تجمع الجزائريات لشهر شوال

sachinka23;13253504:
أهلا ختي مرحبا بيك ... الله اسلمك ختي ويكمل لقاع البنات امين
وعلاش شعال في عمرك ؟؟؟؟ باش تقولي صغيرة
........ شوفي اذا السيد تعرفيه وتعرفي طبايعو اذا كان مليح ولالا اذا يخليك تخدمي ولالا ؟ اذا هو من الرجال الصعاب ورايح اخليك فالدار كل واحد او كيفاه واذا ماتعرفيش تم اللي صعيبة شوية مي انا ماحسيتش بالتردد باسك كنت حابة السيد نعرفو من مدة مي كل يوم تكون حاجة حتى جا المكتوب ... كيما انا ديالي صعيب قالي لا خرجة لادخلة لاوالو او لوكان اتشوفيه تقولي هذا c'est pas vrai ادير هكا خخخخ مي انا نعرف طبايعو وعذبني قبل ما يجي alors جاتني نورمال كي كانو يهدرو دارهم تقولي راهم يهدرو مع الحيط تالمو اعييت من الهدرة هاذي ههههه

la_kahina;13253472:
يتصفح الموضوع حالياً: 3 (3 من الأعضاء و 0 من الزوار) ‏la_kahina, ‏sachinka23, ‏ssamou19

يتصفح الموضوع حالياً: 3 (3 من الأعضاء و 0 من الزوار) ‏la_kahina, ‏sachinka23, ‏ssamou19

حبوبات في بالي راكم مخطوبات في 2 (ربي يكمل ان شاء الله)
بالنسبة ليا كيما قلتلكم في أواخر أكتوبر نتخطب ان شاء الله

و راني خااايفة و مانيش قادرة ناخد قرار ..والسبب الوحيد هو اني نشوف الزواج باللي قيد للمراة و ...هههه راني حابة نزيد شوية نحس روحي ما زلت صغيرة على المسؤولية...بواش تنصحوني و هل انتوما تاني حسيتو بالتردد كيما انا ؟؟

sachinka23;13253569:

مي بصح قوليلي اعلاش راه يقرص فيا والله طيبني كي نعطس تتشوك لحمي8o|

والله الرازوار مادارليش هكا ؟؟؟ :worn_out:
وزعمة شعال من خطرة ندير باش يبدى يخفافلي؟:|

ssamou19;13253636:
هيا اول حاجة حاجة مكتوب انتي تقولي صغيرة مي كي تعود كاتبتلك تتزوجي اكي تتزوجي في الوقت الي مكتبهولك ربي انا تاني كنت نتردد وو باينتلي روحي صغيرة و مازلت حابة نعيش في دارنا و بور تون نعرفو و عندي معاه 12 سنة و كل مايقلي نجي لداركم نقولو مازال هبلتو باش خليتو جا و هادا كامل كيما تخمامك كهينة شايفة الزواج مسؤولية و انا مازلت صغيرة و مبعدد لقيت روحي غالطة قلت كون نحط بيت نوصلو علاه مانتحملش المسؤولية كاين ليصغار عليا و تزوجو و عايشين متهنين و مبعد بديت نقتنع بلي لينخمم فيه كل خوف برك و الحمد لله درك نورمال مانيش مخمة ف هاد الموضوع مخلياتو على ربي سبحانو

la_kahina;13253605:

ضحكتيني أختي سارة (كي كانو يهدرو دارهم تقولي راهم يهدرو مع الحيط تالمو اعييت من الهدرة هاذي ههههه )
أنا في عمري 22 و 9 أشهر تخرجت غير السنة الحمد لله
هاد الانسان عندو مممممممممدة هو يتبع فيا ..و أنا ما حبيتش نشغل بالي بعلاقة سيرتو دارنا واعريييين.. بالصح هو جارنا و نعرف عليه و على دارهم كل شي ..على العموم ناس ملااح و جامي سمعنا عليه حاجة خاطية و امو طيوووبة ..وخواتاتو شوية شوية

من مدة أكثر من شهر عمتي قاتلي حبين يجو يخطبو في اواخر اكتوبر
و هو بعثلي مع بنت عمو حاب رقم الهاتف و انا قبلت و هدرت معاه و راني نهدر معاه ضرك
و كي هدرتلو على الخدمة قالي ما كانش مشكل (ان شاء الله عندي كونكور خدمة في 17 اكتوبر )..و السكنة وحدي ما قلتلوش لأني عارفة باللي عندو دارو وين يخدم لأنو دارهم ساكنين هنا وهو في وهران
هدا كل شي تقريبا .. و أنا بصراحة راني حابة نقبل بيه (يعني على جال الاصرار تاعو تعلقت بيه بيني و بين روحي) بالصح ماما و اختي قالولي اخدمي قبل و الزواج من بعد

انا نتكل على ربي و ادعيولي

ssamou19;13253654:
الخطرا اللولة برك و مبعد صاي و خطرا ولا 2 و يبدا يبانلك الشعر خفاف

ssamou19;13253668:
لبنات نروح نصلي المغرب و نهبط نطل على جارتنا مزيدة سيزاريان و قاعدة وحدها برك مع 2 ولاد صغار نشوفها كشما تحتاج و نولي


من بعدد ان شاء الله

la_kahina;13253711:

و أنا نروح لبنات نتلاقو مرة اخرى ان شاء الله و مشكوووورات بزاف اللي رديتو عليا

lona-11;13253811:
اهلا سارة..

واش راكي بخير؟؟؟؟؟

sachinka23;13253819:

لحقتي اخيرا هههه لاباس السوال اعليك ياختي؟

lona-11;13253835:
هههههههههه..

الحمد لله سارة..

شكرا على السؤال..

وشكرا على الكلام اللي قلتيهولي في الرسالة الخاصة...

sachinka23;13253853:

والله تحيرت اعليك باسك ديما تقصري وتضحكي من بعد خرجتلي خرجة من القصب كيما اقولو.. والله خفت اعليك

lona-11;13253864:
شفتي ..

والله اليوم زادت ماما حكات مع بابا باش نفيكسيو لا داث تاع الخطبة ..

قال لها مازال حت تخلص قرايتها...

ومباعد نديرو الخطبة والفاتحة وتقعد ثلاث اشهر وتتزوج..

ssamou19;13253415:
وش راح طيبي انا تاني ماعرفتش واش ندير لعشا