استفسارات وتساؤلات الامهات عن كل شئ (الجزء الرابع)

فيرو رجعت لبن كتير هو مش لبن سايل هو مقطع كده ده ايه اول مره تعمل كده

عادى يا مونى ممكن تكون خدت زيادة بس ... حاولى تكرعيها بين الرضعة وبعدها

موني ...... اللبن المقطع ده قشط عادي متقلقيش

رجائي..... حلا كان طالعلها حبوب حمرا و فيها نقطه بيضه زي الحبوب اللي بتطلعلنا وقت الدوره و الدكتوره كتبتلي علي كريم وفعلا زي ما بيبو قالت اهم حاجه تغسلي وشه كل شويه و فعلا هي بتخف في مكان و تطلع في مكان

بوسي......الالتهابات خطر يا بوسي استخدمي الغسول


بنات انا عاوزه اقوم اشفط قولولي الشفاط ابو كوره حمرا ده ينفع ولا خطر

طيب يا بنات هيا الحبوب دي بيكون ملمسها خشن كده و لونها احمر لان يوسف عنده بردو في وشه كله و بدأت تروح على رقبته شوية

ايوة يا دندونه عند عيسى خشنه ع العموم انا بحثت على النت وكمان سالت دكتورة كله بيقول عادى بتروح لوحدها اطمنى

monyfofo;13308587:
توكى حاولى تمشى اكتر من ساعه
انا جوزى لففنى طنطا كلها تانى يوم الصبح ولدت الحمد لله وكان اخر يوم فى التاسع وخلاص كان المفروض اكلم الدكتوره عشان تدينى طلق صناعى


نيمو اشربى حلبه كبايه فى اليوم على الاقل وكلى كويس اهم حاجه انك تاكلى كويس واشربى ميه وعصاير كتييير وفى كبسولات اسمها هيربانا هاتيها دى اعشاب طبيعيه اصلا

انا النهردا يا مونى مشيت مشي من ثكنات المعادى لحد حدايق المعادى يللا الحمدلله يارب يبقي بفايده

bosy_md;13308761:
توكي يابنتي حرام عليكي التوتر ده كله.. أنا بقي مش بمشي كل يوم ساعات بكون هموت م التعب عايزه انام.. أنا الدكتورة قالتلي الحوض كويس بس امشي أكثر علشان البيبي ينزل أكثر.. بس قالتلي فيه التهابات بسيطة وكتبتلي علي غسول بس مش جايب نتيجة.. بحس يوميا بوجع في ظهري من تحت مع وجع بطني من تحت كده لحد ركبتي وساعات اقعد أقول ذيك كده يمكن مش ييجي طلق هعمل ايه وبقيت قاعده اراقب بس حركة البيبي ولو سكت ببقي هموت لحد ما يتحرك ثاني واتنططله أنا ذي ما كنتي بتعملي أنتي.. ربنا يسهلها بقي و يقرب ميعادنا أحسن أنا خلاص تعبت فاضل اسبوع بس في التاسع والدكتورة بتقولي طنشي وأنسي..

انا بجد والله يا بوسي توترى بقي حتى ف نمى مبقتش بعرف انام حتى فالحلم قلقانه ومش هاديه ف نومى
تايا بقي اول لما اسند عليها من فوق تتحرك ومش عارفه حاسه انها حتى لما بتتحرك لوحدها بحسها بتتحرك بعصبيه يعنى حركتها مش مرنه لا بتتعصب كده وبتتحرك بنشفان اوى
اللى موترنى هو الانتظار وانا فعلا الدكتور قالى الحوض كويس الحمدلله وقالى الراس تحت وامشي كتير عاوزين ننزلها اكتر بس القلق والتووتر عاوزة اهدى نفسي غصب عنى طووووووووول منا قاعده افكر لما بجد تعبت

