.. █ || « تجهيزات عرائس لشهر شوال 1431 - 2010 م / الجزء = 15.. ♥

huda24;13191306:

عروسة ليبيا

شاكرة ليك جدا جدا

بالنسبة لتربولي مش جديدة عليها بس معنديش خبرة في محلات تجهيز العرائس ولا دوشة العرايس كلها

وعادة ما نستعملش في ميك اب لكن طبعا البنوتة مش زي المدام

اكيد تو انتي ابدي بي الفترش الي قتلك عليه

روب دخولك والارواب والبيجامات والتوت شتويه حتا 3 مدام عرسك مزال

والمحلات الي ذكرتها فيها حاجات حلوة وسعرها حلو لكن مش رخيصه بكل ومش شينه يعني فيها حاجات قنينه

قاعدتي ان مش كل غالي يستاهل ومش كل رخيص بخيص

شطبي الرقيق

الارواب ولبس الحوش كله توكلي عالله وطبسي فيه كل يعني شهر من توا تكوني شطبتي هالحاجات


واني لما قلت امكانيه قصدي ظروف العرايس مختلفه مرات حد يشكر حاجه بكل لحد تاني والحد التاني يبي يساعد ظرفه

عشان هك نحب لما حد يرد يقول المقبول والمعقول

ولو ف حد عنده امكانيه يشري بالغالي زي ما يحب



الموهم نخلو الميك اب واللبس اخر حاجه


لو تحدد التاريخ احجزي الصاله وهكي تمشي بالتسلسل

بالنسبة للخطوبة جت فجأة والعرس قدامي 8 شهور..وميزانيتي ممتازة

ووحياتي بعد الزواج حنسافر شهر عسل وحنرجع للشغل اكيدة..

وشكرا لنصيحتك حنراجع الأجزاء السابقة ..وبالتوفيق للجميع

السلام عليكم ومساء الخير لعيون كل الحلوات
اولا
مرحبتين بكل الاخوات الجدد
والف مبروك لديمو وان شاء الله يارب تتهنى
وحبيبة ايمن ربي يهنيك ويسعدك يارب
وهنو مع انى زعلانة منك خيرات خيراتتتتتتتت .

ومبروك لكل من صارله مناسبة ياحبوباتى


جايبتلكم شوية صور لفتاريش لقطتها في الصيف نزولا عند طلب حيو الحلوة.



هدا طقم للحمام من bhs


وهداى لبسة للبيت مع الشوز والاكسسوار








وهدا شوز عاالرصاصي





وهدا لانجري قصير عاالتركواز



وهدا عاالاسود


وهدا من فوق



وهدا واحد تانى



سكري قصيييير



وهدا لانجري طويل


وهدا من فوق




وهدا درس قطنى قصير كله ورد




وهادى لبسة من ترينوفا







وهادى جوس القطنى


وها الكت على سكيرت او بنطلون جينز





وهدا قطعتين كيوت.





وبس نبي رايكم ياعسل

روح الوليد حلويين تبيدي بالهنااااااا
بنات من فضلكم شني هي الحاجات اللي مفروض تنحط في القفة ,خطيبي بيعطيني فلوس يعني شني المفروض ناخد ؟

بدلة كبيرة متاع صدرة وقفطان كبير وزوز بدالي وفجره متاع الصدرة من خناق وخلالات وخراص وحزام وبزوان وسوارات وتعليقة او رشقة
وطاقم وخاتم وحديدة بي خاتمها وتلاتة كنادر بي شناطيهم
هدا بالنسبة لي قفتي اني
طبعا مزال عرسي في 11 اني بس هدا الا بيكون وشريته كله

شفت علب إكسسوارات يعني تنفع لحفظ الاكسسواارات من ذهب وغبره ومنظرها حلو ومميز ومع العلم اني شفت بعضهم في شويت محلات :

نرجس الشرق;13167541:

ربي ايهنيها بالنسبة للسلايط و الموالح عندك

1- عيت الخراز ايديروا فيهن حلوات و موالحهم اتجنن طعم و شكل بس هم غاليين اشوية
2- الاوائل في شارع بيروت حاجته قنينه و رخيصة بعض الشئ بس حاجتهم كويسة

ان شاءالله بهناها يا رب ...

مشكورة حبيبتي نرجس الشرق وسامحيني ماشفتش الرد الا تووه يااغالية:o

ولو ممكن تبعثيلي

عنوان بالضبط او رقم هاتف عات الخراز

سؤال المخالفه

الاوائل هذا شنوو محل وين يجي بالضبط في ش بيروت

طرابلسية لسرتاوي;13171721:
اهو ردت عليك نرجوسه حبوبه شنو ماريتيشي؟؟؟؟؟؟؟؟؟؟؟؟؟؟؟



اقتباس المشاركة الأساسية كتبها بنغازية وافتخر

السلام عليكم

كيفكم ياعرائس
انا جديده عندكم
وماشاء الله عليكم لقيتكم مش مقصرين في شي تسلمن يارب

علي العموم نبي طلب من عرائس بنغازي
اني عندي فرح اختي في شهر 12 باذن الرحمن
ونبي نسالكن من منكم تعرف وحدة كويسة دير في حلويات وله موالح او سلايط المهم يكونو حاجة حلوة وصح
وان شاء الله يارب تطلعو تعرفو لان زرني الوقت ومعاش فيها نبي نمشي نحجز خلاص
وبارك الله فيكن

ربي ايهنيها بالنسبة للسلايط و الموالح عندك
1- عيت الخراز ايديروا فيهن حلوات و موالحهم اتجنن طعم و شكل بس هم غاليين اشوية
2- الاوائل في شارع بيروت حاجته قنينه و رخيصة بعض الشئ بس حاجتهم كويسة

ان شاءالله بهناها يا رب ...

فيرونا 25;13172909:

حبيبتى نرجس جوباتك وحتى عروسه تقريبا وانا نعرف حلونى العالم فى الصابرى حاجاتهم حلوه وعندك حلونى النخله حتى هو حاجلتهم روعه وفى واحده بكره انجيبلك رقمها اسمه عائشه وراء شارع الوكلات وراء المطعم الزى الحيط انسيت اسمه لكن اكيد تعرفي المكان

ايه خيتي فيرونا شفته رد نرجس وبارك الله فيها
باهي خيتي شنو اللي مجربتيه من حلواني العالم ممكن تذكيرني الاسم نوع الحلو يعني :thumbs_up:

وشنو قصدك خيتي حلواني النحلة او النخلة


سوال المخالفه

وفي اي فرع بالضبط


ونستي في رقم الوحدة اللي قلتيلي عليها اللي في ش الوكلاء .. انا تقريبا عرفت التركينة اللي تحكي عليها لكن لوو ممكن تعطيني الرقم والاسم علشان نمشيلها نتفق معاها :biggrin:

وبارك الله فيك اوخيتي وسامحيني تعبتك معااايا :thumbs_up:

Ghado;13195829:

هيولة العسولة: مع انها متأخرة بس عقبال الــ1000 شمعة لوليدك و ربي يفرحك بيه طول العمر يا رب..

صحيتى غدوووو هلبااااااا .. والله قداش ليا مخشيتش للتجهيزات واليوم خطرت ببالى لقيت ردك الحلو هادا .. F: مشكورة ..


رد علا سوال المخالفه للعرايس

بخصوص هايل شوب الاستفسارات عرايس نرد عليها فالخاص واي حاجه حاضر الي ف طرابلس ف دلفري ممكن نوصلك الطلابيه والتوصيل حسب بعد المنطقه ويعني مبلغ مش كبير 10 5 15 حسب المكان وبعدها علا مخزن هايل شوب .......اى حاجه تحبو تعرفوها راسلوني علا الخاص

هايله Hayela

حاجاتك حلووووة وخاصة متاع تيرانوفا نحبها هلبااااااااااااااااااا تبيديهم بالهنا يا رب

وصحيتى حبيبتى ومشكوووووووووووووووووووورة هلبا عالكلام الحلوووو اللى فى اللمة ..

