أحلام فتاة;13170649:
بنات اسمحولي ندخل معاكم في الهدرة هههههههههه
انا ثاني فنيانة ومانتهلاش في روحي خلاص
خطرات تجيني شطارة زعما نبدا نتهلا ومنبعد نحبس
شعري جربتلو خليط من الزيوت بصح ماداومتش
واليوم برك عاودت شريت زيت الحية نخلطها مع شوية زيت السمسم ونولي ندير حمام زيتي لشعري مريتن ولا ثلاثة في السمانة
بالنسبة لوجهي جربت بزاف ماسكات بصح احسن حاجة خرجت عليا هي ماسك الطين اللي نسموه الطفل
عندو بزاف ملي خلاصلي واليوم زدت شريت منو ولقيت ثاني صابونة نتاعو شريتها
ننصحكم بيه راهو روعة للبشرة من تجربتي
هذا واش راه في بالي دوكا اذا كاش ماتفكرت راني نقلكم
ههههههههههه
جبتيها صح
انا تاني نبدا من بعد نتفنين
انا المرة لي فاتت خلطت زيت الحية وزيت السمسم وزيت النعناع وزيت اللوز
ملاح علكيف
كيفاه ديري الحمام الزيتي
كيفاه مداير هاد الماسك تاع الطفل نشروه واجد ولا حنا نخلطوه ولا كيفاه؟
الصابونة كيفاه مدايرة وكيفاه اسمها؟
فكرتيني عام الباك وجهي من الشمس تحرق درتلو صابون الحبة السوداء
هايل