الموضوع دا يبقي احسن طبعا و ان شاء الله تجيبي الفستان اللى يعجبك و يوفقك

اجيب كام لحاف ؟

بطة مالك يا حبيبتى سلامتك من الخنقة

فى بنوتة بتسأل على محلات بواقى تصدير فى اسكندرية فى سموحة اسمه القلعة الاسلامية و فى محلا كتير فى خالد بن الوليد

لاسبوزا يا رب تكونى احسن

بنات محدش قالى اجيب كام بيجامة شتوى و كام قميص نوم شتوى؟؟

هو فيه قمصان نوم شتووى !!!!!

baata;13380384:

بنااااااااااااااااااااااااااااااااااااااااااات طلب من حبيبتكم بطوووووووووووطه

عايزه شقه ايجار في حدود 500 في مصر الجديده او عين شمس -الف مسكن -جسر السويس -العباسيه -مدينه نصر ارجوكم يابنانيت ساعدوني

بنات بالكتير اوي 600

كليويترا مش قلتيلي المحلات فين من اول ما انزل من محطه المرج القديمه والمكان اسمه ايه بالضبط او الشارع ؟

بطوطة حاولى تشوفى سمسار وادخلى على موقع الوسيط وفى موقع تانى هبعتهولك اسمه مبوبة مصرواى كنت بشوف عليه وبتصل
مبوبة مصرواى وان شاء الله تلقى حاجة قريب
اجيب كام بجامة صيفى ؟

tota_10;13380672:
مساء الخيـــــــــــــــر على الحلوين:D

عندى سؤال سريع بس عاوزة كلكوا تردوا عليه وتقولوا رأيكوا ;)
فاهميــــــــــــــــــــــــــن 8o|
كلكوا لازم تردوا

ايه رأيكم فى الناس اللى عاملين جروبات على الفيس بوك وعارضين فساتين وبيقولوا استيراد بالطلب

فيه واحده عندها جروب على الفيس وكلمتها على الموبايل وقالتلى انها بتاخد مقاساتى واختار الفستان اللى انا عاوزاه وتستوردهولى

ايه رأيك الكلام ده كويس ولا الحاجات دى مش مضمونه ولا ايه ؟
عشان انا اول مرة اجرب الحاجات دى

بجد عاوزة رأيكم كلكـــــــــــــــــــــم بلا استثناء :)

أنا بصراحه مش بثق في الحاجات دي بس لو البنت ثقه صلي استخاره وتوكلي على الله

N O R Y;13380685:
السلام عليكم
ازيكو يا جماعه


مرمر بتسلم عليكم وعيزاكو تدعولها عشان عندها امتحان بكره إن شاء الله
متنسوووووووووووووووووووووووووووووش ياجماعه



ممكن تقلولي على عناوين فوربد ؟؟؟؟

ربنا معاها ويوفقها ان شاء الله

MshMosha;13380726:

هي فين الكوافيرات دي ياجماعة...واسعارهم في حدود كااااام....وماري دي مكياجها كويس ؟؟

ماري دي في فايده كامل يا جميل والباكيدج بتاعها 350 بس أنا لما رحت لقيت الباكيدج شامل عندها حاجات أنا مش عايزاها فنزلتلي لغاية 250 و الميكياج بتاعها أنا شفت الصور كان تقيل أوي ومعجبنيش ويوم ما رحت كان عندها عروسه ومكياجها خفيف أوي ومعجبنيش برده بس المكياج ده حسب طلبك أنتِ
أنا من شويه كلمت ايمي اللي في ميدان الجزاير وقالتلي الباكيدج بتاعها 650 شامل كل حاجه
باقي الكوافيرات بقى مش عارفه نظامهم

بنات عايزه أعرف أجيب منين برا سواريه وبكام؟
عايزه أعرف أحسن نوع شفاط اللي بيتركب فوق البوتاجاز

fulla2010;13381417:
هو فيه قمصان نوم شتووى !!!!!

سؤالك صدمنى يا فله تفتكرى هيكون شكله ايه القميص النوم الشتوى ده :!!:
عموما لو ملاقتيش انتى ممكن تحليها بانك تلبسى بادى صوف وبنطالون تحت القمصان عادى
:rolleyes:

te amo;13381504:
بطوطة حاولى تشوفى سمسار وادخلى على موقع الوسيط وفى موقع تانى هبعتهولك اسمه مبوبة مصرواى كنت بشوف عليه وبتصل
مبوبة مصرواى الوسيط هينزلك صفحة pdfوان شاء الله تلقى حاجة قريب
اجيب كام بجامة صيفى ؟

يا بنات خالو بالكم ان اللينكات لمواقع تانيه مخالف :thumbs_up:

اما عدد البيجامات حسب انتى بتحبى ايه بتحبى البيجامات وله اللبس الدلع وله الجلابيات الجيل
بس عموما انا شيفه ان 4 كفايه قوى جمب لبس الدلع الباديهات والجيبات والبرموده كدا يعنى
وبرضو بيتوقف هل انتى هتتجوزى فالصيف وله الشتا لو الصيف يبئا هاتى حاجات كتير لو فالشتا يبئا هاتى عدد معقول عشان متضمنيش يمكن مقاسك يتغير وبرضو تراعى المقاس ومتجبيش على مقاسك بالظبط

** مودة **;13377407:

السلام عليكم ورحمة الله وبركاته

صباحكم معطر بذكر اللهF:
إذكروا الله بقى:D

عسولة عمروF:
إنتِ مش غلطانه يا حبيبتي إنت من حقك يبقى لك سكنك المستقل بذاته وده أقل حاجة ،،
موضوع بره بوالديه ده بقى حاجة تانية خالص اتكلمت فيه نور الهدى بإنه ممكن يجيب شقة قريبة منهم .

حاجة كمان لفتت نظري وضايقتني بجد ف كلامك
لما خطيبك بيقول ،،

انا بقى نفسي ،،،
وياريت الشباب ( والبنات كمان ) ما يراهنوش بحب الطرف التاني ليهم وكل شوية نسمع كلمة زى دي ( لو بتحبني او لو بتحبيني ) هتعمل كذا وكذا وكذا

كنوع من القسر والإجبار يعني:(
انا بجد بتضايق من اللي بيعمل كده لان دي مراهنة من وجهة نظري
ربنا يصلح لك الحال يارب
وإيانا:o
وهاتي 3 أو 4 برفانات كفاية قوىىىىىىى
وراعى إنها تكون عبوات صغيرة
علشان تجددي وتكسري الملل:D .

نور الهدى ياقمرF:
الاجهزة من محلات مضمونه زى بي تك مثلا ،، تمام ؟؟
او من منافذ البيع اللي بتعلن عنها الشركة المنتجة يا حبي
ولو عندك قرايب ف القاهرة خديهم معاكِ علشان أكيد هم عارفين الأماكن فيها أكتر .
وعلى فكرة ،،
عاجبني قوي توقيعك يا جميل

((( عدّ منع الله عطاءا فإنه لم يمنعك بخلا ولكن منعك لطفاً )))

هو ده بن عطاء الله السكندري ...؟؟؟
عموماً أنا كنت دعيت لك قبل كده ف مشاركة سابقة معرفش ان كنتِ شفتيها ولا لاء;)
إن ربنا يملا حياتك زى إسمك بالنور والهدى .

جزاكى الله خيرا وانا على فكرة بحبك اوى فى الله ربنا يخليكى ليا وانا كنت شوفت مشاركتك وكنت مبسوطة جدا وكنت كتبتلك مشاركة بس اتمسحت والتوقيع ده نصيحة شيبان الراعى لسفيان الثورى انا شوفتها على النت عشان متظنيش فيا ظن حسن وتحسبينى ليا فى الكلام ده :D

** مودة **;13377580:

مريمية

بالنسبة لسؤالك ازاى تكتبي اسم الموضوع

الأول روحي على الموضوع بتاعك وإعملي كوبي لل Address

تمام ؟؟؟

بعد كده مش فيه عندك لما تيجي تكتبي رد فيه 3 صفوف فوق بتوع تنسيق الخط واللون وكده ؟؟

بصي على آخر صف تحت من الشمال هتلاقي خانة بإسم ( إدراج رابط بعنوان )
اضغطي عليها وهيطلع لك ويندو صغير كده
فيه سطرين
الاولاني مكتوب فيه فضلا اضف الرابط
وده تعملي فيه بيست لرابط موضوعك
معايا ;) ؟؟؟؟؟

والصف التاني هيسألك على العنوان بتاع الموضوع واكتبي بقى انتي العنوان

واعملي اعتماد ،،:thumbs_up:

هينزل لك على طول الرابط باسم موضوعك في نفس الرد ،،،

بس خلاص

ويارب يكون الشرح واضح ،،:o

حاكم أنا عارفة نفسي

ممكن أكون توهتك :worn_out::worn_out:

عسولة عمرو;13378155:
سمكة بحر شكرا ليكى وعلى ردك ادعولى يا بنات
ونور الهدى شكرا ليكى يا حبيبتى وشكرا على التوضيح بس بردو مش فهمت ههههه:D
موده شكرا ليكى يا حبيبتى تسلمى ورأيك ريحنى انت ونور الهدى
نانووو هو انتى بتقولى فى فرع زهلران فى مركاتوو؟؟؟؟


ايوه كده انا فهمت

ليه مش صحى انا اول مره اسمع كده وفى ناس كتير مجرباه وبتقول حلو هو بيكون مش صحى لما مش تحافظى على الحله وتتخبط منك او تقع فتتقشر زيه زى التيفال

والله عنك حق يا بنتى متفهميش منى البركة فى مودة قالت طريقة اسهل بس برضو الطريقة بتاعتى المواضيع بيها تبقى ثابتة فى الرد على طول:D:rolleyes:

meramia;13379501:



ربنا يارب يكرمك يانور

بس برضه مش عارفه
طب انا دلوقتي عندي كذا موضوع
احط التلاته ازي
ورا بعض في نفس السطر
ولا اكتبهم تلات مرات ولا ايه

علي العموم انا عملت حاجه تانيه
اناجيت في الرد عملت
ادراج رابط بعنوان الايقونه بتاعته اهه
بس برضه كل مره لازم اعمل كوبي وبيست

وماتزعليش والله اللي بعرف أرد عليه برد
طقم الصيني بيبقي غالبا 124 قطعه وفيه 137 قطعه
والاركوبيركس فيه 19 قطعه وفيه 58 قطعه وفيه حاجه وسبعين

جزاكى الله خيرا يا ميراميا انا مش فاهمة طريقتك بس شوفت اهو انك عرفتى تعمليها مبروك:D

saso_mc;13379569:

بصى ياقمر حمام التلات وحارة اليهود ودرب سعاده فى مكان واحد يعنى هتروحيهه مع بعض هتنزلى العتبة وتركبى تاكسى تقوليله حمام التلات هتنزلى عند تقاطع هتلاقى مدخل يمين لدرب سعادة ومدخل شمال لحمام التلات وانتى فى حمام التلات هتسالى على حارة اليهود لانهم موصلين لبعض
اما مركاتو والتوحيد والنور فى اول عباس العقاد وبعدها تركبى تاكسى للعامرية عند نادى السكة
واسفة للاطالة

جزاكى الله خيرا بس هو انا لو معايا عربية برضو بركنها فى العتبة وباخد تاكسى لحمام التلات هو مفيش ركنات هناك خالص
ونادى السكة ده برضو فى مدينة نصر ولا حتة تانية

meramia;13379664:
ربنا يكرمك
ياموده ياقمر
ماهو أنا كنت لسه متوصله للحل ده قبل ماتردي علطووول
لوحدي كده يأوختشي أه والله
شوفتي النباهه:study:
هههههههههههه


ياحبيبه قلبي
أنا رديت عليكي والله

وهأرد تاني أهو
ممر دنيا النغم بيبقي فيه حاجات حلوه
انا جبت واحد حلو قوييي ب 140 جنيه

شكلى هاغلس عليكى وهاقولك ان دى مش نفس طريقة كلاسيك لان المواضيع بتاعتك بتبان عند كل اقتباس والمفروض مش تبان صدقينى طريقتى هى المعتمدة:D:study::D
هو ممر دنيا النغم فين ؟

baata;13380318:

معلش ياقمر الحال من بعضه هههههههههههههه وانا بفكر زيك بالضبط بس اتنازلت وبدور ع شقه ايجار بس برده الديا مقفله في وشنا بجد وانتي مش غلطتي وده من حقك طبعا واستخيري ربنا في الموضوع ده

الصيني بيبقى ميه حاجه وتلاتين تقريبا والبيركس حاجه وستين مش فاكره بالضبط


ونفس سؤال الاجهزه

جزاكى الله خيرا وجعل لكى من كل هما فرجا ومن كل ضيقا مخرجا ورزقكى من حيث لا تحتسبى

كليوباتراا;13380556:
ميرسي يانور الهدى ياقمر انا شارياه من حمام التلات ...........


قولولي معرض العروسين دة مواعيدة امتى يعنى كل شهر اية؟؟؟لانى عرفت انة قفل عايزة اعرف بيبدأ امتى

جزاكى الله خيرا وربنا يسعدك بحاجتك ان شاء الله

ريناد@;13381069:
ميرسى اوى للبنوته اللى ردت عليا
ربنا يارب ييسرلك امورك ويسعدك امين يارب
يابنات بكرر تانى امتى انزل اشترى هدوم بيتى شتوى يعنى الميعاد المناسب اللى انزل فيه واضمن ان دا الشتوى الجديد مش بتاع السنه اللى فاتت وبعدين كنت عايزه اعرف هل فى فعلا فرع لشارمين فى المنصوره ولو فى فعلا ياريت اعرف العنوان بالظبط
وفى حد اشترى حاجه من فرع جيل بتاع المنصوره ياريت برده اللى جرب يقول يلا بقى خليكو حلوين كده وحد يرد والا هعوركووو;)8o| شريره انا صح
بحبكم فى الله

اعتقد تشترى اللبس الشتوى الجديد نص 11 ونفس السؤال عن شارمين
اما جيل روحته من شهر تقريبا ومكانش عنده حاجات حلوة اشتريت منه بس قميص ب60 وكان عنده بس تخفيض 10% مش زى فروع مصر وكان عنده الشتوى القديم هو اللى نازل عليه تخفيض كبير بس مش فاكره كام واى خدمة متعمليش فيا حاجة بقى;):( احبك الله الذى احبتتنا فيه

banana z3lana;13378483:
ساره حبيبتي
فين بقي سبورت مول ده اوصفيلي من عند جاد
و تفتكري هيبقي بكام
و طقم الصيني ده كامل كلو كلو
اخليه مطبخ ؟

لو ليكى اخوات بنات اقسميه معاهم واستخدميه للمطبخ زى طقم العشا كده

fulla2010;13381417:
هو فيه قمصان نوم شتووى !!!!!

اعتقد لأ طبعا :)اكيد المقصود العاديين اللى بيتلبسوا طول اليوم القطيفة والميلتون

نسيت اكتب سؤالى انا هاروح ان شاء الله يوم فيه كارفور وهايبر ون فى اكتوبر اروح بقى بقية اليوم منطقة الدقى وللا عباس العقاد مين هياخد الوقت الاقل
انا احتمال كبير ابدأ اليوم ان شاء الله الساعة خامسة المغرب واروح مين الاول بتوع اكتوبر ولامصر ومين مواعيد قفله بدرى عن التانى وبرضو درب السعادة وحمام التلات لو احتمال اقعد يوم تانى ليه هو والدقى او مدينة نصر
هو صحيح هايبر ون ده اسعاره كويسة ولا غاليه

معقول مفيش بنات لا من القاهره وله اسكندريه يعرفوا اسعار الفساتين ايه

اومال العرايس بتوع شهر 10 و11 و12 لسه ملفوش عالفساتين لحد دلوقتى عموما ربنا يكرمكم

وكان نفسى ماتكسفونيش قدام ابن خالتى

وربنا يكملكم على خير

عوزه انصحكم نصيحه متجبوش حاجه انتو مش مقتنعين بيها وهتجبوها بس عشان تكون منظر قدام الناس وتجيبو حاجات ملهاش لزمه
ومش لزم تجيبو كل فتفوته فالشقه وتعملو كل حاجه كل حاجه لانك هتيجى فى وقت وعوزه تغيرى حاجه فالبيت او تزودى حاجه وده هيكون صعب لو انتى مش سايبه ركن فالبيت جيباله كله حاجه

وفالهدوم خالو بالكم كويس من المقاس ومش كلو مقاسكم بالظبط يعنى هاتو اكبر نمره لان الواحد مش بيضمن نفسه بعد الجواز بدل المحاجات تضيق عالفاضى وتجيبو حسب الفصل اللى هتتجوزو فيه سواء شتا كترو من الشتوى والعكس

حاجات العنايه الكريمات والحاجات ديه متكتروش خالص وعموما تجيبو حسب استخدمكو والحاجه اللى متعودين عليها يعنى مثلا واحده مش بتعمل سشوار لوحده متفكرش انها تجيبو مجرد انها هتتجوز وكل شويه هتعمل مهى مش متعوده يعنى مش هتعمل برضو بعد الجواز فهمنى وكذالك بالنسبه للكريمات والسكرب وكدا بمعنى اصح هاتو الحاجات ديه بالعقل

وياريت ياريت تغيررو فكرت نجيب حاجات للنيش وحاجات للضيوف وحاجات للمطبخ وشويه تجيبو حاجات للجيران كمان
بجد خالو تفكركم عملى وهاتو المفيد وارحمو اهلكم وسيبكم من كلام الناس محدش بينفع حد وكدا كدا الناس مش بيعجبها حاجه سواء جبتى كتير يقولى جيبه كتير جبتى قليل يقولو جبتى قليل سيبكم من الناس وهاتو اللى هتحتجوه وحسب احتياجتكم واستخدمكم

وربنا يسعدكم كلكم

متزعليش يا أناناسا بس أنا مش عارفه عايزه ايجار ولا شراء؟
أنا لما كنت بدور على فساتين ايجار كانت الأسعار بين 400 ل800 بس ده حسب حالة الفستان وأنا كمان مدورتش كتير يعني
البنات ان شاء الله يفيدوكي

crazy ananas;13381783:
سؤالك صدمنى يا فله تفتكرى هيكون شكله ايه القميص النوم الشتوى ده :!!:
عموما لو ملاقتيش انتى ممكن تحليها بانك تلبسى بادى صوف وبنطالون تحت القمصان عادى
:rolleyes:

يا بنات خالو بالكم ان اللينكات لمواقع تانيه مخالف :thumbs_up:

اما عدد البيجامات حسب انتى بتحبى ايه بتحبى البيجامات وله اللبس الدلع وله الجلابيات الجيل
بس عموما انا شيفه ان 4 كفايه قوى جمب لبس الدلع الباديهات والجيبات والبرموده كدا يعنى
وبرضو بيتوقف هل انتى هتتجوزى فالصيف وله الشتا لو الصيف يبئا هاتى حاجات كتير لو فالشتا يبئا هاتى عدد معقول عشان متضمنيش يمكن مقاسك يتغير وبرضو تراعى المقاس ومتجبيش على مقاسك بالظبط

هههههههههههههه

انا بسال عشان لاقيت سلمى بتقول قميص نوم شتوى
وانا عارفه ان اغلب قمصان نوم بتفضح اكتر ما تدارى عشان كده استغربت
هههههههههههه
بس الى انتى بتقوليه ده لا معقووووووول بنطولن تحت القميص
لا معقول فعلا
ههههههههههههههههههههههههههههههههههههههههههههه

المهم مافيش حد جاوب على سوالى

الاقى فيين يلاستيكات ميد ستتاااار الى انتو قولتلو عليه احسن حاجه فى البلاستيكااات

please answer me

انا شايفه فيه بنات كانت بتسأل على فروع الشريف
انا اعرف فرع السيده زينب
وفيه فرع كبير فى الازهر
جنب الحسين بالضبط ادام جاد بتاع السندوتشات


F:نودىF:
ألف سلامه عليكى
يلا خفى بقا عشان ترجعى ترغى و تصدعينا
قصدى ترغى وتسعدينا;)

.* اميرة *.;13370496:
بنات عندى سؤال للعرايس اللى حجزوا فرحهم الدارات كلها محجوزة لاخر ديسمبر ولا مش كله؟؟؟

لأ لسه فيه اماكن فاضيه فى دارات كتير
فيه دارات لسه شهر 11 فاضى فيها كمان

نـور الهـدى;13371455:
يا بنات سألت الاسئلة دى قبل كده بس يا ريت تردوا عليا المرادى لانى محتاجة التفاصيل بجد انا كنت هسافر اسكندرية بس الظروف ماسمحتش فالاحتمال الاكبرانزل مصر بعد يومين ان شاء الله
وعايزة اعرف اماكن حمام التلات ودرب السعادة وحارة اليهود والتوحيد والنور وماركاتو وهوم تاتش والعامرية ومنفذ بيع لزهران ومين قريب لمين؟
انا مسافرة عايزة اشترى الصينى والاركوبال وطقم العشا الاركوبيركس وكاسات اذواقها راقيه وشنطة المعالق يا ريت المانى اصلى والصوانى البيركس الاصليه والصوانى البورسلين وصوانى البيتزا المخرمة وحاجات المطبخ عموما اللى مش موجودة عندى فى المنصورة
وملايات وفوط العامرية والمجد مش الاماكن اللى فوق دى هلاقى كل الحاجات اللى عايزاها فيها ولا اروح فين كمان؟
هى الاماكن دى تاخد كام يوم لف من الصبح لبليل؟
يا بنات ردوا عليا ضرورىىىىىىىىىى

شوفى يا ستى
حمام التلات ودرب سعاده وحارة اليهود ودرب البرابره والموسكى والازهر وكل دول جنب بعض والمكان مايتراحش بالعربيه الا لو هتركنيها بره وتدخلى تلفى فى الاماكن دى لأنها من الاخر حواااااارى كلها حوارى حوالين بعض وبتتاخد مشى
انزلى مكان اسمه العتبه سواء بقا بالمترو او الميكروباص وتنزلى تلفى فى كل الحاجات دى جنب بعض
بس عشان ماتتوهيش فى الشراء تحددى النهارده مثلا هنزل اشترى الحلل والاطقم بتاعه الاطباق كل الانواع دى والكوبايات والكاسات
يبقا تزلى العتبه وتروحى مباشرة على حمام التلات ودرب سعاده
وتلفى براحتك بقا
ويوم تانى تجيبى المفروشات بتاعتك الملايات والبطاطين مثلا والمفرش والفوط وكده
يبقا تنزلى بردو نفس المنطقه وتروحى ناحيه الازهر وهتلاقى محلات بالهبل وعندهم كل الانواع انتى اتفرجى فى المحل على كل اللى انتى عاوزاه واختارى الانواع اللى انتى عاوزاها (العامريه بقا ودهب والمجد وكل حاجه )
مثلا لو عاوزة الاكسسوارات والحاجات دى تنزلى تروحى حارة اليهود
عاوزة نجف وحاجات كهربيه تروحى درب البرابره ودى كمان مشهورة بالحاجات بتاعه السبوع وكروت وتوزيعات الافراح انا كنت بشوفها بس ماجبتش منها حاجه قبل كده


مركاتو بقا ده فى مكان تانى خالص
ده فى مدينه نصر-أخر شارع عباس العقاد عند طريق النصر
وده زى مول كده وفيه هايبر ماركت
وفى الدور الارضى بتاعه فى فرع من زهران لو عاوزة تجيبى منه حاجه
ومركاتوا فيه كل حاجه من الادوات المنزليه وحاجات المطبخ والحلل والاطباق والملايات والأجهزة وكل حاجه

التوحيد والنور ليه فروع فى كل حته
بس لو مثلا عاوزة حاجه قريبه من اللى انتى هتروحيه ده
ممكن تروحى فرع التوحيد والنور فى مدينه نصر
هو فيه كذا فرع كمان فى مدينه نصر
بس انا فاكرة انه فيه واحد فى عباس العقاد
وممكن تقوليلنا انتى عاوزة منطقه ايه وهما البنات يقولولك التوحيد والنور اللى فيها موجود فين بالضبط

بالنسبه لعدد الايام عشان تشترى حاجاتك
انا قلتلك رأيي
قسمى الحاجات حسب نوعها حتى لو هتنزلى نفس المنطقه عشان تركزى وتلفى براحتك

عسولة عمرو;13374000:

السؤال هو فرع زهران فين والاسعار اكيد ارخص ولا عاديه ولا ايه الميزه فيه؟؟؟

انا لما جبت التيفال بتاعى جبته من زهران لما كان فاتح فى معرض شهر 3 اللى فات
بس انا شوفت فرع لزهران فى الدور الارضى فى مركاتو
واكيد لما بيكون الفرع بتاع زهران بيبيع بأسعاره غير لما محل عادى يبيع منتجات زهران هيغليها شويه

nanono;13375216:


بطة هو بيعمل اي حاجة عادي وعنده كمبيوتر لو حابة توديله الصورة زي مانا عملت لكن موضوع انك تشوفي شكل الفستان ده انزلي المحلات وقيسي وشوفي شكلهم عليكي وفي محلات عندها حاجات شيك زي باربي اللي في بطرس غالي واللي اجرت منه تميمة اللي قدام مستشفى الجنزوري وفي غيرهم كتير وعندهم حاجات شيك زي اللي ع النت فروحي قيسي وشوفي

ايه ده يا نانونو هو باربى فى بطرس غالى؟
مش باربى ده فى العمارة اللى جنب اللى فيها اتيليه نانسى؟
عن الحريه مول ؟
هو ده شارع بطرس غالى ؟
ده اسمه شارع شريف
ولا انا اقصد حاجه تانيه؟؟؟؟

meramia;13379811:

يابنات بجد والله مش عشان المخالفه وبس
أجيب كام قزازه ميه


يادي النييييله
العيال ياعيني المخالفه جننتهم
كل ماواحده تقول أجيب كام ؟
يحسوها بتقول أي كلام هههههههههههههههه
لأ أحيانا والله بيكون الكلام بجد ياعيال:p:worn_out::p:worn_out:

هههههههههههههههه
عسل يا بت يا ميرا:lol::lol::lol:
بعد كده اللى عاوزة تأكد اننا نجاوب سؤال المخالفه تكتب بين قوسين (جابوا بجد)
هاتى 5 ازايز ميه
حلو كده:D

** مودة **;13380388:

إن شاء الله هتيجي يا بطة F:
كل حاجة حلوه هتيجي ياجميله
تفاءلوا بالخير تجدوه إن شاء الله
قومي الليل ،، وإستغفري كتير
((والكلام ده بقوله لنفسي كمان عشان حسن ييجي:D:D ))
بس كله جاى إن شاء الله:L:

سؤال جانبي
أجيب منين عبايات خروج خليجيه :worn_out:؟؟؟

وحشانى يا موده
اختفيتى شويه ليييييييه يا هانم
ماتغيبيش كده
مشاركاتك بتوحشنا
وربنا يبعتلك حسن بسرعه بقا :D ونفرح فيكى ;)

fulla2010;13380737:
ايوة انا شفت الجروبات دى
طالما واحده كويسه ومضموننه خلاص مافيش مانع
انما انا مش جربت بصرااحه

مانا ماعرفش انها مضمونه
انا هعرف منين:D:D
بس ميرسى على ردك

baata;13381010:

انا تعباااااااااااااااااااااااااااااااااااااااااانه ومخنووووووووووووووووووووووووووووووووووووووووووووووووووقه ومتكتفه ومش عارفه اعمل اي حااااااااااااااااااااااااااااااااااااااجه
:'(:'(:'(:'(:'(:'(:'(:'(:'(:'(
:-#:-#:(

سؤال المخالفه اجيب كام ملايه ؟

يا حبيبتى يا بطوطه :(
معلش يا قمر ..اصمدى واصبرى
هتفرج قريب ان شاء الله يا حبيبه قلبى:):L::L:

حنين86;13381382:


الفساتين دى بتكون صينى و جابو الموضوع دا فى التلفزيون بس بصراحة يا توتا حاسه ان الموضوع دا فيه مخاطرة اوى يعنى لو تعرفي حد اتعامل مع حد معين فى الموضوع دا يبقي احسن طبعا و ان شاء الله تجيبي الفستان اللى يعجبك و يوفقك

اجيب كام لحاف ؟

ممممممممممممممم
والله انا خايفه من موضوع المخاطرة ده فعلا
ومعرفش حد اتعامل معاها قبل كده
ربنا ييسر بقا
واجاوب على سؤالك لو كان بجد يعنى:D:D
هاتى لحاف واحد

fulla2010;13381417:
هو فيه قمصان نوم شتووى !!!!!

ياريييييييييييت;)

أتلانتس;13381738:
أنا بصراحه مش بثق في الحاجات دي بس لو البنت ثقه صلي استخاره وتوكلي على الله

مانا معرفش اذا كانت ثقه ولا لأ
شكلى هبعد عن الموضوع ده وخلاص بقا:(
ميرسى على ردك

crazy ananas;13382041:
معقول مفيش بنات لا من القاهره وله اسكندريه يعرفوا اسعار الفساتين ايه

اومال العرايس بتوع شهر 10 و11 و12 لسه ملفوش عالفساتين لحد دلوقتى عموما ربنا يكرمكم

وكان نفسى ماتكسفونيش قدام ابن خالتى

وربنا يكملكم على خير

عوزه انصحكم نصيحه متجبوش حاجه انتو مش مقتنعين بيها وهتجبوها بس عشان تكون منظر قدام الناس وتجيبو حاجات ملهاش لزمه
ومش لزم تجيبو كل فتفوته فالشقه وتعملو كل حاجه كل حاجه لانك هتيجى فى وقت وعوزه تغيرى حاجه فالبيت او تزودى حاجه وده هيكون صعب لو انتى مش سايبه ركن فالبيت جيباله كله حاجه

وفالهدوم خالو بالكم كويس من المقاس ومش كلو مقاسكم بالظبط يعنى هاتو اكبر نمره لان الواحد مش بيضمن نفسه بعد الجواز بدل المحاجات تضيق عالفاضى وتجيبو حسب الفصل اللى هتتجوزو فيه سواء شتا كترو من الشتوى والعكس

حاجات العنايه الكريمات والحاجات ديه متكتروش خالص وعموما تجيبو حسب استخدمكو والحاجه اللى متعودين عليها يعنى مثلا واحده مش بتعمل سشوار لوحده متفكرش انها تجيبو مجرد انها هتتجوز وكل شويه هتعمل مهى مش متعوده يعنى مش هتعمل برضو بعد الجواز فهمنى وكذالك بالنسبه للكريمات والسكرب وكدا بمعنى اصح هاتو الحاجات ديه بالعقل

وياريت ياريت تغيررو فكرت نجيب حاجات للنيش وحاجات للضيوف وحاجات للمطبخ وشويه تجيبو حاجات للجيران كمان
بجد خالو تفكركم عملى وهاتو المفيد وارحمو اهلكم وسيبكم من كلام الناس محدش بينفع حد وكدا كدا الناس مش بيعجبها حاجه سواء جبتى كتير يقولى جيبه كتير جبتى قليل يقولو جبتى قليل سيبكم من الناس وهاتو اللى هتحتجوه وحسب احتياجتكم واستخدمكم