بنات كيف حالكن ؟؟؟؟؟؟؟؟؟ نصيحة ع الطاير ::
1- ما تكترنش بيجامات ستان و حرير لانكن مش حتلبسهن و تستعملنهن واجد و هن بصدق مش مبردات واجد يعني 2 سادات...
2- ما تكترنش شباشب حوش و الله حتوحلن فيهن وحلة سوداء و راهو القول مش كيف التطبيق توا تجوزن و تشوفن خاصة الي زي حالتي ما تقعدش في حوشها واجد او تحمل من اول مرة راهن ايديرن زحمة في الحوش مش عادية ...
3- خوذن ارواب قطنية قصيرة و بيجامات حتي لانهن عمليات و يساعدنك وقت الحوسة ...
4- ما تسهن ع القميتشات راهن موهمات خاصة القطنيات منهن توا انا انقولك ليش اولا هن يمسكن العرق ابتاع الجسم تانيا وقت ما بتلبسي جلبيات او عبايات مطرزة لو فيهن وسعة بسيطة تمسكها لك و ترفع الجلبية و الاهم من هك ساترة يعني جسمك ما يقعدش واضح تحت الجلبيات .... و هن بجد مبردات بكل تقدري تلبسيهن حتي في الحوش و تقعدي بيهن ...
5- مش كل غالي سمح و لا كل رخيص ما ينفعش و هضا عن تجربة و في النهاية الراجل لا يدور و لا ايدقق و لا بيعرف ان كان هضا غالي او رخيص ... المهم حاجة تعجبه و خلاص ....
6-ما تكترنش مكياج ...
7- ما تكترنش كريمات راهو مش حتلقي وقت انك اديريهن و الكل عارف انه الكريمات لهن صلاحية ووقت معين والله حرام تشريهن و يقعدن هكي لانك مش حتفضي عشان اديري خاصة في اول شهور راكن توا قاعدت في النظري بكرة بعد يبدا التطبيق اتبهتي في الحاجة و تقولي و الله حرام توا هذي شاريتها و ما نستعملش فيها ...
في الختام ربي يوفقكن كلكن و تعيشن حياة حلوة و يرزقكن كلكن بالذرية الصالحة امين يا رب ...

اه انسيت ما حكيتش ع شنطة الكوفير ....
هضكي اليوم يوم عالمي تقعدي ع نار ياربي ازعمك كيف نطلع كيف حيكون اطلعني بدري او خري و التلفونات يرنن بس سبحانة الله ع قصاد النية كل شي يمشي حلو و ربي يسهل الامور من عنده
المهم خوذي يا حنة شوية النصائح هذين :
محفظتك الي فيها الفلوس و نقالك راك تسهي عليهن هذين في يدك خليهن و خلي المرافقه امفتحه عيونها الي معاك لانه في ناس استغفرالله يسرقوا عيني عينك فيعني حافظي و ما تامنيش
2- خوذي حذاء الفيلو
2- صندوق حذاء فارغ فيه من جوا اكسسوارات الفيلو و التاج عشان ما يقعدنش ضايعات في الشنطة و تب
ي ادوري هضا في الشنطة في مكان معروف .و بالمرة تكوني محافظة انهن مش حينخدشن او يتكسرن ..
3-الملابس الداخليه ابتاع الفيلو
4- كريمة الجسم و بودرة الجسم
5-الفرشة و المعجون و اللبان
6- فلوس احتياط ما تندريش شن ينقصك فجاة او يصير معاك
7-عطرك و بدي لوشن اي حاجة انتي تستعملي فيه للتعطير و تحسي روحك تريحي لريحته
8-عصائر بس ما تكتريش منهن واجد لانك تقعدي بتخشي للحمام و راهو كوفير و حمامه ايخشله العالم كله
9- ما تنسيش الممه(الاكل) عشان اتقوي بها لانه يوم طويل و سهرة صباحي كيف ما يقولوا
10-الفيلو و البرنوس خلي حد من هلك ايجيبه لك قولي قبل ساعتين يعني مثلا ايجبه لك الساعه 06:00 او 06:30 عشان ما يقعدش مطوح في دار العروس لانه احيانا ايكون في عرايس و زباين و يخشن و يطلعن علي هالدار و مرات وحدة تعفسلك عليه او يتمرمد و انا هضا الي شفته فخليه في الحوش و بعدين ايجيبوه لك في الكوفير خير
11-المونيكير راك تنسيه في عروس نست ما جابتش و قعدت هك لولا انا عطيته لها فركزي في الموضوع
12- الشنطة هذي خلي فيها الحاجات الخاصة بالكوفير بس لا اكثرلا اقل عشان ما تقعدش عصيدة و زحمة و تنسي حاجة ..
13- الحاجة الي تحوليها تاخذها المرافقة طول و تحطها في شنطتك الخاصة عشان ما تنسيهش في الكوفير ...
انا دوتي واجدة و نركز حتي ع التفاصيل الصغيرة بس كله عشان تفطنن و تمشي ليلتكن حلوة ...بالهناء للجميع ...

