استفسارات وتساؤلات الامهات عن كل شئ (الجزء الرابع)

ممكن تقبلوني معاكم انا ان شاء الله لسة ماما في المستقبل يعني بس كنت عايزه اعرف منكم انتوا عرفتوا نوع البيبي امتى و ابتديتو تجهزوا الحاجة امتى و حاجة مهمة جدااااا بقى ايام الحمل كان بيجيلكم صداع و كنتم بتعملوا فيه ايييييييه معلش طولت عليكم من اول مره كده

redflowerlovey;13307030:
ممكن تقبلوني معاكم انا ان شاء الله لسة ماما في المستقبل يعني بس كنت عايزه اعرف منكم انتوا عرفتوا نوع البيبي امتى و ابتديتو تجهزوا الحاجة امتى و حاجة مهمة جدااااا بقى ايام الحمل كان بيجيلكم صداع و كنتم بتعملوا فيه ايييييييه معلش طولت عليكم من اول مره كده

اهلا بيكى ياقمر انتى منورانا الف الف مبروك ربنا يكملك حملك على خير ويرزقك باحلى نونو يارب
بصى ياست البنات نوع البيبى بيتعرف على الشهر الرابع كدة بس هى بتفرق من واحدة للتانية يعنى انا عرفت فى اخر الشهر التالت والناس بتوع زمان بيقولوا ان الولد بيبان قبل البنت البنت بتبقى مكسوفة فقافلة رجليها او مدياكوا ضهرها لكن الولد عادى مش بيبقى مكسوف هههههههههههههه
دى معتقدات زمان فاللة اعلم ممكن تلاقية ولد ومايبنش غير على اخر الرابع اول الخامس كدة يعنى
والحاجة تبتدى تجيبها لو عايزة من دلوقتى الحجات اللى هى تنفع للاتينين يعنى اللبس الداخلى ولما تعرفى نوع البيبى ان شاءاللة يبقى هاتيلة اللبس بقى والحجات دى والحجات بتاعة الجسم والحجات دة يبقى قبل الولادة بشوية بشهر كدة ولا حاجة عشان تاريخ الصلاحية بتاعتها
بالنسبة للصداع افضل انك تسالى الدكتور بتاعك عشان ممكن يكون ضغطك عايز يتظبط وممكن يكون مفيش حاجة ويكون عارض من عوارض الحمل بس اسالى الدكتور امان اكتر ليكى والف سلامة عليكى ياقمر ابقى طمنينا عليكى

katkooota_7aboooba ام حــور;13306613:

انا الاول كنت بجيب لحور سريلاك كان مكتوب عليه يحضر باللبن بس دلوقتى السريلاك الى جابه زوجى مكتوب عليه يحضر بالماء .. ممكن ده اعمله باللبن " لبنى أنا"
ولما احط فى البيبرونه لبنى يقعد قد ايه وهل لازم اسخنه لما اجى اديهولها تانى؟؟؟

ما هو فيه انواع فعلا باللبن وانواع بالمية، بس عامة كلهم بيمشوا بالمية عادي ، ولو باللبن اه طبعا ينفع لبنك الدكتور كان قايلي كده اصلا لو انا حبيت او اللبن يكفي يعني.

وبيقعد بره التلاجة ساعتين بس حاولي ميكونش الجو حر بردو، ولو جوا التلاجة 8 ساعات وبتطلعيه تدفيه في حمام مية واوعي تسخنيه تسخين مباشر غلط جدا، وبلاش يتحط في الفريز خالص عشان بتكسر حاجات وبتغيرها جوا تركيبة اللبن نفسها، ولو كانت شربت منه ماينفعش تسيبيه عشان تكمل منه كمان شوية مفروض يترمي

CuTie KaTkOoTa;13307387:
ما هو فيه انواع فعلا باللبن وانواع بالمية، بس عامة كلهم بيمشوا بالمية عادي ، ولو باللبن اه طبعا ينفع لبنك الدكتور كان قايلي كده اصلا لو انا حبيت او اللبن يكفي يعني.

وبيقعد بره التلاجة ساعتين بس حاولي ميكونش الجو حر بردو، ولو جوا التلاجة 8 ساعات وبتطلعيه تدفيه في حمام مية واوعي تسخنيه تسخين مباشر غلط جدا، وبلاش يتحط في الفريز خالص عشان بتكسر حاجات وبتغيرها جوا تركيبة اللبن نفسها، ولو كانت شربت منه ماينفعش تسيبيه عشان تكمل منه كمان شوية مفروض يترمي

شكرا على ردك
طيب حور دلوقتى لما بحطها على ظهرها بتتقلب على بطنها وترفع نفسها كده يعنى زى الحبو كده رجلها وبطنها مرفوعين عن الارض لكن راسها لا بتبقى بتمص فى صوبعها اليمين واليد التانيه تحت صدرها بتزق راسها كده عشان تطلع قدام
تخيلتوا شكلها عبيطه انا عارفه بس اعملها ايه عشان تسند على ايدها
هى ساعات بتتعب ولما بتريح بترفع ايدها بس عشان تشوف وصلت للعبه ولا لا يعنى بتعرف ترفعهم لكن مش مع بعض

لو حد يعرف مستشفى التوفيقية اللى فى عباس العقاد وهل هيه كويسة ولا لا أسعارها أية

يابنات هو انا لو خلصت التاسع ومجاليش طلق لا قدر الله او الرحم متفتحش

والراس تحت في حل عشان اولد طبيعي

يعني سمعت انو في لبوسه بتتاخد عشان تفتح الرحم

الكلام ده صحيح

ايوة يا توكى في لبوسة مهبلية بتتاخد علشان الرحم يتفح وتحمى الطلق
وان شاء الله تقومى بالسلامة وتجيبي احلى بيبيي
ربنا معاكى يااارب

مس توكي ايوة اسمها تحميلة للطلق الصناعى كنت باخدها لانى اتاخرت عن معادى لكن مفيش دكتور بيلجأ ليها الا لو فيه سبب طبى يعنى لو تخطيط البيبي كويس يبقى الانتظار للطلق الطبيعي احسن .. هما 3 تحميلات كل 6ساعات ممكن الطلق يبدأ من الاولى او التانيه

انا خدت 4 تحميلات:woo: وقعدت 4 ايام أولد :confused:
ربنا يرزقك ولادة سهلة ميسرة:)

ياسمينــــا;13308179:
ايوة يا توكى في لبوسة مهبلية بتتاخد علشان الرحم يتفح وتحمى الطلق
وان شاء الله تقومى بالسلامة وتجيبي احلى بيبيي
ربنا معاكى يااارب

ياسمينا يارب يخليكي طمنتييني انا قلقانه ومتوترة اووووى وزى ما يكون قاعده مستنيه الطلق وحاسه ان خوفي وقلقي ده هو الى مهربو مني
خايفه بعد ك ده ميجيش طلق واولد قيصري

اخر مره روحت للدكتور كشفلي كشف نسا وقالى انو الراس تحت بس عايزينها تنزل كمان شويه وان الحوض كويس الحمدلله بس ما عليا الا انى امشي كتير ونستني الطلق بقي ف خفت يكون الطلق الطبعي ده هو الفيصل بين الولاده الطبيعي والقيصري

رجائي رضا ربــــي;13308238:
مس توكي ايوة اسمها تحميلة للطلق الصناعى كنت باخدها لانى اتاخرت عن معادى لكن مفيش دكتور بيلجأ ليها الا لو فيه سبب طبى يعنى لو تخطيط البيبي كويس يبقى الانتظار للطلق الطبيعي احسن .. هما 3 تحميلات كل 6ساعات ممكن الطلق يبدأ من الاولى او التانيه

انا خدت 4 تحميلات:woo: وقعدت 4 ايام أولد :confused:
ربنا يرزقك ولادة سهلة ميسرة:)

