تجمع الجزائريات لشهر شوال

mimati;13295734:

‏mimati, ‏الاميرة شهرزاد الجزائرية, ‏نور الجزائر+, ‏ssamou19+

صباح الخير عليكم

mimati;13293883:
السلام عليكم ورحمة الله وبركاته
يومكم طيب وسعيد ان شاء الله
لجميع الاخوات بدون استثناء
ღ MiMi ღ مبروك عليكم الطفل ان شاء الله يارب يجعله من حفظة القران اللهم امين والوالدة شفاها الله وعفاها
طلعتي شطورة ما شاء الله تعرفي ديري مقروط ههههه سخفتينا يا بنتي عندي عام ما كليتوش
سارة نوريتينا يا حبيبتي علابلي قلبك بيض وحانا ثاني والفناك نورتي الشات
lona-11 مبروك على قريبتك ان شاء الله تتهنا ويسعدها رب العالمين والعقوبة لجميع الاخوات

بالنسبة للابراج انا من برج الجوزاء ثاني كنت فترة الجامعة نشتي نقرا ونقول فضول ونتسلى ونحب نقراها على طول
لغاية ما عرفت العياذ بالله انها تدخل في دائرة الشرك والعياذ بالله
يخي تعرفو بلي ربي غفور رحيم يغفر الذنوب كلها كلها الا الشرك بالله

قال الرسول الكريم عليه الصلاة والسلام (من اقتبس شعبة من النجوم فقد اقتبس شعبة من السحر زاد ما زاد) والسحر العياذ بالله شرك معروف

من تابعها معتقدا فقد اشرك بالله
ومن تابعها من باب التسلية فقد وقع في الحرام ولا تقبل صلاته 40 يوم
والله الواحد يقع في الحرام من غير ما يعرف اما جهلا واما لا مبالاة بحكمها
لأنكن حبيباتي في الله واخواتي بنات بلادي حبيت نقولكم
والدين النصيحة

نور الجزائر;13295742:
صباح الانوار واش احوالك حنونة؟؟

mimati;13295779:

لاباس يا العزيزة يسقسي عليك الخير والهناء
واش تنحات عليك la grippe ولا ما زال :sick:

الاميرة شهرزاد الجزائرية;13295777:
وعليكم السلام

وشراكي اختي ميماتي؟

ايه قريت بلي تدخل في الشرك على بيها مانقراهمش خلاص
ومكانش عمبالي اصلا وش من برج
ولبنات السمانة لي فاتت قالولي الجوزاء

بصح مانقراهمش


شكرا على النصيحة

نور الجزائر;13295792:
الحمد لله كي راكي بخير

راهي قاعدة تنقص بالشوية ..الحمد لله

الاميرة شهرزاد الجزائرية;13295797:
اهلا نور
وشراكي؟
وش حوالك اليوم؟


مليحة المقرونة بالباشميل
اليوم ماما راح دير سباقيتي

تضحكي عليا حتى انا جامي درت الباشامال
واحد المرة خلطت بيض مع الحليب ودرتها من الفوق ودخلتها للفور وكي خرجت تبان كيما لي في الصورة
هههههههههههه
قعدو يضحكو قالو زعما هذا باشامال
هههههههههه

نور الجزائر;13295770:
لبنات حابة ندير مقرونة بالبيشاميل للغدا كنت نشوف فيها في النت و سخفتني شوفو







بصح خايفة ما تجيش مليحة و لا ما تصلحليش:(
البيشاميل جامي درتها من قبل:'(

mimati;13295831:
الحمد لله المرض راهو زكاة نفس
ينقص ذنوب العبد
بالشفاء يارب

سهي25;13295852:

‏mimati+, ‏la_kahina, ‏ssamou19, ‏نور الجزائر, ‏labiba_87, ‏الاميرة شهرزاد الجزائرية

la_kahina;13295882:

صباح الخير لبنات ...ان شاء الله راكم لاباس

سهي25;13295852:

‏mimati+, ‏la_kahina, ‏ssamou19, ‏نور الجزائر, ‏labiba_87, ‏الاميرة شهرزاد الجزائرية

la_kahina;13295882:

صباح الخير لبنات ...ان شاء الله راكم لاباس

mimati;13295898:

شوفي نعتلك طريقتي في باشميل واحدة مصرية شاطرة نعتتهالي تطبخ لاكلاص وتجي بنينة وسايبة

اذا كانت صينية متوسطة دير خمس مغارف زبدة وخمسة فرينة
ذوبي الزبدة على نار ومبعد حطي الفرينة اقعدي شوحي فيها حوالي 3 دقايق على نار هادية
ومبعدجيبي الحليب لوحي بشوية وخلطي الافضل ديري ب batteur حاولي تخليها سايلة موشي خاثرة بزاف مبعد لوحي شوية جبنة لو فيه شيدر احسن وديري شوية ملح شوية فلفل اسود شوية جوزة الطيب بكري كنت نديرها منين عرفت انها مسكرة بطلتها
ومبعد خلطي تستهلك حليب بزاف
لوحيها على مكرونة

شوفي طعمها قوليلي رائع عن تجربة باشميل نتاعي كل يشكرو فيها ( احم احم نشكر في روحي :woo:;)

نور الجزائر;13295924:
بارك الله فيك
باينة طباخة ماهرة الله يبارك عليك:012::079:
خسارة ماكانش فرماج في الدار مي معليش نجربها و ان شاء الله تجي مليحة و ندعيلك:thumbs_up:

mimati;13295933:
يبارك في سلامتك حنونتي ان شاء الله تصلح لك ورديلناكفاش جات
اهم حاجة اخدميها على النار هادية بالباتوغ وبالصحة والهناء