aisha.. madam simo;13104489:
الف مبروك للحوامل والله يرزق كل المحرومات
انا كمان عرفت اني حامل من 6 ايام
عملت تحليل منزلي وأكدت بتحليل دم
الحمدلله يا رب وربي يتمم بخير
حبيبته ♥;13102163:
وعليكم السلام
كل عام وانتين بخيييير :lol:
اي أنا بكرية :lol: .. وانتي بعد :L: ؟؟
مرمروره;13104388:
-يارب ياختي العزيزه يدي كل محررررروم
-يارب يرزقكم جميعا بالخلف الصالح
-انا معاكم في التجمع داه ان شاء الله لسه عارفه اني حامل من 4 ايام
aisha.. madam simo;13104489:
الف مبروك للحوامل والله يرزق كل المحرومات
انا كمان عرفت اني حامل من 6 ايام
عملت تحليل منزلي وأكدت بتحليل دم
الحمدلله يا رب وربي يتمم بخير
الف مبرووك الحمل والله يثبته ان شاء الله :)
حبيبته ♥;13105223:
أمهات احنا ألحين نعتبر في أي شهر ؟
الأول ؟ أو دخلنا الثاني ؟
وأمهات البحرين .. من متى راح تتابعون الحمل ومع من ؟
وشنو الأكلات المفيدة حتى ناكلها بداية الأشهر ؟ وشنو الاشياء الضارة؟
ومتى تبدأ اللوعة عندنا >> أكثر شي خايفة منه وادعي الله ليل نهار اني ما اتمرض وايد
أنا الشوق;13108647:
حساب في أي شهر انتي تطلعينه من آخر دوره لج + الدوره تاخذ كم يوم لين تجي مره ثانيه؟؟ هو في العاده يحسبونه على 28 يوم وهاذي اللي المواقع تحسبه، وفي بعض المواقع تعطيج خيار انج تدخلين الفتره وحتى تختارين اليوم اللي صار فيه التلقيح !! عشان تكون النتيجه أدق
وعن متى تروحون المستشفى، وايد ناس يقولون مع بداية الشهر الثالث بس انا ضد هالشي
أول ماتكتشفين انج حامل سيده اخذي لج موعد وروحي للمستشفى، الدكتوره بتقول لج عن الممنوعات والمسموحات وغيرها و شسمه تسوي لكم أشعه حق تشوف كيس الحمل اذا موجود واذا كان داخل الرحم ولا برا
+
تعطيكم الفوليك أسيد اللي هو وااايد مهم عن التشوهات ولازم أصلا كل وحده تاخذه من قبل ما تحمل
بس احنا هني العلم مايوصلنا الا عقب مايصير قديم :lol:
ووو شسمه
أنا وياكم :o وعلى حسب كلام المواقع والحساب العادي ولادتي بتكون في 28 -4-2010
بس لأن دورتي تيي كل 30-32 يوم فصار التاريخ اليديد 1-5 <<<<< للحين ترى مب مستوعبه اني اكتب هالحجي :confused:
ولي عوده مع بعض المعلومات
أنا الشوق;13108675:
عندي جم ورقه فيهم معلومات وملاحظات مهمه
أول شي
مدة الحمل:
يتم حساب المده من أول يوم لآخر دوره لك
ويستمر الحمل لمدة تتراوح بين 37 الى 42 أسبوع، ويكون موعد الولاده المتوقع في الأسبوع ال40
ويكون الموعد المتوقع:
5% من الولادات تكون في نفس اليوم
50% خلال أسبوع من الموعد المتوقع
90% خلال أسبوعين من الموعد
وقياس السونوغرام للجنين يكون هو الأكثر دقة في تحديد موعد المولاده
اممممم طبعا الاوراق فيها معلومات كثيره تتعلق بالتغذيه، الوزن، العلاقه الزوجيه، الدوخه والترجيع وكيفية التحكم بهما، الأدويه اللي بتحتاجينها، أعراض الحمل الأخرى، الفحوص والمواعيد خلال فترة الحمل كلها (متى تروحين للدكتور، وفي كل زياره وش راح يسوون لج)، السفر أثناء الحمل والرياضه
فأي شي تبون تسألونه من هالمواضيع بكتب لكم جوابه
لأن مالي مزاج أترجم واكتب كل شي :|
ام اتنا;13109313:
مرحباااااا
شخباركم
حبيت اظم روحي وياكم :) بعد تعب وعلاج اخيرا حملت واله يثبته لي ويتمم لي على خيرر ياااارب
انا موعد ولادتي ان شاءا لله راح تكون في 16/5 /2011
وللحين الدكتورة ماشافت كيس الجنين وشاكة انه خارج الرحم دعواتكم لي انها تشوفة الموعد الجاي يااارب
انا اتابع بالمستشفى الامريكي عند دكتورة الكا :)
بالنسبة للوحام انا من قبل الدورة كنت احس بدوورة ولوعة والحين ساعات تزيد وساعات تقل بس مافي تفريغ الحمد لله
دعواتكم بناااااااااااااااات
حبيبته ♥;13111138:
أنا من أول ما عرفت إني حامل مباشرة أخذت لي موعد مع الدكتورة
رحت عند دكتورة كيران في ابن النفيس
أحسها وايد شاطرة وتفهم وعطتني معلومات اش كثر وكم نوتس وأوراق أقرأ فيهم
ونصحتني بالفوليك أسيد واشتريته من الصيدلية ودوامت عليه من أول ماعرفت بالحمل
واليوم شرينا كتاب من المكتبة الوطنية عن الحمل اسبوع بعد اسبوع
وايد فيه معلومات مفيدة وحلوة, وإن شاء الله نتشارك كلنا حتى نستفيد ونفيد
وان شاء الله الموعد الجاي بخبر الدكتورة تعطيني موعد دقيق عن اي اسبوع انا فيه حالياً حتى نعرف الي لنا والي علينا
وعن الأكلات المفيدة والضارة
أنا قعدت أسأل واسوي سيرج في النت
وجفت كذا معلومة
ان الأناناس والمانجو والزعفران والدارسين والبقدونس والزعتر مو مفيدة حق الحامل أبدا ولازم تبتعد عنها
ولازم نكثر الأكلات الي فيها حديد وكالسيوم ..
والله يسهل علينا يارب
لازم نقرأ الآيات والقرآن والأدعية كل يوم
ونطلع صدقات على طول حتى الله يحمينا ويحمي الي في بطننا
ونسبح الله ونذكره دوم ونشكره على النعمة ..
العيناوية;13112693:
حبيت افيدكم
ترا بالنسبه للاكل مافي شي ممنوع على الحامل بس تاكل ولاتكثر منه انا في حملي هالمره وولدي بعد الأناناس اكلته والمانجو بعد والزعفران في شهر رمضان كل يوم اشربه والبقدونس بالعكس وااايد زين ومفيد للحامل والزعتر بعد والزعتر موقصدهم الي ناكله مع الخبز لا الي نشربه لانه حار شوي .
وفي حملي هذا اتبعت نظام عذائي وفاد معاي وخفف اللوعه .
وقفت اكل كل شي حار والي فيه بهارات نفس الصالونه والمجبوس وتوابعه :thumbs_up: تميت على السلطات والشوربات الخفيفه والعيش ابيض مع اشياء مشويه تميت جم شهر على هالنظام والحين رجعت آكل شوي من هذي الاكلات .
واللفوليك اسيد مهم جدا وتقدرون تحصلونه من الاكل مع الحبوب وهو موجود وبنسبه كبيرة في العدس :thumbs_up: والفول في البطيخ الاصفر والبابايا وعصير البرتقال والسبانخ وطبعا افضلهم الزبيب . انا مرات ماكنت انتظم في الحبوب لكن اعوضه بالاكلات الي تحتوي على نسبه كبيرة منه .
اتمنى افدكم ولو بشي بسيط