يااارب يا رجااائي رضا ربي طمنتونى ربنا يجازيكو خيير يااااارب

توكى جربي جلسة القرفصاء زى الصورة دى



جربتها فى المستشفى والحمد لله الراس نزلت تحت خالص

وكنت كل ما اعمل كدا احس بضغط كبير من تحت



ودا الموضوع

جلسة القرفصاء جلسة شائعة بين أهل القرى ، ويبدو أن لهذا السبب تكون ولادة نساء القرية أكثر سهولة ويسر عن الولادة بين نساء المدينة ، فوضع القرفصاء يفيد المرأة أثناء الحمل والولادة ، وحالياً ينصح المختصون السيدة الحامل بالتدرب على جلسة القرفصاء ، وبعضهم يفضل أن تلد أيضاً عن طريق هذا الوضع بدلاً من الولادة أثناء الاستلقاء على الظهر .
وتتمثل الفوائد التي تعود على الحامل والوالدة من القرفصاء في الأمور التالية :
تساعد القرفصاء على تخفيف آلام الظهر ، وتزيد الضغط داخل بطن الأم وهذا يمنع شعورها بالإمساك أثناء الحمل ، وأثناء الولادة تساعد القرفصاء على زيادة حجم الحوض وسهولة خروج الجنين دون الحاجة إلى إجراء الشق الجراحي لتوسيع مخرج الولادة في منطقة العجان (وهي المنطقة التي تقع خلف فتحة المهبل) episiotomy ، كما أن الوضع الرأسي للجنين أثناء القرفصاء يجعل وزنه يساعد الأم على الولادة بمجهود أقل .
كيفية التدرب على القرفصاء :
الأطفال وصغار السن يجيدون القرفصاء ويمارسونها أثناء لعبهم بمهارة ، كذلك يمارس القرفصاء كبار السن في أغلب المجتمعات التي اعتادت الجلوس والعمل على هذا الوضع . أسلوب الحياة الحديثة لا يتيح لنا ممارسة هذا الوضع بسهولة ، ولذا فمن الضروري أن تتدرب السيدات عليه حتى قبل حدوث الحمل .
باعدي بين القدمين وكذلك الركبتين بمسافة مناسبة ، واجعلي الساقين متجهين للخارج .
حاولي القرفصاء بهدوء ، مع المحافظة على اتجاه الساقين نحو الخارج ، ولا تدعي الساقين ينزلقان للداخل .
يمكن ضغط الكوعين على داخل الركبتين مع تشابك اليدين أمام البطن .
إذا فشلت في أداء الوضع توقفي ثم حاولي من جديد ، ويمكنك الاعتماد على كرسي أو قطعة أثاث أثناء المحاولة ، بعد فترة ستكتسبين المرونة والقوة لإتقان الوضع . إبدائي القرفصاء لفترة 30 - 60 ثانية كل مرة ، وبالتدريج يزداد الوقت حتى تصلي إلى دقيقتين أو ثلاثة دون الشعور بألم .
في حالة وجود دوالي أو بواسير ينبغي وضع شيئاً تحت الكعبين لرفعهما قليلاً عن الأرض ، أو ارتداء حذاء رياضي ذو كعب متوسط الارتفاع .
أثناء الولادة
أثناء مراحل الولادة الأولى تنصح الأم بالحركة ، ولكن إذا حان وقت ولادة الطفل يكون وضع القرفصاء مفيد - للأسباب التي سبق ذكرها - ويمكن للزوج أن يساعد زوجته بأن يسندها بيديه من تحت الإبط ، ولعدم إرهاق الزوج ينصح بأن يثني ركبتيه ويميل للخلف قليلاً مستنداً على الحائط حتى يكون وزن الزوجة واقعاً على ساقيه ، وهذا الوضع أكثر راحة له .

ده انا مقضياها قرفصاااء :D

كل شويه اقوم واقعد القعده دة دي خمس مرات ممكن اوصل ل 40 مره ف اليوم وفعلا انا دلوأتى حاسه بعضم الحوض تحت واجعني يعني من من اخر الرحم لا من تحت اكتر قريب من المنطقة خصوصا المفاصل الى ناحيه رجلى

لدرجه انى لما بقعد بفتح رجلى واقعد قعده البيبيهات دي الى بيضمو مشط رجليهم لجوه

انا بعمل كل حاجه بقدر عليها بمشي ساعه ف اليوم ودوزى بيجريني وراااه ف الشااارع :D

بس القلق ده الى حساه زيياده عندي لدرجه انى كل احلامى دلوأتى بالولادة

ايه ياعيال الاستهلاك الفظيع للبامبرز ده
هو متوسط تغير البامبرز كام واحده في اليوم

انا حلا بتعمل كيكي كل يومين او يوم و يوم عادي ده

كمان هو ايه البلاي جيم ... اللي بتتركب علي سرير البيبي ولا ايه

و الباونسر لو جبته علي شهرين كده ياتري هترضي تقعد فيه ولا هتبقي كبرت و مش هتحبه
اصل انا متخيله ان الحاجات ديه لازم البيبي يتعود عليها من الاول


السامثيكون جرعته قد ايه

حد يقولي حتي لو علي الخاص لو شفطت صدري الطبيعي يبقي كام مللي لاني خلاص هتجنن عاوزه اعرف اللبن قليل ولا حلو لانها بقيت بتتعبني جدا في الصناعي وو مرعوبه يكون اللبن قليل و مش بتاخد صناعي كفايه

انا حاجتين هيجننوني الرضاعه و المغص

عاوزه اعرف بقي فكره ساتر الرضاعه ايه و يفرق ايه عن اي شال الواحد يحطه علي كتفه

توكى حاولى تمشى اكتر من ساعه
انا جوزى لففنى طنطا كلها تانى يوم الصبح ولدت الحمد لله وكان اخر يوم فى التاسع وخلاص كان المفروض اكلم الدكتوره عشان تدينى طلق صناعى


نيمو اشربى حلبه كبايه فى اليوم على الاقل وكلى كويس اهم حاجه انك تاكلى كويس واشربى ميه وعصاير كتييير وفى كبسولات اسمها هيربانا هاتيها دى اعشاب طبيعيه اصلا

توكي يابنتي حرام عليكي التوتر ده كله.. أنا بقي مش بمشي كل يوم ساعات بكون هموت م التعب عايزه انام.. أنا الدكتورة قالتلي الحوض كويس بس امشي أكثر علشان البيبي ينزل أكثر.. بس قالتلي فيه التهابات بسيطة وكتبتلي علي غسول بس مش جايب نتيجة.. بحس يوميا بوجع في ظهري من تحت مع وجع بطني من تحت كده لحد ركبتي وساعات اقعد أقول ذيك كده يمكن مش ييجي طلق هعمل ايه وبقيت قاعده اراقب بس حركة البيبي ولو سكت ببقي هموت لحد ما يتحرك ثاني واتنططله أنا ذي ما كنتي بتعملي أنتي.. ربنا يسهلها بقي و يقرب ميعادنا أحسن أنا خلاص تعبت فاضل اسبوع بس في التاسع والدكتورة بتقولي طنشي وأنسي..

nemonamanemoحد يقولي حتي لو علي الخاص لو شفطت صدري الطبيعي يبقي كام مللي لاني خلاص هتجنن عاوزه اعرف اللبن قليل ولا حلو لانها بقيت بتتعبني جدا في الصناعي وو مرعوبه يكون اللبن قليل و مش بتاخد صناعي كفايه

نيمو بالنسبة للشفط فيه حاجات تعمليها الأول تزود اللبن المشفوط دا اول حاجة تعملى مساج للبريست وتانى حاجة فوطة سخنة

وبالنسبة للأكل الحلاوة الطحينية والسوايل الكتير وكمان الحلبة بالعسل

تسلموا يابنات ....... انا باكل بس تعريف الاكل الكويس ده ايه ههههههههههه يعني اكل ايه مش عارفه

هو انتوا بتغلوا الببرونات كل قد ايه انا مبحبش اغليها كتير بحسها بتجير و مبتبقاش شفافه


توكي...... ان شاء الله خير تفائلي انتي بس

نيمو الأكل المغذى يعنى فراخ وسمك وبيض والبان وكدا واهم حاجة عصاير كتير واحسن وقت للشفط بيكون الصبح لما تصحى

وانا سمعت ان السمك فعلا بيكتر اللبن

الببرونات انا بغليها كل 3 ايام وبعد كل مرة بميه سخنه وصابون وبغسلها كويس وخلاص

انا سمعت فى برنامج التفاح الأخضر ان الببرونات البلاستيك متتغليش على النار المفروض تحطيها فى ميه مغلية خمس دقايق

لكن انا بغليها لان مع افنت جاى ورقة مكتوب فيها تعقيم او غلى 5 دقايق

وكل لما بدى لعيسى الرضعة بقول بسم الله الذى لا يضر مع اسمه شىء فى الأرض ولا فى السماء وهو السميع العليم
وربنا يحمي لنا ولادنا يارب

توكى ازيك ياجميل انا داخلة عشان اقولك حاجة بجد انا خلصت التاسع ودخلت فى الشهر اللى بعدة ب 10 ايام كمان والطلق مكنش عايز يجى الراس كانت نازلة لتحت والحوض كان كويس الحمد للة بس االطلق مكنش عايز يجى الدكتور قالى قدامك لحد اخر الاسبوع لو مجاش طلق يبقى هديكى محفزات ولادة وفعلا خدت المحفزات دى اللى هى اللبوس المهبلى وخدت 3 لبوسات واول ماخدت الاولى نزلت عليا ماية فالدكتور قلل عدد الساعات اللى بين اللبوسة والتانية بدل 6 خلاهم 4 ساعات وخدت اول لبوسة الساعة 8 بليل وولدت تانى يوم الساعة 12 الظهر الحمد للة
والدكتور بجد كان قابلى طول ماانتى بتفكرى فى الطلق مش هيجى وفعلا دة اللى حصل الموضوع باايد ربنا فى الاول وفى الاخر بس بعد كدة بيبقى نفسية منك انتى
وانا واللة ربنا اللى يعلم كنت بعمل اية كنت بمشى فى اليوم ساعتين او تلاتة لحد ماكنت ببقى خلاص مش قادرة والدكتور كان قابلى على مساج كدة يتعمل لو عايزة تعرفية اكتبهولك على الخاص بس اسالى الدكتور بتاعك الاول هو ساعدنى بس انى لما ولدت خلى عدد الغرز اقلل كانوا غرزتين بس الحمد للة مع ان راس ابنى كانت كبيرة عشان اهل جوزى كلهم راسهم كبيرة فوخدها وراثة بس سبحان اللة الطلق كانت ساعاتة كتير بس ولدت فى نص ساعة او ساعة الاربع
فسبيها على ربنا وتوكلى علية وربنا يارب يرزقك بساعة سهلة من عندة
سؤال بقى مالك لما بحطة على بطنة بيبقى رافع ايدة ورجلة كانة هيطير كدة وناس كتير قالتلى من وقت للتانى نيمية على بطنة عشان لما يجى يزحف يبقى سهل كدة بقى اية اخلى ركبتة تنزل على الارض ازاى هو دلوقتى عندة 4 شهور الا 14 يوم فاية النظام بقى

بنات هوا في العاب او حاجات تتجاب للبيبي اللي في عمر يوسف كده هوا عنده شهر و 17 يوم ماشاء الله

بنات انا ابني عنده بلغم على صدره يا حبيبي لانه لما بيقشط القشط بينزل ممخط كده اعمله ايه يا بنات