.. █ || « تجهيزات عرائس لشهر شوال 1431 - 2010 م / الجزء = 15.. ♥

عروسة ليبيا;13170224:

نرجس الشرق

اهلا عروسة نورتي وليك وحشه
hggiالله ايسلمك و النور نورك..

ربي يهنيك عاطك السعاده علا قولتك :D

بنستغل الفرصه ونستفادو من تجربتك وهادو كمشه اسئله فيدينا بالي تعرفيه

سولاتي ليك نرجس


شن رايك ف الكيراتين بتاع شاديه ؟
بصدق انا مدرتش الكيراتين عند شادية بس شفت الناس الي داروه عندها حاجة خيال اولا هي و شريفه الي تخدم معاها متمكنات من الموضوع و عارفات شن ايديرين و دقيقات و ادير فيه ع جلسات بالبيبي ليبس او مكواى الشعر هذي يعني انا شفت البنات الي دارن عندها و حضرت اغلب جلساتهن ممتاز ننصح بيه كل بنوتة و عروسة و مدام ..


وهل حسيتي بيه فادك ؟

وشن شامبو استعملتي بعد كيراتين ؟اكيد قريتي ف نت انه يبي عنايه بش اطول النتيجه

انا استعملت شامبو همالايا حلو مع البلسم ابتاعه بس شادية لما اتكملك الجلسات تعطيك شامبو كيراتين خاص مكتوب عليه كيراتين شيشه مصكرة اتقولك اغسلس شعرك بيه لانه معروف انك ما تغسليه شعرك الا بعد ما تنتهي الجلسات ..


شن المنتج او الحاجه الي شريتها ومشت معاك متلا كريم المرطب ومتبت المكياج ؟



شن خلطة الجسم الي درتيها وحستي بيها حلوة وبانت نتيجه ؟
والله بصدق ما واضبتش ع حاجة معينة بس خلاص بعد مادرت حلوة الفرح خذيت دقيق و ميه و حليب و قعدت ندهن بيهن جسمي كل يوم في الليل قبل ما نرقد يعني دهنت يوم الثلاثاء و الاربعاء و الخميس طبعا حنتي الصغيرة ما دهنتش و الجمعه زفتي برضو ما دهنتش بس نتائجه حلوة تنظف و تعطي بريق و تفتيح مع الاستمرار ... بس حتي الجلوسليد حلو و صابون النيله الزرقاء حلو بكل ...


وين مكيجتي يوم صباحيه ؟ وبالاصح هل جربتي كوافيره بعد عرسك كويسه
بصدق و بدون كذب لعند توا ما مشيت لكوفير لانه يوم الصباحية انا في شقتي ما طلعتش و فرح صبيتي مكيجتني و حزمتني خالته لانها تعرف تمكيج و تحزم يعني هي عندها مواهب الكوفير بس مش فاتحة كوفير تمكيج للعيلة و لصبايا خوتها بس ....


هل تعرفي حنايه تحني حنة ليبيه مش بخار وتجي للعروس
نعرف حنايات مش حناية و كلهن ايجن للحوش و عندي ارقامهن من ضمنهن امال او امل مش متاكدة و حميدة الحنناية و غيرها و غيرها مخزنات عندي في النقل ايجن للحواشين كلهن ...

ولو تعرفي كوافيره تجي للحوش لي اهل العرس ويكون شغلها راقي
عندك سميرة التونسية شغلها قريب من شغل شادية و تجي للحواشين و اسلوبها حلو لو تبي نعطيك رقمها ... بس ما يصادفش فرحك فرح خويا عشان بيجيبوها بنات عمتي و عمي و اختي للحوش
....هههههههههه


اغلب الي شفتهم يجو لي الاحياش ف بنغازي شغلهم مش حلو بلدي شويه
لا هذي انا بصدق ما شفتلها شغل بس سوقها ماشي و الكل يشكر فيها حتي الاقنعه ابتاعها يشكروا فيها ...




نستنا ردك يا عروسة واسفه لي كترت الاسئله بس عارفتك
عريسه جديده وتحبي تفيدي العرايس الي ف مكانك زمان وتوا يوتن
ايسلمك يا روحي لا كثرتي و لا شئ ادللي بس و تبي اي حاجة حاضر

princessfafy;13178814:
[QUOTE=عروسة ليبيا;13174045]

حبوبتي اهو الرابط ان شاء الله يفيدك

شنطة الفندق للعروس يوم الدخله

http://forums.3roos.com/showthread.php?t=530127

[/QU

مشكورة اختي
بس في المزين شن نرفع معاي

طرابلس+بنغازي;13178795:
عارفة اني كترت اليوم حتى الخدمة مش في بالي

- نبي نسأل على ماركة بدي شوب في منها في ليبيا و وين نلقاها لانها مشكورة هلبا في النت.

- بالنسبة للكيراتين عندي صاحبتي مدام قالت لي تبي تمشي اديره المدة اللي فاتت في احد مراكز زين مش عارفة شن صار معاها توا انحاول نتصل بيها ونبلغكم يا حلوات.

شكرا لكل اللي رد عليا تسلمو يارب ويعطيكم ما في بالكم.

عروسة ليبيا;13178973:
[QUOTE=princessfafy;13178814]

بعتتلك رساله خاصه حبوبتي


سوال المخالفه ليكي
امتى عرسك

وانتي من وين حبوبه ماتعرفناش بيك


اما مزين حصلتي

عروسة سبتمبر 2010 ان شاء الله;13156953:
كل عام وانتم بخير

انا إن شاء الله بعد العرس نبي نمشي شهر عسل للمغرب نبى الى تعرف المغرب تحكيلى احلى مناطق سياحية غادي

واحلى مطاعم واسواق

وحاجات رومانسية متاع عرسان

ونبي نعرف على مناخ المغرب فى شهر 10

هل صقع ؟ هل نرفع معاي ملابس شتوية والا عادي لانه بصراحة مش شارية هلبه حاجات شتوية

معناها كان صقع نبي نشري


بالله ساعدوني

princessfafy;13180591:
يا بنات نبي نسال وين ايبيعو في سات قونة الا تلتبس تحت القفاطين المنفوخات

huda24;13181451:

السلام عليكم ...

كل سنة وانتم طيبات

انا مخطوبة لقريبي من طرابلس ..وحناخد حاجاتي من طرابلس لأن مقيمة فيها حاليا

عرسك وين ماهو لي كل بلاد اسبارها لو ف شرق بتاتهم مش زي طرابلس وكذلك المناطق كل حد وعوايده

البتات ابدي بحاجات الحوش والارواب واللبس داخلي لان مافي موضه
لو تحدد عرسك شطبي الحجز بتاع صاله والكوافير والعشي والخ الخ

فنبي مساعدتكم أخواتي لأني منعرفش وين نمشي غادي ..

السؤال الأول:

بمعنى افضل محلات الأرواب والبيجامات والاندر وير واماكنهم ؟؟

افضل محلات وماركات (الميك اب) والعطور ؟؟

افضل محلات لشراء الحقائب والأحذية؟؟

السؤال الثاني:
افضل نوعية كريم مرطب للوجه ...؟؟

كريم لوريال للنهار

افضل كريم للعناية الليلية؟؟

كريم زين الاتات الليلي سعره 45

و أفضل منظفات للوجه( غسول .. مقشر )؟؟

غسول نتيروجينا في لي كل نوع بشره طبي وحلو

افضل نوع كونسيلر وكريم اساس وبودرة وظلال..؟؟

حسب حبوبه كل حد فينا بيعطك جواب مانقدرو نعطوك نفس الرد

بس انا جربت هلبا كريمات

مشت معاي هلبا هلبا ميبي ليين دريم موس سعرها 20 زي الحرير عالوجه وبسرعه تمتص

كونسلير

برجواااا

بودره في هلبا كويسااااات ديبورا ماكس فاكتر وقوش
هادو قنينااااات وعمليات خوذي الي يناسب بشرتك

ظلال الباكوات الكبار المعبيات لزم منهم في منهم ف نادي الاتحاد في باكو الكبير بتاع ماكس تتش قنين

افضل نوع شاور جل..؟؟

بيزلين بالورد يباع عند وكيل زين سوق الواحات وهوا ب 15 جني كبيررررررررر بكل ويطول يسدك هلبا

وعندك لوكس الفروله بالحبيبات حلوووووووو
هادو زوز ارفعيهم حلووووين

افضل غسول للمنطقه الحساسة..؟؟

نيترو روبيرتس

هظا يباع ف بنغازي ف صيدليه الشعب ال3 يجو ب 10 الا ربع
وف طربلس ف محل صنوبر سياحيه مقابل مطعم مكسيكانو وهو محل كله شامبوات ومواد تنظيم

ف نوع الي ف صورة وف واحد تاني ريحته احلا لونه سماوي والورد بودري

افضل كريم مرطب للجسم..؟؟

بيبي جونسون لوشن بيبي جونسووووووووووووووون رررررررهيب

وكريم يدين

كريم سوناس الابيض الي زي المعجون وعليه ورده حمرا
الاصلي اسباني

السؤال الثالث:

كم عدد الارواب اللي ناخدهم ..والبيجامات العاديات ..والاندر وير
وتشكيلة ملابس الحوش ؟؟

وكم عدد فساتين السهرة..والبدالي الرسمية؟؟

والأحذية ناخد للبدالي والفساتين ...وشن تاني ..ناخد احذية عملية معاهم ..وقداش وحدة؟؟

وكم مفروض يكون بينهم احذية ماركةو غالية وقداش وحدة ؟؟

أفضل ماكينة ازالة الشعر ( نتف مش حلق) يعني مش تقص الشعرة قصان ..تنحيها من جذورها؟؟

لالالالالالالالالالالالازم من الحلوة لا غنا عنها

وهدا اللي نبيه مبدئيا ..وسامحوني عالتعب وشاكرة ليكم مقدما

طلي علا الاجزاء والصفحات الي فاتو بيفدك ردود العرايس

princessfafy;13180591:
يا بنات نبي نسال وين ايبيعو في سات قونة الا تلتبس تحت القفاطين المنفوخات

princessfafy;13180821:
باهي الدغري مشي في الهدم هل الا في شارع القبطان نفس الاول الا في زواية الدهماني كان

عروسة ليبيا;13177727:


جميله سنتر يا ريت مدام غااااااااده تنزل عنوانه بزبط وتنزل لينا شن جربت عندهم وشن احسن خدمه يديرو فيها لام هيا جربته