قدورة شكرا ع الرسالة و الكلام الحلو ... ربي يفرحك ... و بالنسبة لسؤالك انا فرحي كان في صالة البركة و ديكوري كان ذهبي بالاحمر و ترتيباتي تقدري اتقولي خليتها ع الله و مشت اهتميت بالديكور و المكياج و الفيلو و اغنية الخشة و القعميزة ع الكرسي بس و الاسياء الاخري خليتها ع هلي و فتتهن و سبحانة الله ترتبي ما ترتبي هضكي اليوم يمشي و انتي ما تندري ع شئ لانه خشت العروس لها رهبة مش عادية و العالم كله يقعد ايبهت فيك بس في حاجة جن عفويات انا كنت بنديرهن بس بعد قررت ما نديرهش من الرعشه بس تلقي من يعطيك بوش عشان اديريهن الحمدالله ع كل حال و بصدق يا قدورة بدون مبالغة بس ليلتي الحمدالله جت حلوة و تهبل و التمن عليا صحباتي و رقصت و صفقت (( حتقولي شن هالعروس الهبلة اتصفق في فرحها بس صاحبتي ما تعرفش ترقص ليبي و مصرة انه ترقص فقلت خليني انصفقلها و نعطيها شوية تحفيزات و بوش عشان تكمل الاغنية ع الاخر ...ههههههههههه)) و نشير للعالم و نسلم ع الاطفال و لو نحكيلك حاجة حتموتي من الضحك الاطفال قعدو يلعبو في وبيس ع المسرح انا قالولي انزلوا الاطفال قلتلهم لا خلوهم ما نبهت و نلتفت الا نلقي بنات عمه الصغيرات يلعبن في وبيس عليك يوم عالمي هضك اليوم و ين ما نذكره نقعد نضحك بروحي و نقعد انعاود في الشريط ربي يكمل عليك بالخير و يومك يطلع حلو كيف ما تبي انتي خليها ع الله ..... و شكرا ع الكلام الحلو الي في الرسالة بجد كلامك ايهبل زيك انتي يا عسل .... سلام ....

بنغازية وافتخر;13196460:
ايه خيتي فيرونا شفته رد نرجس وبارك الله فيها
باهي خيتي شنو اللي مجربتيه من حلواني العالم ممكن تذكيرني الاسم نوع الحلو يعني :thumbs_up:

وشنو قصدك خيتي حلواني النحلة او النخلة وفي اي فرع بالضبط


ونستي في رقم الوحدة اللي قلتيلي عليها اللي في ش الوكلاء .. انا تقريبا عرفت التركينة اللي تحكي عليها لكن لوو ممكن تعطيني الرقم والاسم علشان نمشيلها نتفق معاها :biggrin:

وبارك الله فيك اوخيتي وسامحيني تعبتك معااايا :thumbs_up:

بخصوص حلويات شفت يومها حلونى بلادى مقابل مطعم بيزا برضوا بيزا عندهم سلاطات حلوات جدا والموالح عند النحله فى شارع الوكلات وحنبعثلك اسم صاحبت حلونى العالم وانا حنوصيها عليك ان شاء الله وحنبعثلك رقهما على الخاص ,وحنبعثلك رقو عائشه الى فى شارع الوكلات

فيرونا 25 بنقولك حاجة موالح حلواني النحلة مش حلوات يعتبر وسط لما تقعدي منزرة تشري منه بس نصيحة للمناسبة ما تحتكيش بيه لانه انا كنت نشري منه لما نقعد مزرورة و مرة فخدة الهانم ابتاعته فظحت بيا قدام راجلي لما كنا مخطوبين امحمضضضضضضضضضضة و يابسة واااااااااااااك عليك فظيحة و البطاطا المبطنة ابتاعه مش تمام من الاخير لو و موالحه فيه طعمة زيت محروق الخلاصة لو القيتي مكان افضل اشري منه و لا تشري منه و الصبايا ابتاعات الحواشين في الموالح افضل من الحلواني في الشراء في الطعم و الشكل ... هذا رائي و كل واحد حر

موتني من الضحك بجديات

بارك الله فيك يانرجوستي والله تهبلي تسلمي

انا الاطفال مستحيل ع المسرح مانتحملهميش بكل

يدرولي اعصاب بعدين نقعد قريب نضربهم ربي يحفظهم وخلاص

سؤال مخالف :

شنو هما حاجات الدار النوم ,,,,؟.

يعني اكتبولي كلهم شنو نجيب

عشان نبي نعدي ناخذ الحاجات الي ناقصات ,,,,

Ghado;13195829:

حبيبتي ياريتك تفيدينا بي احسن مكان جربتي لي تنظيف البشره يعني جلسة التنظيف بي البخار

...صباح الورد على كل الحلوين...

بالنسبة لتنظيف البشرة لعند الان أحسن مكان هو جميلة سنتر من ناحية الاهتمام و التعقيم و النظافة و الكفاءة و السعر ...

والبدي كير والمانكير نبو مكانات تكوني جربتيها او تعرفي حد جربها وقنينه ولو ممكن بالاسعار والوصف

و بالنسبة للبدي كير و المانيكير جربت هلبة بس الي عجبوني:

- جميلــة سنتــر (30 دل. يدين و 30 دل. للرجلين مع البارافين)
- فيــكي (الأسعار على حسب نوع الخدمة)
- و فيه مركز خاص للعناية باليدين و القدمين في بن عاشور بس أسعاره شوية غالية ..

وحبيبتي اني ليا
نبي مكان يقص ف قص حلو ف تربولي يعني غير فيكي مكان قصه حلو والميكس بتاع الصبغات حلو ويكون نازك ومجرب لو تعرفي فيديني

جميلــة سنتــر القص و الصبغة حلوين و بروفيشيونال .. بس السعر غالي شوية ..

و عندك سامية محمود في مزين سيدتي الجميلة (ابداع) بس نصيحة جيبي صبغتك معاك او أعطيها هي تشريلك بروحها لان صبغة المزين و الميش ككواليتي زيرو ..
و القص لا يعلا عليها سوسو حبيبتي

تسلمي احلا غدو واكيد بشهادتي وشهادة العرايس ديما ما تقصريش وف الخدمه

عروســـة : حبيبتي بنسألك المزين الي حكيتي عليه الي جهة مصور شهرزاد شيني اسمه بالزبط ؟؟ و كيف ستايل المايك أب ؟؟

لو ممكن شوية معلومات عليه..

شفت مكيجها قريب من نوال والسعر 50

خيرات ياحلوات

هذوما اشوية قربيج مطبخ شريتهم اليومين هذينا





















شنو رايكم والي يعجبها تقيمني

سؤال مخالف :

شنو هما حاجات المطبخ كلهم بليز عشان نشطبهم

ونعرف شنو ناقصني معش يبن يكملن الحاجات :confused: