تجمع الجزائريات لشهر شوال

أحلام فتاة;13170948:
حرة ماشفتيش الاستفسار تاعي:D:D

لالا حنونة راني شفتو و جاوبتك مادرتش اقتباس برك

sachinka23;13170971:
ياي انا اللي غلطت قريت الرد ديالها ولا ديالك كتبتو فيه تاخذي حية " ماشي حبة" حسبت تحكمي حنش وتخرجي منو الزيت ههههههههههه

:lol:

مليح تخيلوها كون تكون حاجة مليحة زعما ديروها؟

صح هدرنا تاني على زيت الحية
على بيها تخلطي

حرة الجزائر;13170985:
هدي الفكرة كاينة من بكري بنات الخليج يعرفوها مليح مام في الخارج يستعملو كبسولات فيتامين Eو C
هدو فيتامينات ماكانش منهم ضرر و نتايجهم مليحة و سريعة و انا راني نهدر عن تجربة حتى ختي عندها هالات سوداء و جربتهم و و الله نقصولها بزاف و راهي مازالت مداومة علهم(كبسولات فيتامين e )

هداك على واش راني نهدر قبيل قريت موضوع تاعهم فيه هادا تاع يحلو الكبسولات

sachinka23;13170956:
ماتحكوليش ع الوجه راني نعاني منو من اللي داويتو .. ماكنش عندي حب بزاف في وجهي كانو انوضولي زعمة حبة كبيرة وتبان من بعيد في خدودي لزوج رحت dermatologue داويتو صح صفالي شربت دواء واسمو curacné لتسمعو بيه يعني الحمد لله وجهي راه هايل مي كي نتوشي الماء زعمة للوضوء غير ينشف من الماء اولي بزاااف sec حتى نديرلو crème hydratante واذا مادرتلوش انوضولي des petite plaques rouge كي ينشف وجهي بزاف والله راني نعاني مع الماء ... والشمس تان ولات la peaux ديالي بزاف sensible وماتحمل والو مانقدر نتف مانقدر ندير والو ...:'(

سمعت الدوا تاع الحب عندو اعراض جانبية بزاف بالاك صراتلك هك من الدوا
ربي يشفيك

شهرزاد الباتنية;13170992:
على هاديك مش مليح التفتيف بزاف في الوجه

ممكن من الدواء لي راكي تشربي فيه
انا ما سمعتش بيه ويعني اصلا ماعندي ختى خبرة في هاد المجال

سقسي كاهنة تعرف مليح في هاد الصوالح

الدواء شربو لمدة 9 اشهر ولوكان اديري في قوقل curacné برك يخرجلك كاين من 5 الى 30 mg دوا روعة حتى الطبيب اللي مدهولي والله ماغلط ظهري صفا يعني الحمد لله .. مي مع البداية تعاني منو يعني هو يمدلك الجرعة على حساب الوزن ويبدى انقص حتى تولي 5ملغ باش تحبسيه ودير des analyses وكامل ... في البداية تاع العلاج الشهر اللول الحب اللي شفتيه واللي جامي شفتيه يخرجلك كاااااااااااااااااامل حتى وان ماكانش عندك ... من بعد يبدا انشفلهمك مام لي عندو les cicatrices يتنحاولو ... من بعد تعاني مع فمك ينشف المهم هو يعطيك des crème تستعمليهم مع beure cacaho للفم باش ترطبيه من بعد كي تبداي تنقضي الجرعات يبدا وجهك اولي عادي رطب مي بلا حب صافي مرايا ...

sachinka23;13170956:
ماتحكوليش ع الوجه راني نعاني منو من اللي داويتو .. ماكنش عندي حب بزاف في وجهي كانو انوضولي زعمة حبة كبيرة وتبان من بعيد في خدودي لزوج رحت dermatologue داويتو صح صفالي شربت دواء واسمو curacné لتسمعو بيه يعني الحمد لله وجهي راه هايل مي كي نتوشي الماء زعمة للوضوء غير ينشف من الماء اولي بزاااف sec حتى نديرلو crème hydratante واذا مادرتلوش انوضولي des petite plaques rouge كي ينشف وجهي بزاف والله راني نعاني مع الماء ... والشمس تان ولات la peaux ديالي بزاف sensible وماتحمل والو مانقدر نتف مانقدر ندير والو ...:'(

امالا البشرة نتاعك جافة وحساسة
للاسف ماعنديش خبرة في هذا النوع من البشرة
خبرتي كامل مع البشرة الدهنية اللي هبلتني:worn_out::worn_out:

شهرزاد الباتنية;13170961:
ربي يخليك
والله اناتاني عندي نفس الاحساس:o
خليت بزاف منتديات هاد ليام على جال الشات
لي راني مشرفة فيهم يكونو راهم يحوسو
ههههههههه

ربي يعيشك على التفصيلات:thumbs_up:
هادو لازم نكتبهم
مانقدرش نهز كلش في راسي:|

بلا مزية حنونة
ايه اكتبي باش ماتنسايش
هذا الراس نقعدو غير نطبعولو في المعلومات مسكين كاش نهار يطرطق ههههههههه

sachinka23;13170971:
ياي انا اللي غلطت قريت الرد ديالها ولا ديالك كتبتو فيه تاخذي حية " ماشي حبة" حسبت تحكمي حنش وتخرجي منو الزيت ههههههههههه

قتلتيني بالضحك ههههههههههههه
شكون يقدر يجيب حنش ويزيد يخرج منو الزيت هههههههههههه

حرة الجزائر;13170985:
هدي الفكرة كاينة من بكري بنات الخليج يعرفوها مليح مام في الخارج يستعملو كبسولات فيتامين Eو C
هدو فيتامينات ماكانش منهم ضرر و نتايجهم مليحة و سريعة و انا راني نهدر عن تجربة حتى ختي عندها هالات سوداء و جربتهم و و الله نقصولها بزاف و راهي مازالت مداومة علهم(كبسولات فيتامين e )

والله غير حمستيني سيرتو للهالات السودا اذا ملاح راني نجربهم
على خاطر راهم هبلوني الهالات مالقيت واش ندير معاهم
وزيد قلتيلي 150 دج مليح انا كنت نحساب غاليين

شهرزاد الباتنية;13171016:
:lol:

مليح تخيلوها كون تكون حاجة مليحة زعما ديروها؟

صح هدرنا تاني على زيت الحية
على بيها تخلطي

هههههههه بالاك ممكن علابيها تخلطتلي اصلا راني مدوخة اليوم مازال ماريحت راني مع التوجاد كيما قتلكم على غدوة ربي يكمل على خير برك

أحلام فتاة;13170847:
ايه شكروهم بزاف
بصح قوليلي كيفاش تستعمليهم
وحدهم ولا كاش ماتزيديلهم
نروح نصلي وكي نجي نقرا ردك

تفضلي احلام راني عاودت كتبتلك الرد:)


الكبسولات هادو عبارة عن زيت معمر بالفيتامين..تحكمي حية و تثقبيها بابرة و تدهني وجهك بالزيت اللي يخرجلك
من الاحسن ديريها قبل ما ترقدي...و تقدري تخلطي معاها اي حاجة تحبيها انا ساعات نخلطها بزيت اللوز امر

sachinka23;13171042:
الدواء شربو لمدة 9 اشهر ولوكان اديري في قوقل curacné برك يخرجلك كاين من 5 الى 30 mg دوا روعة حتى الطبيب اللي مدهولي والله ماغلط ظهري صفا يعني الحمد لله .. مي مع البداية تعاني منو يعني هو يمدلك الجرعة على حساب الوزن ويبدى انقص حتى تولي 5ملغ باش تحبسيه ودير des analyses وكامل ... في البداية تاع العلاج الشهر اللول الحب اللي شفتيه واللي جامي شفتيه يخرجلك كاااااااااااااااااامل حتى وان ماكانش عندك ... من بعد يبدا انشفلهمك مام لي عندو les cicatrices يتنحاولو ... من بعد تعاني مع فمك ينشف المهم هو يعطيك des crème تستعمليهم مع beure cacaho للفم باش ترطبيه من بعد كي تبداي تنقضي الجرعات يبدا وجهك اولي عادي رطب مي بلا حب صافي مرايا ...

كيما قالت نور

الدوا تاع الحب عندهم اعراض جانبية

والله اعلم ممكن من حاجة اخرى

المهم ربي يجيب الشفا

sachinka23;13171057:
هههههههه بالاك ممكن علابيها تخلطتلي اصلا راني مدوخة اليوم مازال ماريحت راني مع التوجاد كيما قتلكم على غدوة ربي يكمل على خير برك

ربي يكملك على خير

و الله راني مت بالضحك
ايماجينيت روحي حاكمة حنش و نخنق فيه باه يخرجلي الزيت:lol::lol: هههههههههه و الله لقطة هايلة:lol:

حرة الجزائر;13171034:
سمعت الدوا تاع الحب عندو اعراض جانبية بزاف بالاك صراتلك هك من الدوا
ربي يشفيك

لالا انا خرج اعليا مي مانعرف منين هاذ l'allergie منين جاتني باسك راني نعطس بزاف وهو قالي يمكن من الجافيل ولا حاجة ماكيش حاملتها اللي راهي ديرلك هكا وانا بعد ماشفت لقيت الما ودوك راني نتيمم على سعدي

حرة الجزائر;13170901:
الكبسولات هادو عبارة عن زيت معمر بالفيتامين..تحكمي حية و تثقبيها بابرة و تدهني وجهك بالزيت اللي يخرجلك
من الاحسن ديريها قبل ما ترقدي...و تقدري تخلطي معاها اي حاجة تحبيها انا ساعات نخلطها بزيت اللوز امر

هذا وين شفت الرد نتاعك
يعطيك الصحة
وانا قررت نجربها للهالات :thumbs_up::thumbs_up::thumbs_up:

ربي يشافيك سارة

sachinka23;13171057:
هههههههه بالاك ممكن علابيها تخلطتلي اصلا راني مدوخة اليوم مازال ماريحت راني مع التوجاد كيما قتلكم على غدوة ربي يكمل على خير برك

ان شاء الله ياربي كلش يكمل على خير
وتجينا تضحكي وتحكي
ويوليولك ذكريات باهيين

ننصحك برك ما تهزيش انت السينية هداك ما نخاف

أحلام فتاة;13171046:


والله غير حمستيني سيرتو للهالات السودا اذا ملاح راني نجربهم
على خاطر راهم هبلوني الهالات مالقيت واش ندير معاهم
وزيد قلتيلي 150 دج مليح انا كنت نحساب غاليين

حتى انا حسبتهم غاليين مي نهار شريتهم و لقيتهم غير ب 150 دج فرحت... فيهم 24 حبة يعني يحكمولك شهر ..نظن حاجة مليحة:)

[QUOTE=أحلام فتاة;13171046]امالا البشرة نتاعك جافة وحساسة
للاسف ماعنديش خبرة في هذا النوع من البشرة
خبرتي كامل مع البشرة الدهنية اللي هبلتني:worn_out::worn_out:
مرسي حنونة راني كملت الدوا عندي 4 اشهر لحد الان الحمد لله غير هذوك لي بلاك صغار كي نتوشي الماء وبشرتي كانت دهنية من بعد الدوا اللي شربتو جفت البشرة ديالي لخاطش لازم ينشف باش ما يوليش الحب فهمتيني وراني مع des crème ساعات اندير supplitive dermagor ولا hyséac uriage

أحلام فتاة;13171076:
هذا وين شفت الرد نتاعك
يعطيك الصحة
وانا قررت نجربها للهالات :thumbs_up::thumbs_up::thumbs_up:

ان شاء الله ينفعوك
ختي و الله لقات نتيجة هايلة و الحمد لله لعقوبة ليك

شهرزاد الباتنية;13171086:
ان شاء الله ياربي كلش يكمل على خير
وتجينا تضحكي وتحكي
ويوليولك ذكريات باهيين

ننصحك برك ما تهزيش انت السينية هداك ما نخاف

آمين ياربي راني ندخل ونحكيلكم ...
السنيوة مانرفداهاش قاع خليني هذاك واش خصني هو قالي سربيلهم قتلو لاالا بدا اعاير فيا قالي دوك اقولوو مكسرة اليدين هههههه يتمسخر باش انحيلي stress ...

أحلام فتاة;13171082:
ربي يشافيك سارة

مرسي حنونة

sachinka23;13171075:
لالا انا خرج اعليا مي مانعرف منين هاذ l'allergie منين جاتني باسك راني نعطس بزاف وهو قالي يمكن من الجافيل ولا حاجة ماكيش حاملتها اللي راهي ديرلك هكا وانا بعد ماشفت لقيت الما ودوك راني نتيمم على سعدي

ختي تعرفي الما تاعنا كيفاه مداير و الله ربي اللي ساترنا برك:hysterical:
علابالك الما تاعنا فيه الكلور بزاف بلاك عندك حساسية منو و الله أعلم
جربتي ماء معدني؟؟
ماما كان وجها ناشف و الطبيب عطاها واحد الماء فيه املاح معدنية ترش بيه وجهها نسيت كيفاه اسمو:confused: