Ϡ₡™*-…_التجمع الأول لحوامل شهر مايو ..(5) 2011_…-*™Ϡ₡

انزين أمهات المستقبل، كل وحده تتكلم لنا عن نفسها
كم عمرها؟ من أي بلد؟ جم مره حملت من قبل؟ موظفه ولا طالبه ولا ربة بيت؟؟

مرحبا جاكم ضيف جديد :)



طبعا انا نجـــد

عمري 23 سنه متزوجة من 3 سنوات

عندي بنوته ربي يحفظها عمرها سنتين ودوبني اليوم عرفت أني حامل ولله الحمد
وحسب حسبتي يطلع تاريخ الولاده المتوقع 15 / 5 ان شاء الله


وربي يهون علينا جميعاً


انا بصراحه ظهري يوجعني والدوخه مرررره ماسكه معي

ويعين ربي كله باأجره

أنا الشوق;13113954:
انزين أمهات المستقبل، كل وحده تتكلم لنا عن نفسها
كم عمرها؟ من أي بلد؟ جم مره حملت من قبل؟ موظفه ولا طالبه ولا ربة بيت؟؟

نجـــد

23 سنه

السعوديه ( الرياض )

ثاني حمل ( ربي يتمم على خير )

متخرجه الترم اللي فات

عاطله حالياً ( ربة منزل )

حيا الله نجد

أنا أنا الشوق
25 سنه
من البحرين
هذا أول حمل لي
وموظفه <<< هذا أكثر شي أفكر فيه، وشلون بقابل الناس وأنا مالي نفس اتكلم أو اسمع أي صوت

أم اتنا من ألبحرين عندي ولد عمره 3سنوات وهذا ثاني حمل وأنا مهندسة ديكور وعمري25 سنه

عمري 26 سنة متزوة من 3 سنوات و نص تقريبا و هذا ثالث حمل لي عندي قبل بنت عمرها سنتين و 3 شهور و ولد عمره 9 شهور (آية و أحمد) كنت موظفة لكن حاليا ربة بيت و الحمدلله أنا من فلسطين لكني مقيمة طول حياتي في بلدي الثاني الامارات الحبيبة

أنا الشوق
أنا بعد عندي موعد مع كيران يوم الأربعاء بس شكلي ببدله وبروح بكرة لأن الأربعاء ماقدر
ونفسش بعد شكلي بروح عند فرح في التخصصي أومنى الشرقي أو زينب الجفيري حتى أجوف كل وحدة وش تقول لي
وأقدر أعرف من أحسن حتى أستقر في المراجعة عندها شهر بشهر..
والله يعينك على اللوعة والدوخة ..
والمعلومات الي ذكرتيها كلها صحيحة .. والله يسهل علينا يارب

----

حبيبته
البحرين
24 سنة
أول حمل

اختي نجد التكر مالج غلط تقولين 15/5 الولادة يعني المفروض مثل التكر مالي بالضبط لاني انا 16/5 موعدي على حسبتي

حبيبته &#9829;;13111085:

أوووه ماشاء الله ماشاء الله

اللهم صل على محمد وآل محمد
زادوا الأمهات... الله يخليهم ويتمم حملنا يارب على خير ويسهل لنا
:L:

أنا الشوق
مرحبا فيك في التجمع معانا
ومبرووووك على الحمل
وايد استفدت من المعلومات الي حطيتينها
الله يسهل علينا وعليش يارب
F:

أم أتنا
مبرووووك حبيبتي .. الله يثبت حملك وتجوفين ضناك بالسلامة ان شاء الله
إن شاء الله ما يكون خارج الرحم وتتطمنين يارب F:

شجـــن
من ألحين بدت اللوعة ؟؟
الله يستر علينا
أنا بس أحس اني ابي انام وارتاح :worn_out:

يارب ما ندوخ وايد :lol:

اي اللوعة تروح وترجع خاصة اول مااقعد من النوم ومثل ماقلتين كل ابي انام :worn_out: متعودة قبل كل اسهر الحين من تجي المغرب ابي انام

ام اتنا;13112805:
صباح الخير شخباركم ؟؟؟

سويت لي تكر حمل للتفائل :o

:)

بنت الاصايل;13113627:
ألف مبروك لكل أمهات هذا التجمع.. وخاصة شجن
فرحت لج وايد!

اللعام كنا أحد عضوات هذا التجمع والحمدلله الحين ولدي في حضني وعيدت معاه..
الله يثبت لكم ويتمم لكم ويرزقكم أطفال معافيين مشافيين..

عقبال موضوع ولادتكم..
تحملوا بروحكم عدل وتغذوا زين.. وحاسبوا اللوعة والغثيان اللي ممكن يجيكم حاولوا تتحاشونه بشراب الزنجبيل.. وما عليكم من اللي يقول ان الزنجبيل مو زين للحامل.. بالعكس!!
وايد إشاعات تطلع بس مو صحيحة..

الأطعمة المحذورة .. الاناناس والباباي والمانجا والزعفران والقرفة(الدارسين)
والكبدة لا تكثرون منها لأنها فيها فيتامين أ ولا سمح الله ممكن تسبب تشوهات..

التمر مفيد لظهركم وما عليكم من اللي يقول مو زين.. التمر مفيد حق الطلق لأن يعطيج طاقة ويقوي ظهرج.. ما ينزل البيبي ولا هالخرابيط..
كثروا منه لأن يسوي الولد حليم ويحسن من أخلاقه..
وعليكم بالسفرجل والخضر الغنية بالحديد والفوليك اسيد..

لا تشيلون ثقيل أو تتحركون حركة فجائية..
بس تقدرون تمشون مشي خفيف.. عشان تحركون الدورة الدموية وتساعدون في تغذية الجنين..

وسامحوني بس حبيت أعطي البكريات بعض النصائح اللي ممكن ما يعرفونها!!

الله يبارك بحياتش
مشكوورة على المعلومات استفدت منهم .. طلي علينا بين وقت والثاني :)

أنا الشوق;13113946:
اليوم قعدت الصبح
وريلي كان يايب ريوق، سندويشات فول وطعميه
كلت سندويش الفول وماقدرت آكل الثاني وعقب فتره جذي الظهر ياتني لوعه ورحت الله يعزكم الحمام ورجعته :sick: اليوم أول يوم يصيدني جذي
وهذاني منسدحه مابي اسوي اي شي ولا ابي اتحرك، وفي نفس الوقت تمللت من البطحه

صار لي جم يوم خاطري في نفيش، فقلت يمكن عقب شوي أروح اشتري لي نفيش وعسكريم :adore: احححح حدي خاطري فيه


حبيته

أنا بعد أول ماسويت الفحص خذت لي موعد عند كيران
وكنت أبي موزه في العسكري او فرح في التخصصي بس مالقيت مواعيد، كله فل
فتوكلت على الله ورحت لها
وان شالله يوم الخميس بعد عندي موعد معاها، وبعدين مادري يمكن أبدل او شي، مب عشان ان فيها شي بس يعني للتجربه :D



اممممم بالنسبه لبعض المعلومات اللي قالتهم لي الدكتوره

العلاقه الزوجيه كلش كلش عادي يعني مب نفس لين ناس يقولون لج وقفي خلاص ومادري شنو
بس يفضل ان يكون امتناع او تقليل في بعض الحالات اللي ممكن يكون في خطر على الجنين، يعني الام مريضه او سبق لها الاجهاض
بس الصراحه الواحد لا شعوريا يخاف

الرياضه، بعد تقدرين تمارسين أي رياضه ماعدا الرياضات اللي فيها خطر التصادم او الضرب مثل كرة السله، ومن اللي قريته بعد ان ماتمارسين الرياضات اللي تستلقين فيها على الأرض
وأفضل رياضه للحامل هي السباحه بس مب الغوص
وسألتها عن الايروبكس قالت لي عادي تقدرين تواصلين،،:!!::!!: بس طبعا انا مابواصل
وحتى ركوب الدرج عادي بعد

السفر، عادي بالنسبه للحامل وماله تأثير، وحتى عن طريج البر :!!: بس في حالة البر توقف السياره كل ساعتين عشان الحامل تتحرك


بس طبعا مو تروحون تهلكون روحكم وتقولون عادي، كل شي باعتدال

امممممم عن الممنوعات في الأكل اللي عندي في النوت اللحوم المجمده + الكافيين لازم نتجنبهم
فيعني الكولا قطعووه تماما
وأنا من عرفت اني حامل وقفت المشروبات الغازيه، بس قريت ان هي مفيده للوعه
فصرت اشرب سفن أب عشان مافيه كافيين
وممكن تشربون الماي الغازي

وابتعدوا عن الشوراما والسلطات اللي من برا البيت عشان تتفادين خطر التسمم


وقد ماتقدرون اقروا وتثقفوا عن الموضوع بس لا تقعدون تقرون أعراض الوحام وغيرها لأن بتأثر عليكم وانتوا ماتدرون

الله يعينش على الترجيع :-#
اني بعد خاطري في نفيش :lol:
اول ماعرفت اني حامل صار خاطري في حب شمسي :lol:

أنا الشوق;13113954:
انزين أمهات المستقبل، كل وحده تتكلم لنا عن نفسها
كم عمرها؟ من أي بلد؟ جم مره حملت من قبل؟ موظفه ولا طالبه ولا ربة بيت؟؟

شكلي اصغر وحدة اهني
عمري 22 سنة
البلد البحرين
صار ليي سنتين تقريبا متخرجة وللحين ما توظفت ان شاء الله قريب
وهذا اول حمل ليي

في وحدة راحت للدكتورة وشافو الجنين ؟؟ وفي اي اسبوع شفتونه ؟؟؟

اني يوم الخميس بروح يارب يشوفون الكيس مال الحمل :)

أنا عقب ما حللت ب4 أيام جافت لي الكيس
وهالموعد بتجوف النبض !!!!

امممممم في شي كان في بالي أبي أقوله بس نسيت

انا مرمروره


عندي 25 سنه


متزوجه من سنتين


عندي طفل اسموو علاء عمرو سنه وخمس شهور


ومييعاد ولادتي المتوقعه


4_5


ان شاء الله


واول ميعاد ليه مع الدكتور يوم الاربعاء القادم ان شاء الله


والحمد لله حمل الثاني ماشي افضل من الحمل الاول

أنا الشوق;13114214:
حيا الله نجد

أنا أنا الشوق
25 سنه
من البحرين
هذا أول حمل لي
وموظفه <<< هذا أكثر شي أفكر فيه، وشلون بقابل الناس وأنا مالي نفس اتكلم أو اسمع أي صوت

تحين ياقلبي

ونشرفت فيك عزيزتي

ام اتنا;13115084:
اختي نجد التكر مالج غلط تقولين 15/5 الولادة يعني المفروض مثل التكر مالي بالضبط لاني انا 16/5 موعدي على حسبتي

حبيبتي انا دورتي طولها 32 يوم يعني التبويض متأخر تفرق

حسب طول الدورة ومدتها

واخر دورة كانت 8/8

اول شي طلعت خمس اسابيع وبموقع ثاني طلع 3 اسابيع :)

مدرررري :p


ان شاء الله خيررر

انا اليوم رحت شفت الكيس وبعد اسبوعين بروح اتأكد انه في جنين وربي يسهل عالجميع ان شاء الله

شلون جافوا الكيس لكم يا امهات؟
عن طريق الالتراساوند المهبلي او اللي من فوق البطن؟

وبالنسبة لألم الصدر, متى يروح عنا؟
أنا حاسة بثقل وانتفاخ مضايقني!

ألــف مبــرووك ع الحمــل

وربي يتمم لكم ولنا على خيــر ياارب

:)

حبيبته &#9829;;13118279:
شلون جافوا الكيس لكم يا امهات؟
عن طريق الالتراساوند المهبلي او اللي من فوق البطن؟

وبالنسبة لألم الصدر, متى يروح عنا؟
أنا حاسة بثقل وانتفاخ مضايقني!

بالاسبوع الخامس شافته لي الدكتورة عن طريق السونار الداخلي

وبالاسبوع السادس شافته لي بالالتراساوند الخارجي اله هو فوق البطن

وبالنسبة لالم الصدر فشي طبيعي

انا طوول معاااي واجد بس ما اذكر متى خف عني

بس احس ان لازال يالمني بس اخف من الاشهر الاولى

بقَايا حُلمْ;13118377:
بالاسبوع الخامس شافته لي الدكتورة عن طريق السونار الداخلي

وبالاسبوع السادس شافته لي بالالتراساوند الخارجي اله هو فوق البطن

وبالنسبة لالم الصدر فشي طبيعي

انا طوول معاااي واجد بس ما اذكر متى خف عني

بس احس ان لازال يالمني بس اخف من الاشهر الاولى

مشكورة أختي بقايا حلم
بما انش من البحرين, عند من كنتين تراجعين بدايات حملش؟
والسونار الداخلي مافي منه مضار أو نزيف دم ؟
لأن كانت لي تجربة سيئة أول ماحملت والدكتورة استخدمت حقي الداخلي وتميت أعاني من جرح ودم وألم ما وقف عني إلا عقب كم يوم : (