وبعدين وياش يامرت حمي(المستجدات ص5)

انا منج ما اهتم ليها
في البداية اعفس المكان لكن بعدين اقول ما تسوى اعور راسى عشانها

مشكورة حبيبتي والله تجيني ايام اطنش وايام اصير وايد حساسة وماقدر اجود روحي من القهر واقعد اصيح واعور راس زوجي وعقب يوم اقول قهرت روحي وهي ماتستاهل خليتها تفرح لانها فازت وصيحتني ..

ام شهووودة الحلوة;13771317:
الحين اخر المستجدات اني قمت اطنش وراتحت وايد وايد وايد يعني اذا تسوي لي حركات ماهتم ولا ازعل روحي واسوي روحي مو مهتمة .. وزوجي طبعا مايكلمها مو عشاني لانه شاف حركاتها لي وقال ماتستاهل اسلم عليها ..

بس الحين اللي محتارة منه زوجها (( اخو زجي )) الفترة اللي طافت اذا اقول السلام عليكم اذا تكون معاه يقول عليكم السلام بكل هدوء وصوت منخفض يخاف منها ,, واذا هي مو معاه يرد السلام ويقول لي اخبارج (( مع العلم اني ماتكلم معاه بس اسلم عليه من دخلت عليهم للحين )) ..
المهم من يومين لاحظت انه مايرد على سلامي يوم سلمت عليه وهو معاها وكانت ام زوجي موجودة ومارد ومسكينه ام زوجي كسرت خاطرها وهي اللي ردت مع اني سلمت عليها قبل ساعة من هالموقف ,, المهم سويت روحي مو مهتمة وركبت غرفتي ونظفت وكلشي ,, ولما نزلت تحت احط غذا شافتني مرت حماي وقامت تغني وتبين لي انها مبسوطة انه مارد علي السلام .. وانا مشيت عنها وماعطيتها اهمية ..

انا مو هامني اخو زوجي ولا هي هامتني اللي يهمني اني مااكون غلطانه ومن ذاك اليوم ماشفته لا معاها ولا بروحة ولا ادري هل هو بس قدامها مابيسلم او قدامها ومن وراها ؟؟؟؟ الحين اللي متحيره منه هل اسلم عليه او لا ؟؟؟ ( اقصد اذا كان بروحة )) اخاف مااسلم ويقول خاصمتني وياخذون علي موقف واخاف اسلم ويحرجني ومايرد علي او انه يرد غصبا عنه وهو مايبغاني اسلم عليه ,, محتارة ومادري شنو تفكيرهم ؟؟؟

شورو علي اسلم عليه او لا ؟؟؟

بقولج شئ حبوبة

عن تجربة ;)

انا كانت حالتي مثل حالتج بالضبط

و هاي دليل على انها تغااااااااااار منج

من جي حاطها دوبها من دوبج

قبل انا كنت وايد احط لهم اهتمام حماي و زوجته

و ازعل اذا ما عطوني وجه

بس الحين طنششششششششش تعشششششششش

تنتعشششششششش هههههه :rolleyes:

و الله ولا افتكر لاني انا ساكنة معاهم على شان خاطر زوجي

و اللي يهمني زوجي بـسسس لا غير

والباقي كلهم احطهم ورا ظهري و الا اعدهم من جدار البيت

سلمو ما سلمو ردو ما ردو ابتسمو في وجهي ما ابتسمو

ما همني 8o|

اذا تميتي تهتمين فيهم صدقيني حياتج بتتدمر و حالتج النفسية

بتنعفس و بيصير كل همج رضاهم ...

فخلج منهم لا تسلمين عليها ولا شئ انا اقولج جي بس

على اساس اذا ما ردو عليج السلام

ما تنقهرين و تنبط جبدج

بس اذا جفتي ام ريلج سلمي عليها

واذا هم سلمو عليج وانتي كنتي لحالج ردي السلام

صدقيني رضا الناس غاية لا تدرك ..

و في كل بيت اهل زوج تلاقين هالاشكال

اذا مو من اهل الزوج فمن جناتهم ..

مشكورة حبيبتي

وان شاء الله جاري التطبيق .. :)

والله نفس حالتي بضبط !!
نفسيتي تكون زفته اذا كانت مرت حماي وياي بنفس المكان لاني ادري انها طول الوقت راح تنغزني بالكلام وانا ما سويت لها شيء !!
وطبعاً اهل زوجي اقصد امه وخواته يا فرحتهم اذا شافونا نحن زوجات عيالهم ما نكلم بعض !!
ما اقول غير حسبي الله ونعم الوكيل فيهم كلهم !

ما ادري ليش نسوان الحمي دائما يغيرون

مرت حماي دائما تقول لزوجي سو جذي احسن سو جذاك حسن وتقهرني وتخليني اتهاوش مع زوجي

بس ما اهتب عليها اعتب على زوحي الي ما عطها وي

مسكينه الله يكون في عونك

غايـــه;13830956:
والله نفس حالتي بضبط !!
نفسيتي تكون زفته اذا كانت مرت حماي وياي بنفس المكان لاني ادري انها طول الوقت راح تنغزني بالكلام وانا ما سويت لها شيء !!
وطبعاً اهل زوجي اقصد امه وخواته يا فرحتهم اذا شافونا نحن زوجات عيالهم ما نكلم بعض !!
ما اقول غير حسبي الله ونعم الوكيل فيهم كلهم !

زين بعد يستانسون اني بيت عمي يتضايقون :worn_out: يخافون انه ولادهم يتخاصمون بعد
ويحاولون يصلحون مساكين بس هالمرة قالتها مرت حمي في وجه عمتي لاحد يدخل 8o| << عنجد وقحة :confused:

كمايو;13831629:
ما ادري ليش نسوان الحمي دائما يغيرون

مرت حماي دائما تقول لزوجي سو جذي احسن سو جذاك حسن وتقهرني وتخليني اتهاوش مع زوجي

بس ما اهتب عليها اعتب على زوحي الي ما عطها وي

انا بعد في البداية كان زوجي مايصدقني الين اقول ليه تسوي جدي وكانت تتكلم معاه عادي في كل الامور وتبط جبدي واقول لزوجي مابينك وبينها الا السلام وتكلم معاها بس الحين شافها على حقيقتها لان قامت تقهرني جدامه وقام خاصمها حتى السلام مايسلم عليها ..

بنت الطفوف;13832220:
مسكينه الله يكون في عونك

orange mango;13833029:

دايما خلج انتي الأحسن حبيبتي

والله يسهل امورج يااااااااااااا رب

مشكورين حبيباتي :L:

اخر اخبارها

ماتبغي شي من صوبنا ولا اكل ولا شي وزوجي يساهم في بيت ابوه

والحين قبل لا تاكل اي شي تقول من يايبة اذا عرفت انه زوجي تقول ماابغي !!! حتى عمتي انقهرت منها شوي اكيد مابترضى على ولدها حتى لو كان غلطان مابترضى عليه

الظاهر انها تبي تطلع في بيت لحالها او تطلعكم من البيت ولا اجل ليش

بدت تقول منو جايبه وماتاكل وجذي قامت تبين حقيقتها اكثر واكثر والايام بتبين مبتغاها

ذكرتيني بقصة مسلسل ايام الفرج

الله يعينج عليها ..


مو ادميه هذي ...


اعوذ بالله منها ..

ام فآآطمة;13843294:
الظاهر انها تبي تطلع في بيت لحالها او تطلعكم من البيت ولا اجل ليش

بدت تقول منو جايبه وماتاكل وجذي قامت تبين حقيقتها اكثر واكثر والايام بتبين مبتغاها

ذكرتيني بقصة مسلسل ايام الفرج

اي خيووو اني بعد من امس واني افكر شكلها اما ناوية تطلع من البيت ((مع انه حالتهم المادية ماتسمح )) او انها تبغي تطلعني او تبغي تكبر السالفة وتخلي الاخوان يتخاصمون وتكبر السالفة للبيت كله وتصير مشكلة عوودة مادري شنو يدور براسها ؟؟ :confused: اتصدقين اني في حالي ولا اسوي ليها شي اقول مابغي المشاكل تكبر حتى زوجي ماقلت له انه اخوه مخاصمني عشان لا تكبر السالفة او يغير نضرته لاخوه .. الله يهديها وترتاح وتريحنا من مشاكلها انا شمعت عن نسوان الحمي بس اول مرة اشوف وحدة جدي تحقرينها تسوي مشاكل اكثر ..

هدبا;13843721:

الله يعينج عليها ..


مو ادميه هذي ...


اعوذ بالله منها ..

الله يهديها :(

وصلني خبر من حماتي

انه زوجي اذا اتصل ع البيت ومرت حماي اللي ردت يقطعة في وجهها !!!

تقول لي هو السبب لانها اذا قطع الخط تنقهر ومن جدي تسوي لج هالحركات

وانا توني ادري عن هالسالفة مع العلم انه اني دايم اقول لزوجي سلم عليها لانها تظن انه انا اللي قايله لي خاصمها او سو ليها هالحركات ,, انزين ويش ذنبي اني ؟؟؟ اني ماقلت ليه ولا شي هو شاف حركاتها لي وخاصمها :(

ياريت اللي تدخل ترد علي :(

طيب انتي كلمي زوجك وقولي له لا يسوي جذي علشان تهدى الامور

قولي لها انا سمعت انه هذا هو السبب الرئيسي في المشكله

وخلي زوجك يتصرف وصحيح هي تفكر انك تسوين نفسك طيبه

وانتي توصين زوجك من ورى لورى مع انك ماتدرين

وان شاء الله تنحل المشكله

ام فآآطمة;13852229:
طيب انتي كلمي زوجك وقولي له لا يسوي جذي علشان تهدى الامور

قولي لها انا سمعت انه هذا هو السبب الرئيسي في المشكله

وخلي زوجك يتصرف وصحيح هي تفكر انك تسوين نفسك طيبه

وانتي توصين زوجك من ورى لورى مع انك ماتدرين

وان شاء الله تنحل المشكله

مشكورة حبيبتي لانج متابعة موضوعي

انا ماقدر اكلم زوجي من اجيب طاريها يعصب علي ومن قبل قلته يوم بدا يخاصمها قلت ليه لاتخاصمها سلم عليها مو لازم تتكلم معاها بس سلم سوالي سالفة وقال انا مو ياهل عشان تامريني قلت ليه انا مااقولك هالكلام الا لمصلحتنا انت قاعد تضرني جدي هي في نظرها ان انا اللي قلت لك خاصمها فبتكرهني زياده وبتسوي لي حركات وفعلا هذا اللي قاعد يصير ,, بس زوجي رفض وقال انا حر وانا مو مقتنع اني اكلمها او اسلم عليها لانها تمر من صوبي وماتسلم علي وانا اكبر منها !!!!
من يومها وقال لي لا تجيبين طاريها لاوديج بيت ابوج :(

من جدي مو متجرأه اكلمة ,, عاد انا ويش سويت اليوم اتصلت في حماتي اكبر من ريلي دايم اتصل فيها اذا صارت مشكلة بيني وبين مرت حماي ومرة صالحتنا بس هالمرة مارضت مرت حماي انها تتدخل فمادخلت روحها ... المهم قلت ليا بالسالفة وقلت ليها انا مالي ذنب بللي قاعد يصير والمشكلة الظاهر منبعها زوجي ,, قلت ماعليج انا بكرة بقعد مع خواني هاليهال ثنينهم وبحاول اسوي شي . ولا ادري الحين شنو بتسوي بتقعد معاهم او لا . لبكرة بنشوف ويش يصير وان شاءا لله ماتنسى السالفة وتنحل المشكلة قبل لاتكبر اكثر

ام شهودة احسج مكبرة الساالفة مع انهااا ما تستااهل

وزوجج معااه حق صدقيني اشلوون تبغينه يكلمهااا وهي حتى تحتقره وتحتقرج المفروض تستانسين هو مو متهااوش مع اخووه عشاان تقولين له كلمهااا اصلاا زوجج ما سوى هالشي الا وهو شاايف بنفسه تصررفاااته قبل ما يكلمهاا

ولو مثلااا اتصل وقال انه يبغيج تتوقعيين بترووح تنااديج؟؟ هي ما تحاجيج عشاان تناديج

تسرعتي وااااايد بتصالج لحمااتج عشااان تقعد مع الاخواان وتتفااهم اصلااا مرت حمييج بتحس انهااا مهمة وانج تدورين رضااها وبجذي بتزييد المشااكل ازيد وازيييد


واذا سوت لج حرركة او قطت كلااام ردي عليهاا لو مرة وحده بحياااتج صيري جرريئة خلهاا تعررف اشلون تحترمج وتتكلم معااااج لانه ويااج الحق والصبر له حدود

مملكة بلقيس;13853367:
ام شهودة احسج مكبرة الساالفة مع انهااا ما تستااهل

وزوجج معااه حق صدقيني اشلوون تبغينه يكلمهااا وهي حتى تحتقره وتحتقرج المفروض تستانسين هو مو متهااوش مع اخووه عشاان تقولين له كلمهااا اصلاا زوجج ما سوى هالشي الا وهو شاايف بنفسه تصررفاااته قبل ما يكلمهاا

ولو مثلااا اتصل وقال انه يبغيج تتوقعيين بترووح تنااديج؟؟ هي ما تحاجيج عشاان تناديج

تسرعتي وااااايد بتصالج لحمااتج عشااان تقعد مع الاخواان وتتفااهم اصلااا مرت حمييج بتحس انهااا مهمة وانج تدورين رضااها وبجذي بتزييد المشااكل ازيد وازيييد


واذا سوت لج حرركة او قطت كلااام ردي عليهاا لو مرة وحده بحياااتج صيري جرريئة خلهاا تعررف اشلون تحترمج وتتكلم معااااج لانه ويااج الحق والصبر له حدود

لا خيووو انتين ماتعرفين ويش الوضع عندنا

اني مو هامتني هي ولا زوجها مو مهم عندي يكلموني مايكلموني براحتهم بس لايدخلوني في مشاكلهم ويخلوني اني السبب في المشكلة كلها هي قاعده تسوي جدي لان في بالها انا اللي قاعدة احد زوجي وقاعده تكبر وتكبر في السالفة حتى زوجها يطالعني باحتقار خلج مكاني يوميا اشوفها واشوف ريلها وثنينهم يطالعوني بحتقار وخنفسة واني مالي ذنب ...
وفوق هذا حسيت من كلام حماتي يوم تقول انه انتو غلطانين بعد انهم قاعدين يدافعون عنها ومطلعيني انا الظالمة لان زوجي الين ردت التلفون يسكره في وجهها وثانيا زوجي اذا اتصل ع البيت مايكون يبغاني يكون يبغي امه لاني عندي تلفون وماانزل تحت كلش الا وقت اللي بروح الشغل او يوم الجمعة وهي اساسا يوم الجمعة تروح بيت ابوها.... على فكرة انا ماقعد في البيت الا اذا زوجي موجود واذا طلع زوجي اروح بيت ابوي اقول عن المشاكل .. وكلش ماقعد في البيت الا جم ساعة ووقت النومة ... ووقت اللي اروح البيت ويكونون هم تحت تعالي شوفي نظراتهم وتسلمين مايردون شنو بيكون موقفج ؟؟؟

وانا بصراحة ماتصلت لاختهم الا عشان اخليها في الصورة باجر الين كبرت السالفة بيحطونها علي على الاقل جدي اعرف انه وحدة تدري بالتفاصيل وتدري اني مظلومة المسكينه قالت لي الله يساعدج ولاتحاتين انتي حامل الحين وانا بتصرف ولا يندرى ويش بتقول ليهم !!!

انا ماقلت لزوجي اني اتصلت وخايفة بكرة يعرف انه انا اللي تصلت ويسوي لي سالفة :(

في نفس الوقت اخاف اقول ليه ويهاوشني الحين ,, بس هو بيحس انه انا اللي اتصلت ليها لان هو يدري انه انا اللي اكيد قلت ليها لان كل بين فترة اتصل اقول ليها التطورات ..

ابعدي عن شرها والسلام ..

ضحكني زوجها مسكين باين عليه سكانه مرته حتى في السلام بتتدخل ؟

الله يساعدكم ويوفقش