وبعدين وياش يامرت حمي(المستجدات ص5)

الحين اخر المستجدات اني قمت اطنش وراتحت وايد وايد وايد يعني اذا تسوي لي حركات ماهتم ولا ازعل روحي واسوي روحي مو مهتمة .. وزوجي طبعا مايكلمها مو عشاني لانه شاف حركاتها لي وقال ماتستاهل اسلم عليها ..

بس الحين اللي محتارة منه زوجها (( اخو زجي )) الفترة اللي طافت اذا اقول السلام عليكم اذا تكون معاه يقول عليكم السلام بكل هدوء وصوت منخفض يخاف منها ,, واذا هي مو معاه يرد السلام ويقول لي اخبارج (( مع العلم اني ماتكلم معاه بس اسلم عليه من دخلت عليهم للحين )) ..
المهم من يومين لاحظت انه مايرد على سلامي يوم سلمت عليه وهو معاها وكانت ام زوجي موجودة ومارد ومسكينه ام زوجي كسرت خاطرها وهي اللي ردت مع اني سلمت عليها قبل ساعة من هالموقف ,, المهم سويت روحي مو مهتمة وركبت غرفتي ونظفت وكلشي ,, ولما نزلت تحت احط غذا شافتني مرت حماي وقامت تغني وتبين لي انها مبسوطة انه مارد علي السلام .. وانا مشيت عنها وماعطيتها اهمية ..

انا مو هامني اخو زوجي ولا هي هامتني اللي يهمني اني مااكون غلطانه ومن ذاك اليوم ماشفته لا معاها ولا بروحة ولا ادري هل هو بس قدامها مابيسلم او قدامها ومن وراها ؟؟؟؟ الحين اللي متحيره منه هل اسلم عليه او لا ؟؟؟ ( اقصد اذا كان بروحة )) اخاف مااسلم ويقول خاصمتني وياخذون علي موقف واخاف اسلم ويحرجني ومايرد علي او انه يرد غصبا عنه وهو مايبغاني اسلم عليه ,, محتارة ومادري شنو تفكيرهم ؟؟؟

شورو علي اسلم عليه او لا ؟؟؟

خلك طبيعية وسلمي عادي السلام ما فيه شئ وإذا ما رد عليك هو كيفه بس انتي لا تقطعي عادة أنك تسلمي

السلام لويه الله اختي ، سلمي انتي هذي واجب ، عاد رد او مارد براحته اللي عليج سويتيه :)

الله يعينش هاي المشاكل في بيوت العوائل صارت شي معتاد عليه
بس طنش تعش تنتعش.. وبالنسبة الى حميش راي سلمي عليه رد رد ما رد بكيفة
تكونين انتين سويتين اللي عليش والسلام على رسول الله..خلش دايما الأحسن
والله سبحانه وتعالى يشوف ويحاسب..الله يعينش ويصبرش..موفقة حبيبتي

الف شكر ليكم ^^ وانا بعد قلت بسلم رد مارد بكيفة :(

بس اللي مخوفني اقول يمكن اسلم واسبب له مشاكل وايد تهاوشة مرته اذا صاده موقف معاي واسمع صراخهم لوين ويكسر خاطري لانه طيب

حبيبتي لوز لانه منج جان سلمت لانه السلام ل الله فاذا رد زين وان مارد سوي روحج عادي وولا تهتمين ...والله يوفقج ويسر امرج ويفكج من هل البنت اللي غيرانه منج .

السلام لوجهه الله يا اختي ..


والرد من عدمه .... امر راجع له....


تحياتي

ام جنى

تصدقي ،نهي عقلها صغير و زوجها عقله اصغر، و الله ما يستاهلون تحطيهم ببالك، بس يظل السلام لله و هم ردو ما ردوا بيكفهم.

على فكرة هي مخاصمتني من نهايه رمضان

وانا مااسلم عليها ,, هي اللي خاصمتني مو انا وبدون سبب وانا قلت دام اختارت الخصام ليش اكلمها وقمت مااكلمها ولا اسلم عليها

صح كلام البنات لانه اذا تميتي اتحاتين وتفكرين وتقهرين نفسج انتي راح اتظرين نفسج وصحتج فخليها اتولي واللي ما يبج لا تبينه فانتي طنشيها وانتي مو الغلطانه واهيا اللي لازم تعتذر ودائما كوني طيبة معاها عشان تقتهر .

خلج طبيعية وسلمي عليه
بغض النظر عن شنو سببه لعدم السلام أو الرد انتي ماتبين تضرينه أو تخربين علاقته بزوجته

احملي كل شئ تشوفينه على محمل الخير وتصرفي على شجيتج وأهم شئ زوجك وبيتك وعمتك زينة ويااج خلاص

صباح الخير ام شهوووووووده انا رايي من راي الصبايا والله يهدي النفوس انتي اقهريها وخليك مره عاديه وعلى طبيعتك لا تحطينها براسك

خلج طبيعية وسلمي عليه لانه سنة الاسلام اذا رد زين وان مارد عليك يكفي انه السلام بترده

الملائكه يعني يرد عليك من هو احسن منه

إحساس قلمـ;13772018:
خلج طبيعية وسلمي عليه
بغض النظر عن شنو سببه لعدم السلام أو الرد انتي ماتبين تضرينه أو تخربين علاقته بزوجته

احملي كل شئ تشوفينه على محمل الخير وتصرفي على شجيتج وأهم شئ زوجك وبيتك وعمتك زينة ويااج خلاص

الحمد لله حمواتي وعمتي ومرت حماي الثانية ذهب وان شاء الله دووم هالطيبة والحمد لله يعرفونها ويعرفوني وكلا يقولون لي انتي اخلاقش مثلنا ويحبوني وايد :) لاني مرت الكبير ويحبوني لاني مااعارضهم في شي ,, ودايما محترمة معاهم

نفسي اغنيلك دوها يا دوها;13772023:
صباح الخير ام شهوووووووده انا رايي من راي الصبايا والله يهدي النفوس انتي اقهريها وخليك مره عاديه وعلى طبيعتك لا تحطينها براسك

يسلموو حبيبتي

مني القلب رؤياك;13772062:
خلج طبيعية وسلمي عليه لانه سنة الاسلام اذا رد زين وان مارد عليك يكفي انه السلام بترده

الملائكه يعني يرد عليك من هو احسن منه

اي هذا اللي بسويه بسلم والله يهدي النفوس

الله يعينج عليها صج صج صج وقحة وماتنتعاشر

بس انتي سلمي السلام لله ورد السلام واجب اذا سلم عليج

ولاتشغلين نفسج وياها لان يبين ان قلبها اسود وحابة المشاكل عكسج

ولاتدققين في كل شي تسويه ترا بتتعبين

شوفي مسئلت السلام امر منتهين منه السلام لله مو لها ولا لريلها الي مشيته بكيفيها وبعد ماتسلمين لاتعتبرينهم قاعدين يمك كلمي ام ريلك , قعدي مع ام ريلك وايد وحتى يوم الي مارد السلام المفروض قاعده يم ام ريلك وقايله لها يمه بسئلك انا بدر مني شي موزين ومايرد السلام علي ؟ علشان تعرف انه انتي انتبهتي وتعرف انهم غلطانين وربي يهدي ريلها ....

خليهااا تولي داام انه زوجج واهله معااج لا تفتكرين فيهاااا بالعكس خلش جذية على طول عشاان ما يغيرون نظرتهم لج يعني دخلي سلمي وسولفي مع الكل الا معااها لانج حاولتي كذا مرة وهي اللي راافضة فلا تتعبين روحج وتردين تحاولين هي يمكن محترة منج لانه تشوف اهل زوجج يحبونج اكثر منهااا

لو محلج ما اهتميت فيهااا خلهاا تسولف وتتكلم عنج من اليوم لباجر اهم شي انتي معاااج الحق

طنشيهااا وزوجهااا مبين عليه طيب ويخااف منهاااا بالدليل انه ما يبغي يسووي مشااكل معااااها ولا انه يخااصم احد

شكرا حبيباتي :) خففتو علي

جربي سلمي عليه لحاله مو وياها واذا رد كان بها مارد والله هم الخسرانين انتين مابتخسري ولااااااااااااااااااا شي


وخلي الحياه ايزي لاتعطي اهميه للي مايستاهلوا صدقيني


ترى وجودهم وعدمه واحد