razminia;13310260:
توكى ازيك ياجميل انا داخلة عشان اقولك حاجة بجد انا خلصت التاسع ودخلت فى الشهر اللى بعدة ب 10 ايام كمان والطلق مكنش عايز يجى الراس كانت نازلة لتحت والحوض كان كويس الحمد للة بس االطلق مكنش عايز يجى الدكتور قالى قدامك لحد اخر الاسبوع لو مجاش طلق يبقى هديكى محفزات ولادة وفعلا خدت المحفزات دى اللى هى اللبوس المهبلى وخدت 3 لبوسات واول ماخدت الاولى نزلت عليا ماية فالدكتور قلل عدد الساعات اللى بين اللبوسة والتانية بدل 6 خلاهم 4 ساعات وخدت اول لبوسة الساعة 8 بليل وولدت تانى يوم الساعة 12 الظهر الحمد للة
والدكتور بجد كان قابلى طول ماانتى بتفكرى فى الطلق مش هيجى وفعلا دة اللى حصل الموضوع باايد ربنا فى الاول وفى الاخر بس بعد كدة بيبقى نفسية منك انتى
وانا واللة ربنا اللى يعلم كنت بعمل اية كنت بمشى فى اليوم ساعتين او تلاتة لحد ماكنت ببقى خلاص مش قادرة والدكتور كان قابلى على مساج كدة يتعمل لو عايزة تعرفية اكتبهولك على الخاص بس اسالى الدكتور بتاعك الاول هو ساعدنى بس انى لما ولدت خلى عدد الغرز اقلل كانوا غرزتين بس الحمد للة مع ان راس ابنى كانت كبيرة عشان اهل جوزى كلهم راسهم كبيرة فوخدها وراثة بس سبحان اللة الطلق كانت ساعاتة كتير بس ولدت فى نص ساعة او ساعة الاربع
فسبيها على ربنا وتوكلى علية وربنا يارب يرزقك بساعة سهلة من عندة
سؤال بقى مالك لما بحطة على بطنة بيبقى رافع ايدة ورجلة كانة هيطير كدة وناس كتير قالتلى من وقت للتانى نيمية على بطنة عشان لما يجى يزحف يبقى سهل كدة بقى اية اخلى ركبتة تنزل على الارض ازاى هو دلوقتى عندة 4 شهور الا 14 يوم فاية النظام بقى

عارفه يا رازمينا كتير قالولى انتى هتخلصي التاسع بس كونى مستنيه حاجه ده موترنى ومعصبني وبدعي ربنا لو مش وقتها تنزل دلوأتى تنزل وقت ما تنزل بس تبقي كويسه واولد طبيعي وموضوع اللبوسه ده ريحنى وهدانى شويه بس التفكير هو الى موترنى ربنا يجعلها سهله عليا وعلي كل الى زيى يااااارب انا وبوسي وهينار وزقزوقه يااااارب

وياريت ياريت تقوليلي التمرينات دي انا بحاول اعمل الى عليا يارب يجعله بفايده

رجائي رضا ربــــي;13316420:
نيمو المشكلة انى كنت بتابع فى مصر ودلقوتى انا فى دبى هيا مشكلتى كانت تكيس مبايض والدكتورة قالتلى احنا بندى حبوب منع الحمل للبنات اللى عندهم تكيس عندى معاد قريب بس خايفه اخد حبوب .. طيب اللوب ليه مشاكل؟


عيسى عنده حبوب حمرا صغيرة على وشه ممكن تكون من اللبن ولا دا طبيعيى؟ عندى كريم سيباميد للأطفال ممكن احطله منه ولا دا لمنطقة الحفاض بس
دا صورته

بصي الحبوب دية طبيعية جدا بيسموها حب الشباب بتاعهم كانت عند ادم وراحت لوحدها خالص من غير اي حاجة مع انهم قالولي حطي كريم او بيبي اويل بس بصراحة خفت يزود عندة الحبوب بس متخافيش يعنى هي طبيعية جدا وبتروح لوحدها وربنا يخليهوبلك يااارب

monyfofo;13317458:
فيرو رجعت لبن كتير هو مش لبن سايل هو مقطع كده ده ايه اول مره تعمل كده

دة قشط يا مونى وطبيعي جدا بس كرعيها كل مرة ترضعيها فيها لازم

redflowerlovey;13307030:
ممكن تقبلوني معاكم انا ان شاء الله لسة ماما في المستقبل يعني بس كنت عايزه اعرف منكم انتوا عرفتوا نوع البيبي امتى و ابتديتو تجهزوا الحاجة امتى و حاجة مهدر اخد مة جدااااا بقى ايام الحمل كان بيجيلكم صداع و كنتم بتعملوا فيه ايييييييه معلش طولت عليكم من اول مره كده