وربنا يسعدكم كلكم

انتى زعلانه ليه يا جميل
انا من اللى بيعتبرونى عرايس شهر 11 ولو انى ماعملتش اى حاجه تدل على كده لحد دلوقتى :o:o
بس قولى سؤالك يمكن اساعدك

وانا معاكى فى كل كلمه قولتيلها تخص الجهاز
انا بردو مش بحب اجيب غير الحاجات اللى انا عاوزة استعملها
ومش فارق معايا كلام حد:D

شوفوا بقا يا قمرات
انا ولا هفصل ولا هستورد فستان
انا هنزل زى الشاطرة الف على الاتيليهات وامرى لله
انا روحت عباس العقاد وماعجبنيش حاجه
وروحت اتيليه فرحه فى عمارات العبور وماعجبنيش حاجه
وروحت اتيليه باربى ونانسى اللى عند الحريه مول وماعجبنيش حاجه بردو
اروح فيييييييييين تانى
انا قلت هنزل روكسى بس قولولى انزل فين مباشرة عشان اخلص
مع العلم (عشان اللى مش عارف) انا مش بدور على فستان فرح ده كتب كتاب وشبكه
وقولولى فيه اتيليه اسمه نورهان وواحد تانى اسمه ناديه الشيخ تقريبا دول فين بقا وفيهم حاجات حلوة ولا مالوش لازمه

ممر دنيا لنغم يا نور الهدى
فى وسط البلد فى شارع 26 يوليو

اشهر من النار على العلم

اسالى وهيقوليلك عليه على طووول

CuTie KaTkOoTa;13380533:
ايوة الفرع اللي هناك كبير وحلو اوي وله فرع عند المريلاند كمان بس صغير


اه زهران في مول مركاتو الدور الارضي تحت

وماكرو فعلا 3 فروع اتني فتحوا والتالت لسه
اسمها مدينة السلام دي بتبقي قريبة من جسر السويس والعبور كده لكن دار السلام دي قرب المعادي تقريبا مكان تاني خالص وبتاع القليوبية ده صح والتالت في فيصل

هو فين في فيصل ؟؟؟ ^o)

توتااا
بقولك اييه فى بنوتة فى الخن التانى حاطة صور خطوبتها و قايلة انها بعتت تشترى الفستان من الصين ب نفس الطريقه اللى بتقولى عليها دى كلميها هناك و اعرفي منها التفاصيل هيا عاملة موصوع اسمة صور خطوبتى انا كمان اكيد هيا اكتر واحدة هتفيدك فى الموضوع دا

أجيب كام ملايه بجد بقي انا عندى 10 و عارفه انهم كتير بس فى واحدة عجبانى اوى فى العامرية اجيبها و لا اكبر دماغى و اعقل ؟ :)

tota_10;13382310:

شوفوا بقا يا قمرات
انا ولا هفصل ولا هستورد فستان
انا هنزل زى الشاطرة الف على الاتيليهات وامرى لله
انا روحت عباس العقاد وماعجبنيش حاجه
وروحت اتيليه فرحه فى عمارات العبور وماعجبنيش حاجه
وروحت اتيليه باربى ونانسى اللى عند الحريه مول وماعجبنيش حاجه بردو
اروح فيييييييييين تانى
انا قلت هنزل روكسى بس قولولى انزل فين مباشرة عشان اخلص
مع العلم (عشان اللى مش عارف) انا مش بدور على فستان فرح ده كتب كتاب وشبكه
وقولولى فيه اتيليه اسمه نورهان وواحد تانى اسمه ناديه الشيخ تقريبا دول فين بقا وفيهم حاجات حلوة ولا مالوش لازمه

أنا معرفش أتيليه نورهان اللي البنات بيقولوا عليه ده هو اللي اعرفه ولا لا بس في في المعادي أتيليه نورهان بس معجبنيش حاجه من هناك إلا فستان واحد لونه ازرق وكان عاجبني جداا بس جبت واحد تاني عشان شكله مختلف شويه عن الفساتين اللي موجوده مع انه سوري وأنا مكنتش متخيله إني البس فستان سوري بس نصيب بقى
أنا جبت فستاني من شارع بطرس غالي مع العلم اني ملفيتش كتير يعني نزلت بطرس غالي و نورهان ده بس وأكيد لو كنت لفيت أكتر كنت هلاقي اشكال أكتر