انا عرفت في نصف الرابع وخحسب نوع السونار
الصداع انا تعبني جداا وكمان كان بيجلي صداع نصفي وماكنتش طبعا اقدر اخد ميجرانين لانه بيساعد علي انقياض الرحم بس كنت بااع بنادول وساعات بنادول اكسترا بعد الشهر الرابع

nemonamanemo;13308360:
ايه ياعيال الاستهلاك الفظيع للبامبرز ده
هو متوسط تغير البامبرز كام واحده في اليوم

انا حلا بتعمل كيكي كل يومين او يوم و يوم عادي ده

كمان هو ايه البلاي جيم ... اللي بتتركب علي سرير البيبي ولا ايه

و الباونسر لو جبته علي شهرين كده ياتري هترضي تقعد فيه ولا هتبقي كبرت و مش هتحبه
اصل انا متخيله ان الحاجات ديه لازم البيبي يتعود عليها من الاول


السامثيكون جرعته قد ايه

حد يقولي حتي لو علي الخاص لو شفطت صدري الطبيعي يبقي كام مللي لاني خلاص هتجنن عاوزه اعرف اللبن قليل ولا حلو لانها بقيت بتتعبني جدا في الصناعي وو مرعوبه يكون اللبن قليل و مش بتاخد صناعي كفايه

انا حاجتين هيجننوني الرضاعه و المغص

عاوزه اعرف بقي فكره ساتر الرضاعه ايه و يفرق ايه عن اي شال الواحد يحطه علي كتفه

بصي المفروضر من كل صدر 60 مل ولو دخلتي الصناعي سيقي هاتيجي فتره ومش تاخد صدرك وده كلام الداكتره لانهم بيستسهلوا اكتر واللبن السصناعي طعمه احلي
المغص ده هيع1بك لحد ماتم 3 شهور هاتهدي شويه بس انتي اديها اكوافيرا وماء غريب المستورد
ومافيش فرق بيين ساتر الرضاع واي شال
وثاميكون جرعته نصف قطاره وممكن قطاره مش هايضر

sweetylolla85;13315056:
بنات عاوزه اخد رايكو في حاجه
دلوقتي ابني بيستعمل بامبرز السعودي وده الكويس معاه هو بيستعمل مقاس 2 بس ابني دلوقتي بقي ماشاء الله 5 كيلو والبامبرز اخر وزن ليه 6 بدا يضيق عليه وبيسرب مره ومره يعني المفروض اغير المقاس اعمل ايه اجيب المقاس الاكبر ولا استني لما يبقي 6 كيلو لان طبعا المقاس الاكبر هايبقي من 6 كيلو فاكيد هايبقي واسع وبيسرب مش عارفه بقي باكيت البامبرز اللي عندي قربت تخلص ومش عارفه اشتري مقاس 2 ولا اجيب الاكبر
هو بيبي جوي مقاس 2 ايه اخباره وبيعمل تسلخات ولا لا؟
انا مشكلتي في بامبرز المصري التسلخات بيبهدله اوي لكن السعودي بصراحه حلو جداااااااااااااااااا اللي بيستعملوه ايه اخبار مقاس 3 حلو زيي مقاس 2 ولا ايه يابنات
معلش طولت عليكو بس انتو اخواتي وماليش غيركو
نداء الي كتكت لفلي نزل الشتوي ولا لسه

انا عيالي كانو لسه ماكملوش 6 كيلو وبساخدملهم مقاس 3 عاادي بقالي اكتر من شهر

ياسمينا بصي الحبوب دية طبيعية جدا بيسموها حب الشباب بتاعهم كانت عند ادم وراحت لوحدها خالص من غير اي حاجة مع انهم قالولي حطي كريم او بيبي اويل بس بصراحة خفت يزود عندة الحبوب بس متخافيش يعنى هي طبيعية جدا وبتروح لوحدها وربنا يخليهوبلك يااارب

شكرا يا قمر على الرد

انا عايزة اعرف ايه هوا علاج النوم المتقطع عند الاطفال لو واكلين كويس و البامبرز نضيف ايه السبب في الموضوع ده

ازيك يا دندن ,,, هوا يوسف ابنك ربنا يخليهولك فى سن عيسى انا هقولك بعمل ايه معاه عشان متعبش فى النوم هوا تعبنى فترة كدا وكانت بسبب المغص والحمد لله بعد ما بدات اكرعه كتير معتش فيه غازات زى الاول وبنيمه على بطنه كل فترة خمس دقايق كدا ... شوفى وقت نومك كدا اديله الرضعة ويغير البامبرز بس حاولى يكون فيه هدوء ومفيش انوار كتير تشده ومتتكلميش معاه كمان واهم حاجة لو فيه تكييف دفيه كويس وان شاء الله هينام اقل ما فيها هينام 3 ساعات وكل ما يقوم رضعيه بس بنفس النظام ولو عيط حاولى تهديه بالتيتنه بس مش كتير يعنى لغاية ما ينام كدا شيليها

بالنهار خرجيه فى النور الطبيعى ولعبيه وحتى وقت الرضعة كلميه وبكدا هيعرف النهار من الليل ولوحده هيبدأ يتعود على كدا ان شاء الله اهم حاجة متعوديهوش على الهز عشان ينام هياخد على كدا :confused:

انا بعمل كدا مع عيسى مع انه اوقات بيغلبنى بس انا وراه وراه :D

dandona we bas;13310536:
بنات انا ابني عنده بلغم على صدره يا حبيبي لانه لما بيقشط القشط بينزل ممخط كده اعمله ايه يا بنات

لما بتشربية اشعاب و بيقشط بعديها بيكون ببلغم ولا بعد اللبن

بس عموما محمدكان كدا برضة و الدكتورة قالتلى عادى بدال مش عندة برد و لابيكح

sweetylolla85;13315056:
بنات عاوزه اخد رايكو في حاجه
دلوقتي ابني بيستعمل بامبرز السعودي وده الكويس معاه هو بيستعمل مقاس 2 بس ابني دلوقتي بقي ماشاء الله 5 كيلو والبامبرز اخر وزن ليه 6 بدا يضيق عليه وبيسرب مره ومره يعني المفروض اغير المقاس اعمل ايه اجيب المقاس الاكبر ولا استني لما يبقي 6 كيلو لان طبعا المقاس الاكبر هايبقي من 6 كيلو فاكيد هايبقي واسع وبيسرب مش عارفه بقي باكيت البامبرز اللي عندي قربت تخلص ومش عارفه اشتري مقاس 2 ولا اجيب الاكبر
هو بيبي جوي مقاس 2 ايه اخباره وبيعمل تسلخات ولا لا؟
انا مشكلتي في بامبرز المصري التسلخات بيبهدله اوي لكن السعودي بصراحه حلو جداااااااااااااااااا اللي بيستعملوه ايه اخبار مقاس 3 حلو زيي مقاس 2 ولا ايه يابنات
معلش طولت عليكو بس انتو اخواتي وماليش غيركو
نداء الي كتكت لفلي نزل الشتوي ولا لسه

راى غيري مقاس البامبرز عشام كدا هوا ضاق علية مش لازم يكون بالوزن
انا ابنى 9 كيلو و بيلبي مقاس 4

جربي الدايبر بتاع فاينى جميل اوى هوا اردنى على فكرة و سعرة كويس خالص بس خلى بالك مقساتة كبيرة
QUOTE]

صحيح كنت فى كارفور امبارح
اللبس الشتوى نزل
و كمان ماكس max عامل سيل 50%

انا كمان بقيت استخدم فايني حلو جدااااااااا :thumbs_up:


هو السيل بيقعد اد ايه تقريبا ؟

لى عودة

m@hy;13325391:
صحيح كنت فى كارفور امبارح
اللبس الشتوى نزل
و كمان ماكس max عامل سيل 50%

ماكش في انهي كارفور

sosiii-cat;13325530:
انا كمان بقيت استخدم فايني حلو جدااااااااا :thumbs_up:


هو السيل بيقعد اد ايه تقريبا ؟

فايني مقاساته كبيره خلو بالكم

miko85;13326203:
ماكش في انهي كارفور

فايني مقاساته كبيره خلو بالكم

انا بستخدم مقاس 3 لدلوقتي

sosiii-cat;13326628:
انا بستخدم مقاس 3 لدلوقتي

انا بستخدم مقاس 2
ميكو كارفور اللى فى اسكندرية

ماميهات يا حلوين عاوزة اجيب دايبرز اشيلها
اجيب بامبرز و لا فايبني و لا بيبي جوي
حيرتوني

و كمان هوا ايه النوع اللي بيستخدم بعد الولادة للام يعني